Ochéa 13:12 - Tupanaarü Ore

¹² Rü choma rü wüxi i poperagu chanaxümatü i guxü̃ma i Efraíü̃tanüxü̃arü chixexü̃. Rü meama namaxã changuxü̃ i ngẽma popera.

Ochéa 13:12 Referans Kwoze

Yox 14:17

Rü ngẽxguma chi nüxü̃ curüngü̃magu i chorü chixexü̃gü, rü ñu̱xũchi choxü̃́ icuyanaxoxẽxẽ ga yema chixexü̃gü ga chaxüxü̃.

Romanos 2:5

Natürü cuma rü tama Tupanaxü̃ cucuáxchaü̃ rü tama nüxü̃ curüxoxchaü̃ i curü chixexü̃. Rü ngẽmaãcü cugüca̱xtama cunayexeraxẽxẽ i curü poxcu i tá cuyaxuxü̃ i ngẽma ngunexü̃ i nagu Tupana norü numaxã napoxcuexü̃ i ngẽma chixexü̃ ügüxü̃.

Yox 21:19

Rü nüxü̃ yaxugüegu rü nanegüama tá nixĩ ya Tupana naxca̱x nacaxü̃ i ngẽma chixexü̃ i nanatügü ügüxü̃. Natürü ngẽma duü̃xü̃ i chixexü̃gu maxü̃xü̃ rü nanaxwa̱xe nax nümatátama naxca̱x napoxcuxü̃ i ngẽma chixexü̃ i naxüxü̃ nax ngẽmaãcü nügü yanawe̱xãchixẽẽxü̃ca̱x.

Yeremía 2:22

Rü woo chi ta̱xacürü yixẽẽruü̃maxã ípenayixẽẽchaü̃gu i perü chixexü̃, rüe̱xna chaũmaxã mea pegü piyauxgügu, rü perü chixexü̃maxã tá pexãũãchiama i chope̱xewa. Rü choma ya Cori ya Tupana nixĩ i pemaxã nüxü̃ chixuxü̃ i ngẽma.