Ochéa 13:10 - Tupanaarü Ore

¹⁰ ¿Rü ngexü̃ yixĩxü̃ i pechixü̃anearü ãẽ̱xgacü nax pexü̃ ínapoxü̃xü̃ca̱x i perü ĩanegüwa? Rü pema rü ngẽma pemaxã icua̱xgüxü̃na naxca̱x peca nax pexü̃́ nangẽxmaxü̃ca̱x i perü ãẽ̱xgacügü ¿natürü ngexü̃ yixĩxü̃ i ngẽma pemaxã icua̱xgüxü̃ i ñu̱xmax?

Ochéa 13:10 Referans Kwoze

Ochéa 8:4

Rü ngẽma duü̃xü̃gü rü ngẽxguma nachixü̃anearü ãẽ̱xgacügüxü̃ naxunetagügu rü tama choxna nacagü. Rü ngẽxguma nüxü̃ naxunetagügu i ngẽma tá namaxã icua̱xgüxü̃, rü tama chorü ucu̱xẽca̱x ínacagü. Rü nügüca̱x nanaxügü i naxchicüna̱xãgü i úirunaxca̱x rü diẽrumünaxca̱x. Rü ngẽmamaxã nügütama nachixexẽẽgü.

Ochéa 10:3

Natürü nüma i ngẽma duü̃xü̃gü rü ñanagürügü tá: “Nataxuma ya tórü ãẽ̱xgacü nagagu nax tama Cori ya Tupanaxü̃ ingechaü̃güxü̃. ¿Natürü ta̱xacüwa chi tüxü̃́ namexü̃ i wüxi ya ãẽ̱xgacü?

Ore i mexü̃ ga Cuáü̃ ümatüxü̃ 1:49

Rü Natanaé nanangãxü̃ rü ñanagürü nüxü̃: —Pa Ngúexẽxẽruxü̃, cuma rü Tupana Nane quixĩ. Rü cuma nixĩ i guxü̃ma i Iraétanüxü̃arü Ãẽ̱xgacü quixĩxü̃ —ñanagürü.

Chacaría 14:9

Rü ngẽma ngunexü̃gu rü nüma ya Cori ya Tupana rü ãẽ̱xgacü tá nixĩ nawa i ñoma i naane. Rü nüxica tátama nixĩ ya Tupana yixĩxü̃ rü nataxutama i to i naéga i duü̃xü̃gü nüxü̃ icua̱xüü̃güxü̃.

Ochéa 13:4

Rü Tupana rü ñanagürü: —Pa Iraétanüxü̃x, yexguma Equítuanewa peyexmagügucürüwa rü chomatama nixĩ i perü Tupana chixĩxü̃. Rü tama chanaxwa̱xe nax ta̱xacürü tomaxã petupanaã́xü̃, erü chaxicatama nixĩ i perü Tupana rü nataxuma i to i perü poxü̃ruxü̃ ixĩxü̃.

Yeremía 8:19

Rü ngẽma nax aixta naxüexü̃ i chorü duü̃xü̃gü rü guxü̃ i tachixü̃anegu nüxü̃ taxĩnü. Rü ñanagürügü: —Marü tama Chióü̃wa nangẽxma ya Cori ya Tupana. Rü marü nataxuma ya yima tachixü̃anearü ãẽ̱xgacü —ñanagürügü. Rü Cori ya Tupana nanangãxü̃ rü ñanagürü: —¿Tü̱xcüü̃ choxü̃ pinuxẽxẽ namaxã nax nüxü̃ picua̱xüü̃güxü̃ i ngẽma naxchicüna̱xãgü i tupananetagü i taxuwama mexü̃ i to i nachixü̃anearü ixĩxü̃? —ñanagürü.

Yeremía 2:28

Pa Yudátanüxü̃x, ¿ngexü̃gü nixĩ i ngẽma tupananetachicüna̱xãgü ga pematama pexügüxü̃? Pema rü perü ĩanegüe̱xpü̱x nixĩ i ngẽma perü tupananetachicüna̱xãgü. ¡Ẽcü nua naxĩ i ngẽma naxchicüna̱xãgü nax nüxü̃ pedauxü̃ca̱x rü tá aixcüma pexü̃ yanangü̃xẽẽgü i ngẽxguma guxchaxü̃ pexca̱x ínguxgu!

Ichaía 43:15

Rü choma nixĩ i perü Tupana ya Üünecü chixĩxü̃, rü choma nixĩ i pexü̃ changóexẽẽxü̃ rü choma nixĩ i perü ãẽ̱xgacü chixĩxü̃, Pa Iraétanüxü̃x —ñanagürü.

Ichaía 33:22

Erü nüma ya Cori ya Tupana rü tórü guxchaxü̃güarü mexẽẽruxü̃ nixĩ. Rü nüma nixĩ i tamaxã inacuáxü̃. Rü nüma nixĩ i tórü ãẽ̱xgacü yixĩxü̃. Rü nüma nixĩ i tórü poxü̃ruxü̃ yixĩxü̃.

Wiyaegü 149:2

Rü pemax, Pa Iraétanüxü̃ i Chióü̃cüã̱x i Tupanaarü Duü̃xü̃gü Pixĩgüxex ¡rü namaxã petaãxẽgü! Erü nüma nixĩ i perü ãẽ̱xgacü ga pexü̃ nango̱xẽẽxü̃.

