Ochéa 13:13 - Tupanaarü Ore

¹³ Pa Iraéanecüã̱xgüx, pema rü tama peãẽxü̃ pecua̱x. Rü ñoma wüxi i buxü̃ i íxrachaü̃xü̃ rü chixri ixüxü̃rüxü̃ pixĩgü nax tama chauga pexĩnüechaü̃xü̃.

Ochéa 13:13 Referans Kwoze

Ichaía 37:3

Rü Ichaíamaxã nüxü̃ nixugüe ga ãẽ̱xgacüarü ore ga ñaxü̃: —Ñu̱xma rü wüxi i taxü̃ma i ãũcümaxü̃wa tangexmagü, rü tórü uanügü rü tamaxã naguxchigagü rü tüxü̃ nacugüe. Rü poraãcü ngúxü̃ tingegü ñoma wüxi i ngexü̃ i ixraxacüchaü̃xü̃ rü turaxü̃rüxü̃.

Ichaía 13:8

Rü tá poraãcü namuü̃e. Rü naxca̱x tá ínangu i taxü̃ i ĩ̱xãchiãxẽ. Rü poraãcü ngúxü̃ tá ningegü ñoma wüxi i ngecü i íxraxacüchaü̃cürüxü̃. Rü muü̃chametüãcü tá nügü narüdaunü rü norü ãnemaxã tá nayadauãchichametügü.

Ichaía 26:17

Rü cupe̱xewa, Pa Corix, rü toma rü ñoma wüxi ya ngexe ya tacharaü̃xe rü ngẽxguma marü taxíxraxacüchaü̃gu rü norü ngu̱xmaxã tügü rüxãũxü̃xe rü aita üxerüxü̃ tixĩgü.

Wiyaegü 48:6

Rü poraãcü namuü̃e. Rü nanaxĩ̱xãchiãẽgü ñoma wüxi i nge i ixíxraxacüchaü̃cürüxü̃.

1 Tesalonicenses 5:3

Rü ngẽxguma duü̃xü̃gü nagu írüxĩnüegu nax guxü̃ma mexü̃ rü taxuxü̃ma nüxü̃ üpetüxü̃, rü ngẽma ngunexü̃gu rü ngürüãchi tá ínangu i taxü̃ i guxchaxü̃gü. Rü ñoma wüxi i ngecü i ãxacücü rü ngürüãchi ngĩxacümaxã ngu̱xnecacürüxü̃ tá nixĩ nax taxúema naxcha̱xwa iñaxü̃ i ngẽma.

Ucu̱xẽgüchiga 22:3

Ngẽma naãẽxü̃ cuáxü̃, rü ngẽxguma nape̱xewa nangẽxmagu i wüxi i ãũcümaxü̃, rü naxcha̱xwa nixũgachi, natürü ngẽma naechitamare maxü̃xü̃ rü nawa naxũãma i ngẽma ãũcümaxü̃, rü nagagutama nagu nangu.

2 Corintios 6:2

Erü Tupana rü norü ore i ümatüxü̃wa, rü ñanagürü: “Yexguma meama yema ngunexü̃wa nanguxgu nax choxü̃ peyaxuxü̃, rü yexguma nixĩ ga pexü̃ chaxĩnüxü̃. Rü yexguma nawa nanguxgu nax pexna chaxãxü̃ i maxü̃ i taguma gúxü̃, rü yexguma nixĩ ga pexü̃ charüngü̃xẽẽxü̃”, ñanagürü. Rü ñu̱xma nixĩ i namexü̃ nax Tupanaxü̃ peyaxuxü̃, rü ñu̱xma nixĩ i ngẽma ngunexü̃ i pexna naxuaxü̃ãxü̃ i maxü̃ i taguma gúxü̃.

Ngechuchuarü ngúexü̃gü ga yamugüxü̃arü puracüchiga 24:25

Natürü yexguma Pauru namaxã nüxü̃ ixuxgu nax Tupana naxwa̱xexü̃ nax mea imaxü̃xü̃ rü nanaxwa̱xexü̃ nax tórü maxü̃maxã mea icuáxü̃ rü wüxi i ngunexü̃ Tupana tá tüxna naca̱xaxü̃ i tórü maxü̃chiga, rü yexguma ga Férix rü poraãcü naba̱i̱xãchi. Rü ñanagürü nüxü̃: —¡Ẽcü íixũ i ñu̱xmax! Rü ngẽxguma ñuxguacü icharüxã̱ũ̱xmaregu, rü wena táxarü cuxca̱x changema —ñanagürü.

Yeremía 49:24

Rü Damácu rü inayanguãxẽ rü ínamemaregü nax naxĩgüxü̃. Rü poraãcü namuü̃e, rü naxoegaãxẽ, rü poraãcü ngúxü̃ ningẽgü ñoma wüxi i ngexü̃ i íxraxacüchaü̃xü̃rüxü̃.

Yeremía 30:6

¿Rü ñuxãcü i wüxi i yatü rü naxíxraxacü? ¿Rü ñu̱xma rü ta̱xacüca̱x i ngẽma yatügü rü ñoma ngexe ya íxraxacüxerüxü̃ nanguxnecaxü̃ rü ngúxü̃maxã nügü naxãũxü̃xü̃? ¿Rü ta̱xacüca̱x guxü̃ma i duü̃xü̃gü rü nadeãchichametüxü̃?

