Ochéa 13:1 - Tupanaarü Ore

¹ Rü ü̃pa ga yexguma yema Efraíü̃tanüxü̃ idexagügu rü yema togü ga Iraétücumügü rü meama naga naxĩnüe. Natürü yexguma nüma ga Efraíü̃tanüxü̃ rü tupananeta ga Baáxü̃ yacua̱xüü̃gügu, rü yexma nayacua̱x ga norü pora.

Ochéa 13:1 Referans Kwoze

Ochéa 11:2

Natürü yexguma yexeraãcü naxca̱x chacagu nax chowe naxĩxü̃ca̱x, rü nüma ga Iraétanüxü̃ rü yexeraãcü choxna nixĩgachi. Rü nüma ga chorü duü̃xü̃gü rü tupananetagüca̱x ínanagu ga ãmaregü rü ngẽmachicüna̱xãgüca̱x ínanagu ga pumarate̱xe.

Ore i mexü̃ ga Luca ümatüxü̃ 14:11

Erü texé ya tügü írütaxe rü Tupana tá tüxü̃ naxãnexẽxẽ. Natürü texé ya tügü írüxíraxe rü Tupana tá tüxü̃ nicua̱xüxü̃ —ñanagürü ga Ngechuchu.

Ucu̱xẽgüchiga 18:12

Ngẽma yigü nax icua̱xüü̃xü̃ rü guxchaxü̃ taxca̱x ínanguxẽxẽ, natürü ngẽma tama nügü icua̱xüü̃xü̃, rü duü̃xü̃gü rü tá namaxã nataãxẽ.

Nüxíraxü̃xü̃ ga popera ga ãẽ̱xgacügüchiga 12:25

Rü nüma ga Yeruboáü̃ rü wenaxarü nanamexẽxẽ ga guma ĩane ga Chiquéü̃ ga Efraíü̃arü ma̱xpǘneanewa yexmane. Rü gumagu naxãchiü̃ ga nüma ga ãẽ̱xgacü ga Yeruboáü̃. Rü guma Chiquéü̃ namexẽẽguwena rü nanamexẽxẽ ga guma ĩane ga Penué.

1 Chamué 15:17

Rü nüma ga Chamué rü nanangãxü̃ rü ñanagürü: —Yexguma cugügu curüxĩnügu ga taxuwama nax cumexü̃, rü nüma ga Tupana rü cuxü̃ nayaxu ga Iraéanecüã̱xgüarü ãẽ̱xgacü nax quixĩxü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 12:1

Rü nügü namexẽẽgü ga Efraíü̃tanüxü̃arü churaragü rü nichoü̃ ga natü ga Yudáü̃wa. Rü ĩane ga Chafóü̃wa naxĩ rü Yetéxü̃ ñanagürügü: —¿Tü̱xcüü̃ quixüe i natü i Yudáü̃wa nax Amóü̃tanüxü̃maxã pegü pedaixü̃ca̱x? ¿Rü tü̱xcüü̃ tama torü ngü̃xẽẽca̱x ícuca nax cuxü̃ tarüngü̃xẽxẽgüxü̃ca̱x? Rü ñu̱xma rü tá nagu tanangixi ya cupata nax ngẽxma quixaxü̃ca̱x! —ñanagürügü.

Ãẽ̱xgacügü ga guxchaxü̃güarü mexẽxẽruü̃gü 8:1

Rü Yedeóü̃maxã nanue ga Efraíü̃tanüxü̃, rü ñanagürügü: —¿Tü̱xcüü̃ tama toxca̱x cungema ga yexguma noxri Madiáü̃tanüxü̃gümaxã pegü peda̱i̱xgu? —ñanagürügü.

Yochué 3:7

Rü yexguma ga Cori ya Tupana rü ñanagürü Yochuéxü̃: —Ñu̱xmacürüwa rü tá ñaa Iraétanüxü̃pe̱xewa cuxü̃ chataxẽxẽ. Rü ngẽmaãcü tá nüxü̃ nadaugü nax choma rü aixcüma chacuxü̃taguxü̃ yexgumarüxü̃ ga Moichéxü̃tawa chayexmagurüxü̃.

Iraétanüxü̃arü muxchiga 13:16

Rü yemagü nixĩ ga naégagü ga yema yatügü ga Moiché Canaáü̃anewa mugüxü̃ ngugüanewa. Rü Ochéa ga Núü̃ nane rü Moiché rü to ga naégagu nanaxüéga. Rü Yochuégu nixĩ ga naxüégaaxü̃.

