Ochéa 14:5 - Tupanaarü Ore

⁵ Rü ñu̱xma i choma rü tá nüxü̃ charüngü̃xẽxẽxü̃ i ngẽma Iraéanecüã̱xgü ñoma cherena ya nanetügüxü̃ iwaixẽẽcürüxü̃. Rü ngẽma Iraéanecüã̱xgü rü tá nataãẽgü ñoma putüra i líriu meama ixãchacuxü̃rüxü̃. Rü yima ma̱xpǘne ya Líbanuarü ocayiwagü ya guxü̃guma ngẽxmaechanerüxü̃ tá nixĩ i ngẽma Iraéanecüã̱xgü nax guxü̃gutáma nachixü̃anewa nangẽxmagüxü̃.

Ochéa 14:5 Referans Kwoze

Ichaía 27:6

Rü tá ínangu i ngunexü̃ i Acóbutanüxü̃ rü ñoma nanetügü i muxchúma̱xãxü̃rüxü̃ tá nixĩ nax Iraétanüxü̃ wena ínadagüxü̃ rü yamuxü̃. Rü ngẽmaãcü i norü o rü ñoma i naane tá namaxã nanapa.

Efesios 3:17

Rü ngẽxgumarüxü̃ ta nüxna naxca̱x chaca nax perü õgagu pewa namaxü̃xü̃ca̱x ya Cristu. Rü nüxna chaca nax ngẽma Tupanaarü ngechaü̃ i pewa ngẽxmaxü̃ca̱x rü pema rü wüxigu guxü̃ma i yaxõgüxü̃maxã nüxü̃ pecuáxü̃ nax ñuxãcü nataxüchixü̃ i norü ngechaü̃ i namaxã tüxü̃ nangechaü̃xü̃ ya Cristu.

Ore i mexü̃ ga Matéu ümatüxü̃ 6:28

¿Rü ta̱xacüca̱x pexoegaãẽgü naxca̱x i pexchiru? ¡Dücax penangugü i ngẽma putüragü i ngextámare yaexü̃ i tama puracüexü̃, rü tama nügü üxchirugüxü̃!

Wiyaegü 72:16

¡Toxü̃ rüngü̃xẽxẽ, Pa Tupanax, nax tochixü̃anewa toxü̃́ yaxoxochixü̃ca̱x i torü trigugü rü toxü̃́ nabacaxü̃ca̱x i torü trigunecügü i ma̱xpǘneanewa ngẽxmagüxü̃! ¡Rü namuxẽxẽ i norü o ngẽma Líbanuanewa ngẽxmagüxü̃ i nanetügürüxü̃! ¡Rü ñoma maxẽ i naanewa muxü̃rüxü̃ torü ĩanegüwa yamuxẽxẽ i duü̃xü̃gü!

Yox 29:19

Rü choma rü ñoma wüxi i nai i natüpechinüwa rüxüxü̃ rü chütacü meama cherenamaxã iwaiátüxü̃rüxü̃ chixĩ.

Wenaxarü naxümatü ga Tupanaarü mugü 32:2

Rü chorü ngu̱xẽẽtae rü ñoma pucürüxü̃ tá mea petanüwa nangu. Rü chorü ore rü ñoma cherena i maxẽétügu nguxü̃rüxü̃ tá nixĩ. Rü tacü ya pucü ya nanetügüétügu ngucürüxü̃ tá nixĩ.

Miquéa 5:7

Rü ngẽxguma i ngẽma Iraétanüxü̃ i íyaxügüxü̃ i ñu̱xma togü i nachixü̃anegütanüwa ngẽxmagüxü̃, rü Tupana rü tá namaxã inacua̱x ñoma cherenamaxã rü pucü i maxẽétügu puxü̃maxã inacuáxü̃rüxü̃. Rü taxũtáma nanaxwa̱xegü nax duü̃xü̃güarü ngü̃xẽẽca̱x nadaugüxü̃ erü Tupana tá nixĩ i nüxü̃ rüngü̃xẽẽcü.

