Ochéa 13:8 - Tupanaarü Ore

⁸ Rü tá pexca̱x chixũ ñoma wüxi i osu i ngexü̃ i naxacügü nüxna tüxü̃ napuxü̃rüxü̃ rü tá pegu chagáugüe i perü maxü̃newa. Rü ñoma wüxi i leóü̃rüxü̃ rü tá pexü̃ changõ̱xcu rü wüxi i naeü̃ idüraxü̃rüxü̃ tá pegu chawagü.

Ochéa 13:8 Referans Kwoze

2 Chamué 17:8

Cuma rü nüxü̃ cucua̱x ya cunatü rü ngẽma norü duü̃xü̃gü rü nax naporaexü̃. Rü ñu̱xma rü ñoma wüxi i osu i naixnecücüã̱x i düraxü̃ naxacü nüxna tüxü̃ ipuxü̃xü̃rüxü̃ nanue. Rü ñu̱xũchi cunatü rü wüxi i yatü i marü daixü̃ cuáxü̃ nixĩ rü ñaa chütaxü̃ rü taxũtáma norü duü̃xü̃gütanüwa nangẽxma.

Yeremía 12:9

Rü ngẽma chorü duü̃xü̃gü rü ñoma wüxi i weri i mexpachixü̃ i togü i werigü naxchi aiexü̃rüxü̃ nixĩgü. ¡Rü nua pexĩ, Pa Guxü̃ma i Naeü̃gü i Idüraexü̃x! ¡Rü wüxiwa pexĩ rü penangõ̱xcu!

Ichaía 56:9

Rü nüma ya Tupana rü ñanagürü: —Pa Iraétanüxü̃arü Uanügüx, ¡nua pexĩ rü ñoma naeü̃gü i düraexü̃rüxü̃ naxca̱x ípeyaxüãchi rü peyadai i chorü duü̃xü̃gü!

Ichaía 5:29

Rü naga i ngẽma norü churaragü rü ñoma wüxi i leóü̃ i aexü̃xü̃ ingũ̱xunecüxüxü̃rüxü̃ nixĩgü. Rü nayange i naeü̃ rü taxúema tapora nax nüxna tanapuxü̃.

Ucu̱xẽgüchiga 17:12

Wüxi i osu, rü ngẽxguma naxacügüca̱x nanuxgu, rü naxãũcüma, natürü wüxi i duü̃xü̃ i tama naãẽxü̃ cuáxü̃ rü yexera naxãũcümaxü̃chi i ngẽxguma norü chixexü̃ naxü̱xgu.

Wiyaegü 80:13

Rü ngẽma ngũü̃gü rü nanacauü̃maü̃gü rü ngẽma togü i naeü̃gü rü nayawacutanügü.

Wiyaegü 50:22

¡Dücax i pemax nax choxü̃ iperüngümaexü̃, name nixĩ i nagu perüxĩnüe i ngẽma pemaxã nüxü̃ chixuxü̃! ¡Rü cha̱u̱xca̱x pewoegu naxü̃pa nax pexü̃ chada̱i̱xü̃ rü taxúema pexü̃ ípoxü̃xü̃!

Yeremía 25:38

Nüma ya Cori ya Tupana rü ñoma wüxi i leóü̃ i nuãcü naxmaü̃wa ixũxũxü̃rüxü̃ nixĩ. Rü yima nachixü̃ane rü wüxi i chianexü̃xü̃ nixĩ, erü Cori ya Tupana rü poraãcü nanu rü yemaca̱x dai naxca̱x ínanguxẽxẽ.

Ochéa 2:12

Rü ngẽma duü̃xü̃gü nüxü̃ nacua̱xgügu nax norü tupananetagü yixĩxü̃ i nüxna naxãxü̃ i ngẽma norü igunecü rü úbanecügu. Natürü i choma rü tá chayanaxoxẽxẽ rü maxẽnecüxü̃ tá chayaxĩxẽxẽ. Rü ngẽma naeü̃gü i naixnecücüã̱xgü tá nanangõ̱xgü i ngẽma duü̃xü̃gü.

Ochéa 5:14

Rü choma rü ñoma wüxi i leóü̃rüxü̃ tá naxca̱x chixũ i ngẽma Efraíü̃tanüxü̃ rü Yudáanecüã̱xgü. Rü wüxi i leóü̃xacürüxü̃ tá nüxna chayuxu rü tá nagu chawagü. Rü nawena yáxü̃wa tá chanaga rü taxúetátama choxna tanapu.