Ochéa 13:16 - Tupanaarü Ore

¹⁶ Rü choma rü tá chanapoxcue i ngẽma Chamáriacüã̱xgü erü tama chauga naxĩnüe. Rü norü uanügü rü tá taramaxã nanadai. Rü yíxema buxegü rü tá waixü̃mügu tüxü̃ nichi̱xgü. Rü yíxema ngexegü ya itacharaü̃güxe rü tá tüxü̃ nachuxnagü —ñanagürü.

Ochéa 13:16 Referans Kwoze

Norü taxre ga popera ga ãẽ̱xgacügüchiga 15:16

Rü yexguma ga Menaéü̃ rü Tífchawa inaxũãchi rü Tircháwa naxũ. Rü yémacüã̱xgü rü tama naxca̱x nayawãxnagü ga guma ĩanearü poxeguxü̃arü ĩã̱xgü. Natürü nixücuama rü nanade ga guxü̃ma ga norü yemaxü̃gü ga guma ĩanewa rü norü naanewa yexmagüxü̃. Rü ñu̱xũchi tüxü̃ nawinapütüwegü ga guxema ngexegü ga itacharaü̃güxe.

Norü taxre ga popera ga ãẽ̱xgacügüchiga 8:12

Rü Achaé nüxna naca rü nüxü̃ ñanagürü: —¿Ta̱xacüca̱x cuxaxu, Pa Chorü Corix? —ñanagürü. Rü Erichéu nanangãxü̃ rü nüxü̃ ñanagürü: —Erü nüxü̃ chacua̱x i ngẽma chixexü̃ i Iraéanecüã̱xgüca̱x tá ícunguxẽxẽxü̃. Erü yima norü ĩanegü ya ípoxegugüne rü tá ícunagu. Rü ngẽma norü ngextü̱xüxü̃gü rü taramaxã tá cunadai. Rü yíxema ibuxe rü nutagu tá tüxü̃ quichi̱xgüe rü ngẽmaãcü tá tüxü̃ cudai. Rü ñu̱xũchi yíxema ngexegü ya ixãxacüxe rü itacharaü̃güxe rü tá tüxü̃ cuwinapütüwegü —ñanagürü.

Ichaía 13:16

Rü tümape̱xegügu tá tümaxacügüxü̃ waixü̃müanegu nichi̱xgü. Rü tümapatagüwa tá nanade i tümaarü ngẽmaxü̃gü. Rü tümama̱xgü rü tá tümamaxã namaxẽ.

Amúx 1:13

Rü ñanagürü ya Cori ya Tupana: —Ngẽma Amóü̃cüã̱x rü poraãcü chixexü̃ naxügü rü ngẽmaca̱x taxũtáma íchayachaxãchi nax chanapoxcuexü̃. Yerü yema norü ĩnügü nixĩ nax nüxü̃ natanetagüchaü̃ ga yema norü naanegü. Rü yemaca̱x tüxü̃ narüwítepütüwegü ga guxema ngexegü ga itacharaü̃güxẽ ga Garaáxcüã̱xgü.

Naúü̃ 3:10

Natürü ga yema Tébacüã̱xgü rü to ga nachixü̃anecüã̱xgü nayagagü. Rü yema norü buxü̃gü rü namaarü poãchigu tüxü̃ nichi̱xgü. Rü yema yatügü ga guma ĩanewa tachigagüxü̃, rü norü uanügü rü sortéuãcüma nügü nayanu. Rü guma ĩanearü ãẽ̱xgacügü rü cadénamaxã ínayachotagü.

Miquéa 6:16

Erü nagu pexĩ ga yema mugü rü nacümagü ga chixexü̃ ga nagu naxĩxü̃ ga ãẽ̱xgacügü ga Omrí rü Acáxtanüxü̃. Rü pema rü yema nümagü namaxẽxü̃ãcütama pemaxẽ. Rü ngẽmaca̱x, Pa Yerucharéü̃x, rü choma rü tá curü uanügüna cuxü̃ chaxã nax cugu napogüexü̃ca̱x. Rü ngẽma curü duü̃xü̃gü rü togü tá nüxü̃ nacugüe rü ãne tá ningegü —ñanagürü.

Miquéa 1:4

Rü yima nawa yangachigüne ya ma̱xpǘnegü rü tá nadexe ñoma wera i guxü̃rüxü̃, rü tá narüpüxtegü ñoma dexá i poraü̃chiüxü̃ ngategü üxü̃rüxü̃. Rü ngẽmaãcü tá nixĩ i ngẽxguma núma naxũxgu ya Tupana.

