Ochéa 14:1 - Tupanaarü Ore

¹ Pa Iraéanecüã̱xgüx, pema nax perü chixexü̃gagu guxchaxü̃gu peyixü̃x ¡rü naxca̱x pewoegu ya Cori ya perü Tupana!

Ochéa 14:1 Referans Kwoze

Ochéa 6:1

Rü Tupana rü ñanagürü ta: —Ngẽma Iraéanecüã̱xgü rü ñanagürügü tá: “Pa Chomücügüx, ¡ngĩxã guxãma Cori ya Tupanaca̱x tawoegu! Rü woo nümatama tüxü̃ nawoone rü guxchaxü̃ tüxna naxã, natürü wena táxarü tüxü̃ nawoeguxẽxẽ nax ngẽmaãcü itaãẽgüxü̃ca̱x. Rü nüma rü ngúxü̃ tüxü̃ ningexẽẽgü, natürü tá tüxü̃́ inanaxoxẽxẽ i ngẽma ngúxü̃ i ingegüxü̃.

Ochéa 12:6

¡Pa Iraétanüxü̃x, Tupanaca̱x pewoegu! ¡Rü aixcüma nüxü̃ pengechaü̃gü rü nüxü̃́xicatama peyaxõgü!

Yeremía 4:1

Cori ya Tupana rü ñanagürü: —¡Pa Iraétanüxü̃x, ngẽxguma penaxwa̱xegu nax pewoeguxü̃, rü name nixĩ nax cha̱u̱xca̱x pewoeguxü̃. ¡Rü nüxna pixĩgachi i ngẽma perü tupananetachicüna̱xãgü i naxchi chaxaixü̃, rü taxṹ i choxna pixĩgachitanüxü̃!

Ochéa 13:9

Pa Iraéanecüã̱xgüx, ñu̱xmax rü tá pexü̃ chadai rü taxúetama pexü̃ ítapoxü̃.

Auxexü̃chiga 5:16

Rü yema pora ga noxri toxü̃́ yexmaxü̃ rü marü inarüxo. Rü ñu̱xma rü taxü̃ i ngechaxü̃wa tangexmagü yerü pecadu taxügü.

Ochéa 5:5

Rü ngẽma Iraéanecüã̱xgü rü nügü nicua̱xüü̃gü rü nügü ínarütagü. Rü ngẽmagagu rü tá naxca̱x ínangu i guxchaxü̃. Rü ngẽma Efraíü̃tanüxü̃ rü norü chixexü̃gu tátama nayi. Rü ngẽma Yudáanecüã̱xgü rü tá ta noxrütama chixexü̃gu nayi.

Yeremía 2:19

Rü ngẽma perü chixexü̃gagu tátama nixĩ i pepoxcuexü̃, rü ngẽma nax tama choxü̃ pengechaxü̃xü̃gagu tá nixĩ i ngúxü̃ pingegüxü̃. ¡Nagu perüxĩnü rü tá nüxü̃ pedau nax poraãcü nachixexü̃ rü nangúxü̃ nax choxna pixĩgachixü̃ rü tama choxü̃ picua̱xüü̃güxü̃ i choma nax perü Cori ya Tupana chixĩxü̃! Rü choma ya Cori ya Tupana ya Guxãétüwa Ngẽxmacü chixĩ rü pemaxã nüxü̃ chixu i ngẽma.

Ichaía 19:22

Rü Cori ya Tupana rü tá Equítuanearü duü̃xü̃güca̱x ngúxü̃ ínanguxẽxẽ. Natürü yixcama rü tá nanaxoxẽxẽ i ngẽma ngúxü̃ i yangegüxü̃. Rü nüma i Equítuanecüã̱xgü rü tá Cori ya Tupanaca̱x nawoegu, rü nüma rü tá nüxü̃́ nangechaü̃tümüü̃gü rü tá nayanaxoxẽxẽ i ngẽma ngúxü̃ i yangegüxü̃.

Echequié 33:11

Natürü choma ya Cori ya Tupana rü chauégagu nüxü̃ chixu nax tama chanaxwa̱xexü̃ nax texe tümaarü pecadugu yuxü̃. Natürü ngẽma chanaxwa̱xexü̃ nixĩ nax nüxü̃ tarüxoxü̃ i tümacüma i chixexü̃ nax ngẽmaãcü tüxü̃́ nangẽxmaxü̃ca̱x i maxü̃. Pa Iraétanüxü̃x, ¡nüxna pixĩgachitanü i ngẽma chixexü̃ i nacüma i nagu pemaxẽxü̃! ¿Rü ta̱xacüca̱x yuwa pegü pexĩxẽxẽ?

