Ochéa 2:14 - Tupanaarü Ore

¹⁴ Rü ñanagürü ta: —Natürü i chomax, rü wena tá chaugüna chayapuexẽxẽ i ngẽma Iraéanecüã̱xgü. Rü chianexü̃wa tá chanagagü nax ngéma mea namaxã chidexaxü̃ca̱x rü wenaxarü choxü̃ nangechaü̃güxü̃ca̱x.

Ochéa 2:14 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 12:6

Rü ngĩma ga nge rü ínachianexü̃wa iña. Rü yéma Tupana ngĩxca̱x nanamexẽxẽ ga wüxi ga ngĩchica nax yéma ngĩxna nadauxü̃ca̱x rü ngĩxü̃ naxüwemüxü̃ca̱x ga 1,260 ga ngunexü̃.

Ichaía 30:18

Natürü nüma ya Cori ya Tupana rü pexü̃ ínanangu̱xẽxẽ nax naxca̱x pewoeguxü̃ nax ngẽmaãcü nüxü̃́ pengechaü̃tümüxü̃güxü̃ca̱x. Rü nüma rü ínamemare nax pexü̃ nawéaxü̃ nax poraãcü pexü̃ nangechaü̃xü̃. Erü nüma ya Cori ya Tupana rü aixcüma mexü̃ namaxã naxuegu i ngẽma naga ĩnüexü̃. Rü tá taãẽgü ya guxãma ya yíxema nüxü̃́ yaxõgüxe.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:14

Natürü ga Tupana rü ngĩxü̃ naxüxpe̱xatü ga yema nge. Rü ĩyüpe̱xatürüxü̃ nita. Rü yemaacü ga yema nge rü iyagóe rü yema nachica ga chianexü̃wa yexmaxü̃wa iña na̱xcha̱xwa ga yema ãxtape ga Chataná. Rü yema nachicawa tá nixĩ ya Tupana ngĩxna dauxü̃, rü ngĩxü̃ üwemüxü̃ i tomaepü̱x ya taunecüarü ngãxü̃.

Naanearü ügüchiga 34:3

Rü nüma ga Chiquéü̃ rü poraãcü ngĩxü̃ nangẽ̱xẽ rü nüxü̃́ ingúchaü̃ rü yemaca̱x ngĩmaxã namecüma.

Ore i mexü̃ ga Cuáü̃ ümatüxü̃ 6:44

Taxúema chauxü̃tawa tangu ega tama choxna tüxü̃ namuxgu ya Chaunatü ga gumá núma choxü̃ mucü. Rü texé ya chauxü̃tawa ngugüxe rü choma rü tá wena tüxü̃ chamaxẽxẽxẽ i naanearü gu̱xgu.

Ochéa 2:3

Rü ngẽxguma taxũtáma nüxü̃ naxoegu i ngẽma tupananetachicüna̱xãgü rü tá nüxna chanayaxu i guxü̃ma i nüxü̃́ ngẽxmagüxü̃. Rü ngẽma nachixü̃ane rü noxri nango̱xgurüxü̃ tá chayaxĩxẽxẽ nax taxuxü̃ma nüxü̃́ ngẽxmaxü̃. Rü ñoma naxnücüane i ngearü dexáã́xü̃rüxü̃ tá chayaxĩxẽxẽ nax ngẽmaãcü ta̱xawamaxã nayuexü̃ca̱x i ngẽma choxna ixĩgachixü̃.

Echequié 20:10

Rü choma rü Equítuanewa íchanagaxü̃ rü ínachianexü̃gu chayagagü.

Yeremía 16:14

Rü nüma ya Cori ya Tupana rü nüxü̃ nixu rü ñanagürü: —Rü tá ínangugü i ngunexü̃gü i taxũtáma nagu ñapegügüxü̃: “¡Namaxü̃ ya Cori ya Tupana ga Equítuanewa Iraétanüxü̃xü̃gü ígaxü̃cü!” ñapegügüxü̃.

