Ochéa 4:1 - Tupanaarü Ore

¹ Pa Iraéanecüã̱xgüx ¡iperüxĩnüe i ngẽma pemaxã nüxü̃ yaxuxü̃ ya Cori ya Tupana! Nüma rü pemaxã nanu, erü petanüwa rü marü tataxuma ya texé ya tümamücümaxã ixaixcümáxe, rü bai ya texé ya aixcüma naxǘxe i ngẽma Tupanamaxã nüxü̃ tixuxü̃, rü bai ya texé ya aixcüma Tupanaxü̃ cuáxe.

Ochéa 4:1 Referans Kwoze

Yeremía 4:22

Rü nüma ya Cori ya Tupana rü ñanagürü: —Ngẽma chorü duü̃xü̃gü rü tama naãẽxü̃ nicua̱x, rü tama choxü̃ nacua̱xgü. Rü ñoma nanegü i taxuwama imexü̃ rü tama nagu rüxĩnüexü̃rüxü̃ nixĩgü. Rü nüxü̃ nicua̱xüchi nax chixexü̃ naxügüxü̃, natürü tama nüxü̃ nacua̱xgü nax mexü̃ naxügüxü̃ —ñanagürü.

Miquéa 6:2

Rü pema, Pa Ma̱xpǘnegü ya Taxü̃ne rü Íxrane, ¡iperüxĩnüe! Erü Cori ya Tupana rü pepe̱xewa tá nüxü̃ nixu i norü duü̃xü̃gü i Iraétanüxü̃arü chixexü̃.

1 Corintios 15:34

Rü name nixĩ i mea pegüãẽgu perüxĩnüe rü nüxü̃ perüxoe i ngẽma perü chixexü̃gü. Rü wüxi i perü ãne nixĩ nax pemaxã nüxü̃ chixuxü̃ nax ñuxre i pemax rü tama aixcüma Tupanaxü̃ pecua̱xgüxü̃.

Romanos 1:28

Rü yema nax tama Tupanaxü̃ nacua̱xgüchaü̃xü̃, rü yemaca̱x ga nüma ga Tupana rü düxwa nanayexrü ga yema duü̃xü̃gü nax norü chixexü̃gu naxĩnüexü̃ca̱x rü naxügüã̱xü̃ca̱x ga yema chixexü̃.

Ochéa 12:2

Rü nüma ya Cori ya Tupana rü ngẽma Yudáanecüã̱xgümaxã nanu. Rü nacümagü i chixexü̃gagu rü tá ngẽma Acóbutanüxü̃xü̃ napoxcu. Rü ngẽmaãcü tá nayangutanüxẽẽgü naxca̱x ga yema norü chixexü̃ ga naxügüxü̃.

Yeremía 25:31

Rü ngẽma naga i ñoma duruanexü̃rüxü̃ ixĩxü̃ rü guxü̃ i naanewa nangu, erü nüma ya Cori ya Tupana rü taxü̃ i poxcu tá naxca̱x ínanguxẽxẽ i guxü̃ma i nachixü̃anecüã̱x i duü̃xü̃gü. Rü norü chixexü̃ca̱x tá nüxna nicachigü i guxü̃ma i duü̃xü̃gü i ñoma i naanewa maxẽxü̃, rü tá yu namaxã naxuegu i ngẽma chixexü̃gu maxẽxü̃. Rü nümatama ya Cori ya Tupana nixĩ i nüxü̃ ixuxü̃ i ngẽma” —ñanagürü.

Yeremía 5:4

Rü choma nagu charüxĩnügu rü yíxema ngearü diẽruã̱xgüxexica tixĩ ya tümaechitamare maxẽxe erü tama nüxü̃ tacua̱xgü nax ta̱xacü yixĩxü̃ i ngẽma Cori ya Tupana tüxü̃́ naxwa̱xexü̃, rü ñu̱xũchi tama nüxü̃ tacua̱xgü i ngẽma Tupana tüxü̃ muxü̃.

