Ochéa 13:15 - Tupanaarü Ore

¹⁵ Rü woo ñoma maxẽ i baxcaxü̃rüxü̃ mea nüxü̃ naxüpetügu i ngẽma Iraéanecüã̱xgü i ñu̱xmax, natürü tá naxca̱x ínangu i wüxi i buanecü i éstewaama ne ũcü. Rü yimá buanecü ya poracü ya chianexü̃wa ne ũcü, rü tá nayachegüxẽxẽ i natüacügü rü bairawegü. Rü ngẽxguma i ngẽma Iraéanecüã̱xgüarü uanügü rü tá nanade i guxü̃ma i norü meruü̃gü.

Ochéa 13:15 Referans Kwoze

Echequié 19:12

Natürü numaxã nanabe̱xgü, rü niwa̱x. Rü yimá buanecü ya éstewaama ne ũcü rü nayapaxẽxẽ, rü narüyi i norü o. Rü nachacüügü ga noxri poraexü̃ rü nipagü rü üxüxü̃ ínanagu.

Echequié 17:10

Rü woo wena natogüã̱xgu rü taxũtáma wena narüxüatü. Rü ngẽxguma yimá buanecü ya éstewaama ne ũcü nawa nguxgu rü tá nipaama nawa i ngẽma naane i nagu natoxü̃’ ” —ñanagürü ga Cori ya Tupana.

Yeremía 4:11

Rü nüma ya Cori ya Tupana rü ñanagürü: —Ngẽxguma tá ngẽma ngunexü̃wa nanguxgu rü ngẽma Yerucharéü̃cüã̱xgü i duü̃xü̃gümaxã tá nüxü̃ chixu rü tá ñachagürü: “Wüxi ya buanecü ya naiemacü ya chianexü̃wa ne ũcü rü tá chorü duü̃xü̃gü íngẽxmagüxü̃wa nabuema. Natürü yimá buanecü rü tama tríguarü cuegüte̱xewa mecü tá nixĩ.

Naanearü ügüchiga 49:22

“Rü Yúche rü ñoma wüxi i nanetü i natüxanacüwa rüxüxü̃ i muarü oṍxü̃rüxü̃ nixĩ. Rü poxeguxü̃tápü̱xgü ĩgüchacüüxü̃rüxü̃ nixĩ.

Naanearü ügüchiga 41:52

Rü guma rübumaecü ga nane rü Efraíü̃gu nanaxüéga, yerü ñanagürü: —Tupana rü ñaa nachixü̃ane i nawa ngúxü̃ chingexü̃wa choxna nanamu ya chaune —ñanagürü.

Naúü̃ 2:9

Rü norü uanügüarü churaragü rü tagaãcü ñanagürügü: —¡Penade i norü diẽrumü rü norü úirugü! Rü ngẽma nax namuxũchixü̃ i Nínibecüã̱xgüarü ngẽmaxü̃gü rü tama nagu̱xéga —ñanagürügü.

Ochéa 10:1

Rü Ochéa rü ñanagürü: —Ngẽma Iraéanecüã̱xgü rü ñoma úba i muarü oṍxü̃rüxü̃ nixĩgü. Natürü yexguma Tupana yexera nüxü̃ rüngü̃xẽẽgu ga yema Iraéanecüã̱xgü, rü yexera norü tupananetagüca̱x ãmarearü guruxü̃ naxügü. Rü yexguma yexera namexgu ga nachixü̃ane rü yexera nanamexẽẽgü ga guma nutagü ga namaxã natupanaã̱xgücü.

Ochéa 9:11

Rü ngẽma nax yamuxü̃ i Iraéanecüã̱xgü rü ñoma wüxi i weri igoexü̃rüxü̃ tá nüxna inarütaxu. Rü naxma̱xgü rü taxũtáma tauemacü tüxü̃ inarütaxu rü taxũtáma titacharaxü̃ rü taxũtáma tixíraxacügü.

Ochéa 4:19

Rü wüxi ya buanecü ya tacü tá nayagagü. Rü ngẽma nax ngẽma tupananetachicüna̱xãgüxü̃mare yacua̱xüü̃güxü̃gagu rü tá naxãnee —ñanagürü ya Tupana.