Ichaía 44:3

Rü choma rü tá chayaya̱xẽxẽ i dexá i naxnücüanewa, rü íyapaanexü̃wa rü tá chanango̱xẽxẽ i natüacügü. Rü petaagüna tá chanamu ya Chauãxẽ ya Üünecü rü tá petaagüxü̃ charüngü̃xẽxẽ.

Ichaía 26:19

Natürü curü duü̃xü̃gü tixĩgü rü woo tanoxree̱xpü̱x i ñu̱xmax, natürü wena tá timu. Rü woo togü tomaxã inacua̱x i ñaa naanewa, natürü wüxi i ngunexü̃ tá nüxna ítanguxü̃ rü taãẽmaxã tá tawiyaegü. Rü cuma rü tá toxü̃ quimuxẽxẽ rü maxü̃ tá toxna cuxã ñoma cherena rü pa̱xmama tonetüna maxü̃ ãxü̃rüxü̃.

Ichaía 18:4

Rü Cori ya Tupana rü ñanagürü choxü̃: —Choma i dauxü̃wa íchangexmaxü̃wa meama ichadawenü. Rü choma íchangexmaxü̃wa rü ñoma üa̱xcü ya taunecügu poraãcü ibáxichigurüxü̃ chixĩ, rü ñoma cherena i buxetagüyane nanetüétügu nguxü̃rüxü̃ chixĩ.

Wiyaegü 72:6

Rü chanaxwa̱xe nax yimá ãẽ̱xgacü rü meama norü duü̃xü̃güxü̃ nangü̃xẽẽxü̃ ñoma pucü i nanetügü meama iwainecüxẽẽcürüxü̃.

Norü taxre ga popera ga ãẽ̱xgacügüchiga 19:30

Rü ngẽma duü̃xü̃gü i Yudáanewa íyaxügüxü̃ rü ñoma nanetügü i ãxchúmaxãxü̃rüxü̃ rü ixoxü̃rüxü̃ tá nixĩgü.

Ore i mexü̃ ga Luca ümatüxü̃ 12:27

¡Dücax penangugü i ngẽma putüragü i líriugü nax ñuxãcü nayaexü̃! Rü tama napuracüexü̃, rü tama nügü üxchirugüxü̃. Natürü woo gumá ãẽ̱xgacü ga Charomóü̃ ga nax namexẽchixü̃ ga naxchiru rü taguma wüxi ga putürachacuarü mexü̃rüxü̃ nixĩ ga naxchiru.

Charumóü̃arü wiyae 4:5

Rü cuníü̃gü rü namexẽchi ñoma taxre i cowüxacügü i nügümaxã wüxigu buexü̃ i putüra i líriunecüwa chibüerüxü̃

Charumóü̃arü wiyae 2:16

Rü yimá choxü̃́ ngúchaü̃cü rü choxrüxicatama nixĩ, rü choma rü noxrü chixĩ. Rü nüma ya choxü̃́ ngúchaü̃cü rü putüra i rosanecüwa naxü̃nagüxü̃ nachibüexẽxẽ.

Ucu̱xẽgüchiga 19:12

Ngẽxguma nanuxgu ya ãẽ̱xgacü rü ñoma leóü̃ i ngĩ̱xnecüüxü̃rüxü̃ nixĩ. Natürü ngẽxguma nataãẽgu ya ãẽ̱xgacü, rü ñoma cherena i maxẽte̱xe iwaixẽẽxü̃rüxü̃ nixĩ.

Wiyaegü 80:9

Rü cunamexẽxẽ ga yema naane naxca̱x ga yema úba. Rü yema úba rü mea narüxü rü naxãxchuma̱xã rü guxü̃wama ga yema nachixü̃anewa rü nimu.

Wiyaegü 92:12

Rü ngẽma mea maxẽxü̃ i duü̃xü̃gü rü ñoma tema ya baxcacürüxü̃ tá nixĩgü. Rü tá nimexẽchi yima ocayiwa ya Líbanuwa ngẽxmagünerüxü̃.

