Ochéa 12:1 - Tupanaarü Ore

¹ Ngẽma Iraéanecüã̱xgü rü natüca̱xma guxü̃ i ngunexü̃gu ngẽma nachixü̃anegü i éstewa ngẽxmagüxü̃arü ngü̃xẽẽca̱x nadau. Rü yexera nidorata̱xagü rü nimáetagü. Rü Achíriaanecüã̱xgümaxã nanaxü i unetagü, rü Equítuanewa nanamugü i ãmare i chíxü̃ nax ngẽmaãcü Equítuanecüã̱xgü nüxü̃ rüngü̃xẽẽgüxü̃ca̱x.

Ochéa 12:1 Referans Kwoze

Ochéa 11:12

Rü ñanagürü ta: —Ngẽma Efraíü̃tanüxü̃x, rü guxü̃guma chope̱xewa nidorata̱xagü. Rü ngẽma Iraéanecüã̱xgü rü guxü̃guma choxü̃ nawomüxẽẽgü. Rü ngẽma Yudáanecüã̱xgü rü choxna nixĩgachi, rü ñu̱xma rü norü tupananetagüxü̃ nicua̱xüü̃gü —ñanagürü.

Ochéa 8:7

Rü ngẽma chixexü̃ i nagu naxĩxü̃ i ngẽma Iraéanecüã̱xgü rü natüca̱xmamare nixĩ rü ñoma buanecürüxü̃ nixĩ. Rü choma rü tá naxca̱x íchananguxẽxẽ i wüxi ya tacü ya buanecü ya íxã̱ũ̱xẽmacü. Rü ngẽma norü naanegüwa rü taxũtáma nixo i norü trigu rü taxũtáma nangẽxma i norü arína. Rü ngẽxguma ngürüãchi nüxü̃́ yaxo̱xgu, rü to i nachixü̃anecüã̱x tá namaxã naxãwemügü.

Ochéa 5:13

Rü ngẽxguma Efraíü̃tanüxü̃ rü Yudáanecüã̱xgü nüxü̃ daugügu nax taxü̃ i guxchawa nangẽxmagüxü̃, rü Efraíü̃tanüxü̃ rü tá Achíriaanearü ãẽ̱xgacüna ngü̃xẽẽca̱x nayacagü. Natürü nüma i Achíriaanearü ãẽ̱xgacü rü taxũtáma nüxü̃ narüngü̃xẽxẽ.

Echequié 17:10

Rü woo wena natogüã̱xgu rü taxũtáma wena narüxüatü. Rü ngẽxguma yimá buanecü ya éstewaama ne ũcü nawa nguxgu rü tá nipaama nawa i ngẽma naane i nagu natoxü̃’ ” —ñanagürü ga Cori ya Tupana.

Yeremía 22:22

Rü guxü̃táma i perü ãẽ̱xgacügü rü tá nigagü ñoma buanecü yagagüxü̃rüxü̃. Rü guxü̃ma i ngẽma togü i nachixü̃anegü i nüxü̃́ peyaxõgüxü̃ rü tá ta uanügüme̱xẽwa nangẽxmagü. Rü pema rü tá pexãnee rü taxuwatáma pime nagagu i guxü̃ma i ngẽma chixexü̃gü i pexügüxü̃.

Yox 15:2

—Wüxi i yatü i cua̱x nüxü̃́ ngẽxmaxü̃ rü tama dexa i taxuwama mexü̃maxã nanangãxü̃. Rü ngẽma curü ore i cugü namaxã ícupoxü̃xü̃ rü ñoma buanecürüü̃mare nixĩ.

Norü taxre ga popera ga ãẽ̱xgacügüchiga 15:19

Rü wüxi ga ngunexü̃gu rü nüma ga Púx ga Achíriaanearü ãẽ̱xgacü rü Iraéanegu nachocu. Rü yexguma ga Menaéü̃ rü 33,000 quíru ga diẽru nüxna naxã nax yemaacü Púx naétüwa üxü̃ca̱x rü naporaxẽẽãxü̃ca̱x nax ãẽ̱xgacü yixĩxü̃.

Naanearü ügüchiga 41:6

Rü gumawenatama rü yemanewatama nanguxü̃ ga nai ga 7 ya̱xa ga trigu ga ingeãcune rü buanecümaxã ipagüne. Rü guma 7 ya̱xa ga ipagüxü̃ rü ínanagagü ga guma 7 ya̱xa ga ixããcune rü ime̱xyaxane. Rü yexguma ga nüma ga Faraóü̃ rü naba̱i̱xãchi, rü nüxü̃ nicua̱xãchi nax wüxi ga nanegümare yixĩxü̃.

