Ochéa 14:2 - Tupanaarü Ore

² Rü name nax ñaãcü peyumüxẽgüxü̃ rü ñaperügügü: —¡Pa Torü Cori ya Tupanax, rü toxü̃́ nüxü̃ irüngüma i guxü̃ma i torü chixexü̃gü! ¡Rü mea toxü̃́ nayaxu i ñaa torü cua̱xüxü̃ i cuxna taxãxü̃!

Ochéa 14:2 Referans Kwoze

Popera ga Yudíugü ga yaxõgüxü̃ca̱x ümatüxü̃ 13:15

Rü ngẽmaca̱x tanaxwa̱xe ya Ngechuchu ya Cristuégagu guxü̃guma Tupanaxü̃ ticua̱xüü̃gü. Rü ngẽma nax nüxü̃ icua̱xüü̃güxü̃, rü ngẽma nixĩ i ãmare i mexü̃ i nüxna ixãxü̃. ¡Rü ngĩxã taa̱xmaxã nüxü̃ ticua̱xüü̃gü!

Yox 7:21

¿Rü ẽ̱xna taxucürüwama choxü̃́ nüxü̃ curüngü̃ma i ngẽma chorü chixexü̃? ¿Rü taxucürüwa ẽ̱xna nüxü̃ curüngü̃ma ga yema chixexü̃ ga chaxüxü̃? Rü paxa tá chayu rü waixü̃mütüü̃wa tá changexma. Rü cha̱u̱xca̱x tá cudau natürü i choma rü marü tá chataxu —ñanagürü ga Yox.

Nüxíraxü̃xü̃ ga popera ga Cuáü̃ ümatüxü̃ 3:5

Pema rü marü nüxü̃ pecua̱x rü Ngechuchu ya Cristu rü ñoma ga naanewa naxũ nax iyanaxoxẽẽãxü̃ca̱x i pecadugü. Natürü i nüma rü taguma pecadu naxü.

Nüxíraxü̃xü̃ ga popera ga Pedru ümatüxü̃ 2:5

Rü ngẽxgumarüxü̃ ta i pemax, rü Tupana pexü̃ nade nax napataarü nutagü ya maxẽcü pixĩgüxü̃. Rü pema nixĩ i Tupanaarü ngü̃xẽẽruü̃gü i üünexü̃ ya Ngechuchu ya Cristuégagu Tupanana ãmare pexãgüxü̃. Rü ngẽma ãmare i nüxna pexãgüxü̃ i namaxã nataãẽxü̃ rü ngẽma nixĩ i perü maxü̃.

Norü taxre ga popera ga Timutéuca̱x naxümatüxü̃ ga Pauru 1:9

Rü Tupana tüxü̃ namaxẽxẽxẽ rü tüxü̃ nade nax naxca̱xicatama imaxẽxü̃ca̱x. Natürü tama ta̱xacürü mexü̃ nax ixügüxü̃gagu nixĩ ga yemaacü tamaxã namecümaxü̃ ga Tupana. Natürü tamaxã namecüma yerü woetama yema nixĩ ga norü ngúchaü̃ rü naxü̃pa nax naane naxüxü̃ rü Ngechuchu ya Cristugagu tüxü̃ nangechaxü̃.

Ore i mexü̃ ga Luca ümatüxü̃ 18:13

Natürü ga gumá yatü ga Rómaarü ãẽ̱xgacüca̱x diẽru ngĩxü̃ decü, rü yáxü̃gu narüxã̱ũ̱x. Rü namuü̃ ga daxũ nax nadawenüxü̃, rü yema norü ngechaü̃maxã nügü napaxremü, rü ñanagürü: “Pa Tupanax, ¡Cuxü̃́ changechaü̃tümüxü̃! Erü wüxi i pecaduã́xü̃ chixĩ”, ñanagürü ga gumá yatü.

Joel 2:17

¡Rü pexauxe, Pa Chacherdótegüx i Tupanaarü Puracümaxã Icua̱xgüxex, rü ãmarearü guruü̃pe̱xewa Tupanamaxã nüxü̃ pixu rü ñaperügügü nüxü̃! —¡Nüxü̃ nangechaxü̃ i ñaa curü duü̃xü̃gü, Pa Torü Corix ya Tupanax! ¡Rü taxṹ i cunangexrüxü̃ nax togü nüxü̃ cugüexü̃! ¡Rü taxṹ i cunangexrüxü̃ nax togü i nachixü̃anecüã̱xgü namaxã icuáxü̃! ¡Rü taxṹ i cunangexrüxü̃ i ngẽma tama yaxõgüxü̃ nax curü duü̃xü̃güxü̃ nacugüexü̃ ñaxü̃maxã!: “¿Ngexcü ya yimá perü Tupana?” ñaxü̃maxã nacugüexü̃ —ñaperügügü.

