Ochéa 2:15 - Tupanaarü Ore

¹⁵ Rü choma rü wena táxarü nüxü̃ chanatáeguxẽxẽ i norü úbanecügü, rü ngẽma doxonexü̃ i Acóxarü metachinüanexü̃ ga noxri Guxchaxü̃chicagu ãégaxü̃ rü Taãẽchicaxü̃ tá chayanguxuchixẽxẽ. Rü ngẽma naanewa tá choxü̃ nangechaü̃gü i ngẽma Iraéanecüã̱xgü yexguma Equítuanewa ínachoxü̃gurüxü̃.

Ochéa 2:15 Referans Kwoze

Echequié 28:26

Rü ngéma rü tá taãẽãcüma namaxẽ rü taxúetama tanachixewegü. Rü tá naxüpatagü rü úbamaxã tá natoegü. Rü choma rü tá chanapoxcue i guxü̃ma i ngẽma nachixü̃anegü i nüxna ngaicamagüxü̃ i guxchaxü̃ naxca̱x ínguxẽẽxü̃. Rü ngẽmaãcü i ngẽma duü̃xü̃gü rü tá nüxü̃ nacua̱xgü nax choma yixĩxü̃ i Iraétanüxü̃arü Cori ya Tupana chixĩxü̃” —ñanagürü ga Tupana.

Yeremía 2:2

—¡Ngéma naxũ rü namaxã idexa i ngẽma Yerucharéü̃cüã̱x i duü̃xü̃gü! ¡Rü nataga nax mea nüxü̃ naxĩnüexü̃ca̱x i ñaa chorü ore i ñaxü̃! “Choma ya Tupana rü nüxna chacua̱xãchi rü yexguma noxri choxü̃ pecua̱xgügu rü mea chauga pexĩnüe. Rü yexguma noxri chorü duü̃xü̃gü pexü̃ chixĩxẽẽgu, rü choxü̃ pengechaü̃gü ñoma wüxi i nge i ngexwaca ãtecü rü ngĩtexü̃ ngechaü̃cürüxü̃. Rü yema choxü̃ nax pengechaü̃xü̃gagu rü chowe perüxĩ ga ínachianexü̃wa ga taxuxü̃ma i nanetü írüxüxü̃wa.

Ochéa 11:1

Rü Tupana rü ñanagürü ta: —Rü yexguma noxri nangóegu ga chorü duü̃xü̃gü ga Iraétanüxü̃, rü choma rü nüxü̃ changechaü̃ yerü chauxacügü nixĩgü. Rü yemaca̱x íchananguxü̃xẽxẽ ga Equítuanewa.

Yochué 7:26

Rü yemawena rü nutagü naétüwa nanawogü. Rü gumá nutagü rü ñu̱xma rü ta ngẽxma naxãũxchita. Rü ngẽmaca̱x i ñu̱xmax i ngẽma nachica rü Acóxarü doxonexü̃gu naxãéga. Rü yemaacü Iraétanüxü̃maxã narüngüxmü ga Cori ya Tupana.

Ngechuchuarü ngúexü̃gü ga yamugüxü̃arü puracüchiga 14:27

Rü yexguma ínangugügu ga Pauru rü Bernabé, rü nanangutaque̱xexẽxẽ ga guxü̃ma ga yema duü̃xü̃gü ga yaxõgüxü̃. Rü namaxã nüxü̃ nixugügü ga guxü̃ma ga ñuxãcü Tupana poraãcü nüxü̃ nax rüngü̃xẽẽxü̃. Rü yexgumarüxü̃ ta namaxã nüxü̃ nixugügü nax yaxõgüãxü̃ ga yema duü̃xü̃gü ga tama Yudíugü ixĩgüxü̃, yerü Tupana nüxü̃́ nanatauxchaxẽxẽ nax yaxõgüãxü̃ca̱x.

Ore i mexü̃ ga Cuáü̃ ümatüxü̃ 10:9

Choma nixĩ i ĩã̱x. Rü texé ya chowa ixücuxe rü tá tamaxü̃. Rü mexü̃wa tá tangexma ngẽxgumarüxü̃ i wüxi i carnéru i naxpüü̃gu ücuxü̃ rü ixũxũxü̃ rü mecü ya maxẽxü̃ iyangauxü̃.