Yeremía 22:23

Rü ñu̱xma i cumax, Pa Ãẽ̱xgacüx, rü cutaãxẽ nawa ya yima mexü̃ne ya ãẽ̱xgacüpata i Líbanuwa ne naxü̃ i ocayiwamaxã pexcüwagüne. Natürü ngúxü̃ tá quinge i ngẽxguma ngẽma ãũcümaxü̃gü cuxca̱x íngugügu, ñoma wüxi ya ngexe ya íxraxacüxe i ngúxü̃ ingexerüxü̃ —ñanagürü ga Cori ya Tupana.

Yeremía 13:21

¿Rü ta̱xacüxü̃ tá quixu, Pa Yerucharéü̃x, i ngẽxguma ngẽma cumatama cungúexẽxẽxü̃ i duü̃xü̃gü cumaxã icua̱xgu? Rü tá ngúxü̃ cuxca̱x ínangu ñoma wüxi ya ngexe ya ãxacüxe ya ngu̱xnecaxerüxü̃.

Yeremía 4:31

Nüxü̃ chaxĩnü i naga i ñoma wüxi ya ngexe ya ngexwaca íxraxacüxerüxü̃ ixĩxü̃. Rü ngẽma naga rü Chióü̃cüã̱xgüga nixĩ. Rü nümagü rü naxugüme̱xẽãcü ñaãcü naxauxe: —¡Chaugümaxã changechaü̃, erü choxü̃ tá nadai i ngẽma máetatanüxü̃! —ñaxü̃.

Ichaía 66:9

¿Rü ñu̱xma nax choma yixĩxü̃ i norü uanügüme̱xẽwa íchanguxü̃xẽẽxü̃ i ngẽma duü̃xü̃gü, rü ñuxãcü tá nüxna chanachu̱xuxü̃ nax norü ĩaneca̱x nawoeguxü̃? —ñanagürü. Rü nüma ya Cori ya Tupana nixĩ i ngẽma ñaxü̃.

Ichaía 21:3

Rü ngẽxguma nüxü̃ chada̱u̱xgu i ngẽma Cori ya Tupana Babiróniacüã̱xmaxã üxü̃ rü chauxune narüwẽ rü choxü̃́ nangu̱x rü chaugü charüxã̱ũ̱xü̃ ñoma wüxi i ngexü̃ i íxraxacüchaü̃xü̃rüxü̃. Rü yíxema duü̃xẽgü ya ngúxü̃ ingegüxe nax aita taxügüxü̃, rü tümaga rü taxuxü̃ma choxü̃ naxĩnüxẽxẽ. Rü ngẽxguma nüxü̃ chada̱u̱xgu rü chorü muü̃maxã chabaixãchi.

Ore i mexü̃ ga Cuáü̃ ümatüxü̃ 16:21

Ngẽxguma wüxi i nge íxraxacüchaü̃gu rü inaxĩ̱xãchiãẽ, erü inguxneca. Natürü ngẽxguma marü nabuxgu ya ngĩxacü, rü nüxü̃ iyarüngüma nax poraãcü ngĩxü̃́ nax nangu̱xchiréxü̃ i noxrix, erü tümamaxã itaãxẽ ya ngĩxacü.

Wenaxarü naxümatü ga Tupanaarü mugü 32:6

¿Rü ñuxãcü i ñu̱xma i pema rü chixexü̃maxã Cori ya Tupanaaxü̃́ penaxütanüxü̃? Pa Duü̃xü̃gü i Peechitamare Maxẽxe rü Ngearü Cuáã̱xgüxex ¿tama ẽ̱xna nüxü̃ pecua̱x nax yimá yixĩxü̃ ya penatü ya pexü̃ ngóexẽẽcü? Rü aixcüma yimá nixĩ ya pexü̃ ngóexẽẽcü, rü pexna naxãcü i perü maxü̃ nax ñu̱xma duü̃xü̃gü pixĩgüxü̃.

Ochéa 5:4

Rü ngẽma chixexü̃ i nagu namaxẽxü̃ i Iraéanecüã̱xgü rü ngẽma nixĩ i nüxü̃́ nanaguxchaxẽẽxü̃ nax norü Tupanaca̱x nawoeguxü̃. Rü tama nüxü̃ narüxoechaü̃ nax norü tupananetagüxü̃ yacua̱xüü̃güxü̃ rü ngẽmaca̱x nüxü̃́ naguxcha nax Tupanaxü̃ nacua̱xüü̃güxü̃.

Ore i mexü̃ ga Cuáü̃ ümatüxü̃ 5:4

Yerü ñuxguacü rü gumá puchugu ínarüxĩĩxü̃ ga wüxi ga daxũcüã̱x ga Tupanaarü orearü ngeruxü̃, rü nayaxĩã̱xchíücüüxẽẽxü̃. Rü guxema tüxíra tügü yéma táexe nachiü̃wa ga gumá puchu ga yexguma yaxĩã̱xchíücüügu, rü tümaca̱x nitaane woo ga ngexü̃rüüxü̃mare ga da̱xawe tüxü̃́ yexmaxẽ.