Amúx 9:1

Nüxü̃ chadau ga Cori ya Tupana. Rü nüma rü ngẽma tupananetagüarü ãmarearü guruü̃xü̃tagu nachi, rü ñanagürü choxü̃: —¡Daa tupananetapataarü caxtagüerugu napogü nax duü̃xü̃güétü nangutaü̃xü̃ca̱x rü ngẽxma nayuexü̃ca̱x! Rü ngẽma maxẽxü̃ rü woo nabuxmügu rü norü uanügü tá taramaxã nanadai. Rü ngẽmaãcü taxuxü̃táma niña.

Amúx 3:9

¡Rü Adúxarü ãẽ̱xgacüpatagüwa, rü Equítuanearü ãẽ̱xgacüpatagüwa penaxunagü i ñaa chorü ore i ñaxü̃: “Rü yima ma̱xpǘnegü ya ĩane ya Chamária nagu üxü̃newa pexĩ! ¡Rü nüxü̃ peda̱u̱x i ngẽma guxchaxü̃gü ya yima ĩanewa ngẽxmaxü̃ rü ngẽma dai i ngéma ngẽxmaxü̃!”

Ochéa 11:6

Rü norü uanügü rü tá taramaxã Iraéanearü ĩanegüca̱x ínayaxüãchi. Rü tá nagu napogüe ya yima ĩanegüarü poxeguxü̃. Rü ngẽmaãcü tá namaxã nangupetü yerü choxna nixĩgachi nax norü tupananetagüwe naxĩxü̃ca̱x.

Ochéa 10:2

Ngẽma Iraéanecüã̱xgü rü namuarü ĩnüã̱xgü, rü tama Tupanaguxica narüxĩnüe. Rü ngẽmaca̱x i ñu̱xma rü ngẽma norü chixexü̃gagu rü tá napoxcue. Rü nüma ya Cori ya Tupana rü tá inanaxoxẽxẽ i ngẽma ãmarearü guruü̃gü i norü tupananetagüca̱x naxügüxü̃. Rü tá nayapuexẽxẽ i ngẽma nutagü i nüxü̃ yacua̱xüü̃güxü̃.

Ochéa 7:14

Rü ngẽxguma yada̱xaweegu rü ngúxü̃ yangegügu, rü norü pechicaxü̃güwa ngü̃xẽẽca̱x choxna nacagüe, natürü tama aixcüma norü ngúchaü̃maxã choxna nacagüe. Rü nügü nayapiexẽxẽ nax ngẽmaãcü tríguca̱x rü bínuca̱x ínacagüxü̃ca̱x. Natürü tama aixcüma chauga naxĩnüe.

Ichaía 17:3

Rü Efraíü̃anewa rü tá inayarüxo ya yima norü ĩanegü ya ípoxegugüne. Rü yima ĩane ya Damácu rü ngẽxgumarüxü̃ tá ta inayarüxo. Rü ngẽma Chíriaanewa íyaxügüxü̃ i duü̃xü̃gü rü norü ngẽmaxü̃gü rü Iraétanüxü̃arü tá nixĩgü. Rü Cori ya Tupana ya Guxãétüwa Ngẽxmacü nixĩ ya ngẽma ñacü.

Ichaía 8:4

Rü yimá cune rü naxü̃pa nax nüxü̃ nacuáxü̃ nax “papa” rü “mama” ñaxü̃, rü yima ĩanegü ya Damácu rü Chamária rü tá norü uanügü nagu nachocu. Rü tá nanade i norü ngẽmaxü̃gü, rü Achíriaanearü ãẽ̱xgacüxü̃tawa tá nanana —ñanagürü.

Norü taxre ga popera ga ãẽ̱xgacügüchiga 17:18

Rü yemaca̱x ga Cori ya Tupana rü yema Iraéanecüã̱xgümaxã nanu, rü ínanawogü. Rü Yudáanecüã̱xgüxü̃tawaxicatama nayexma.

Norü taxre ga popera ga ãẽ̱xgacügüchiga 17:6

Rü yexguma 9 ga taunecü marü ãẽ̱xgacü yixĩxgu ga Ochéa, rü nüma ga Achíriaanearü ãẽ̱xgacü rü nanapu ga guma ĩane. Rü Achíriaarü naanewa nanagagü ga yema Iraéanecüã̱xgü. Rü ĩane ga Arágu nayanu ga natü ga Abócutüwa ga Gocháü̃anewa. Rü togü rü Médiatanüxü̃arü ĩanegügu nayanu.

Norü taxre ga popera ga ãẽ̱xgacügüchiga 17:5

Rü norü churaragü rü Iraéanegu nachocu rü Chamáriaarü ĩaneca̱x ínayaxüãchi rü tomaepü̱x ga taunecü yéma nüxna nadaugü nax taxúema íxũxũxü̃ca̱x.