Ichaía 34:1

¡Pa Guxü̃ma i Nachixü̃anecüã̱x, dücax, nua pexĩ rü iperüxĩnüe i ngẽma tá pemaxã nüxü̃ chixuxü̃! ¡Rü nüxü̃ naxĩnü i ñoma i naane rü guxü̃ma i nawa ngẽxmagüxü̃! ¡Rü nüxü̃ naxĩnü i guxü̃ma i naane rü guxü̃ma i ngẽma nawa yaexü̃!

Ichaía 1:18

¡Ẽcü nua pexĩ rü ngĩxã perü chixexü̃chiga tidexagü! Rü ngẽxguma chi perü maxü̃ rü woo nadauxuchigu namaxã i perü chixexü̃, natürü i choma rü ñoma gáuxü̃chara i cómüxü̃chixü̃rüxü̃ tá chayaxĩxẽxẽ. Rü ngẽxguma chi woo wüxi i naxchiru i waxüchixü̃rüxü̃ yixĩxgu i perü pecadugü, natürü i choma rü ñoma wüxi i carnéruta̱xa i cómüxü̃chixü̃rüxü̃ tá chanacómüxẽxẽ.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:29

Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü’ ”, ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:11

Rü yíxema ãchi̱xẽ́xẽ rü name nixĩ i naga taxĩnü i ngẽma Tupanaãxẽ ya Üünecü nüxü̃ ixuxü̃ namaxã i ngẽma yaxõgüxü̃tücumügü. Rü yíxema ñoma i naanewa nüxü̃ rüporamaexẽ i chixexü̃, rü taxũtáma ngẽma tama Tupanaga ĩnüexü̃ ípoxcuexü̃gu tapoxcu’ ”, ñanagürü.

Ore i mexü̃ ga Cuáü̃ ümatüxü̃ 8:55

Natürü i pema rü tama nüxü̃ pecua̱x ya Chaunatü ya Tupana. Natürü i choma rü ngẽmáacü nüxü̃ chacua̱x. Rü ngẽxguma chi: “Tama nüxü̃ chacua̱x”, ñachagu, rü pexrüxü̃ chi wüxi i dorata̱xáxü̃ chixĩ. Natürü i choma rü aixcüma nüxü̃ chacua̱x ya Chaunatü ya Tupana, rü naga chaxĩnü i norü ore.

Amúx 7:16

Rü ngẽmaca̱x ¡írüxĩnü i ngẽma Cori ya Tupanaarü ore! Rü cuma rü ñacurügü choxü̃: “¡Taxṹ i Tupanaégagu poxcu namaxã cuxuegu i ngẽma Iraétanüxü̃, rü bai i ta̱xacürü chixexü̃xü̃ quixu nachiga i ngẽma Ichaátaagü!” ñacurügü.

Ochéa 5:1

Rü Cori ya Tupana rü ñanagürü ta: —¡Choxǘ iperüxĩnüe, Pa Chacherdótegüx! ¡Rü choxü̃́ iperüxĩnüe, Pa Iraéanecüã̱xgüx! ¡Rü choxü̃́ iperüxĩnüe Pa Ãẽ̱xgacügütanüxü̃ i Iraéanemaxã Icua̱xgüxü̃! Choma rü tá pexü̃ chapoxcue erü peyawomüxẽẽgü i chorü duü̃xü̃gü, rü yexeraãcü chixexü̃gu penayixẽxẽ i ngẽma Iraéanecüã̱xgü. Rü pemax, rü penamu nax yima ngutaque̱xepataü̃gü ya Mispáwa rü Tabóxwa ngẽxmagünewa tupananetagüxü̃ yacua̱xüü̃güxü̃.

Yeremía 34:4

Pa Yudáanearü Ãẽ̱xgacü Pa Chedequía, ¡mea írüxĩnü i ñaa ore i choma ya Cori ya Tupana cumaxã nüxü̃ chixuxü̃! Rü taxũtáma taragu cuyu.

