Ochéa 2:10 - Tupanaarü Ore

¹⁰ Rü ngẽma norü tupananetagüpe̱xewa tá chanapuxü̃ i guxü̃táma i ngẽma nüxna chaxãxü̃. Rü ngẽmaãcü tá chanaxãneexẽxẽ i ngẽma duü̃xü̃gü, rü taxúetama choxna tanachu̱xu.

Ochéa 2:10 Referans Kwoze

Echequié 23:29

Rü nümagü rü tá cuxchi naxaie, rü tá cuxna nanapuxü̃ i guxü̃ma i curü ngẽmaxü̃gü i curü puracügagu cuxü̃́ ngẽxmaxü̃. Rü ngẽmaãcü tá ngechiruãcü ngéma cuxü̃ nata̱xgü. Rü ngẽmaãcü tá nabáitücumare i ngẽma cuxune i namaxã cungeãẽxü̃. Rü ngẽma nax cuxunearü ngúchaü̃ cuxüxü̃gagu rü cungeãẽxü̃gagu rü tá cuxca̱x ínangugü i guxü̃ma i ngẽma guxchaxü̃gü. Yerü cuma rü yema nachixü̃anegümaxã cungẽãxẽ rü cugügutama cuyanachixexẽxẽ ga yexguma nüxü̃ quicua̱xüxü̃gu ga norü tupananetachicüna̱xãgü.

1 Corintios 4:5

Rü ngẽmaca̱x tama name nax yaxtacüma texéxü̃ pengugüarü maxü̃ã́xü̃. Natürü name nixĩ i ípenangu̱xẽxẽ nax núma naxũxü̃ ya tórü Cori. Rü nüma tá nixĩ i nango̱xẽẽãxü̃ i guxü̃ma i ngẽma ñu̱xma icúxü̃ rü guxü̃ma i ngẽma duü̃xü̃gü naãẽwa nagu rüxĩnüexü̃. Rü ngẽxguma tá nixĩ ya Tupana i tüxü̃ yacua̱xüxü̃ ya wüxichigü ya yíxema aixcüma mexü̃ ügüxe.

Miquéa 5:8

Rü ngẽxguma i ngẽma Iraéanecüã̱xgü i íyaxügüxü̃ i ñu̱xma togü i nachixü̃anegütanüwa ngẽxmagüxü̃, rü tá ngẽma togü i nachixü̃anegüxü̃ narüporamae ñoma leóü̃ rü togü i naeü̃güxü̃ rüporamaexü̃rüxü̃. Rü ñoma leóü̃acü i carnérutanüwa ngẽxmaxü̃ rü carnérugüxü̃ íyauxü̃xü̃ rü taxúema tüxü̃ iñaxẽẽxü̃rüxü̃ tá nixĩgü i ngẽma Iraétanüxü̃.

Ochéa 2:3

Rü ngẽxguma taxũtáma nüxü̃ naxoegu i ngẽma tupananetachicüna̱xãgü rü tá nüxna chanayaxu i guxü̃ma i nüxü̃́ ngẽxmagüxü̃. Rü ngẽma nachixü̃ane rü noxri nango̱xgurüxü̃ tá chayaxĩxẽxẽ nax taxuxü̃ma nüxü̃́ ngẽxmaxü̃. Rü ñoma naxnücüane i ngearü dexáã́xü̃rüxü̃ tá chayaxĩxẽxẽ nax ngẽmaãcü ta̱xawamaxã nayuexü̃ca̱x i ngẽma choxna ixĩgachixü̃.

Yeremía 13:26

Rü ngẽmaca̱x ñoma wüxi i duü̃xü̃ i báitücuxü̃rüxü̃ tá pexü̃ chaxãneexẽxẽ.