Wiyaegü 89:18

Rü nüma ya Cori rü tórü poxü̃ruxü̃ nixĩ. Rü nüma nixĩ i tórü ãẽ̱xgacü ya üünecü i yixema i Iraétanüxü̃ nax ixĩgüxü̃.

Wiyaegü 74:12

Rü nũxcümacürüwatama rü cuma nixĩ ga torü ãẽ̱xgacü quixĩxü̃. Rü ñoma i naanewa rü muxü̃ma ga ãẽ̱xgacügüxü̃ curüporamae.

Wiyaegü 44:4

Pa Chorü Ãẽ̱xgacü, Pa Chorü Tupanax, chanaxwa̱xe icunaporamaexẽẽxü̃ i curü duü̃xü̃gü.

Wiyaegü 10:16

Rü nüma ya Cori ya Tupana nixĩ i ãẽ̱xgacü yixĩxü̃ i guxü̃guma. Rü ngẽma duü̃xü̃gü i tama Tupanaxü̃ cua̱xgüxü̃, rü Tupanaarü naanewa tá ínawoxü̃.

Norü taxre ga popera ga ãẽ̱xgacügüchiga 17:4

Natürü nüma ga Achíriaanearü ãẽ̱xgacü ga Chamanachá rü nüxü̃ nacua̱xama nax Ochéa rü bexma Equítuanearü ãẽ̱xgacü ga Chóxmaxã nax nügü naxucu̱xẽgüxü̃ nax Achíriaaneme̱xẽwa ínanguxuchixü̃ca̱x. Rü naétü marü tama nüxü̃́ ngĩxü̃ naxütanü ga yema diẽru ga wüxichigü ga taunecü nüxna ngĩxü̃ naxãgücü. Rü yemaca̱x nüma ga Chamanachá rü norü churaragüxü̃ namu nax Ochéaxü̃ yayauxgüxü̃ca̱x rü napoxcugüãxü̃ca̱x.

Nüxíraxü̃xü̃ ga popera ga ãẽ̱xgacügüchiga 12:20

Rü guxü̃ma ga yema Iraéanecüã̱xgü rü nüxü̃ nacuáchigagü nax Equítuanewa ne naxũxü̃ ga Yeruboáü̃. Rü yemaca̱x ga yema duü̃xü̃gü rü Yeruboáü̃ca̱x nangemagü nax namaxã nangutaque̱xexü̃ca̱x. Rü nayangucuchixẽẽgü nax Iraéanecüã̱xarü ãẽ̱xgacü yixĩxü̃ca̱x. Rü guxü̃ma ga yema duü̃xü̃gü rü Yeruboáü̃we narüxĩ. Rü Yudátanüxü̃xicatama nixĩ ga naxwa̱xegüxü̃ nax Dabítaxa ga Roboáü̃we naxĩxü̃.

Ochéa 3:4

Rü yemaacü ga Tupana rü yema Iraéanecüã̱xgüxü̃ nüxü̃ nacua̱xẽxẽ i ta̱xacü tá namaxã ngupetüxü̃. Rü mucü ya taunecü rü to i nachixü̃anegügu tá nawoone rü to i nachixü̃anearü ãẽ̱xgacü rü tá namaxã inacua̱x. Rü ngẽmaca̱x i ngẽma Iraéanecüã̱xgü rü tá nüxü̃́ nataxuma i noxrütama ãẽ̱xgacü, rü bai i ãẽ̱xgacü nane, rü bai i norü chacherdótegü, rü bai i norü chacherdótegüchiru, rü bai i norü ãmarearü guruügü, rü bai i norü tupanachicüna̱xãgü.

Ochéa 7:7

Rü guxü̃ma i nümagü rü ñoma paũarü guruxü̃ i naiechaxü̃rüxü̃ nixĩgü nax norü ãẽ̱xgacügümaxã nanueechaxü̃. Rü guxü̃ma i norü ãẽ̱xgacügüxü̃ nadai. Natürü taxuxü̃ma i ngẽma ãẽ̱xgacügü rü chorü ngü̃xẽẽca̱x ínaca.

1 Chamué 8:7

Natürü nüma ga Cori ya Tupana rü Chamuéxü̃ nangãxü̃ga rü ñanagürü: —¡Ẽcü, naxü i ngẽma cuxna naxca̱x nacagüxü̃! Erü tama cuxü̃ nixĩ i naxõõ̱xgüxü̃, rü choxü̃waxi nixĩ, erü tama nanaxwa̱xegü i norü ãẽ̱xgacü nax chixĩxü̃.

Auxexü̃chiga 4:20

Rü yimá tachixü̃anearü ãẽ̱xgacü ya Cori ya Tupana nüxü̃ unetacü ya tüxü̃ ípoxü̃cü rü ngẽma tórü uanügü rü marü nayayauxgü. Rü yimá tórü ãẽ̱xgacüchiga nixĩ ga ü̃pa ñagüxü̃: —Cuxme̱xwa tangexmagü nax toxü̃ ícupoxü̃xü̃ca̱x nüxna i ngẽma togü i nachixü̃anegü —ñagüxü̃.