Yeremía 19:3

¡Rü ñacurügü tá: “Pa Yudáanearü Ãẽ̱xgacügüx rü Pa Yerucharéü̃cüã̱xgüx, ¡rü iperüxĩnüe ya yimá Iraétanüxü̃arü Tupana ya Guxãétüwa Ngẽxmacüarü ore i ñaxü̃! Rü ñaa naanewa tá chanamu i wüxi i taxü̃ i guxchaxü̃. Rü guxãtáma ya yíxema nüxü̃ ĩnüchigaxe rü tá taba̱i̱xãchie.

Yeremía 9:20

Pa Ngexü̃güx, ¡iperüxĩnüe i ngẽma Cori ya Tupanaarü ore, rü iperüxĩnüe i ngẽma nüxü̃ yaxuxü̃! ¡Rü penangúexẽxẽ i pexacügü nax naxauxexü̃! ¡Rü ngẽxgumarüxü̃ ta pemücügüxü̃ pengúexẽxẽ nax ñaãcü ngechaü̃ãcü naxauxexü̃!

Yeremía 7:28

¡Rü namaxã nüxü̃ ixu rü ñanagürü nüxü̃! “Ñaa nixĩ i ngẽma nachixü̃ane i tama norü Cori ya Tupanaga ĩnüexü̃ rü tama naxwa̱xexü̃ nax texé naxucu̱xẽxü̃. Rü norü duü̃xü̃gü rü marü tama naã̱xwa ínaxũxũ i ore i aixcüma ixĩxü̃”, ñacurügü nüxü̃ —ñanagürü.

Yeremía 6:13

Rü ñanagürü: —Guxü̃ma i ngẽma muarü diẽruã́xü̃ rü ngẽma noxrearü diẽruã́xü̃, rü nagu narüxĩnüe nax chixexü̃wa nayauxgüãxü̃ i diẽru. Rü guxü̃ma i ngẽma orearü uruü̃gü rü chacherdótegü rü duü̃xü̃güxü̃ nawomüxẽxẽ.

Yeremía 4:28

Rü ngẽma naane rü ngechaü̃maxã tá nayapa, rü dauxü̃wa rü tá naxẽane. Rü ngẽma nixĩ i nüxü̃ chixuxü̃ i nagu charüxĩnüxü̃ rü ngẽmaca̱x taxũtáma nüxü̃ charüchau nax chayanguxẽẽxü̃ i ngẽma poxcu. Rü taxũtáma chanangexrü nax chanaxüxü̃ i ngẽma —ñanagürü.

Yeremía 2:4

¡Pa Acóbutaagü Pa Iraétanüxü̃x, rü iperüxĩnüe i norü ore ya Cori ya Tupana!

Ichaía 66:5

Rü ñanagürü: —¡Dücax, pema nax Tupanaga pexĩnüexü̃, rü iperüxĩnüe i norü ore! Rü nümaxü̃ i pemücügü i pexchi aiexü̃ rü pewe ingẽxü̃tanüxü̃ naxca̱x nax chorü duü̃xü̃gü pixĩgüxü̃, rü choxü̃ nacugüeãcüma rü ñanagürügü: “Ẽcü Tupana toxü̃ nawé i norü pora erü nüxü̃ tadaugüchaü̃ nax petaãẽgüxü̃”, ñanagürügü. Natürü ngẽma pemücügü i ngẽmaãcü idexagüxü̃ rü Tupana tá nanaxãneexẽxẽ.

Ichaía 34:8

Rü ngẽma ngunexü̃gu tá nixĩ ya Cori ya Tupana inapoxcueãxü̃ i Edóü̃cüã̱xgü. Rü yimá taunecügu rü Tupana tá Iraétanüxü̃xü̃ naxütanü naxca̱x ga yema chixexü̃ ga Edóü̃cüã̱xgü Chióü̃wa ügüxü̃.

Ichaía 28:14

Rü ngẽmaca̱x, Pa Yatügü i Tauéegama Ĩnüechaü̃xü̃ i Yerucharéü̃maxã Icua̱xgüxü̃x, ¡rü iperüxĩnüe i Cori ya Tupanaarü ore!

