Ochéa 3:2 - Tupanaarü Ore

² Rü yexguma ga choma ga Ochéa rü chomücüxü̃tawa ngĩxca̱x chataxe i wüxi i nge. Rü 15 tachinü ga diẽru rü 330 litrugü ga chebádagu nixĩ ga choxü̃́ naxãtanüxü̃.

Ochéa 3:2 Referans Kwoze

Echequié 45:11

Rü ngẽma ãte̱e̱xü̃arü ngugüruxü̃ rü name nax ãchiü̃xü̃arü ngugüruü̃maxã nawüxiguxü̃. Rü ngẽma ngugüruxü̃ i ómer i 220 litru naguxü̃ tá nixĩ i perü cua̱xruxü̃. Rü ngẽxguma ta̱xacü i ãchiü̃xü̃ pengugügu rü ngẽma ngugüruxü̃ i batú i 22 litru naguxü̃wa tá penangugü. Rü ngẽxguma ta̱xacü i ãte̱e̱xü̃ pengugügu rü ngẽma ngugüruxü̃ i efa i 22 litru naguxü̃wa tá penangugü.

Lebítanüxü̃arü puracüchiga 27:16

Rü ngẽxguma texé Cori ya Tupanana tanaxãxgu i wüxi i üye i tümaarü naane, rü natanü i ngẽma naane rü ngẽma nawa ibuxuxü̃ i chebádaarü mu tá nixĩ i nangugüxü̃ i natanü. Rü wüxichigü i 220 litru i chebáda rü 50 tachinü i diẽru tá nixĩ i naxãtanüxü̃ i ngẽma naane.

Naanearü ügüchiga 34:12

Rü nüetama ega woo nataxgu i ngẽma diẽru rü ãmaregü i ngĩxca̱x choxna naxca̱x pecaxü̃, rü choma rü tá pexna chanaxã. ¡Natürü choxna ngĩxü̃ pemux i Dína nax ngĩmaxã chaxãmaxü̃ca̱x! —ñanagürü ga Chiquéü̃.

Ichaía 5:10

Rü tomaepü̱x i ectárea i úbanecüwa rü wüxi tátama i tü̃xü̃xãcu i bínu nawa ínanguxuchi. Rü 10 i choca i taxü̃xãcu i triguchire itogüxü̃ rü norü owa rü wüxi i chocaxãcu tátama nawa ínanguxuchi —ñanagürü ga Tupana.

1 Chamué 18:25

Natürü ga nüma ga Chaú ga nagu nax naxĩnüechaü̃ ga ñuxãcü Dabíxü̃ Firitéugüme̱xẽgu nax nanguxẽẽchaü̃xü̃, rü yemaca̱x yema norü ngü̃xẽẽruü̃gümaxã ñanagürü: —¡Namaxã nüxü̃ pixu i Dabí rü tama chanaxwa̱xe i diẽru choxna ngĩxü̃ naxã ngĩxca̱x i chauxacü! Natürü ngẽma ngĩtanü i chanaxwa̱xexü̃ nixĩ i 100 i Firitéugücha̱xmüpe̱xechiraü̃gü nax nua nanaxü̃ nax ngẽmaãcü nax chanayauxtanüxü̃ca̱x i ngẽma chorü uanügüarü chixexü̃ i chomaxã naxügüxü̃ —ñanagürü.

Ínachoxü̃xü̃chiga 22:17

Rü woo ngẽxguma ngĩnatü tama naxwa̱xegu nax ngĩmaxã naxãmaxü̃, rü nüma ya yima yatü rü tá ngĩnatüaxü̃́ nanaxütanüamatama i ngẽma natanü i woetama marü ueguxü̃.

Naanearü ügüchiga 31:41

Rü 20 ga taunecü cupatawa chayexma. Rü 14 ga taunecü cuxacügüca̱x chapuracü rü 6 ga taunecü cuxü̃nagüca̱x chapuracü. Rü yema chorü puracütanü rü guxü̃guma choxü̃́ cuyaxüchicüüchigü rü taguma nawe̱xgu.

Rux 4:10

Rü ngẽxgumarüxü̃ ta nüxü̃ pexĩnüe nax ngĩxü̃ chayaxuxü̃ i ngẽma yutecü i Moáanecüã̱x i Rux nax ngẽmaãcü naxãxacüxü̃ca̱x rü yimá ngĩne rü gumá tauxeta ngĩte ga Maróü̃chicüxü nüxna naxüxü̃ca̱x i ngẽma naane —ñanagürü.

Ochéa 3:3

Rü ñachagürü ngĩxü̃: —Mucütáma ya taunecü choxrü quixĩ. Rü tama name nax cungeãẽxü̃ rü nai ya yatüna cugü nax cuxãxü̃. Rü choma rü tá ta cumaxã chixaixcüma nax mea chamaxü̃xü̃ —ñachagürü.