Ochéa 2:12 - Tupanaarü Ore

¹² Rü ngẽma duü̃xü̃gü nüxü̃ nacua̱xgügu nax norü tupananetagü yixĩxü̃ i nüxna naxãxü̃ i ngẽma norü igunecü rü úbanecügu. Natürü i choma rü tá chayanaxoxẽxẽ rü maxẽnecüxü̃ tá chayaxĩxẽxẽ. Rü ngẽma naeü̃gü i naixnecücüã̱xgü tá nanangõ̱xgü i ngẽma duü̃xü̃gü.

Ochéa 2:12 Referans Kwoze

Ichaía 7:23

Rü ngẽma ngunexü̃gu rü ngẽma naane ga noxri 1,000 i úba nawa rüxügüxü̃ rü 1,000 i diẽrugu ãtanüxü̃, rü tá tuxunecüxü̃ rü maxẽnecüxü̃ nananguxuchi.

Ichaía 5:5

Rü dücax, rü ñu̱xma rü tá pemaxã nüxü̃ chixu i ngẽma nagu charüxĩnüxü̃ namaxã i ngẽma chorü úbanecü. Rü tá íchanapoxgü i ngẽma norü poxeguxü̃ nax ngẽmaãcü duü̃xü̃gü nagu pogüexü̃ca̱x i ngẽma úbanecü. Rü ngẽma norü poxeguxü̃ rü tá nagu chapogü nax duü̃xü̃gü nagu púgüexü̃ca̱x i ngẽma úbanecü.

Ochéa 13:8

Rü tá pexca̱x chixũ ñoma wüxi i osu i ngexü̃ i naxacügü nüxna tüxü̃ napuxü̃rüxü̃ rü tá pegu chagáugüe i perü maxü̃newa. Rü ñoma wüxi i leóü̃rüxü̃ rü tá pexü̃ changõ̱xcu rü wüxi i naeü̃ idüraxü̃rüxü̃ tá pegu chawagü.

Ochéa 2:5

Rü pechixü̃ane rü ñoma wüxi i nge i ngeãẽcürüxü̃ taxuwama name. Rü ngĩma rü ngĩgürügü: “Paxa tá naxca̱x chadau i ngẽma chomaxã maxẽxü̃, erü ngẽmagü nixĩ i choxna naxãgüxü̃ i paũ rü dexá rü chauxchiru i carnéruta̱xanaxca̱x rü línuchinaxca̱x rü chíxü̃ rü axexü̃”, ngĩgürügü.

Miquéa 3:12

Pa Ãẽ̱xgacügüx, pegagu rü yima ma̱xpǘne ya Chióü̃ rü wüxi i naane i ngẽxma maxẽmaxã rüxümarexü̃ tá nixĩ. Rü yima ĩane ya Yerucharéü̃ rü naxtapü̱xgüxica tá ngẽxma naxãũxchita —ñanagürü.

Ochéa 9:1

Rü Ochéa rü ñanagürü: —Pa Iraéanecüã̱xgüx, ¡taxṹ i petaãẽgüxü̃! ¡Taxũ i perü taãẽmaxã peyuxnagütanüxü̃ naxrüxü̃ i ngẽma togü i nachixü̃anecüã̱xgü! Pema rü taxü̃ i chixexü̃ pexü erü nüxna pixĩgachitanü ya perü Tupana rü tupananetagüxü̃mare picua̱xüü̃gü. Rü ñoma ngexü̃gü i naxü̃nemaxã taxexü̃rüxü̃ pixĩgü, erü guxü̃ma i nachicagü i trigu nawa pepúxü̃ pexü̃́ nangúchaü̃ nax penayauxtanüxü̃ naxca̱x i ngẽma chixexü̃ i pexüxü̃.

Yeremía 8:13

Rü nüma ya Cori ya Tupana rü ñanagürü: —Ñoma trigu iyarüxoxẽẽxü̃rüxü̃ tá chayanaxoxẽxẽ i ngẽma chorü ngü̃xẽxẽ ga noxri chorü duü̃xü̃güna chaxãxü̃. Rü taxuxü̃táma i úba ínayaxü i norü úbanecügüwa, rü bai tá i wüxi i igu íyaxüxü̃ i norü igunecüwa. Rü naatügü i rüngẽ̱xẽgüxü̃xica tátama ínayaxügü —ñanagürü.

Ichaía 29:17

Rü ngẽma Líbanuarü naixnecü rü paxa tá naane i toewa mexü̃xü̃ nayanguxuchi. Rü ngẽma naane i toewa mexü̃ rü naixnecüxü̃ tá nayanguxuchi.

Wiyaegü 80:12

Rü ñu̱xmax, Pa Tupanax ¿rü tü̱xcüü̃ cuyawa̱xẽxẽ i ngẽma úbanecüarü poxeguxü̃ rü ngẽmaca̱x nüxü̃́ natauxcha i ngẽma duü̃xü̃gü i ngéma chopetüxü̃ nax nacauü̃ãxü̃ca̱x i norü o?

Yeremía 5:17

Rü tá nanangõ̱xgü i ngẽma penetügü, rü pewemügü. Rü woo yíxema penegü rü pexacügü rü tá tüxü̃ nadai rü tá tüxü̃ nangõ̱xcu. Rü yíxema perü carnérugü rü perü wocagü rü tüxü̃ tá nangõ̱xcu. Rü perü úbagü rü perü igunecüarü o rü tá ta nanangõ̱xgü. Rü naxnegümaxã tá nagu nipogügü ya yima perü ĩanegü ya ípoxegugüne ya namaxã pegü íperüporaene —ñanagürü.

Yeremía 13:26

Rü ngẽmaca̱x ñoma wüxi i duü̃xü̃ i báitücuxü̃rüxü̃ tá pexü̃ chaxãneexẽxẽ.

Ochéa 5:14

Rü choma rü ñoma wüxi i leóü̃rüxü̃ tá naxca̱x chixũ i ngẽma Efraíü̃tanüxü̃ rü Yudáanecüã̱xgü. Rü wüxi i leóü̃xacürüxü̃ tá nüxna chayuxu rü tá nagu chawagü. Rü nawena yáxü̃wa tá chanaga rü taxúetátama choxna tanapu.