Ochéa 14:3 - Tupanaarü Ore

³ Rü marü nüxü̃ tacua̱x rü ngẽma Achíriaanecüã̱xgü rü tama aixcüma toxü̃ ínapoxü̃. Rü woo chi cowarumaxã tibuxmügu rü taxũchima tamaxẽ. Rü ngẽmaca̱x i ñu̱xma rü marü taxũtáma namaxã tatupanaã̱x i ta̱xacürü naxchicüna̱xã i tomatama taxüxü̃. Erü toma nax tangearü yoraáxü̃ rü cuxicatama nixĩ i aixcüma cuxü̃́ tangechaü̃tümüxü̃güxü̃ —ñaperügügü tá.

Ochéa 14:3 Referans Kwoze

Wiyaegü 68:5

Rü yimá Tupana ya napata ya üünenewa ngẽxmacü rü ngẽma tacutagümaxã inacua̱x rü ngẽma yutegüxü̃arü poxü̃ruxü̃ nixĩ.

Wiyaegü 10:14

Pa Corix, cumatama marü nüxü̃ cudau i ngẽma taxü̃ i chixexü̃ i naxügüxü̃, rü name i cunapoxcu naxca̱x i ngẽma ngúxü̃ nax duü̃xẽgüxü̃ yangexẽẽgüxü̃. Rü yíxema turaexe rü curü ngü̃xẽẽca̱x nixĩ i tadaugüxü̃, erü cuma nixĩ i tümaarü poxü̃ruxü̃ quixĩxü̃. Rü cuma nixĩ i tüxü̃ curüngü̃xẽẽxü̃ ya yíxema taxcutagü.

Ochéa 14:8

Rü Efraíü̃tanüxü̃ rü tá ñanagürügü: “Marü taxuwama choxü̃́ name i ngẽma tupananetachicüna̱xãgü”, ñanagürügü tá. Rü choma rü tá nüxü̃ charüngü̃xẽxẽ rü nüxna chadau i chorü duü̃xü̃gü. Rü guxü̃gutáma namaxã chamecüma ñoma wüxi i pinu i guxü̃guma ya̱u̱xtanüxü̃rüxü̃. Rü chorü duü̃xü̃gü rü chaugu tá nüxü̃ nayangau i maxü̃ i mexü̃ —ñanagürü.

Ochéa 5:13

Rü ngẽxguma Efraíü̃tanüxü̃ rü Yudáanecüã̱xgü nüxü̃ daugügu nax taxü̃ i guxchawa nangẽxmagüxü̃, rü Efraíü̃tanüxü̃ rü tá Achíriaanearü ãẽ̱xgacüna ngü̃xẽẽca̱x nayacagü. Natürü nüma i Achíriaanearü ãẽ̱xgacü rü taxũtáma nüxü̃ narüngü̃xẽxẽ.

Ochéa 2:17

Rü tá nüxna chanachu̱xu nax tagutáma wena namaxã nadexaãchigüxü̃ca̱x i ngẽma tupananeta i Baágüéga.

Ichaía 31:1

Wüxi i taxü̃ i ngechaü̃ nixĩ naxca̱x i ngẽma Iraétanüxü̃ i Equítuanegu ngü̃xẽẽca̱x yadaugüxü̃. Nümagü rü nagu nayaxõgü ya yima muxũchine ya Equítuanearü carugü rü muxũchixü̃ i churaragü i cowaruétügu ĩxü̃. Natürü tama naga naxĩnüechaü̃ ya yimá norü Tupana ya üünecü, rü tama norü ucu̱xẽca̱x nadaugü.

Wiyaegü 33:17

Rü woo cowarugü i poraxüchixü̃ rü taxuacüma norü yoraxü̃ ínapoxü̃ ega tama Tupana nüxü̃ rüngü̃xẽẽgu.

Ore i mexü̃ ga Cuáü̃ ümatüxü̃ 14:18

Rü taxũtáma núma pexü̃ chawogümare i chomax, erü wena táxarü pexca̱x chataegu, nax petanüwa changexmaxü̃ca̱x.

Ochéa 12:1

Ngẽma Iraéanecüã̱xgü rü natüca̱xma guxü̃ i ngunexü̃gu ngẽma nachixü̃anegü i éstewa ngẽxmagüxü̃arü ngü̃xẽẽca̱x nadau. Rü yexera nidorata̱xagü rü nimáetagü. Rü Achíriaanecüã̱xgümaxã nanaxü i unetagü, rü Equítuanewa nanamugü i ãmare i chíxü̃ nax ngẽmaãcü Equítuanecüã̱xgü nüxü̃ rüngü̃xẽẽgüxü̃ca̱x.