Wiyaegü 133:3

Rü ñoma cherena ya ma̱xpǘne ya Ermóü̃étügu nguxü̃rüxü̃ rü ma̱xpǘne ya Chióü̃étügu nguxü̃rüxü̃ tüxü̃ nataãẽxẽxẽ. Rü Chióü̃wa nixĩ i ne naxũxü̃ i Tupanaarü ngü̃xẽxẽ nax namáxü̃ca̱x i norü maxü̃ i norü duü̃xü̃gü.

Ichaía 45:8

Rü ñanagürü ga Tupana: —Choma rü dauxü̃wa tá ne chanamu i chorü ngü̃xẽxẽ, ñoma daxũwa rünguxü̃ i cherenarüxü̃ rü ñoma caixanexü̃wa ne ũcü ya pucürüxü̃. Rü ñoma i naanewa tá nangu i chorü ngü̃xẽxẽ nax ngẽmaãcü Iraétanüxü̃xü̃ íchanguxü̃xẽẽxü̃ca̱x nawa i norü guxchaxü̃gü —ñanagürü.

Wiyaegü 92:13

Rü nümagü rü Cori ya Tupanapatawa tá nangẽxmagü rü ngéma tá nataãẽgü.

Ichaía 12:1

Rü ngẽma ngunexü̃gu rü tá ñacurügü: —Moxẽ cuxna chaxã, Pa Corix, yerü woo chomaxã cunu ga noxri, natürü curü nu rü marü nangupetü. Rü ngẽmaca̱x wena cha̱u̱xca̱x cunatáeguxẽxẽ ga yema taãxẽ ga noxri choxü̃́ yexmaxü̃.

Ichaía 57:18

Choma rü nüxü̃ chadau i nacüma i chixexü̃, natürü tá nüxü̃ charüngü̃xẽẽxü̃ nax nüxü̃ naxoexü̃ca̱x. Rü tá chanataãẽxẽxẽ nax tama naxoegaãẽgüxü̃ca̱x. Rü guxãma ya yíxema ngechaü̃güxe rü tá tüxü̃ chataãẽxẽxẽ.

Ichaía 57:19

Rü choma rü guxü̃ i chorü duü̃xü̃gümaxã tá ñacharügü: “Choma rü tá pemaxã charüngüxmü i pema i yáxü̃wa ngẽxmagüxe rü pema i ngaicamawa ngẽxmagüxe. Rü tá pexü̃́ nüxü̃ charüngüma i perü pecadugü.

Yeremía 3:22

¡Cha̱u̱xca̱x pewoegu, Pa Chauxacügü ya Tama Ixĩnüechaxü̃xẽx! Rü choma rü tá pexü̃́ nüxü̃ icharüngüma i ngẽma perü pecadugü —ñanagürü ya Cori ya Tupana.

Yeremía 32:41

Rü choma rü tá chataãẽãcüma nüxü̃ charüngü̃xẽxẽxü̃. Rü aixcümaxü̃chi guxü̃ma i chorü ngúchaü̃maxã tá ñaa naanewa chanangexmagüxẽxẽ” —ñanagürü.

Ochéa 6:3

¡Rü ngĩxã pora taxüe nax aixcüma Cori ya Tupanaxü̃ icuáxü̃ca̱x rü naga ixĩnüexü̃ca̱x! Rü nüma ya Cori ya Tupana rü aixcüma tá taxca̱x ínangu ñoma üa̱xcü guxü̃guma ínguxü̃rüxü̃ rü ñoma pucü guxü̃guma waixü̃mü iwaimüanexẽẽcürüxü̃”, ñanagürügü tá —ñanagürü ya Tupana.

Miquéa 7:18

Rü nataxuma i to ya Tupana i curüxü̃ ixĩxü̃, erü cuma rü nüxü̃́ nüxü̃ curüngü̃ma i ngẽma norü chixexü̃gü, rü tama nagu curüxĩnüecha i ngẽma chixexü̃gü i cupe̱xewa naxügüxü̃ i ngẽma noxre i curü duü̃xü̃ i íyaxügüxü̃. Cuma rü toxü̃ cunawe̱x i curü ngechaü̃, rü tama guxü̃guma tomaxã cunuecha.