Danié 11:8

Rü ñu̱xũchi Equítuanewa tá nanana i ngẽma nórtecüã̱xarü tupanachicüna̱xãgü i bróũchenaxca̱x wüxigu namaxã i norü ngẽmaxü̃gü i úirunaxca̱x rü diẽrumünaxca̱x. Rü ñuxre ya taunecü rü taxũtáma nügü nadai i ngẽma taxre i ãẽ̱xgacügü.

Yeremía 51:36

Rü nüma ya Cori ya Tupana rü Yerucharéü̃xü̃ ñanagürü: —Choma rü tá cuxü̃ chaxütanü naxca̱x ga yema chixexü̃ ga Babirónia cuwa üxü̃. Rü aixcüma tá chanapoxcu i ngẽma curü uanügü. Rü na̱xcha̱xwa tá chayapaxẽxẽ i norü taxtü rü guxü̃ma i ngẽma natügü i Babiróniaanewa ngẽxmagüxü̃.

Yeremía 20:5

Rü ngẽxgumarüxü̃ ta rü curü uanügüna tá chanana i guxü̃ma ya daa ĩanearü diẽrugü rü norü ngẽmaxü̃gü i tatanüxü̃ rü guxü̃ma i diẽru i Yudáanearü ãẽ̱xgacüarü ixĩxü̃ nax Babiróniaanewa nanaaxü̃ca̱x.

Ichaía 41:16

Rü ñoma trigu ípecuexechite̱xe rü buanecü naxchire yanaxü̃rüxü̃ tá peyabuxmüxẽxẽ i perü uanügü. Rü ngẽxguma i pemax, Pa Iraétanüxü̃x, rü tá chomaxã petaãẽgü rü tá choxü̃ picua̱xüü̃gü i choma nax perü Tupana ya üünecü chixĩxü̃.

Ichaía 17:13

Natürü ngẽxguma Cori ya Tupana nüxna puragügu rü tá na̱xcha̱xwa nibuxmü, rü yáxü̃wama tá nabuxmü, ñoma wüxi i maxẽ i paxü̃ i buanecü ingexü̃ rü máxpü̱xanexü̃gu yanguxü̃rüxü̃ tá nixĩgü. Rü ñoma buanecü ya tacü rü íxã̱ũ̱xẽmacü i chuxchuxü̃ nawo̱xoxochicü rü yáxü̃wa ngexü̃rüüxü̃ tá nixĩgü.

Ichaía 14:21

¡Rü pegü ípemexẽxẽgü nax penada̱i̱xü̃ca̱x i ngẽma nanegü nagagu ga yema máeta ga nanatügü ga Babiróniaanearü ãẽ̱xgacügü üxü̃! Rü nümagü tá nixĩ i naxütanügüãxü̃ ga yema nanatügü üxü̃. Rü nümagü rü taxũtáma nüxí ñoma i naanemaxã inacua̱xgü rü guxü̃wama nügüégagu ĩanegü nixügüetanü —ñaperügügü tá.

Wiyaegü 109:13

¡Rü noxtacüma guxü̃ yue i nataagü nax ngẽmaãcü yanaxoxochixü̃ca̱x i nape̱xeégagü!

Wiyaegü 1:4

Natürü ngẽma duü̃xü̃gü i chixexü̃gu maxẽxü̃ rü tama ngẽmaãcü mexü̃ nüxü̃ naxüpetü. Rü ñoma maxẽ i paxü̃ ya buanecü cuenagüxü̃rüxü̃ nixĩgü.

Yox 18:16

Rü ngẽma duü̃xü̃ rü ñoma wüxi i nai i pagüchuma̱xãxü̃ rü igüátüxü̃rüxü̃ nixĩ.

Wenaxarü naxümatü ga Tupanaarü mugü 33:17

Rü ngẽma Yúchetanüxü̃ rü tá namexẽchi ñoma woca i yatüxü̃xacü i nüxíra buxü̃rüxü̃. Rü tá naporaxüchi ñoma wüxi i búfalorüxü̃. Rü guxü̃ma i duü̃xü̃gütücumügü i ñoma i naanewa ngẽxmagüxü̃maxã tá napora. Rü ngẽmaãcü tá nixĩ i ngẽma muxũchixü̃ i Efraíü̃tanüxü̃ rü ngẽma muxü̃ i Manachétanüxü̃ —ñanagürü.