Amúx 9:14

Rü choma rü tá wena nachixü̃aneca̱x chanawoeguxẽxẽ i ngẽma chorü duü̃xü̃gü i Iraétanüxü̃. Rü nümagü rü tá nayamexẽxẽ ya yima norü ĩanegü ga nagu nüxü̃́ napogüene rü yimawa tá namaxẽ. Rü tá norü úbanecü naxügü rü ngẽma úbatüxü̃ i bínuwa tá naxaxegü. Rü nanetümaxã tá natoegü rü ngẽmaarü o tá nangõ̱xgü.

Echequié 16:60

Natürü i choma rü tá nüxna chacua̱xãchi ga yema uneta ga cumaxã chaxueguxü̃ ga yexguma cupaxgu, Pa Yerucharéü̃x. Rü ñu̱xũchi cumaxã tá chanaxuegu i wüxi i uneta i guxü̃guca̱x ixĩxü̃.

Echequié 16:22

Rü yema curü maxü̃ ga chixexü̃ ga namaxã cuxunearü ngúchaü̃gu cumaxü̃xü̃gagu nüxü̃ icurüngüma ga yexguma cuxíragu rü nax cungexchiruxü̃ rü cugüétüwa nax quicuaixnacüüxü̃.

Echequié 16:8

Rü wena cuxü̃tawa chaxüpetü rü cuxü̃ chadau ga marü nax cuyaxü̃ rü ãmücügu nax curüxĩnüxü̃. Rü ñu̱xũchi wüxi ga mámüxü̃ ga naxchirumaxã cuxü̃ chidüxü yerü cungexchiru. Rü ñu̱xũchi cumaxã chaxüga rü cumaxã nüxü̃ chixu nax choxrü quixĩxü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma.

Ichaía 65:21

Rü ngẽma chorü duü̃xü̃gü rü tá naxüpatagü rü napatagüwa tá namaxẽ. Rü naanegüwa tá namaxã natoegü i úbagü rü úbagümaxã tá naxãwemügü.

Chacaría 9:12

Rü pema i ñu̱xma yáxü̃gu pepoxcuexü̃, natürü ípenangu̱xẽẽama nax perü ĩaneca̱x tá pewoeguxü̃. ¡Rü ẽcü perü ĩaneca̱x pewoegu! Rü pemaxã nüxü̃ chixu rü pema i poraãcü ngúxü̃ nax pingegüxü̃ rü ngẽmaarü yexera tá poraãcü pexü̃ charüngü̃xẽxẽxü̃.

Auxexü̃chiga 3:21

Natürü nangẽxma i wüxi i ĩnü i guxü̃guma chauãẽwa ngẽxmaxü̃ rü poraãcü choxü̃ rüngü̃xẽẽxü̃.

Yeremía 32:15

Erü nüma ya Cori ya Tupana ya Guxãétüwa Ngẽxmacü ya Iraétanüxü̃arü Tupana rü ñanagürü: ‘Ñaa naanewa rü duü̃xü̃gü rü wena tá naxca̱x nataxe ya ĩpatagü rü naanegü rü úbanecügu’ ” —ñanagürü.

Wiyaegü 106:12

Rü yexgumama ga tórü o̱xigü rü düxwa nayaxõgü ga Tupanaarü unetagü rü norü wiyaegümaxã nüxü̃ nicua̱xüü̃gü.

Iraétanüxü̃arü muxchiga 21:17

Rü yema ngunexü̃gu nixĩ ga Iraétanüxü̃ ga ñaãcü nawiyaegüxü̃: —¡Nagoxü̃chiü̃ i dexá i puchuwa! ¡Puchuégagu pewiyaegü!

Ochéa 12:9

Rü yexguma Equítuanewa peyexmagügucürüwatama nixĩ nax choma rü perü Tupana chixĩxü̃. Rü choma rü wena tá chianexü̃gu düxenügügu pexü̃ chapegüxẽxẽ, yexguma chianexü̃gu pexü̃ chigagügurüxü̃.

Ichaía 65:10

Rü Charóü̃arü metachinüanexü̃wa rü tá carnérugümaxã nayapa, rü Acóxarü doxonexü̃wa tá nayachibüe i norü wocagü i ngẽma chorü duü̃xü̃gü i choxü̃́ yaxõgüxü̃.

