Ochéa 2:13 - Tupanaarü Ore

¹³ Rü tá chanapoxcue i ngẽma duü̃xü̃gü naxca̱x ga yema ngunexü̃gü ga nagu norü tupananeta ga Baáchicüna̱xãgüca̱x pumarate̱xe yagugüxü̃. Rü yexguma rü ãneramaxã rü nachagümaxã nügü ninga̱xãẽgü nax nüxü̃ yacua̱xüü̃güxü̃ca̱x ga yema norü tupananeta ga Baáchicüna̱xãgü. Rü yemaca̱x choxü̃ inarüngümae. Rü chomax ya Cori ya Tupana nixĩ i nüxü̃ chixuxü̃ i ngẽma —ñanagürü.

Ochéa 2:13 Referans Kwoze

Ochéa 13:6

Rü pexna chanaxã ga õna rü meama pechibüe, natürü pema rü pegü picua̱xüü̃gü rü choxü̃ perüngümae.

Ãẽ̱xgacügü ga guxchaxü̃güarü mexẽxẽruü̃gü 3:7

Rü yema nacümagü ga Iraétanüxü̃ nagu maxẽxü̃ rü Cori ya Tupanape̱xewa rü poraãcü nachixe. Yerü Cori ya Tupanaxü̃ inarüngümae rü Baáchicüna̱xãgüxü̃ rü Acheráchicüna̱xãgüxü̃ nicua̱xüü̃gü.

Ochéa 13:1

Rü ü̃pa ga yexguma yema Efraíü̃tanüxü̃ idexagügu rü yema togü ga Iraétücumügü rü meama naga naxĩnüe. Natürü yexguma nüma ga Efraíü̃tanüxü̃ rü tupananeta ga Baáxü̃ yacua̱xüü̃gügu, rü yexma nayacua̱x ga norü pora.

Ochéa 11:2

Natürü yexguma yexeraãcü naxca̱x chacagu nax chowe naxĩxü̃ca̱x, rü nüma ga Iraétanüxü̃ rü yexeraãcü choxna nixĩgachi. Rü nüma ga chorü duü̃xü̃gü rü tupananetagüca̱x ínanagu ga ãmaregü rü ngẽmachicüna̱xãgüca̱x ínanagu ga pumarate̱xe.

Yeremía 7:9

Erü pengĩ́e, rü pemáetagü, rü nai i ngexü̃maxã pemaxẽ, rü natüca̱xma chauégagu ipexuneta rü pidorae, rü Baáca̱x pumarate̱xe pigugü, rü naxca̱x pengutaque̱xegü i togü i nachixü̃anegüarü tupananetagü ga tama nüxü̃ pecuáxü̃ ga ü̃pa.

Ochéa 9:7

Pa Iraéanecüã̱xgüx, marü nawa nangu i ngẽma ngunexü̃gü nax Tupana pexü̃ napoxcuexü̃ naxca̱x i perü chixexü̃gü i taxüchixü̃. Rü pemax, Pa Iraéanecüã̱xgüx, rü tá nüxü̃ pecua̱x nax marü pexca̱x ínanguxü̃ i ngẽma perü poxcu. Pema rü ñaperügügü: “Ngẽma orearü uruxü̃ rü nangeãxẽmare, rü tama naãxẽxü̃ nacua̱x”, ñaperügügü. Natürü ngẽmaãcü pidexagü erü perü chixexü̃maxã penapagü rü poraãcü naxchi pexai ya yimá orearü uruxü̃.

Ochéa 8:14

Ngẽma Iraétanüxü̃ rü nanaxü ya ĩpatagü ya mexẽchine, natürü choxü̃ inarüngümae nax choma yixĩxü̃ i chanangóexẽẽxü̃. Rü ngẽma Yudáanecüã̱xgü rü nanaxü ga muxü̃nema ya ĩanegü ya meama ípoxegugüne. Natürü i choma rü tá íchanagu ya guxü̃nema ya yima ĩanegü —ñanagürü ya Tupana.

Ochéa 4:6

Rü chorü duü̃xü̃gü rü chixexü̃gu nayi rü nayue erü tama chorü mugüxü̃ nacua̱xgü. Rü ngẽma rü cugagu nixĩ, Pa Chacherdótex, erü cuma rü ta nüxü̃ cuxo i chorü mugü. Rü ngẽmaca̱x i choma rü ta cuxü̃ chaxo nax chorü chacherdóte quixĩxü̃. Erü cumax rü nüxü̃ icurüngüma i chorü ucu̱xẽgü rü ngẽmaca̱x i choma rü tá ta nüxü̃ icharüngüma i ngẽma cutaagü.

