Ochéa 14:6 - Tupanaarü Ore

⁶ Rü ñoma oribu itaetaxü̃ rü ibaxcaxü̃rüxü̃ rü tá meama nüxü̃ naxüpetü i ngẽma Iraéanecüã̱xgü i nachixü̃anewa. Rü ngẽma nachixü̃ane rü duü̃xü̃güarü taãẽxẽẽruxü̃ tá nixĩ ñoma Líbanuarü ocayiwaemarüxü̃.

Ochéa 14:6 Referans Kwoze

Wiyaegü 52:8

Natürü i choma rü ñoma wüxi i oribu i baxcaxü̃ i Tupanapataa̱xtügu toxü̃rüxü̃ chixĩ. Rü ngẽmaca̱x guxü̃gutáma norü ngechaü̃gu chayaxõ.

Filipenses 4:18

Rü ñu̱xma rü marü choxü̃́ nangẽxma i guxü̃ma i ta̱xacü i chanaxwa̱xexü̃, rü aixcüma ngẽmaarü yexera choxü̃́ nangẽxma. Rü ñu̱xma nax Epaporudítu núma nangexü̃ i perü ãmare, rü taxuxü̃ma choxü̃́ nataxu. Rü ngẽma perü ãmare i cha̱u̱xca̱x núma pemuxü̃, rü Tupanape̱xewa rü ñoma wüxi i pumara i yixĩxü̃rüxü̃ nixĩ, rü nüma rü poraãcü namaxã nataãxẽ.

Ore i mexü̃ ga Cuáü̃ ümatüxü̃ 15:1

Rü ñanagürü ga Ngechuchu: —Choma nixĩ i ngẽma úbane i aixcüma ixĩxü̃. Rü Chaunatü nixĩ ya nüxna daucü i ngẽma úba.

Ore i mexü̃ ga Matéu ümatüxü̃ 13:31

Rü Ngechuchu rü to ga ore ga cua̱xruxü̃ duü̃xü̃gümaxã nixu, rü ñanagürü: —Tupanaarü ore rü ñoma wüxi ya motachachire ya wüxi ya yatü naanegu toxü̃nerüxü̃ nixĩ.

Yeremía 11:16

Rü choma ya Cori ya Tupana rü wüxi i oribu i baxcaxü̃ imearü oṍxü̃ãcü pexü̃ chaxu. Natürü i ñu̱xma rü ãẽmacü ya poracümaxã tá íchanagu i cuatügü, rü tá nixae i cuchacüügü.

Wiyaegü 128:3

Rü cupatawa ícungexmaxü̃wa rü cuxma̱x rü tá itaãxẽ. Rü ñoma wüxi i úba i oxochixü̃rüxü̃ tá nimu i cuxacügü. Rü ñoma oribuchacüxü i ngexwaca rüxügüxü̃rüxü̃ tá naporae i ngẽma cuxacügü i curü mechacüwawa rütogüxü̃.

Naanearü ügüchiga 27:27

Rü yexguma Acóbu nanatüna nangaicamagu nax nachúxãxü̃ca̱x, rü nüma ga Ichaá rü nanechirugu nawĩxĩ. Rü yexguma ga Ichaá rü mexü̃ namaxã naxuegu, rü ñanagürü: —Ñaa nixĩ i naema ya chaune ya Echaú. Rü ngẽma naema rü ñoma wüxi i naane i chi̱xemaxü̃ i Tupana mexü̃ namaxã ueguxü̃rüxü̃ nixĩ.

Wiyaegü 92:12

Rü ngẽma mea maxẽxü̃ i duü̃xü̃gü rü ñoma tema ya baxcacürüxü̃ tá nixĩgü. Rü tá nimexẽchi yima ocayiwa ya Líbanuwa ngẽxmagünerüxü̃.

Ichaía 27:6

Rü tá ínangu i ngunexü̃ i Acóbutanüxü̃ rü ñoma nanetügü i muxchúma̱xãxü̃rüxü̃ tá nixĩ nax Iraétanüxü̃ wena ínadagüxü̃ rü yamuxü̃. Rü ngẽmaãcü i norü o rü ñoma i naane tá namaxã nanapa.

Ichaía 66:14

Rü ngẽxguma tá ngẽmaxü̃ pedaugügu, rü perü maxü̃newa rü tá petaãẽgü. Rü ñoma maxẽ i ngexwaca̱xü̃xü̃rüxü̃ tá pexü̃́ nangẽxma i ngexwaca̱xü̃xü̃ i maxü̃. Rü nüma ya Cori ya Tupana rü tá norü duü̃xü̃güxü̃ nanawe̱x i norü pora. Natürü norü uanügüxü̃ rü tá nanawe̱x i norü nu.

Ochéa 6:3

¡Rü ngĩxã pora taxüe nax aixcüma Cori ya Tupanaxü̃ icuáxü̃ca̱x rü naga ixĩnüexü̃ca̱x! Rü nüma ya Cori ya Tupana rü aixcüma tá taxca̱x ínangu ñoma üa̱xcü guxü̃guma ínguxü̃rüxü̃ rü ñoma pucü guxü̃guma waixü̃mü iwaimüanexẽẽcürüxü̃”, ñanagürügü tá —ñanagürü ya Tupana.