Echequié 33:14

Rü ngẽxguma chi yu namaxã chixuxgu i wüxi i yatü i chixexü̃gu maxü̃xü̃, rü nüma rü nüxü̃ naxoxgu i ngẽma pecadu i nagu namaxü̃xü̃, rü mexü̃ naxü̱xgu, rü aixcüma yanguxẽẽãgu i ngẽma mexü̃ i nüxü̃ yaxuxü̃, rü natáeguxẽẽã̱xgu ga yema namücüarü ngẽmaxü̃ ga norü diẽruca̱x nüxna taxãxü̃, rü natáeguxẽẽã̱xgu ga yema naxca̱x nangĩ́xü̃, rü naga naxĩnügu i ngẽma mugü i maxü̃ ixãxü̃, rü nüxü̃ naxoxgu nax chixexü̃ naxüxü̃, rü aixcüma tá namaxü̃ rü taxũtáma nayu.

Ochéa 4:8

Rü nüma i ngẽma chacherdótegü rü duü̃xü̃güarü pecadumaxã nataãẽgü erü ngẽxguma ngẽma duü̃xü̃gü norü pecadugüca̱x ngéma nagagügu ga naxü̃nagü nax chacherdóte nada̱i̱xü̃ca̱x rü ínaguxü̃ca̱x i ngẽma ãmaregü, rü ngẽxguma i nüma i chacherdótegü rü naxãwemügü rü mea nachibüe.

Ochéa 9:7

Pa Iraéanecüã̱xgüx, marü nawa nangu i ngẽma ngunexü̃gü nax Tupana pexü̃ napoxcuexü̃ naxca̱x i perü chixexü̃gü i taxüchixü̃. Rü pemax, Pa Iraéanecüã̱xgüx, rü tá nüxü̃ pecua̱x nax marü pexca̱x ínanguxü̃ i ngẽma perü poxcu. Pema rü ñaperügügü: “Ngẽma orearü uruxü̃ rü nangeãxẽmare, rü tama naãxẽxü̃ nacua̱x”, ñaperügügü. Natürü ngẽmaãcü pidexagü erü perü chixexü̃maxã penapagü rü poraãcü naxchi pexai ya yimá orearü uruxü̃.

Ochéa 10:12

Choma rü marüchire̱x pemaxã nüxü̃ chixu rü ñachagürü pexü̃: “Ngẽxguma aixcüma mexü̃ pexügügu rü tá pexna nangu i chorü ngechaü̃. ¡Penamexẽxẽ i perü maxü̃! Erü marü nawa nangu nax cha̱u̱xca̱x pedaugüxü̃ ñu̱xmatáta petanüwa changu nax peétügu chayabaxü̃ca̱x i chorü pora i namaxã pexü̃ íchapoxü̃xü̃”, ñachagürü.

Ochéa 12:8

Rü nagu perüxĩnüe nax ngẽmaãcü pimuarü diẽruã̱xü̃chi, rü taxúetama pexü̃ cuáxü̃ nax naxca̱x pengĩ́ãcüma pexü̃́ nangẽxmaxü̃ i perü ngẽmaxü̃gü.

Norü taxre ga popera ga ãẽ̱xgacügüchiga 8:12

Rü Achaé nüxna naca rü nüxü̃ ñanagürü: —¿Ta̱xacüca̱x cuxaxu, Pa Chorü Corix? —ñanagürü. Rü Erichéu nanangãxü̃ rü nüxü̃ ñanagürü: —Erü nüxü̃ chacua̱x i ngẽma chixexü̃ i Iraéanecüã̱xgüca̱x tá ícunguxẽxẽxü̃. Erü yima norü ĩanegü ya ípoxegugüne rü tá ícunagu. Rü ngẽma norü ngextü̱xüxü̃gü rü taramaxã tá cunadai. Rü yíxema ibuxe rü nutagu tá tüxü̃ quichi̱xgüe rü ngẽmaãcü tá tüxü̃ cudai. Rü ñu̱xũchi yíxema ngexegü ya ixãxacüxe rü itacharaü̃güxe rü tá tüxü̃ cuwinapütüwegü —ñanagürü.

Echequié 16:46

Rü nórtewaama nixĩ ga nayexmaxü̃ ga yema cueya̱x ga ya̱xcü. Rü guma nixĩ ga guma ĩane ga Chamária namaxã ga norü ĩanexacügü. Rü súrwaama nixĩ ga nayexmaxü̃ ga cueya̱x ga rübumaecü. Rü guma nixĩ ga guma ĩane ga Chodóma namaxã ga norü ĩanexacügü.

Ochéa 9:13

Rü nüxü̃ chadau i ngẽma Iraéanecüã̱xgü nax wüxi i naane i mexü̃wa nangẽxmagüxü̃, yema Tíruanecüã̱xgürüxü̃. Natürü ngẽma Iraéanecüã̱xgü rü yuwa tá nanamugü i naxacügü —ñanagürü.

Amúx 1:13

Rü ñanagürü ya Cori ya Tupana: —Ngẽma Amóü̃cüã̱x rü poraãcü chixexü̃ naxügü rü ngẽmaca̱x taxũtáma íchayachaxãchi nax chanapoxcuexü̃. Yerü yema norü ĩnügü nixĩ nax nüxü̃ natanetagüchaü̃ ga yema norü naanegü. Rü yemaca̱x tüxü̃ narüwítepütüwegü ga guxema ngexegü ga itacharaü̃güxẽ ga Garaáxcüã̱xgü.