Ochéa 8:9

Rü ngẽma Iraéanecüã̱xgü rü choxna nixĩgachi. Rü ñoma wüxi i búru i naixnecücüã̱x i nu ne naxũmarexü̃rüxü̃ nixĩgü. Rü ngẽma Efraíü̃tanüxü̃ rü Achíriaanewa naxĩ nax naxca̱x nadaugüxü̃ca̱x i norü ngü̃xẽxẽ. Rü ngéma nanana i norü ãmaregü nax ngẽmaãcü Achíriaane nüxü̃ rüngü̃xẽẽgüxü̃ca̱x.

Ochéa 8:6

¡Pa Iraéanecüã̱xgüx, ngẽma wocaxacüchicüna̱xã i Chamáriawa ngẽxmaxü̃ rü tama aixcüma Tupana nixĩ. Rü wüxi i yatü i ngẽmaxü̃arü üruü̃xü̃ cuáxü̃ nanaxümare. Natürü i choma rü tá íraxü̃gu chanapuxãchixẽxẽ.

Ochéa 7:11

Rü ngẽma Iraéanecüã̱xgü i Efraíü̃tanüxü̃ rü ñoma muxtucu i nu ne nañaxü̃ rü ngearü cuááxü̃rüxü̃ nixĩgü. Rü ngẽmaca̱x Equítuanecüã̱xgüna ngü̃xẽẽca̱x nacagü, rü ñu̱xũchi Achíriaanecüã̱xgüna ngü̃xẽẽca̱x nacagü.

Echequié 37:23

Rü taxũtáma nüxü̃ nicua̱xüü̃gü i ngẽma tupananetachicüna̱xãgü i nawa chanaxoxégaxü̃. Rü taxũtáma chixexü̃ i nacümagu namaxẽ. Rü choma rü tá nawa íchananguxü̃xẽxẽ i ngẽma nacüma i naxca̱x choxü̃ naxoexü̃. Rü yema chixexü̃gü ga naxügüxü̃ rü tá nüxü̃́ nüxü̃ icharüngüma. Rü nümagü i Iraétanüxü̃ rü tá chorü duü̃xü̃gü nixĩgü rü choma rü tá norü Tupana chixĩ.

Echequié 36:25

Rü dexá i mechiüxü̃wa tá pexü̃ chixaiyagü. Rü guxü̃ma i perü chixexü̃wa tá pexü̃ chingematagüxẽxẽ. Rü ngẽma nax tupananetagümaxã petupanaã̱xgüxü̃ rü tá nüxna pexü̃ chixĩgachixẽxẽ nax ngẽmaãcü aixcüma pimexü̃ca̱x.

Ichaía 36:8

Rü ñu̱xũchi ñanagürü: —Chorü cori ya Achíriaanearü ãẽ̱xgacü rü wüxi i uneta cumaxã naxü. Choma rü tá 2,000 i cowarugü cuxna chamugü ega cuxü̃́ nangẽxmagu i 2,000 i churaragü i cowarumaxã icua̱xgüxü̃.

Ichaía 31:3

Rü ngẽma Equítuanecüã̱x rü duü̃xü̃gümare nixĩgü, rü tama tupanagü nixĩgü. Rü ngẽma norü cowarugü rü namachimare nixĩgü, rü tama nixããxẽ. Rü nüma ya Cori ya Tupana rü tá guxchaxü̃ naxca̱x ínanguxẽxẽ i ngẽma Equítuanecüã̱x nax ngẽmaãcü napoxcugüãxü̃ca̱x. Rü ngẽma Equítuanecüã̱x rü ngẽma Iraétanüxü̃ i norü ngü̃xẽẽca̱x daugüxü̃ rü wüxigu tá guxchaxü̃gu nayi rü tá nayue.

Ichaía 30:2

Erü tama chorü ngü̃xẽẽca̱x nadaugü. Rü Equítuanewa naxĩ nax Faraóü̃xü̃tagu ngü̃xẽẽca̱x yadaugüxü̃ca̱x nax ngẽma ínapoxü̃güxü̃ca̱x.

Ichaía 27:9

Natürü nüma ya Cori ya Tupana rü tá nüxü̃́ nüxü̃ inayarüngüma i ngẽma Iraétanüxü̃arü chixexü̃gü rü tá ínanapi i norü pecadugü i ngẽxguma nagu napogüegu i norü tupananetagüarü ãmarearü guruü̃güarü nutagü, ñoma nuta ya cal íxraxü̃gu pocürüxü, rü ngẽxguma ínawogüãgu i ngẽma naigü i Acheráchicüna̱xãgü i namaxã natupanaã̱xgüxü̃ rü nagu napogüegu i ngẽma guruü̃gü i nawa norü tupananetagüca̱x pumarate̱xe ínagugüxü̃.

Ichaía 2:20

Rü ngẽma ngunexü̃gu rü duü̃xü̃gü rü tá ü̃cagüna rü chü̱xürigüna nanawoxochitanü i norü tupananetachicüna̱xãgü i úirunaxca̱x rü diẽrumünaxca̱x i nümatama ínaxüxüxü̃ nax nüxü̃ yacua̱xüü̃güxü̃ca̱x.

