Ochéa 13:7 - Tupanaarü Ore

⁷ Rü ngẽmaca̱x i choma rü ñoma wüxi i leóü̃rüxü̃ tá pexca̱x chixĩ, rü ñoma wüxi i ai i cúãcüma namawa pexü̃ nangu̱xẽẽxü̃rüxü̃ tá pexca̱x chixĩ.

Ochéa 13:7 Referans Kwoze

Ochéa 5:14

Rü choma rü ñoma wüxi i leóü̃rüxü̃ tá naxca̱x chixũ i ngẽma Efraíü̃tanüxü̃ rü Yudáanecüã̱xgü. Rü wüxi i leóü̃xacürüxü̃ tá nüxna chayuxu rü tá nagu chawagü. Rü nawena yáxü̃wa tá chanaga rü taxúetátama choxna tanapu.

Yeremía 5:6

Rü ngẽmaca̱x naixnecüwa tá ínachoxü̃ i leóü̃gü i nangõ̱xcuxü̃, rü airugü i ínachianexü̃wa maxẽxü̃ tá nagu niwagügü. Rü ngẽma aigü rü norü ĩanegügu tá nanangõ̱xcu, rü tá nagu niwagügü i ngẽxguma ínachoxü̃gu. Yerü yema duü̃xü̃gü rü muxü̃ma ga chixexü̃ naxügü rü muẽ̱xpü̱xcüna nidoraemare.

Auxexü̃chiga 3:10

Rü nüma ga Cori ya Tupana rü ñoma leóü̃ i tüxü̃ ícu̱xẽü̃xü̃rüxü̃ nixĩ cha̱u̱xca̱x. Rü ñoma osu i marü ímemarexü̃ i tüxü̃ iyauxchaü̃xü̃rüxü̃ nixĩ cha̱u̱xca̱x.

Amúx 3:8

¿Rü texé ya tama muü̃maxã idu̱xruxe ega ngẽxguma wüxi i leóü̃ ingũ̱xunecüxügu? ¿Rü texé ya tama Tupanaégagu idexaxe ega nüma tüxü̃ namuxgu nax tidexaxü̃ca̱x?

Amúx 3:4

Rü ngẽxguma naixnecüwa yangunecüxügu i wüxi i leóü̃ rü ngẽmawa nüxü̃ tacua̱x nax ngẽxma naxãẽü̃xü̃. Rü ngẽxguma wüxi i leóü̃acü naxmaxü̃wa yangunecüxügu rü ngẽmawa nüxü̃ tacua̱x nax ta̱xacü ngẽxma yayaxuxü̃.

Amúx 1:2

Nüma ya Cori ya Tupana rü ngẽxguma yima ma̱xpǘne ya Chióü̃ ya Yerucharéü̃wa ngẽxmanewa yadexaxgu, rü naga rü ñoma duruanexü̃rüxü̃ nixĩ. Rü ngẽxguma ya yima maxẽ ya carnérugüchitaxü̃wa ngẽxmacü rü nipagü rü yima ma̱xpǘne ya Carmérutape̱xewa rü nipaane.

Ichaía 42:13

Rü nüma ya Cori ya Tupana rü ñoma wüxi i daiwa poraxü̃rüxü̃ tá nua naxũ. Rü norü poramaxã tá aita naxü rü tá norü uanügüxü̃ nadai —ñanagürü ga Ichaía.

Yema Cuáü̃ nüxü̃ dauxü̃ i yixcüra tá ngupetüxü̃chiga 13:2

Rü yema ngo̱xo ga nüxü̃ chadauxü̃, rü ñoma airüxü̃ nixĩ. Rü naxme̱xgü rü chatüme̱xẽrüxü̃ nixĩgü. Rü naã̱x rü wüxi ga leóü̃a̱xrüxü̃ nixĩ. Rü yema coya ga Chataná rü yema ngo̱xoxü̃ naporaxẽxẽ nax naxrüxü̃ naporaxü̃ca̱x rü naxrüxü̃ taxü̃ ga ãẽ̱xgacü yixĩxü̃ca̱x.

Yox 10:16

Rü ngẽxguma chi cuxcha̱xwa chiñaxgu, rü cuma rü ñoma wüxi i leóü̃rüxü̃ chi chowe cunge. Rü icunawe̱x i curü pora nax ngẽmaãcü choxü̃ quimáxü̃ca̱x.

Yeremía 25:38

Nüma ya Cori ya Tupana rü ñoma wüxi i leóü̃ i nuãcü naxmaü̃wa ixũxũxü̃rüxü̃ nixĩ. Rü yima nachixü̃ane rü wüxi i chianexü̃xü̃ nixĩ, erü Cori ya Tupana rü poraãcü nanu rü yemaca̱x dai naxca̱x ínanguxẽxẽ.