Iraétanüxü̃arü muxchiga 13:8

rü Efraíü̃tanüxü̃wa inamuãchi ga Ochéa ga Núü̃ nane,

Iraétanüxü̃arü muxchiga 10:22

Rü yemawena inaxĩãchi ga yema churaragü ga Efraíü̃tanüxü̃arü wonera ingegüxü̃. Rü yema namaxã icuáxü̃ nixĩ ga Erichamá, ga Amiúx nane.

Naanearü ügüchiga 2:17

Natürü ngẽma nanetü i cua̱x i mexü̃ rü cua̱x i chixexü̃ nawa ngẽxmaxü̃, rü taxũtáma cunangõ̱x i norü o. Erü ngẽxguma tá cunangõ̱xgux rü cumaxã nüxü̃ chixu rü tá cuyu —ñanagürü.

2 Corintios 5:14

Rü Cristu ya poraãcü toxü̃ ngechaü̃cü nixĩ ya ñu̱xma tomaxã icuácü, erü tayaxõgü nax nüma rü guxãarü pecaduca̱x nayuxü̃ nax yexma nayuxü̃ca̱x ga nũxcümaxü̃xü̃ ga tacüma ga chixexü̃.

Romanos 5:12

Rü nüxíraü̃cü ga yatü ga Adáü̃gagu nixĩ ga guxü̃ma ga duü̃xü̃güwa nanguxü̃ ga pecadu. Rü pecadugagu ínangu i yu. Rü yemaacü guxü̃ma ga duü̃xü̃güwa naxüe nax nayuexü̃, yerü guxü̃ma nipecaduã̱x.

Ichaía 66:2

¡Rü choma nixĩ i chanaxüxü̃ i guxü̃ma i ñoma i naanewa nüxü̃ idauxü̃ rü yemaacü nixĩ ga nangóexü̃! Rü choma ya Cori nixĩ i ngẽma ñachaxü̃. Rü choma rü tüxü̃ chadawenü ya yíxema ngearü diẽruã̱xgüxe rü yíxema naxĩ̱xãchiãẽgüxe ya naga ĩnüexe i chorü ore.

Yox 29:21

Rü guxü̃ma ga duü̃xü̃gü rü mea chauga naxĩnüe, rü inarüchianegü nax chorü ucu̱xẽxü̃ naxĩnüexü̃ca̱x.

Yox 29:22

Rü nawena nax chidexaxü̃ rü taxúema namaxã tarüxutaga. Rü nüma ga duü̃xü̃gü rü meama nanayauxgü ga chorü ucu̱xẽgü.

Ochéa 2:8

Natürü nümagü i ngẽma Iraétanüxü̃ rü ngẽma ngeruxü̃ nixĩgü nax tama nüxü̃ nacua̱xgüégaxü̃ nax choma yixĩxü̃ ga nüxna chanaxãxü̃ i trigu rü bínu rü chíxü̃ rü diẽru rü úiru. Natürü nümagü rü yema diẽrumaxã rü úirumaxã nanaxügü ga norü tupananetagü ga Baáchicüna̱xãgü.

Ochéa 8:4

Rü ngẽma duü̃xü̃gü rü ngẽxguma nachixü̃anearü ãẽ̱xgacügüxü̃ naxunetagügu rü tama choxna nacagü. Rü ngẽxguma nüxü̃ naxunetagügu i ngẽma tá namaxã icua̱xgüxü̃, rü tama chorü ucu̱xẽca̱x ínacagü. Rü nügüca̱x nanaxügü i naxchicüna̱xãgü i úirunaxca̱x rü diẽrumünaxca̱x. Rü ngẽmamaxã nügütama nachixexẽẽgü.

Ichaía 7:8

Rü Damácu nixĩ ya Chíriaanearü ĩane ya taxü̃ne, rü Rechíü̃ nixĩ i Damácuwa ãẽ̱xgacü ixĩxü̃. Rü Chamária nixĩ ya Efraíü̃tanüxü̃arü ĩane ya taxü̃ne, rü Remaría nane nixĩ i Chamáriawa ãẽ̱xgacü ixĩxü̃. Natürü ngẽxguma marü 65 ya taunecüwa nanguxgu rü ngẽma Efraíü̃tanüxü̃ rü tá inarüxo nax wüxi i nachixü̃ane nax yixĩxü̃. Rü ngẽxguma pema rü taxũtáma aixcüma choxü̃́ peyaxõgügu, rü pema rü tá ta iperüxo” —ñanagürü ya Tupana.

Ochéa 2:10

Rü ngẽma norü tupananetagüpe̱xewa tá chanapuxü̃ i guxü̃táma i ngẽma nüxna chaxãxü̃. Rü ngẽmaãcü tá chanaxãneexẽxẽ i ngẽma duü̃xü̃gü, rü taxúetama choxna tanachu̱xu.