Ichaía 1:29

Rü pema rü tá na̱xcha̱xwa pexãnee i ngẽma naigü i taxü̃ rü putüraanecügü i perü me ixĩxü̃ i nawa nüxü̃ picua̱xüü̃güxü̃ i ngẽma tupananetachicüna̱xãgü.

Wiyaegü 146:9

Rü nüma ya Cori ya Tupana rü nüxna nadau i ngẽma duü̃xü̃gü i tama Iraétanüxü̃ ixĩgüxü̃ i to i nachixü̃anewa ne ĩxü̃. Rü ngẽxgumarüxü̃ ta tüxü̃ narüngü̃xẽxẽ ya taxcutagü rü yutegüxe. Natürü ngẽma duü̃xü̃gü i chixexü̃ ügüxü̃arü ĩnü rü nagu nayanachixexẽxẽ.

Wiyaegü 146:3

¡Rü taxṹ i nagu cuyaxõxü̃ i yatügü i nügü nüxü̃ cua̱xẽxẽxü̃! Erü nümagü rü duü̃xü̃gümare nixĩgü rü tama maxü̃ tüxna naxã.

Norü taxre ga to ga popera ga ãẽ̱xgacügüchiga ümatüxü̃ 16:7

Rü yema ngunexü̃gügu rü Tupanaarü orearü uruxü̃ ga Ananí rü Yudáanearü ãẽ̱xgacü ga Acháxü̃tawa naxũ nax namaxã nüxü̃ yanaxuxü̃ca̱x ga ñaa ore ga ñaxü̃: —Ñu̱xma nax cuxme̱xwa yabuxmüxü̃ i ngẽma Chíriaanearü churaragü, rü cugagu nixĩ erü Chíriaanearü ãẽ̱xgacüga cuxĩnü rü tama curü Cori ya Tupanaga cuxĩnü.

Wenaxarü naxümatü ga Tupanaarü mugü 17:16

Rü ngẽma ãẽ̱xgacü i nüxü̃ pexunetaxü̃ rü tama name nax nüma naxca̱x nataxexü̃ i muxũchixü̃ i cowarugü rü bai Equítuanewa nax namugüãxü̃ i duü̃xü̃gü nax to i cowarugüca̱x yataxegüxü̃ca̱x. Erü nüma ya Cori ya Tupana rü tüxna nanachu̱xu nax naxca̱x iwoeguxü̃ i ngẽma nachixü̃ane.

Chacaría 13:2

Rü guxü̃wama i ñaa nachixü̃anewa rü tá ichayanaxoxẽxẽ i woo i naégagü i ngẽma tupananetachicüna̱xãgü nax ngẽmaãcü tama nüxü̃ yacua̱xüü̃güxü̃ca̱x i duü̃xü̃gü. Rü ñaa nachixü̃anewa rü ngẽxgumarüxü̃ tá ta ichayanaxoxẽxẽ i ngẽma tupananetagüarü orearü uruü̃gü rü guxü̃ma i chixexü̃ i naãẽgü. Rü choma ya Cori ya Tupana nixĩ i ngẽma ñachaxü̃.

Yeremía 49:11

“¡Choxna namugü i curü taxcutagü nax choma nüxna chadauxü̃ca̱x! Rü choma rü tá nüxna chadau i ngẽma curü yutegüxü̃”, ñaxü̃.

Ochéa 4:12

Rü ngẽma chorü duü̃xü̃gü rü ínatüe erü naxchicüna̱xãgü i nainaxca̱xmare ixĩgüxü̃na nacagü nachiga i ta̱xacü tá yixcüra ngupetüxü̃. Rü naxü̃nearü ngúchaü̃, rü nüxü̃ napora, rü ngẽmagagu ngexü̃gü i ngĩxü̃nemaxã taxegüxü̃maxã namaxẽ rü ngẽmaãcü choxna nixĩgachitanü.

Ochéa 13:2

Rü pema rü ñu̱xma rü ta pecadu nixüetanüama. Rü ngẽma duü̃xü̃gü i naxchicüna̱xãarü üxü̃ cua̱xgüxü̃ namugü nax diẽrumüwa naxügüãxü̃ca̱x i wocachicüna̱xãgü. Rü nümagü i ngẽma naxchicüna̱xãarü üwa puracüexü̃ rü nümagü nanaxwa̱xegüxü̃ãcü nanaxügü. Rü ngẽma tupananetagüca̱x buxe tüxü̃ nigugü rü nüxü̃ nachúxgü ga yema wocaxacüchicüna̱xãgü.

Yoná 2:10

Rü yexguma ga nüma ga Cori ya Tupana rü yema choxni ga taxüchixü̃ãnüwa nanaxoxégaxẽxẽ nax Yonáxü̃ ínaxoxochixü̃ca̱x márpechinügu.