Yeremía 2:36

¿Rü ta̱xacüca̱x cuñu̱xãẽxü̃chi nax naxca̱x cudauxü̃ i to i nachixü̃anearü ngü̃xẽxẽ? Rü ngẽma Equítuane rü tá cumaxã ínayatü, yema Achíriaane cumaxã íyatüxü̃rüxü̃.

Yeremía 7:15

Natürü choma rü chope̱xewa tá pexü̃ íchawoxü̃, Pa Yudátanüxü̃x, yexguma ü̃pa peenexẽgü ga Efraíü̃tanüxü̃xü̃ íchawoxü̃gurüxü̃’ ” —ñanagürü.

Auxexü̃chiga 5:6

Rü Equítuanewa rü Achíriaanewa naxca̱x ítaca i õna nax toxü̃́ nangẽxmaxü̃ca̱x.

Ochéa 4:19

Rü wüxi ya buanecü ya tacü tá nayagagü. Rü ngẽma nax ngẽma tupananetachicüna̱xãgüxü̃mare yacua̱xüü̃güxü̃gagu rü tá naxãnee —ñanagürü ya Tupana.

Ochéa 7:11

Rü ngẽma Iraéanecüã̱xgü i Efraíü̃tanüxü̃ rü ñoma muxtucu i nu ne nañaxü̃ rü ngearü cuááxü̃rüxü̃ nixĩgü. Rü ngẽmaca̱x Equítuanecüã̱xgüna ngü̃xẽẽca̱x nacagü, rü ñu̱xũchi Achíriaanecüã̱xgüna ngü̃xẽẽca̱x nacagü.

Norü taxre ga to ga popera ga ãẽ̱xgacügüchiga ümatüxü̃ 21:11

Rü ñu̱xũchi nüma ga Yoráü̃ rü Yudáanearü ma̱xpǘnegügu nayaxüchica ga tupananetachicüna̱xãgü nax yéma nüxü̃ yacua̱xüü̃güxü̃ca̱x. Rü nagagu nixĩ ga yema Yerucharéü̃cüã̱xgü ga tama Cori ya Tupanaca̱x nadaugüxü̃ rü chixexü̃gu nayixü̃ ga Yudáanecüã̱xgü.

Wiyaegü 78:36

Natürü norü dexawaxicatama nixĩ i nüxü̃ yaxugüexü̃ nax nawe naxĩxü̃, natürü norü maxü̃wa rü tama aixcüma ngẽmagu narüxĩnüe.

Ochéa 4:15

Pa Iraéanecüã̱xgüx, pema rü woo nüxü̃ picua̱xüü̃güamagu i ngẽma tupananetagü, natürü tama chanaxwa̱xe nax ngẽma Yudáanecüã̱xgü rü ta nagu naxĩxü̃ i ngẽma nacümagü i chixexü̃. ¡Rü taxṹ i nüxü̃ picua̱xüü̃güxü̃ i ngẽma naxchicüna̱xãgü i Guirigáwa rü Bex-abéü̃wa ngẽxmagüxü̃! ¡Rü taxṹ i chauégagu ipexunetaxü̃!

Ochéa 7:1

Rü Tupana rü ñanagürü: —Chomax, rü yexguma chanamexẽẽgu ga chorü duü̃xü̃gü ga Iraéanecüã̱xgü rü mea nango̱x ga Efraíü̃tanüxü̃arü chixexü̃ rü Chamáriaarü duü̃xü̃güarü pecadugü. Erü guxü̃ma i nümagü rü nidorae rü duü̃xü̃güxü̃ nawomüxẽxẽ. Rü ñoma ngĩ́ta̱xagüxü̃rüxü̃ ĩpatagügu nachocu nax nangĩ̱xgüxü̃ca̱x. Rü ĩanearü namagüwa duü̃xẽgüna nanapuxü̃ i tümaarü ngẽmaxü̃gü.

Ochéa 11:9

Rü marü taxũtáma wena pemaxã chanu, Pa Efraíü̃tanüxü̃x, rü taxũtáma wena pexü̃ chadai, erü choma rü tama duü̃xü̃mare chixĩ. Rü choma ya Tupana ya Üünecü nax chixĩxü̃ rü petanüwa chamaxü̃. Rü tama perü daiwa nixĩ i nua chaxũxü̃.