Ochéa 4:11 - Tupanaarü Ore

¹¹ Rü ngẽma nax ngexü̃ i ngĩxü̃nemaxã taxegüxü̃maxã namaxẽxü̃gagu rü ñu̱xũchi nax bínumaxã nangãxẽxü̃gagu rü chorü duü̃xü̃gü nüxü̃ inarüngümae i ngẽma mexü̃ i ĩnü.

Ochéa 4:11 Referans Kwoze

Ucu̱xẽgüchiga 20:1

Yimá ngúcü ya bínu rü duü̃xü̃güxü̃ nuxica naxuegaxẽxẽ. Rü ngẽma ngúxü̃ i nacuchíxügü rü duü̃xü̃güxü̃ nanuexẽxẽ. Rü ngẽxguma nangãxegu rü taxúema tümaãẽxü̃ tacuáãcüma tidexa.

Ore i mexü̃ ga Luca ümatüxü̃ 21:34

¡Pexũãxẽgü nax tama ta̱xacürü chixexü̃gagu düxwa nüxü̃ perüxoexü̃ nax peyaxõgüxü̃! Rü ngẽmaca̱x penaxwa̱xe nax pegüna pedaugüxü̃ nax tama pengãxẽxü̃ rüẽ̱xna ñoma i naanearü ngúchaü̃gu perüxĩnüexü̃. Erü ngürüãchi ngẽmagu íperüxĩnüeyane tá íchangu.

Ichaía 28:7

Natürü nangẽxma i togü i bínuarü ngu̱xmaxã ichü̱xatanücüüxü̃ rü axexü̃ i ngúxü̃maxã itaixteparatanücüüxü̃. Rü ngẽma chacherdótegü rü orearü uruü̃gü rü axexü̃ i ngúxü̃maxã nichü̱xatanücüxü rü nitaixteparatanücüxü. Rü bínumaxã naxãũãẽgü. Rü axeü̃ i ngúxü̃gagu nitaixteparatanücüxü. Rü toxicaxü̃ nixu rü ngéma namuga i ngẽxguma nango̱xetügu. Rü ngãxãcü nanaxuegu i poxcu.

Ochéa 4:12

Rü ngẽma chorü duü̃xü̃gü rü ínatüe erü naxchicüna̱xãgü i nainaxca̱xmare ixĩgüxü̃na nacagü nachiga i ta̱xacü tá yixcüra ngupetüxü̃. Rü naxü̃nearü ngúchaü̃, rü nüxü̃ napora, rü ngẽmagagu ngexü̃gü i ngĩxü̃nemaxã taxegüxü̃maxã namaxẽ rü ngẽmaãcü choxna nixĩgachitanü.

Ichaía 5:12

Rü perü õnagü i taxü̃wa rü árpamaxã, rü árpaxacügümaxã rü tutugümaxã, rü wowerugümaxã pepaxetagü rü ñu̱xũchi perü bínu rü nata. Natürü pema rü tama nüxna pecua̱xãchie i ngẽma mexü̃gü i pexca̱x naxüxü̃ ya Cori ya Tupana, rü tama norü puracügu perüxĩnüe.

Ngu̱xẽẽtaeruü̃arü ore 7:7

Rü ngẽma diẽru rü chixexü̃wa nanaga i ngẽma duü̃xü̃gü i cua̱x nüxü̃́ ngẽxmaxü̃. Rü ngẽma ãẽ̱xgacügü rü diẽruca̱x chixri duü̃xü̃gümaxã inacua̱xgü.

Ucu̱xẽgüchiga 6:32

Natürü yíxema ngexü̃ i ãtéxü̃maxã maxü̃́xẽ, rü tama tümaãẽxü̃ tacua̱x rü tügütama chixexü̃wa tangẽxmaxẽxẽ.

1 Chamué 25:36

Rü yexguma ngĩma ga Abigái nataeguxgu rü nüxü̃ iyangau ga gumá ngĩte ga Nabáx ga napatawa peta ixücu. Rü taxü̃ ga õna ínaxü ñoma wüxi i ãẽ̱xgacü i réica̱x üxü̃rüxü̃. Rü nüma rü nataãxẽ rü poraãcü nangãxü̃. Rü yemaca̱x ga ngĩma rü taxuxü̃ma namaxã iyaxu ñu̱xmata moxü̃ãcüama.

Ucu̱xẽgüchiga 31:4

Pa Lemuéx, tama name i ãẽ̱xgacügü bínu rü ngúxü̃ i a̱xchixü nax yaxaxgüxü̃.

Ochéa 7:11

Rü ngẽma Iraéanecüã̱xgü i Efraíü̃tanüxü̃ rü ñoma muxtucu i nu ne nañaxü̃ rü ngearü cuááxü̃rüxü̃ nixĩgü. Rü ngẽmaca̱x Equítuanecüã̱xgüna ngü̃xẽẽca̱x nacagü, rü ñu̱xũchi Achíriaanecüã̱xgüna ngü̃xẽẽca̱x nacagü.

Yeremía 23:13

Choma rü marü nüxü̃ chadau i ngẽma Chamáriaanearü orearü uruü̃güneta nax chixexü̃ naxügüxü̃ rü ngẽmaãcü choxü̃ nanuxẽẽgüxü̃. Erü nüxü̃ nixugü nax tupana yixĩxü̃ i Baá rü ngẽmaãcü choxna nayaxĩgachixẽxẽ i chorü duü̃xü̃gü i Iraétanüxü̃.

Ochéa 5:4

Rü ngẽma chixexü̃ i nagu namaxẽxü̃ i Iraéanecüã̱xgü rü ngẽma nixĩ i nüxü̃́ nanaguxchaxẽẽxü̃ nax norü Tupanaca̱x nawoeguxü̃. Rü tama nüxü̃ narüxoechaü̃ nax norü tupananetagüxü̃ yacua̱xüü̃güxü̃ rü ngẽmaca̱x nüxü̃́ naguxcha nax Tupanaxü̃ nacua̱xüü̃güxü̃.