Ochéa 4:13

Rü ma̱xpǘnegüwa rü ngẽma naigü i taxü̃arü gáuxchipetawa norü tupananetagüca̱x ínanagugü i pumarate̱xegü rü norü ãmaregü. Rü ngẽmaca̱x pexacügü rü peneã̱xgü rü ngeãẽgüxü̃ nixĩgü.

Ochéa 2:7

Rü tá nawe irüxũ i ngẽma yatügü i namaxã namaxü̃xü̃ rü tá naxca̱x idau, natürü taxũtáma nüxü̃ iyangau. Rü ngẽmaca̱x düxwa tá ngĩãẽwa ngĩgürügü: “Naxca̱x tá chataegu ya yimá nüxíraü̃cü ya chaute yerü gumámaxã nixĩ ga mexü̃ choxü̃ ngupetüxü̃ ñu̱xmaarü yexera”, ngĩgürügü.

Ochéa 2:5

Rü pechixü̃ane rü ñoma wüxi i nge i ngeãẽcürüxü̃ taxuwama name. Rü ngĩma rü ngĩgürügü: “Paxa tá naxca̱x chadau i ngẽma chomaxã maxẽxü̃, erü ngẽmagü nixĩ i choxna naxãgüxü̃ i paũ rü dexá rü chauxchiru i carnéruta̱xanaxca̱x rü línuchinaxca̱x rü chíxü̃ rü axexü̃”, ngĩgürügü.

Echequié 23:35

Rü ngẽmaca̱x i choma ya Cori ya Tupana rü ñachagürü: “Ngẽma nax choxü̃ curüngü̃maxü̃gagu rü choxna quixũgachixü̃gagu rü tá cuyange i ngẽma poxcu. Rü ngẽmaãcü tá cupoxcu nagagu ga yema cuxunearü ngúchaü̃ nax cuxüxü̃ rü yema nax cungeãẽxü̃” —ñanagürü.

Echequié 22:12

Rü curü duü̃xü̃gütanüwa nangẽxma i duü̃xü̃gü i diẽruca̱x máetagüxü̃. Rü cuwa nangẽxma i duü̃xü̃gü i taxü̃ i üétüca̱x tüxna cagüxü̃ ya yíxema diẽruca̱x nüxna cagüxe. Rü ngẽmaãcü taxü̃ i chixexü̃ naxügü erü tüxü̃́ nangĩ̱x ya yíxema namücügü rü ngẽmagagu choxü̃ inarüngüma. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü.

Echequié 16:17

Rü cunade ga yema nachagügü ga cuxna chanaxãmarexü̃ ga úirunaxca̱x rü diẽrumünaxca̱x, rü yemawa cunaxü ga yatüchicüna̱xãgü nax yemaacü namaxã cungeãẽxü̃ca̱x.

Yeremía 23:2

Rü nüma ya Cori ya Tupana rü ñanagürü nüxü̃ i ngẽma ãẽ̱xgacügü i Iraétanüxü̃maxã icuáxü̃: —Pema rü penawoone i chorü duü̃xü̃gü, rü penaxĩgüxẽxẽ rü tama aixcüma mea nüxna pedaugü. Dücax, ñu̱xma i choma rü ngẽma chixexü̃gü i pexügüxü̃ca̱ tá pexü̃ chapoxcue. Rü chomatama ya Cori ya Tupana nixĩ i pemaxã nüxü̃ chixuxü̃ i ngẽma.

Yeremía 18:15

Natürü ngẽma chorü duü̃xü̃gü rü ínayachaxãchigü nax chowe naxĩxü̃. Rü ngẽmaãcü choxü̃ inayarüngümae. Erü tupananetagüca̱x pumara nigute̱xegü. Rü nüxna ínachocu ga yema mugü ga nũcüma nüxna chaxãxü̃. Rü nagu naxĩ i nacümagü i chixexü̃ ga ü̃pa taguma nüxü̃ nacua̱xgüxü̃.

Yeremía 11:13

Rü cumax, Pa Yudáanex, rü curü ĩanegürüxü̃ namu i curü tupananetachicüna̱xãgü. Rü ngẽma Yerucharéü̃arü namagü i muxü̃rüxü̃ namu i ngẽma ãmarearü guruü̃gü i nawa Baáca̱x pumarate̱xe yagugüxü̃.

Yeremía 2:32

Rü wüxi i pacü rü tama nüxü̃ iyarüngüma i ngẽma ngĩrü ngã̱xãẽruü̃gü. Rü ngẽxguma yangĩxgu rü tama nüxü̃ iyarüngüma nax ngĩgü naxüaxü̃ i ngẽma ngĩrü meruü̃gü. Natürü ngẽma chorü duü̃xü̃gü rü nũxcümatama choxü̃ inayarüngümae.