2 Chamué 24:10

Natürü nawena ga nax yaxugüãxü̃ ga duü̃xü̃gü rü nüma ga Dabí rü nüxü̃́ nangu̱x ga yema naxüxü̃. Rü yemaca̱x Cori ya Tupanamaxã ñanagürü: —Wüxi i taxü̃ i chixexü̃ chaxü nax chayaxugüxü̃ i duü̃xü̃gü. Natürü, Pa Corix, choma nax curü duü̃xü̃ nax chixĩxü̃ rü cuxna naxca̱x chaca nax choxü̃́ nüxü̃ curüngü̃maxü̃ i ngẽma chixexü̃ i cupe̱xewa chaxüxü̃ erü ñoma wüxi i tama naãxẽxü̃ cuáxü̃rüü̃ãcü chanaxü —ñanagürü.

2 Chamué 12:13

Rü nüma ga Dabí rü Natáü̃xü̃ nangãxü̃ rü ñanagürü: —Tupanape̱xewa chixexü̃ chaxü —ñanagürü. Rü nüma ga Natáü̃ nanangãxü̃ rü ñanagürü: —Ngẽmáacüx, natürü Tupana rü cuxü̃ nangechaü̃, rü taxũtáma ngẽma chixexü̃gagu cuyu.

Nüxíraxü̃xü̃ ga popera ga Pedru ümatüxü̃ 2:9

Natürü pema nixĩ i duü̃xü̃gü i tórü ãẽ̱xgacü ya Tupana pexü̃ dexü̃ nax norü puracü pexügüxü̃ca̱x. Rü pema nixĩ i duü̃xü̃gü i nape̱xewa ixüünexü̃, erü nümatama ya Tupana rü norü duü̃xü̃güxü̃ pexü̃ nixĩgüxẽxẽ nax nüxü̃ pixuxü̃ca̱x i ngẽma mexü̃gü i norü poramaxã naxüxü̃. Rü nümatama ya Tupana nixĩ ga ẽanexü̃wa pexü̃ ínanguxü̃xẽẽxü̃ nax norü ngóonexü̃ i mexẽchixü̃gu pechocuxü̃ca̱x.

Popera ga Yudíugü ga yaxõgüxü̃ca̱x ümatüxü̃ 10:4

Yerü gumá nagü ga yema wocagü ga iyatüxü̃ rü chíbugü rü tama napora nax iyanaxoxẽẽãxü̃ca̱x ga pecadugü.

Romanos 11:27

Rü aixcüma norü pecaduwa tá íchananguxü̃xẽxẽ i ngẽma Yudíugü. Rü ngẽxguma tá nixĩ nax chayanguxẽẽxü̃ i ngẽma chorü uneta”, ñanagürü ga Tupana.

Ore i mexü̃ ga Cuáü̃ ümatüxü̃ 1:29

Rü moxü̃ãcü ga Cuáü̃ rü Ngechuchuxü̃ nadau ga naxca̱x nax yaxũxü̃. Rü ñanagürü ga Cuáü̃: —¡Dücax! Daa nixĩ ya yimá Tupanaarü Carnéruxacü ya núma namuãcü nax yanaxoxẽẽãxü̃ca̱x i ñoma i naanecüã̱x i duü̃xü̃güarü pecadugü.

Ore i mexü̃ ga Luca ümatüxü̃ 11:13

Rü pema nax pichixecümachiréxü̃ rü nüxü̃ pecua̱x nax mexü̃ i ãmare pexacügüna pexãxü̃. Natürü Penatü ya Dauxü̃gucü rü ngẽmaarü yexera i memaexü̃ tá inaxã, rü tá tüxna nanamu i Naãxẽ ya Üünexü̃ ya yíxema naxca̱x íca̱xe —ñanagürü ga Ngechuchu.

Ore i mexü̃ ga Matéu ümatüxü̃ 7:11

Rü pema nax pichixecümachiréxü̃ rü nüxü̃ pecua̱x nax mexü̃ pexacügüna pexãxü̃. Rü Penatü ya daxũgucü rü tá perü yexera mexü̃ tüxna naxã ya yíxema nüxna naxca̱x ca̱xaxe i ngẽma mexü̃.

Chacaría 3:4

Rü yexguma ga yema daxũcüã̱x ga duü̃xü̃ rü noxrü ngü̃xẽẽruü̃güxü̃ namu rü ñanagürü: —Ngẽma ãũãchixü̃ i Yochuéchiru ¡rü ípenacuxuchix! —ñanagürü. Rü ñu̱xũchi Yochuéxü̃ ñanagürü: —¡Dücax! rü marü cuxna chanayaxu i ngẽma curü pecadu rü ñu̱xma rü tá nga̱xãẽchirugu cuxü̃ chicu̱xẽxẽ —ñanagürü.

Ichaía 6:7

Rü gumá ã́xwe rü cha̱u̱a̱xwa nayaxũ̱xãchixẽxẽ, rü ñanagürü choxü̃: —¡Dücax! daa ã́xwe rü cua̱xwa nixũ̱xãchi rü ngẽmaca̱x i curü chixexü̃ rü marü inayarüxo. Rü ngẽma curü chixexü̃gü rü Tupana rü marü cuxü̃́ nüxü̃ narüngüma —ñanagürü.