Yeremía 2:2

—¡Ngéma naxũ rü namaxã idexa i ngẽma Yerucharéü̃cüã̱x i duü̃xü̃gü! ¡Rü nataga nax mea nüxü̃ naxĩnüexü̃ca̱x i ñaa chorü ore i ñaxü̃! “Choma ya Tupana rü nüxna chacua̱xãchi rü yexguma noxri choxü̃ pecua̱xgügu rü mea chauga pexĩnüe. Rü yexguma noxri chorü duü̃xü̃gü pexü̃ chixĩxẽẽgu, rü choxü̃ pengechaü̃gü ñoma wüxi i nge i ngexwaca ãtecü rü ngĩtexü̃ ngechaü̃cürüxü̃. Rü yema choxü̃ nax pengechaü̃xü̃gagu rü chowe perüxĩ ga ínachianexü̃wa ga taxuxü̃ma i nanetü írüxüxü̃wa.

Charumóü̃arü wiyae 1:4

¡Rü paxãma cugüxü̃tawa choxü̃ naga! ¡Pa Ãẽ̱xgacüx, curü ucapuwa choxü̃ naga! Rü ngéma rü tá wüxigu tataãẽgü. Rü curü meãxẽ rü namaxã tataãẽgü bínuarü yexera. Rü ngẽmaca̱x nixĩ i ngexü̃gü i poraãcü nüxü̃́ cungúchaü̃güxü̃.

Ore i mexü̃ ga Cuáü̃ ümatüxü̃ 12:32

Rü ngẽxguma curuchawa chipotagu rü chaugüxü̃tawa tá chanagagü i guxü̃ma i duü̃xü̃gü —ñanagürü ga Ngechuchu.

Yox 36:16

Rü cuma rü ta, Pa Yox, rü curü ĩ̱xãchiãẽwa cuxü̃ ínanguxuchixẽxẽ. Rü muxü̃ma ga curü yemaxü̃gü cuxna naxã. Rü nanapá ga curü mecha namaxã ga õna ga chi̱xichixü̃.

Echequié 20:33

Natürü i choma ya Cori ya Tupana rü chauégagu chanaxuegu rü chorü poramaxã rü chorü numaxã tá pexü̃ chapoxcu rü ngẽmaãcü tá pemaxã ichacua̱x.

Miquéa 4:10

Pa Ĩane ya Chióü̃x, ¡ínaxã̱ũ̱xcüta rü aita naxü ñoma wüxi ya ngexe ya íxraxacüchaü̃xerüxü̃! Erü ngẽma curü duü̃xü̃gü rü cuwa tá ínachoxü̃ rü ngürüanegumare yapexü̃tanüãcü tá Babiróniawa nangugü. Natürü wüxi i ngunexü̃ rü nüma ya Cori ya Tupana rü tá ngéma norü uanügüme̱xẽwa ínananguxü̃xẽxẽ i curü duü̃xü̃gü.

Ichaía 5:5

Rü dücax, rü ñu̱xma rü tá pemaxã nüxü̃ chixu i ngẽma nagu charüxĩnüxü̃ namaxã i ngẽma chorü úbanecü. Rü tá íchanapoxgü i ngẽma norü poxeguxü̃ nax ngẽmaãcü duü̃xü̃gü nagu pogüexü̃ca̱x i ngẽma úbanecü. Rü ngẽma norü poxeguxü̃ rü tá nagu chapogü nax duü̃xü̃gü nagu púgüexü̃ca̱x i ngẽma úbanecü.

Yeremía 45:4

Natürü nüma ya Cori ya Tupana rü cuchiga nidexa rü ñanagürü: “Choma rü tá ichayanaxoxẽxẽ i ngẽma chomatama chaxüxü̃, rü tá chanabe̱x i ngẽma ichatogüxü̃. Rü ngẽmaãcü tátama namaxã chaxü i guxü̃ma i ñaa naane.

Miquéa 1:7

Rü guxü̃ma i ngẽma norü tupananetachicüna̱xãgü rü tá nipue. Rü guxü̃ma i ngẽma norü naigü i namaxã natupanaã̱xgüxü̃ rü tá ínagu. Rü ngẽma diẽru i ngẽma Iraétanüxü̃ norü tupananetachicüna̱xãgüxü̃ namaxã icua̱xüü̃güxü̃, rü norü uanügü rü nachixü̃anewa tá nanana nax ngéma norü tupanachicüna̱xãxgüxü̃ namaxã yacua̱xüü̃güxü̃” —ñanagürü ga Miquéa.