Naanearü ügüchiga 48:19

Natürü nüma ga nanatü rü tama yemaacü nanaxüxchaü̃. Rü nanangãxü̃ rü ñanagürü: —Marü nüxü̃ chacua̱x nixĩ, Pa Chaunex, marü nüxü̃ chacua̱x. Nüma i Manaché rü wüxi ya yatü ya tachigacü tá nixĩ rü nawa tá ta ne naxũ i wüxi i natücumü i taxü̃. Natürü yimá naenexẽ ya rübumaecü tá nixĩ i nüxü̃ rüyexeramaecü. Rü ngẽma nataagüwa tá nango̱x i muxü̃ma i nachixü̃anegü —ñanagürü.

Naanearü ügüchiga 41:6

Rü gumawenatama rü yemanewatama nanguxü̃ ga nai ga 7 ya̱xa ga trigu ga ingeãcune rü buanecümaxã ipagüne. Rü guma 7 ya̱xa ga ipagüxü̃ rü ínanagagü ga guma 7 ya̱xa ga ixããcune rü ime̱xyaxane. Rü yexguma ga nüma ga Faraóü̃ rü naba̱i̱xãchi, rü nüxü̃ nicua̱xãchi nax wüxi ga nanegümare yixĩxü̃.

Ichaía 27:8

Rü aixcüma nixĩ nax Iraétanüxü̃xü̃ napoxcuxü̃ ga Tupana, rü wüxi ga norü cue ga ãũcümaxü̃maxã ínanawoxü̃ ga norü naanewa rü to ga nachixü̃anewa nanamugü. Rü yema norü cue, rü ñoma buanecü ya éstewaama ne ũcürüxü̃ nixĩ nax naporaxü̃.

Yeremía 4:12

Rü yimá buanecü ya íchananguxẽẽcü rü tá naporaemaxü̃chi. Erü chomatátama nixĩ i poxcu namaxã chaxueguxü̃ i ngẽma duü̃xü̃gü” —ñanagürü.

Yeremía 51:1

Cori ya Tupana rü ñanagürü: —Choma rü tá ngẽma Babiróniaanearü duü̃xü̃gü i Cadéugüca̱x ngéma chanamugü i wüxi i norü uanü i ñoma buanecü ya ĩanegu pogücürüxü̃ ixĩgüxü̃.

Ochéa 2:3

Rü ngẽxguma taxũtáma nüxü̃ naxoegu i ngẽma tupananetachicüna̱xãgü rü tá nüxna chanayaxu i guxü̃ma i nüxü̃́ ngẽxmagüxü̃. Rü ngẽma nachixü̃ane rü noxri nango̱xgurüxü̃ tá chayaxĩxẽxẽ nax taxuxü̃ma nüxü̃́ ngẽxmaxü̃. Rü ñoma naxnücüane i ngearü dexáã́xü̃rüxü̃ tá chayaxĩxẽxẽ nax ngẽmaãcü ta̱xawamaxã nayuexü̃ca̱x i ngẽma choxna ixĩgachixü̃.

Yoná 4:8

Rü yexguma üa̱xcü ngunagügu rü Tupana yéma nanamu ga wüxi ga buanecü ga naiemacü ga éstewaama ne bucü. Rü nüma ga üa̱xcü rü Yonáerugu nabáxi rü yemaacü poraãcü nüxü̃́ nangu̱xema rü namaxã nayuéga yerü poraãcü nangu̱xema. Rü yemaca̱x ñanagürü: —Narümemae nixĩ nax noxtacüma chayuxü̃ rü tama nax chamaxü̃xü̃ —ñanagürü.

Naanearü ügüchiga 41:23

Rü yemawena yemanewatama nanguxü̃ ga to ga 7 ya̱xa ga trigu ga ingeãcuxü̃ rü buanecümaxã ipagüxü̃.