Ichaía 17:10

Erü pemax, Pa Iraétanüxü̃x, rü nüxü̃ perüngümae ya Tupana ya pexü̃ ípoxü̃cü. Rü tama nüxna pecua̱xãchie nax nüma yixĩxü̃ i pexna nadauxü̃ nax taxúema pexü̃ chixewexü̃ca̱x. Natürü i ñu̱xma rü ípenato i mexẽchixü̃ i perü nanetügü rü úbagü nax ngẽmamaxã nüxü̃ picua̱xüü̃güxü̃ca̱x i tupananetagü.

Wiyaegü 106:21

Rü nüxü̃ inayarüngümae ga Tupana ga norü poxü̃ruxü̃ ixĩcü ga naxücü ga taxü̃ ga guxchaxü̃gü ga Equítuanewa rü baixãchixẽẽruü̃gü ga Cáü̃chixü̃anewa rü ãũcümaxü̃ ga Már ga Dauchíüxü̃wa.

Wiyaegü 106:13

Natürü paxãma nüxü̃ inayarüngümaexü̃ ga yema taxü̃ ga mexü̃gü ga Tupana naxca̱x üxü̃. Rü tama ínanangu̱xẽẽgü ga yema Tupana nagu rüxĩnüxü̃.

Wiyaegü 78:11

Rü nüxü̃ inarüngümae ga yema mexü̃gü ga taxü̃ ga Tupana norü poramaxã nape̱xewa üxü̃.

Yox 8:13

Rü ngẽmatama nixĩ i nüxü̃ ngupetüxü̃ i guxü̃ma i duü̃xü̃gü i chixexü̃arü üruü̃gü i Tupanaxü̃ rüngü̃maexü̃. Rü guxü̃ma i nagu naxĩnüexü̃ rü ngẽxma narüxomare.

Norü taxre ga popera ga ãẽ̱xgacügüchiga 21:3

Yerü wena nayamexẽẽgü ga yema tupananetagüarü ãmarearü guruü̃gü ga ma̱xpǘnetape̱xewa yexmagüxü̃ ga nanatü ga Echequía nagu pogüexü̃. Rü wena ínanaxüxü̃ ga Baáchicüna̱xãxarü ãmaregüarü guruxü̃. Rü Iraéanearü ãẽ̱xgacü ga Acáxrüxü̃ nanaxü ga wüxi ga Acheráchicüna̱xãxarü ãmaregüarü guruxü̃. Rü ñu̱xũchi nüxü̃ nicua̱xüxü̃ ga üa̱xcü, rü tauemacü rü woramacurigü.

Norü taxre ga popera ga ãẽ̱xgacügüchiga 10:28

Rü yemaacü ga Yeú rü Iraéanewa inayanaxoxẽxẽ ga yema tupananeta ga Baá.

Norü taxre ga popera ga ãẽ̱xgacügüchiga 1:2

Rü ĩane ga Chamáriawa rü wüxi ga ngunexü̃gu ga Iraéanearü ãẽ̱xgacü ga Ocochía rü nachiü̃arü daxũwa yexmaxü̃ ga beü̃tánawa narüngu. Rü poraãcüma nanapi̱x. Rü yexguma rü ĩane ga Ecróü̃wa nanamugü ga norü orearü ngeruü̃gü nax yema duü̃xü̃güarü tupana ga Baá-chebúna yacagüxü̃ca̱x rü naxca̱x tá yataane rüe̱xna tama.

1 Chamué 12:9

Natürü ga nümagü rü norü Cori ya Tupanaxü̃ narüngümae. Rü yemaca̱x nüma ga Tupana rü ĩane ga Achóxarü ãẽ̱xgacü ga Yabíü̃arü churaragüeru ga Chícharame̱xẽwa nanayexmagüxẽxẽ. Rü ñu̱xũchi Firitéugüme̱xẽwa rü Moáarü ãẽ̱xgacüme̱xẽwa nanayexmagüxẽxẽ. Rü yexmagü nixĩ ga perü o̱xigümaxã nügü daixü̃.

Ãẽ̱xgacügü ga guxchaxü̃güarü mexẽxẽruü̃gü 10:6

Natürü nüma ga Iraétanüxü̃ rü wenaxarü Cori ya Tupanape̱xewa chixexü̃ naxügü rü guxü̃raü̃xü̃ ga Baáchicüna̱xãxü̃ rü Ataréchicüna̱xãxü̃ nicua̱xüü̃gü. Rü yexgumarüxü̃ tá nüxü̃ nicua̱xüü̃gü ga Chíriacüã̱xgüarü tupanachicüna̱xãgü, rü Chidóü̃cüã̱xgüarü tupanachicüna̱xãgü, rü Moátanüxü̃arü tupanachicüna̱xãgü rü Amóü̃tanüxü̃arü tupanachicüna̱xãgü, rü Firitéugüarü tupanachicüna̱xãgü. Rü Cori ya Tupanaxü̃ narüngümae rü nüxü̃ narüxoe nax naxca̱x nangutaque̱xegüxü̃.

