Ochéa 2:11 - Tupanaarü Ore

¹¹ Rü ngẽxguma nawa nanguxgu i norü petagü i ngü̃chigaarü ngunexü̃gu naxügüxü̃ rü ngẽma petagü i tauemacü ya ngexwacaxü̃cügu naxügüxü̃ rü guxü̃ma i ngẽma togü i norü petagü, rü marü taxũtáma nataãẽgü, erü choma rü tá ngẽxma nüxü̃ chayacua̱xẽxẽ i norü taãxẽ.

Ochéa 2:11 Referans Kwoze

Amúx 5:21

Rü Cori ya Tupana rü ñanagürü pexü̃: —Choma rü naxchi chaxai rü nüxü̃ chaxo i ngẽma taxü̃ i peta i chauégagu pexüxü̃. Rü tama namaxã chataãxẽ i ngẽma perü ngutaque̱xegü i cha̱u̱xca̱x pexüxü̃.

Amúx 8:5

Rü pegüna pecagü rü ñaperügügü: “¿Ñuxgu tá nangupetüxü̃ i ngẽma ngexwacaxü̃cü ya tauemacüarü peta nax ngẽmaãcü wena namaxã itaxegüxü̃ca̱x ya tórü trigugü? ¿Rü ñuxgu tá nangupetüxü̃ i ngẽma ngü̃xchigaarü ngunexü̃ nax wena namaxã itaxegüxü̃ca̱x ya tórü trigugü?” ñaperügügü. Rü pema rü chixecü ya yáruxü̃wa ipenayá i perü trigugü. Rü íxraxü̃ i ngugüruxü̃wa penangugü i ngẽma trigu Rü naétü nagu perüxĩnüe nax penatatanüxẽẽxü̃ i perü trigugü.

Yeremía 7:34

Rü ngẽma Yudáanearü ĩanegüwa rü Yerucharéü̃arü namagüwa tá ichayanaxoxẽxẽ nax nagu nawiyaegüxü̃ i petaarü wiyaegü, rü taãẽarü wiyaegü, rü ngĩgüarü wiyaegü. Rü guxü̃táma i ngẽma nachixü̃ane rü wüxi i chianexü̃mare tá nixĩ —ñanagürü.

Yeremía 16:9

Erü choma ya Cori ya Guxãétüwa Ngẽxmacü ya Iraétanüxü̃arü Tupana ixĩcü, rü nüxü̃ chixu, rü ñachagürü: “Choma rü ñaa nachixü̃anewa tá ichayanaxoxẽxẽ i ngẽma petagüarü wiyaegü rü ngẽma taãẽgüarü wiyaegü, rü ñu̱xũchi ngẽma ngĩgüarü wiyaegü. Rü ngẽma rü perü ngunexü̃gügu tátama nixĩ i nangupetüxü̃, rü pexetügümaxã tátama nixĩ i nüxü̃ pedauxü̃”.

Naúü̃ 1:10

Rü pema i bínumaxã ngaxexe rü ñoma tuxu i wüxigu inutaque̱xexü̃rüxü̃ pixĩgü, rü ñoma maxẽ i pagüxü̃rüxü̃ tá pixae.

Amúx 8:3

Rü ñanagürü ta: —Ngẽma ngunexü̃gu rü ngẽma ãẽ̱xgacüpatawa taãẽãcü nax nawiyaegüxü̃ rü tá ngechaü̃xü̃ nananguxuchi. Erü ngẽma ngunexü̃gü rü muxü̃tama i duü̃xü̃gü nayue. Rü bexma tá düxétüguama ínanawoxü̃ i ngẽma yuexü̃ —ñanagürü ya Cori ya Tupana.

Ochéa 3:4

Rü yemaacü ga Tupana rü yema Iraéanecüã̱xgüxü̃ nüxü̃ nacua̱xẽxẽ i ta̱xacü tá namaxã ngupetüxü̃. Rü mucü ya taunecü rü to i nachixü̃anegügu tá nawoone rü to i nachixü̃anearü ãẽ̱xgacü rü tá namaxã inacua̱x. Rü ngẽmaca̱x i ngẽma Iraéanecüã̱xgü rü tá nüxü̃́ nataxuma i noxrütama ãẽ̱xgacü, rü bai i ãẽ̱xgacü nane, rü bai i norü chacherdótegü, rü bai i norü chacherdótegüchiru, rü bai i norü ãmarearü guruügü, rü bai i norü tupanachicüna̱xãgü.

Echequié 26:13

Rü ngẽmaãcü tá nixĩ i chayanaxoxẽxẽxü̃ i curü wiyaegü i namaxã cutaãxẽ, rü tagutáma nüxü̃ taxĩnüe i naga i curü árpagü.

Yeremía 25:10

Rü ngẽmaãcü i nua perü ĩanegüwa rü taxuxü̃táma i wiyaexü̃ taxĩnü, rü taxúetama tapetae rü tataãẽgü, rü taxuxü̃táma ãxma̱xarü wiyaexü̃ taxĩnü. Rü ngẽma tríguarü caruxü̃gü rü marü taxũtáma nüxü̃ taxĩnüe. Rü guxü̃watáma naxẽanemare erü taxuxü̃táma ninaigü i omügü.

Nüxíraxü̃xü̃ ga popera ga ãẽ̱xgacügüchiga 12:32

Rü ñu̱xũchi guma 8 ga tauemacüarü 15 gu nanaxü ga wüxi ga peta naxca̱x ga norü tupananetagü. Yema peta naxüchigagügu rü Yudáanewa naxügüxü̃rüxü̃ nanaxügü. Rü nümatama ga Yeruboáü̃ nixĩ ga ínaguaxü̃ ga woca nawa ga yema ãmarearü guruxü̃ ga ĩane ga Betégu naxüxü̃. Rü yema wocachicüna̱xã ga úirunaxca̱x ga nümatama naxüxü̃pe̱xegu naxü̃nagü nadai rü naxca̱x ínanagu. Rü nanaxüarü chacherdóteã̱xgü ga yema ãmarechicagü ga nüma ínaxüxüxü̃ nax nawa norü tupananetaxü̃ yacua̱xüü̃güxü̃ca̱x.

Ochéa 5:7

Rü nümagü i Iraétanüxü̃ rü tama Cori ya Tupanaxü̃ nangechaü̃gü. Rü togüaxü̃́ ãxãcüxü̃rüxü̃ nixĩgü erü tupananetagüxü̃ nicua̱xüü̃gü. Rü ngẽmagagu wüxitama ya tauemacügu rü ngẽma norü naanewa ngẽxmagüxü̃ i nanetügü rü tá nayue.

Lebítanüxü̃arü puracüchiga 26:20

Rü natüca̱xmamare tá peanewa pepuracüe, erü taxũtáma ngẽma waixü̃müwa narüxü i penetügü. Rü ngẽma ori̱xgü i peanewa rüxügüxü̃ rü taxũtáma nixo.