Ochéa 14:8 - Tupanaarü Ore

⁸ Rü Efraíü̃tanüxü̃ rü tá ñanagürügü: “Marü taxuwama choxü̃́ name i ngẽma tupananetachicüna̱xãgü”, ñanagürügü tá. Rü choma rü tá nüxü̃ charüngü̃xẽxẽ rü nüxna chadau i chorü duü̃xü̃gü. Rü guxü̃gutáma namaxã chamecüma ñoma wüxi i pinu i guxü̃guma ya̱u̱xtanüxü̃rüxü̃. Rü chorü duü̃xü̃gü rü chaugu tá nüxü̃ nayangau i maxü̃ i mexü̃ —ñanagürü.

Ochéa 14:8 Referans Kwoze

Yox 34:32

¿Rü tü̱xcüü̃ i tama Tupanaxü̃ ñacuxü̃: “¡Ẽcü choxü̃ nawe̱x i ngẽma chixexü̃ i chaxüxü̃! Rü ngẽxguma chi marü chixexü̃ chaxüxgu rü tá nüxü̃ charüxo”, ñacuxü̃?

Popera ga Chantiágu ümatüxü̃ 1:17

Erü guxü̃ma i ngẽma aixcüma mexü̃ i tüxna naxãxü̃, rü naxü̃tawa ne naxũ ya Tupana ya daxũgucü ga naxücü ga üa̱xcü rü tauemacü rü woramacurigü rü ẽxtagü. Rü nüma rü guxü̃guma nanaxa̱i̱xrügumaraxü̃ rü taguma naxüchicüü.

Ore i mexü̃ ga Luca ümatüxü̃ 15:20

Rü inaxũãchi rü nanatüpataca̱x nataegu. Rü yexguma yangaicagu ga nanatüpata, rü yáxü̃gu nüxü̃ tadau ga nanatü, rü tüxü̃́ nangechaü̃tümüxü̃. Rü naxca̱x tiña, rü nüxna tana̱i̱xãchi, rü nüxü̃ tachúxu.

Ichaía 55:13

Rü ngẽma tuxugü írüxügüchiréxü̃wa rü tá narüxügü i pinugü. Rü ngẽma naxcugü írüxügüchiréxü̃wa rü tá narüxügü i nanetügü i yixixü̃ i mirtu. Rü guxü̃ma i ñoma i naanewa ngẽxmagüxü̃ rü tá Tupanaxü̃ nicua̱xüü̃gü rü ngẽmaãcü i duü̃xü̃gü rü tá nüxü̃ nacua̱xgü nax Tupana rü guxü̃guma nangẽxmaechaxü̃ —ñanagürü ya Tupana.

Ichaía 41:19

Rü ngẽma taxúema íxãpataxü̃wa rü ocayiwagü, rü aráyanegü, rü oribugü tá ngéma charüxügüxẽxẽ. Rü ngẽma íyapaanexü̃wa rü wüxigu pínugümaxã tá chanaxügüxẽxẽ i ngẽma abétugü, rü chipregü nax ngẽmaãcü guxü̃ma i duü̃xü̃gü nüxü̃ daugüxü̃ca̱x, rü nüxü̃ cua̱xgüxü̃ca̱x rü inaxĩnüexü̃ca̱x, rü ñu̱xũchi nüxü̃ yacua̱xãchitanüxü̃ca̱x nax choma ya Cori ya Iraétanüxü̃arü Tupana ya Üünecü chixĩxü̃ i chanaxüxü̃ i guxü̃ma i ngẽma —ñanagürü.

1 Tesalonicenses 1:9

Yerü nümagütama ga yema duü̃xü̃gü rü marü nüxü̃ nixugügü nax mea toxü̃ peyauxgüxü̃ ga yexguma petanüwa taxĩxgu. Rü nüxü̃ nixugügü nax nüxü̃ perüxoexü̃ ga perü tupananetachicüna̱xãgü nax Tupanaxü̃chi ya maxü̃cü rü ixaixcümacüwe perüxĩxü̃ca̱x nax nüxü̃́ pepuracüexü̃ca̱x.

Filipenses 2:13

Erü Tupana nixĩ ya perü maxü̃wa puracücü nax mexü̃gu perüxĩnüexü̃ca̱x. Rü nüma nixĩ i pexü̃ nangü̃xẽẽxü̃ nax naga pexĩnüexü̃ca̱x rü peyanguxẽẽxü̃ca̱x i ngẽma norü ngúchaü̃.

Efesios 5:9

Erü ngẽma ngóonexü̃ nixĩ i nango̱xẽẽxü̃ i ngẽma mecüma, rü ngẽma we̱xguxü̃, rü ngẽma aixcüma ixĩxü̃.

Ore i mexü̃ ga Cuáü̃ ümatüxü̃ 1:16

Rü Tupana Nanearü ngechaü̃ i taxü̃gagu nixĩ i nayauxgüxü̃ i muxü̃ma i norü ngü̃xẽẽgü.

Ichaía 60:13

Rü Tupana rü Yerucharéü̃cüã̱xgüxü̃ ñanagürü: —Guxü̃ma i naigü i mürapewa i mexü̃ i Líbanuwa ngẽxmagüxü̃ i pinugü rü abétugü rü chipregü rü tá norü nga̱xãẽruxü̃ nixĩgü ya chopata ya taxü̃ne i ngextá íchachixü̃wa.

Yox 33:27

Rü ngẽxguma i nümax i ngẽma duü̃xü̃ rü duü̃xü̃güpe̱xewa tá ñanarügü: “Woo pecadu chaxü, natürü Tupana choxü̃́ nüxü̃ narüngüma rü tama ngẽma choxna üxü̃maxã choxü̃ napoxcu.

Filipenses 4:13

Rü Cristu nixĩ ya choxü̃ poraxẽẽcü, rü ngẽmaca̱x chomaxã nanguxü̃ nax chanaxüxü̃ i guxü̃ma i ngẽma Tupana naxwa̱xexü̃ nax chanaxüxü̃.

Filipenses 1:11

Rü naxca̱x íchaca nax Ngechuchu ya Cristu pexü̃ rüngü̃xẽẽxü̃ca̱x nax aixcüma namexü̃ca̱x i perü maxü̃ rü aixcüma penaxüxü̃ca̱x i ngẽma Tupanape̱xewa mexü̃ nax ngẽmaãcü Tupanaga pexĩnüexü̃ca̱x rü nüxü̃ picua̱xüü̃güxü̃ca̱x.

Echequié 17:23

Rü yimá Iraéanewa ngẽxmane ya ma̱xpǘne ya rümáchanemaenewa tá narüxü rü tá namuchacüxü, rü tá namuarü oõ̱x, rü wüxi ya ocayiwa ya baxcane tá nixĩ. Rü naguxü̃raü̃xü̃ i naeü̃gü rü tá natüxü̃wa namaxẽ, rü ñu̱xũchi naguxü̃raü̃xü̃ i werigü tá natanütüxü̃gu nixüachiaxü̃.

Echequié 36:25

Rü dexá i mechiüxü̃wa tá pexü̃ chixaiyagü. Rü guxü̃ma i perü chixexü̃wa tá pexü̃ chingematagüxẽxẽ. Rü ngẽma nax tupananetagümaxã petupanaã̱xgüxü̃ rü tá nüxna pexü̃ chixĩgachixẽxẽ nax ngẽmaãcü aixcüma pimexü̃ca̱x.