Ichaía 5:3

Rü ñu̱xmax rü ñanagürü pexü̃ ya Tupana: —Pa Ĩane ya Yerucharéü̃cüã̱xgü rü Ñaa Yudáanecüã̱xgüx ¡rü nüxü̃ pixu! ¿Rü texégagu nixĩ i ngẽma úbanecü i nangúchixaxü̃ i norü o? ¿Rü nagagutama rü ẽ̱xna chaugagu?

Ichaía 1:10

¡Pa Yerucharẽü̃arü Ãẽ̱xgacügü i Ñoma Chodómaarü Ãẽ̱xgacügürüxü̃ Ixĩgüxe, rü iperüxĩnüe i Cori ya Tupanaarü ore! ¡Pa Duü̃xü̃gü i Yerucharéü̃cüã̱x i Ñoma Gomóracüã̱xrüxü̃ Ixĩgüxe, mea iperüxĩnüe i ngẽma Cori ya Tupana tá pemaxã nüxü̃ ixuxü̃!

Nüxíraxü̃xü̃ ga popera ga ãẽ̱xgacügüchiga 22:19

Rü nüma ga Micaía rü nanangãxü̃ rü ñanagürü: —Chanaxwa̱xe i icurüxĩnü i ñaa to i norü ore ya Tupana. Rü nüxü̃ chadau ga Tupana ya norü tochicaxü̃wa rütocü, rü guxü̃ma i daxũcüã̱x i orearü ngeruxü̃ i naxü̃tagu chigüxü̃ ga norü tügünecüwawa rü norü to̱xwecüwawa.

Ichaía 59:4

Rü taxúema i pema mexü̃ i ĩnümaxã ãẽ̱xgacü ya guxchaxü̃arü mexẽẽruü̃pe̱xewa pexĩ. Rü ngẽma guxchaxü̃ ínamexẽẽgüpe̱xewa rü taxúema nüxü̃ tixu i ngẽma ore i aixcüma ixĩxü̃. Rü nüxü̃ tixu i ngẽma dora ixĩxü̃ rü taxúema aixcümaxü̃ tixu. Erü chixexü̃maxã penapagü rü tama aixcüma penango̱xẽxẽ i ngẽma perü chixexü̃gü.

Ichaía 59:8

Rü tama nüxü̃ pecua̱x i ngẽma nacüma i mexü̃, rü taxuwama name i ngẽma pexüxü̃. Rü ngẽma pecüma rü nachixe, rü texé ya pemaxã ãmücüxe rü tagutáma taãẽwa tangexma.

Yeremía 9:3

Rü guxü̃guma ínamegümare nax doraxü̃ yaxugüxü̃ca̱x ñoma wüxi ya würamaxã chuxchigü inamaxgüxü̃rüxü̃. Ngẽma nachixü̃anewa rü nataxüchi i dora rü bai i mexü̃. Rü yexeraãcü chixexü̃wa naxĩ. Rü nümatama ya Cori ya Tupana rü ñanagürü: —Chorü duü̃xü̃gü rü marü tama choxü̃ nacua̱xgüchaü̃ —ñanagürü ya Cori ya Tupana.

Yeremía 51:5

Natürü ngẽma Iraéanecüã̱xgü rü Yudáanecüã̱xgü rü woo poraãcü chope̱xewa chixexü̃ naxügügu rü woo pecadumaxã napaxẽẽgüãgu i norü naane, natürü choma ya Cori ya Guxãétüwa Ngẽxmacü ya Iraétanüxü̃arü Tupana ya üünecü nax chixĩxü̃ rü tama nüxna chixũgachi.

