Ochéa 12:13 - Tupanaarü Ore

¹³ Rü Tupana rü wüxi ga norü orearü uruü̃maxã Equítuanewa ínananguxü̃xẽxẽ ga norü duü̃xü̃gü. Rü Tupana rü yema orearü uruü̃maxã nüxna nadau ga yema Iraétanüxü̃.

Ochéa 12:13 Referans Kwoze

Wiyaegü 77:20

Rü cunamu ga Moiché rü Aróü̃ nax yagagüãxü̃ca̱x ga curü duü̃xü̃gü ñoma carnérugü igagüxü̃rüxü̃.

Miquéa 6:4

Rü choma nixĩ ga Equítuanewa pexü̃ íchagaxü̃xü̃ rü yema duü̃xü̃güme̱xẽwa pexü̃ íchanguxü̃xẽẽxü̃. Rü choma nixĩ ga petanüwa chamugüxü̃ ga Moiché, rü Aróü̃, rü María nax pemaxã inacua̱xgüxü̃ca̱x.

Ínachoxü̃xü̃chiga 13:3

Rü nüma ga Moiché rü Iraétanüxü̃xü̃ ñanagürü: —¡Nüxna tá pecua̱xãchie i ñaa ngunexü̃ i nagu Cori ya Tupana taxü̃ i norü poramaxã pexü̃ ímuxü̃xü̃ ga Equítuanewa i ngexta chixri pemaxã inacua̱xgüxü̃wa rü norü puracütanüxü̃xü̃ pexü̃ yaxĩgüxẽẽxü̃wa! Rü ngẽmaca̱x i ngẽxguma penaxüchigagügu i ñaa ngunexü̃ rü taxũtáma paũ i pu̱xẽẽruü̃ã́xü̃ pengõ̱xgü.

1 Chamué 12:8

Rü yexguma Acóbu rü ñu̱xũchi natanüxü̃ Equítuanewa ngugügu, rü mucü ga taunecü yéma nayexmagügu ga guxema pexrü o̱xigü, rü nüma ga Equítuanecüã̱xgü rü chixri tümamaxã inacua̱x. Rü yemaca̱x Cori ya Tupanana nacagüe. Rü nüma ga Cori ya Tupana rü Moichéxü̃ rü ñu̱xũchi Aróü̃xü̃ yéma namugü nax Equítuanewa ínanguxü̃xẽẽãxü̃ca̱x ga yema pexrü o̱xigü. Rü ñaa nachicawa nanangugüxẽxẽ.

Ínachoxü̃xü̃chiga 14:19

Rü yexgumatama ga yema Tupanaarü duü̃xü̃ ga daxũcüã̱x rü yema caixanexü̃ ga noxri Iraétanüxü̃pe̱xegu ĩchiréxü̃ rü wixweama naxĩ.

Iraétanüxü̃arü muxchiga 12:8

Rü choma rü ngóxü̃wama Moichémaxã chidexa nawa i wüxi i naga i nüma meama nüxü̃ nacuáxü̃. ¿Rü ngẽmaca̱x i pema rü tü̱xcüü̃ tama pemuü̃e nax chixri nachiga pidexagüxü̃? —ñanagürü.

Ochéa 2:15

Rü choma rü wena táxarü nüxü̃ chanatáeguxẽxẽ i norü úbanecügü, rü ngẽma doxonexü̃ i Acóxarü metachinüanexü̃ ga noxri Guxchaxü̃chicagu ãégaxü̃ rü Taãẽchicaxü̃ tá chayanguxuchixẽxẽ. Rü ngẽma naanewa tá choxü̃ nangechaü̃gü i ngẽma Iraéanecüã̱xgü yexguma Equítuanewa ínachoxü̃gurüxü̃.

Ochéa 11:1

Rü Tupana rü ñanagürü ta: —Rü yexguma noxri nangóegu ga chorü duü̃xü̃gü ga Iraétanüxü̃, rü choma rü nüxü̃ changechaü̃ yerü chauxacügü nixĩgü. Rü yemaca̱x íchananguxü̃xẽxẽ ga Equítuanewa.

Naanearü ügüchiga 28:2

¡Rü yea Padáü̃-aráü̃anewa naxũ i nachiü̃wa ya curü o̱xi ya Betué, rü ngẽxma yaxãxma̱x wüxi i naxacümaxã ya cuta ya Labáü̃!

Naanearü ügüchiga 29:20

Rü yemaacü ga Acóbu rü 7 ga taunecü ngĩxca̱x napuracü ga Raqué. Natürü Acóbuca̱x rü gumá 7 ga taunecü rü tama nũxcücüraxü̃ nixĩ yerü poraãcü nüxü̃́ ingúchaü̃xü̃chi.

Wenaxarü naxümatü ga Tupanaarü mugü 26:5

Rü ngẽxguma i cuma rü Cori ya Tupanape̱xewa tá ñacurügü: “Chorü o̱xigü rü wüxitücumü ga duü̃xü̃gü ga Araméutanüxü̃ ga noxri noxretama ixĩgüxe. Rü tümagü rü nu ne tanaxĩmare rü Equítuanewa taxĩ rü yexma tayaxãpatagü. Rü yemawena rü timu, rü muxü̃ma ga duü̃xü̃gü ga poraexü̃ tixĩgü.