Ochéa 12:4 - Tupanaarü Ore

⁴ Rü nüma ga Acóbu rü Tupanaarü duü̃xü̃ ga daxũcüã̱xmaxã nügü nawogü, rü Acóbu narüporamae. Rü nüma ga Acóbu rü naxaxu rü Tupanaarü ngü̃xẽẽca̱x ínaca. Rü Tupana rü Betégu Acóbuxü̃ nangau, rü yéma Acóbumaxã nidexa.

Ochéa 12:4 Referans Kwoze

Maraquía 3:1

Nüma ya Cori ya Guxãétüwa Ngẽxmacü rü ñanagürü pexü̃: —Choma rü chaugüpe̱xe tá chayamu i chorü orearü ngeruxü̃ nax yoxni chauxü̃pa nügü íyamexẽẽgüxü̃ca̱x i chomaxü̃. Rü yimá Cori ya naxca̱x peda̱u̱xcü rü ngürüãchi tá napata ya taxü̃negu naxücu. Rü ngẽmaãcü tá ínangu ya yimá perü maxẽxẽẽruxü̃ ga Tupana nüxü̃ ixucü ga yexguma perü o̱xigümaxã inaxunetagu —ñanagürü.

Naanearü ügüchiga 35:15

Rü yema nachica rü Betégu nanaxüéga.

Popera ga Yudíugü ga yaxõgüxü̃ca̱x ümatüxü̃ 5:7

Rü yexguma Cristu ñoma ga naanewa maxü̃gu, rü poraãcü nayumüxẽ rü tagaãcü rü naxauxãcü Tupanana naca nax nüxü̃ nangü̃xẽẽxü̃ca̱x nax naga naxĩnüxü̃ca̱x, yerü Tupana rü naporachire̱x nax nawa ínanguxuchixẽẽãxü̃ca̱x ga yema yu. Rü Tupana rü Cristuxü̃ naxĩnü yerü Tupanaga naxĩnü.

1 Tesalonicenses 4:17

Rü ngẽmawena i yixema nax imaxẽxü̃ rü tá wüxigu caixanexü̃gu tüxü̃ nigagü namaxã i ngẽma duü̃xü̃gü i yuwa írüdagüxü̃. Rü ngẽmaãcü tá daxũgu tórü Corixü̃ tayangaugü nax guxü̃gutáma naxü̃tawa ingexmagüxü̃ca̱x.

Ichaía 63:9

Rü nüma ya Tupana rü tama togüxü̃ núma namuxü̃ nax norü duü̃xü̃güxü̃ ínanguxü̃ẽẽxü̃ca̱x. Rü nümatama ya Tupana nixĩ ga ínanguxü̃xẽẽãxü̃ nawa ga norü ĩ̱xãchiãxẽ yerü poraãcü nüxü̃ nangechaxü̃ rü nüxü̃́ nangechaü̃tümüxü̃gü. Rü yemaca̱x guxü̃guma norü uanügüme̱xẽwa ínananguxü̃xẽxẽ.

Wiyaegü 66:6

Rü nüma ga Tupana rü nayapachitamaxẽxẽ ga yema már nax tümacutümaxã yéma tichoü̃xü̃ca̱x ga tórü o̱xigü. Rü nümagü ga tórü o̱xigü rü nacutümaxã nichoü̃ ga yema natü. ¡Rü ngĩxã Tupanamaxã tataãxẽgü!

Naanearü ügüchiga 48:15

Rü Yúchemaxã mexü̃ naxuegu. Rü ñanagürü: —Pa Chorü Tupanax, cuga nixĩ ga naxĩnüexü̃ ya chorü o̱xi ga Abraáü̃ rü chaunatü ya Ichaá, rü cuma nixĩ ga choxna cudauxü̃ ga noxritama chaxíragucürüwa ñu̱xmata ñoma i ngunexü̃wa nangu.

Naanearü ügüchiga 32:29

Rü yexguma ga Acóbu rü nüxí nüxna naca rü ñanagürü: —Ñu̱xma chanaxwa̱xe i chomaxã nüxü̃ quixu ¿rü ta̱xacü nixĩ i cuéga? —ñanagürü. Natürü ga yema duü̃xü̃ rü nanangãxü̃ rü ñanagürü: —¿Tü̱xcüü̃ nüxü̃ cucuáxchaü̃ i chauéga? —ñanagürü. Rü ñu̱xũchi ga yema duü̃xü̃ rü yématama Acóbumaxã mexü̃ naxuegu.

Naanearü ügüchiga 32:24

Rü yexguma Acóbu nüxicatama yéma yaxüãchigu, rü wüxi ga duü̃xü̃ namaxã nügü nawogü rü ñu̱xmata yangunemare.

Naanearü ügüchiga 32:26

Rü yexguma ga yema duü̃xü̃ rü ñanagürü Acóbuxü̃: —¡Choxü̃ inge̱x erü marü ningóonechaü̃! —ñanagürü. Rü yexguma ga Acóbu rü nanangãxü̃ rü ñanagürü: —Ngẽxguma taxũtáma mexü̃ chomaxã cuxuegu̱xgu, rü taxũtáma cuxü̃ chinge̱x —ñanagürü.

Naanearü ügüchiga 25:26

Rü yemawena nabu ga naenexẽ. Rü Echaúme̱xtü̱xügu yangĩãcüma nabu. Rü yemaca̱x Acóbugu nanaxüégagü. Rü ngẽma naéga rü Iyauxwa̱xexü̃, ñaxü̃chiga nixĩ. Rü nüma ga Ichaá rü 60 ga taunecü nüxü̃́ nayexma ga yexguma nabuegu ga gumá ngĩnegü ga Rebéca.

Naanearü ügüchiga 32:25

Natürü yema duü̃xü̃ rü nüxü̃ nacua̱x ga tama Acóbuxü̃ nax naporamaexü̃. Rü yemaca̱x düxwa Acóbutacugu nidagü, rü nanatüxüchitacu ga yexguma nügü inawogügu.