Biblia Todo Logo
Bib sou entènèt

- Piblisite -




Ochéa 4:10 - Tupanaarü Ore

10 Rü ngẽma chacherdótegü rü marü choxna naxĩgü, rü ngẽmaca̱x rü woo nachibüegu rü tá nataiyaeama. Rü woo ngexü̃gü i ngĩxü̃nemaxã taxegüxü̃maxã namaxẽxü̃gu, rü tagutáma naxãxacügü.

Gade chapit la Kopi




Ochéa 4:10
18 Referans Kwoze  

Rü tá pechibüe natürü taxũtáma pengãxcharaü̃gü rü tá petaiyaama. Rü perü õnagü tá pede, natürü taxuwatáma pexü̃́ name i ngẽma. Rü woo íxraxü̃maxã penguxü̃gu rü daiwa tá pexna chanapuxü̃xẽxẽ.


Rü ngẽxguma guxchaxü̃ naxca̱x íchanguxẽẽgu i penetügü, rü tá nanoxretama i perü paũ. Rü 10 i ngexü̃gü rü wüxitama i paũarü guruü̃wa tá nayagugü i perü paũ. Rü ngẽma nax nanoxrexü̃ i perü paũ rü tá pexü̃ nixírachigü, rü ngẽmaca̱x taxũtáma pengãxpütüwegü.


Rü pema rü muxü̃ma i penetü petogü natürü noxretama i norü o pibuxgü. Pechibüe natürü tama pexü̃́ ningu, rü pexaxegü natürü pita̱xawaeama. Rü pegü pidüxgü natürü taguma penaiwe. Rü yíxema puracüxe rü tanayauxtanü i tümaarü puracü natürü paxãma tüxü̃́ nagu. Rü ñoma choca irügáuxü̃gu tananúcuxü̃rüxü̃ nixĩ.


Rü ngẽxgumarüxü̃ tá ta ichayanaxoxẽxẽ i ngẽma duü̃xü̃gü i choxna ixĩgachixü̃, rü tama cha̱u̱xca̱x daugüxü̃ rü tama choxna cagüexü̃ ega ta̱xacü nanaxwa̱xegügu —ñanagürü tá.


Natürü i choma rü taxũtáma chanapoxcue i ngẽma pexacügü rü ngẽma peneã̱xgü naxca̱x nax togü i yatügümaxã namaxẽxü̃, erü pemax rü ta namaxã pemaxẽ i ngẽma togü i ngexü̃gü i ngẽxguma ngẽma tupananetagüxü̃ picua̱xüü̃gügu. Rü ngẽmaãcü ngẽma duü̃xü̃gü i cua̱x nüxü̃́ taxuxü̃ rü guxchaxü̃gu nayi.


Natürü ngẽxguma chi wüxi i duü̃xü̃ i mea maxchiréxü̃ nüxü̃ rüxoxgu nax mea namaxü̃xü̃, rü naxüãxgu i guxü̃ma i chixexü̃ i tama namaxã chataãẽxü̃ ¿rü namexü̃ yixĩxü̃ nax tama napoxcuxü̃? Rü pemaxã nüxü̃ chixu rü tá napoxcu. Rü guxü̃ma ga yema mexü̃ ga noxri naxüxü̃ rü choma rü tá nüxü̃ icharüngüma. Rü nüma rü tá nayu nagagu i ngẽma norü chixexü̃gü. Rü choma ya Cori ya Tupana nixĩ i ngẽma ñachaxü̃.


Yimá yatü ya mecümacü, rü guxü̃guma mea nachibü. Natürü ngẽma chixexü̃gu maxü̃xü̃ rü nataiya.


Natürü ngẽma duü̃xü̃gü i chixexü̃ i nacümagu ĩxü̃ ¡rü poxcu namaxã naxuegu! Erü ngẽmatama nixĩ i woetama naxca̱x ixĩxü̃ i ngẽma chixexü̃ ügüxü̃. ¡Rü Iraétanüxü̃na naxã i taãxẽ!


Rü ngẽma duü̃xü̃ i chixexü̃ rü ngẽxguma yadexagu rü taguma mexü̃ i orexü̃ nixu rü doraxü̃xicatama nixu. Rü wüxi i duü̃xü̃ i tama naãẽxü̃ cuáxü̃ nixĩ, rü taguma mexü̃ naxü.


Rü nawena nax nayuxü̃ ga Yoiadá rü ãẽ̱xgacü ga Yoáxü̃tawa naxĩ ga Yudáanearü ãẽ̱xgacügü rü Yoáxü̃ narümecugü. Rü nüma ga ãẽ̱xgacü rü nanayaxu ga norü ucu̱xẽgü ga nüxna naxãgüxü̃.


Rü ñu̱xma nax penaxüchicüxü i pecüma rü ípenanguxü̃xẽxẽ i petanüxü̃ i mugüruxü̃ ixĩgüxü̃, rü ngẽmaãcü peyanguxẽxẽ i ngẽma pemaxã nüxü̃ chixuxü̃, erü penaxü i ngẽma choma namaxã chataãẽxü̃. Rü chope̱xewa marü chomaxã ipexunetagü nawa ga chopata ya cha̱u̱xca̱xicatama ixĩxü̃ne.


Rü cuwa nangẽxma i ñuxre i chixexü̃ i duü̃xü̃gü i ãẽ̱xgacügüpe̱xewa idorata̱xagüxü̃ rü ngẽmagagu nayue i ngẽma taxuxü̃ma i chixexü̃ ügüchiréxü̃. Rü ngẽma duü̃xü̃gü i chixexü̃gu maxẽxü̃ rü ma̱xpǘnegüwa nanaxüchiga i norü naxchicüna̱xãgü, rü ngẽmaãcü nanaxügü i taxü̃ i chixexü̃gü i ãũãchixü̃.


Rü guxü̃ma i nümagü rü ñoma wüxi i yatü i to i ngexü̃ca̱x naxma̱xna ixũgachixü̃rüxü̃ choxna nixĩgachi. Rü wüxi i paũarü üruxü̃ rü nayanaixẽxẽ i norü paũarü guruxü̃. Rü ngẽxguma nanañumü i norü paũchara rü ínayanguxẽxẽ nax yapuxgüxü̃ rü yoxni nanaiecha i norü paũarü guruxü̃. Rü ngẽxgumarüxü̃ ta nixĩ i ngẽma duü̃xü̃gü erü tama nixogü i norü ngúchaü̃ nax chixexü̃ naxügüxü̃.


¿Texé tixĩ ya nüxü̃ cua̱xüchixe nax ngẽmaãcü nüxü̃ tacuáxü̃ca̱x i ngẽma tá ngupetüxü̃? ¿Rü texéxü̃ nixĩ i nüxü̃ nacua̱xẽxẽxü̃ ya Cori ya Tupana i guxü̃ma i ngẽma tá ngupetüxü̃ nax ngẽmaãcü togümaxã nüxü̃ tixuxü̃ca̱x? ¿Rü ta̱xacüca̱x yixĩxü̃ i chixexü̃wa nangẽxmaxü̃ i ñaa nachixü̃ane? ¿Rü ta̱xacüca̱x yixĩxü̃ i ñoma chianexü̃ i taxúema nawa üpetüxü̃rüxü̃ yixĩxü̃?


Swiv nou:

Piblisite


Piblisite