Wenaxarü naxümatü ga Tupanaarü mugü 32:18

Rü pema, Pa Iraétanüxü̃x, rü nüxü̃ perüngümae ya penatü ya Cori ya Tupana ya perü poxü̃ruxü̃ ixĩcü rü maxü̃ pexna ãcü.

Wenaxarü naxümatü ga Tupanaarü mugü 6:12

Rü ngẽxguma ngẽma mexü̃wa pengẽxmagügu ¡rü pexuãẽgü nax tama nüxü̃ iperüngümaexü̃ ya Cori ya Tupana ga nawa pexü̃ ínguxü̃xẽẽcü ga Equítuane ga norü mugüruü̃gü ípixĩgüxü̃wa!

Ínachoxü̃xü̃chiga 32:34

Rü ñu̱xma rü namaxã inaxũãchi i Iraétanüxü̃ nax ngẽma naane i cumaxã nüxü̃ chixuxü̃wa nax cunagagüxü̃. Rü chorü orearü ngeruxü̃ i dauxü̃cüã̱x tá cuxü̃ ínixümücü. Rü ngẽxguma nawa nanguxgu i ngẽma ngunexü̃ nax chapoxcuexü̃ i ngẽma Iraétanüxü̃, rü tá chanapoxcue nagagu i ngẽma chixexü̃ i naxügüxü̃ —ñanagürü ga Tupana.

Ichaía 65:7

Rü ngẽma nax namáetagüxü̃ca̱x rü nanatügü rü ta namáetagüxü̃ca̱x rü tá chanapoxcue. Rü nümagü rü poraãcü choxü̃ nanuxẽẽgü erü ma̱xpǘnegüwa naxchicüna̱xãgüca̱x pumarate̱xe ínagugü. Rü ngüchitaeruxü̃güwa choxü̃ tachoxü̃gagü rü yemaacü choxü̃́ nanangu̱xẽẽgü. Rü ngẽmaca̱x i choma rü tá chanapoxcue —ñanagürü. Rü nüma ya Cori ya Tupana nixĩ i ngẽma ñaxü̃.

Echequié 16:12

Rü curaxü̃wa chayaxǘcuchi ga wüxi ga ãnera, rü cuchinüwa chananucu ga naxmachinügü, rü ñu̱xũchi cueruwa chayaxǘcuchi ga wüxi ga mexẽchixü̃ ga nga̱xcueruxü̃.

Yeremía 7:34

Rü ngẽma Yudáanearü ĩanegüwa rü Yerucharéü̃arü namagüwa tá ichayanaxoxẽxẽ nax nagu nawiyaegüxü̃ i petaarü wiyaegü, rü taãẽarü wiyaegü, rü ngĩgüarü wiyaegü. Rü guxü̃táma i ngẽma nachixü̃ane rü wüxi i chianexü̃mare tá nixĩ —ñanagürü.

Auxexü̃chiga 1:4

Rü ngẽma Chióü̃arü namagü rü taxü̃ i ngechaü̃ nixĩgü erü nachianemare. Rü nataxuma i duü̃xü̃gü i petagü ga Tupana nüxü̃ unetaxü̃wa ĩxü̃. Rü ngẽma Yerucharéü̃arü poxeguxü̃arü ĩã̱xgüwa rü nachianemare. Rü ngẽma chacherdótegü rü naxauxe. Rü ngẽma paxü̃gü rü nanaxĩ̱xãchiãẽgü. Rü yima ĩane ya Yerucharéü̃ rü guxchaxü̃wa nangẽxma.

Auxexü̃chiga 5:14

Rü marü nataxuma i ngẽma ãẽ̱xgacügü ga yaxguã̱xgü ga guxü̃guma ĩanearü ĩã̱xwa rütogüüxü̃. Rü marü tama nüxü̃ taxĩnü ga yema ngextü̱xücügüarü wiyaegü.

Amúx 8:10

Rü ngẽma perü petachigagü rü ngechaü̃xü̃ tá chayanguxuchixẽxẽ erü yuexü̃ca̱x tá pexauxe. Rü ngẽma perü wiyaegü rü ngechaü̃arü wiyaexü̃ tá chayanguxuchixẽẽgü. Rü ngechaü̃chirugu tá pexü̃ chicu̱xgüxẽxẽ. Rü ngechaü̃maxã tá pegü pibaierugü. Rü yíxema tümane i nügümaxã wüxicacü i yuxü̃ca̱x auxexü̃rüxü̃ tá pexauxe. Rü guxü̃táma taxü̃ i guxchaxü̃gu nayagu”, ñachagürü.