Nüxíraxü̃xü̃ ga popera ga Cuáü̃ ümatüxü̃ 1:7

Natürü ngẽxguma chi Tupanarüxü̃ ngóonexü̃wa imaxẽgu, rü yigütanüxü̃ tixĩgü, rü Tupana Nane ya Ngechuchu rü nagümaxã tüxü̃́ inayanaxoxẽxẽ i guxü̃ma i pecadugü.

Popera ga Títoca̱x naxümatüxü̃ ga Pauru 2:14

Rü nüma ga Ngechuchu rü taxca̱x nayu nax tüxü̃ ínanguxü̃xẽẽxü̃ca̱x nawa i guxü̃ma i chixexü̃, rü mea tüxü̃ yamexẽẽgüxü̃ca̱x nax norü duü̃xü̃gü ixĩgüxü̃ca̱x rü guxü̃guma mexü̃ ixügüxü̃ca̱x.

Wiyaegü 50:14

Rü choma ya Tupana ya Guxü̃étüwa Ngẽxmaxe rü ngẽma ãmare i chanaxwa̱xexü̃ nixĩ nax moxẽ choxna pexãxü̃ rü aixcüma peyanguxẽẽxü̃ i ngẽma perü unetagü.

Wiyaegü 51:16

Erü cuma rü tama cunaxwa̱xe nax ta̱xacürü ãmare cuxna chaxãxü̃ rüe̱xna ta̱xacürü ãmare cuxca̱x chiguxü̃. Rü choma rü chi cuxna chanaxã, natürü tama ngẽma nixĩ i namaxã cutaãẽxü̃.

Wiyaegü 51:17

Rü ngẽma cuma cunaxwa̱xexü̃, Pa Tupanax, nixĩ i wüxi i duü̃xü̃ i nüxü̃ rüxoxü̃ i chixexü̃. Rü cumax, Pa Tupanax, rü tama nüxü̃ cuxo i ngẽma duü̃xü̃ i nügümaxã nangechaü̃ãcüma cumaxã nügü ixuxü̃ nax nachixexü̃.

Wiyaegü 119:108

¡Rü choxü̃́ nayaxu nax moxẽ cuxna chaxãxü̃! ¡Rü choxü̃ nangu̱xẽxẽ i curü mugü!

Ochéa 6:6

Rü ngẽma choma pexü̃́ chanaxwa̱xexü̃ nixĩ nax aixcüma choxü̃ pengechaü̃xü̃, rü ngexrüma nax ta̱xacürü naxü̃nagü cha̱u̱xca̱x pedaixü̃. Rü ngẽma chanaxwa̱xexü̃ nixĩ nax aixcüma choxü̃ pecuáxü̃ nax perü Tupana chixĩxü̃ rü ngexrüma i ta̱xacürü ãmare i cha̱u̱xca̱x nax ípeguxü̃.

Ichaía 44:22

Rü choma nixĩ i pexü̃́ ichayanaxoxẽẽxü̃ i perü guxchaxü̃gü rü perü chixexü̃gü ñoma caixanexü̃ iyarüxoxgurüxü̃. ¡Rü ẽcü cha̱u̱xca̱x pewoegu! Erü choma nixĩ i pexü̃ íchanguxü̃xẽẽxü̃ nawa i perü chixexü̃” —ñanagürü.

Yeremía 3:12

¡Rü nórtewa naxũ, rü ngéma nüxü̃ yarüxu i ñaa ore!: “Cori ya Tupana rü ñanagürü pexü̃, ‘¡Cha̱u̱xca̱x pewoegu, Pa Iraéanecüã̱xgü i Tama Ixĩnüechaü̃xü̃! Rü taxũtáma nuãcü pexü̃ chayaxu, rü taxũtáma guxü̃gu pemaxã chanuecha, erü choma rü ngechaü̃wa̱xecü chixĩ. Rü ngẽma nixĩ i chorü ore i choma ya Cori ya Tupana.

Ochéa 5:5

Rü ngẽma Iraéanecüã̱xgü rü nügü nicua̱xüü̃gü rü nügü ínarütagü. Rü ngẽmagagu rü tá naxca̱x ínangu i guxchaxü̃. Rü ngẽma Efraíü̃tanüxü̃ rü norü chixexü̃gu tátama nayi. Rü ngẽma Yudáanecüã̱xgü rü tá ta noxrütama chixexü̃gu nayi.

Ochéa 12:7

Rü Tupana rü Iraétanüxü̃xü̃ ñanarügü: —Pemax rü taxetanüxü̃ i womüxẽẽwa̱xegüxü̃ pixĩgü. Rü ngẽmaca̱x yimá perü yáruxü̃ ya tama mecümaxã nüxü̃́ pengĩ̱x i duü̃xü̃gü.