Ochéa 2:12

Rü ngẽma duü̃xü̃gü nüxü̃ nacua̱xgügu nax norü tupananetagü yixĩxü̃ i nüxna naxãxü̃ i ngẽma norü igunecü rü úbanecügu. Natürü i choma rü tá chayanaxoxẽxẽ rü maxẽnecüxü̃ tá chayaxĩxẽxẽ. Rü ngẽma naeü̃gü i naixnecücüã̱xgü tá nanangõ̱xgü i ngẽma duü̃xü̃gü.

Wiyaegü 129:1

Rü ñu̱xma i Iraéane rü ñanagürü: —Choma rü muxü̃ma ga ngúxü̃wa chaxüpetü noxritama changextü̱xügu.

Yeremía 2:1

Rü yexguma ga nüma ga Cori ya Tupana rü chomaxã nidexa rü ñanagürü:

Yeremía 3:4

Rü pema rü ĩnetama choxna peca rü ñaperügügü choxü̃: “Pa Tonatüx ga Tomücü Ixĩcü ga Yexguma Tangextü̱xügügu, ¿rü guxü̃gutáma tomaxã cunuxü̃? ¿Rü guxü̃gutáma yixĩxü̃ i tomaxã cunuechaxü̃?” ñaperügügü. Natürü ga pema rü yexguma yema ñapegügügu rü naguxü̃raü̃xü̃ ga chixexü̃gü pexügü —ñanagürü.

Yeremía 29:11

Rü choma rü nüxü̃ chacua̱x i ngẽma pexca̱x nagu charüxĩnüxü̃. Rü ngẽma chorü ĩnü rü perü mexü̃ca̱x nixĩ rü tama i perü chixexü̃ca̱x. Erü choma rü tá chapexü̃tagu ñu̱xmatáta naxüpetü i ngẽma guxchaxü̃gü i ñu̱xma pexü̃́ ngẽxmaxü̃. Rü ngẽmawena rü tá pexna chanaxã i wüxi i taãxẽ i aixcüma ixĩxü̃’, ñachagürü. Rü chomatama ya Cori ya Tupana nixĩ i nüxü̃ chixuxü̃ i ngẽma.

Echequié 28:25

Rü ngẽmaca̱x i choma ya Cori ya Tupana rü ñacharügü: “Ngẽma Iraétanüxü̃ i togü i nachixü̃anegu woonexü̃ rü choma rü tá wüxiwa chanagagü. Rü ngẽma nachixü̃anegüpe̱xewa tá ichanawe̱x i chorü pora. Rü ngẽma Iraétanüxü̃ rü wena táxarü naxca̱x nawoegu ga yema naane ga chorü duü̃ ga Acóbuna chaxãxü̃. Rü ngẽmaãcü noxrütama naanewa tá nangẽxmagü.

Ochéa 12:13

Rü Tupana rü wüxi ga norü orearü uruü̃maxã Equítuanewa ínananguxü̃xẽxẽ ga norü duü̃xü̃gü. Rü Tupana rü yema orearü uruü̃maxã nüxna nadau ga yema Iraétanüxü̃.

Ochéa 13:4

Rü Tupana rü ñanagürü: —Pa Iraétanüxü̃x, yexguma Equítuanewa peyexmagügucürüwa rü chomatama nixĩ i perü Tupana chixĩxü̃. Rü tama chanaxwa̱xe nax ta̱xacürü tomaxã petupanaã́xü̃, erü chaxicatama nixĩ i perü Tupana rü nataxuma i to i perü poxü̃ruxü̃ ixĩxü̃.

Ãẽ̱xgacügü ga guxchaxü̃güarü mexẽxẽruü̃gü 8:34

Rü norü Cori ya Tupanaxü̃ narüngümae woo nüma ga Tupana rü naxme̱xwa ínananguxü̃xẽxẽ ga guxü̃ma ga norü uanügü ga nüxna ngaicamagüxü̃

Nüxíraxü̃xü̃ ga popera ga ãẽ̱xgacügüchiga 16:31

Rü yematama chixexü̃gü ga Yeruboáü̃ ga Nabáx nane üxü̃ naxü. Rü naétü rü Yechabé ga Chidóü̃arü ãẽ̱xgacü ga Ex-baáxacümaxã naxãxma̱x. Rü düxwa ngĩgagu nawa nangu ga norü tupananeta ga Baáxü̃ nax yacua̱xüxü̃xü̃.