Joel 1:2

Guxü̃ma ga perü nanetügü rü munü pexü̃́ nanangõ̱x. Rü yema taxü̃ ga munügü íyaxüxẽẽgüxü̃ rü yema munügü ga ixíraxü̃ nanangõ̱xgü. Rü dücax, Pa Yaxguã̱xgü rü Guxãma i Pemax i Ñaa Nachixü̃anecüã̱xgüx, rü pexna chaca ¿rü ñuxgu nüxü̃ pedauxü̃ ga wüxi ga chixexü̃ ga ñaarüxü̃ ixĩxü̃? Rü nũxcüma ga penatügü rü taguma nüxü̃ tadau i ngẽma ñu̱xma pexü̃ ngupetüxü̃. Rü ngẽmaca̱x name i pexacügümaxã nüxü̃ pixu i ngẽma ñu̱xma pexü̃ ngupetüxü̃, rü nümagü rü tá naxacügümaxã nüxü̃ nixugügü, rü petaagü rü naxacügümaxã ta nüxü̃ nixugügü.

Wiyaegü 81:9

Rü tama chanaxwa̱xe i namaxã petupanaã̱xgü i ngẽma tama aixcüma Tupana ixĩxü̃ rü tama chanaxwa̱xe i nüxü̃ picua̱xüü̃gü i naxchicüna̱xãgü.

Yeremía 2:9

Rü ngẽmaca̱x i chomax ya Cori ya Tupana rü pemaxã nüxü̃ chixu rü ngẽma perü chixexü̃gagu tá guxchaxü̃gü pexca̱x íchangugüxẽxẽ i pemax rü woo penegü rü petaagü.

Yeremía 9:7

Rü ngẽmaca̱x i choma ya Cori ya Tupana rü ñachagürü: “¿Ta̱xacü chi i to i namaxã chaxüxü̃ i ngẽma chorü duü̃xü̃gü nax nüxü̃ naxoexü̃ca̱x i norü chixexü̃? Rü ñu̱xma rü tá taxü̃ i guxchaxü̃ naxca̱x íchanguxẽxẽ nax ngẽmaãcü nüxü̃ naxoexü̃ca̱x i ngẽma chixexü̃ i nagu namaxẽxü̃.

Yeremía 11:7

Rü yexguma Equítuanewa íchanagaxü̃gu ga yema nũxcümaü̃güxü̃ ga perü o̱xigü rü namaxã nüxü̃ chixu nax chauga naxĩnüexü̃ca̱x. Rü yexgumacürüwa namaxã nüxü̃ chixuecha ñu̱xmata ñoma i ngunexü̃wa nangu.

Echequié 16:35

Rü ngẽmaca̱x, Pa Nge i Ngeãẽcüx, ¡irüxĩnü i ñaa chorü ore! Rü choma ya Cori ya Tupana rü cumaxã nüxü̃ chixu rü ñachagürü: ‘Cuma, Pa Yerucharẽü̃x, rü tama ãneãcüma cugü ícucuxuchi nax cungeãẽxü̃ca̱x namaxã i curü yatügü rü curü tupananetachicüna̱xãgü ga ichixexü̃. Rü cunadai ga cuxacügü ga ãmarexü̃ icumugüxü̃.

Ochéa 5:4

Rü ngẽma chixexü̃ i nagu namaxẽxü̃ i Iraéanecüã̱xgü rü ngẽma nixĩ i nüxü̃́ nanaguxchaxẽẽxü̃ nax norü Tupanaca̱x nawoeguxü̃. Rü tama nüxü̃ narüxoechaü̃ nax norü tupananetagüxü̃ yacua̱xüü̃güxü̃ rü ngẽmaca̱x nüxü̃́ naguxcha nax Tupanaxü̃ nacua̱xüü̃güxü̃.

Ochéa 12:3

Rü nũxcümacürüwa naxü̃pa nax nabuxü̃ ga perü o̱xi ga Acóbu, rü naenexẽxü̃ nanapuchica. Rü yexguma marü naya̱xgu rü Tupanamaxã nügü nawogü.

Amúx 3:1

Pa Iraétanüxü̃x ¡nüxü̃ pexĩnüe i ngẽma Cori ya Tupana nüxü̃ ixuxü̃ i pechiga i guxãma i pema nax Equítuanewa pexü̃ ínagaxü̃xü̃!