Yeremía 13:22

Rü ngẽxguma cugüna cuca̱xgu nax ta̱xacüca̱x cuxü̃ naxüpetüxü̃ i ngẽma guxchaxü̃, rü name nax nüxna cucua̱xãchixü̃ nax ngẽma taxü̃ i curü chixexü̃gagu yixĩxü̃ i ngẽma cuxca̱x ínguxü̃. Rü yemaca̱x nixĩ ga cuxü̃ ínacuxü̃xü̃nexü̃ rü cugu yadauxcüraxü̃güxü̃.

Ichaía 3:17

Rü ngẽmaca̱x i choma rü churimaxã tá pexü̃ ichagüyáexẽxẽ rü o̱xri i ãũãchixü̃ tá peeruwa narüyi. Rü tá pexü̃ chingexchiruxẽẽgü rü tá piba̱i̱xünemare —ñanagürü.

Ucu̱xẽgüchiga 11:21

Aixcümaxü̃chi tá napoxcu i ngẽma duü̃xü̃ i chixexü̃gu maxü̃xü̃, natürü yíxema mexü̃ i nacümagu maxü̃́xẽ, rü taxũtáma tapoxcu.

Wiyaegü 50:22

¡Dücax i pemax nax choxü̃ iperüngümaexü̃, name nixĩ i nagu perüxĩnüe i ngẽma pemaxã nüxü̃ chixuxü̃! ¡Rü cha̱u̱xca̱x pewoegu naxü̃pa nax pexü̃ chada̱i̱xü̃ rü taxúema pexü̃ ípoxü̃xü̃!

Ochéa 6:9

Rü ngẽma chacherdótegü rü ngĩ́ta̱xagüxü̃ nixĩgü erü Chiquéü̃wa daxü̃ i namagu tüxü̃ nana̱i̱xgü rü tüxü̃ nima̱xgü ya yíxema duü̃xẽ ya ngéma üpetüxe.

Norü taxre ga to ga popera ga ãẽ̱xgacügüchiga ümatüxü̃ 24:7

Yerü Ataría ga chixexü̃arü ürüxü̃ ixĩcü rü ngĩrü duü̃xü̃gümaxã Tupanapata ga taxü̃negu ixücu rü ngĩrü tupananetagüaxü̃́ inade ga guxü̃ma ga yemaxü̃gü ga Cori ya Tupanapata ga taxü̃newa yexmagüxü̃.

Echequié 16:16

Rü cuma rü yema cuxchirugümaxã ma̱xpǘnegügu cunaxü ga düxenügü nax yimawa nüxü̃ quicua̱xüü̃güxü̃ca̱x ga naxchicüna̱xãgü, rü nawa ngúchaü̃ cuxüxü̃ca̱x.

Echequié 16:19

Rü yema paũ ga choma cuxna chaxãxü̃ ga rümemaexü̃ ga arínawa üxü̃, rü yema chíxü̃ rü ñu̱xũchi yema ira ga choma cuxü̃ namaxã chaxüwemüxü̃, rü cuma rü yema naxchicüna̱xãgüca̱x ícunagu ñoma norü ãmare i naxca̱x chi̱xemaxü̃rüxü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma.

Ochéa 10:1

Rü Ochéa rü ñanagürü: —Ngẽma Iraéanecüã̱xgü rü ñoma úba i muarü oṍxü̃rüxü̃ nixĩgü. Natürü yexguma Tupana yexera nüxü̃ rüngü̃xẽẽgu ga yema Iraéanecüã̱xgü, rü yexera norü tupananetagüca̱x ãmarearü guruxü̃ naxügü. Rü yexguma yexera namexgu ga nachixü̃ane rü yexera nanamexẽẽgü ga guma nutagü ga namaxã natupanaã̱xgücü.

Ochéa 13:1

Rü ü̃pa ga yexguma yema Efraíü̃tanüxü̃ idexagügu rü yema togü ga Iraétücumügü rü meama naga naxĩnüe. Natürü yexguma nüma ga Efraíü̃tanüxü̃ rü tupananeta ga Baáxü̃ yacua̱xüü̃gügu, rü yexma nayacua̱x ga norü pora.