Ochéa 11:9 - Tupanaarü Ore

⁹ Rü marü taxũtáma wena pemaxã chanu, Pa Efraíü̃tanüxü̃x, rü taxũtáma wena pexü̃ chadai, erü choma rü tama duü̃xü̃mare chixĩ. Rü choma ya Tupana ya Üünecü nax chixĩxü̃ rü petanüwa chamaxü̃. Rü tama perü daiwa nixĩ i nua chaxũxü̃.

Ochéa 11:9 Referans Kwoze

Iraétanüxü̃arü muxchiga 23:19

Rü Tupana rü tama duü̃xü̃gü nagu rüxĩnüxü̃gu narüxĩnü, rü taguma nidora rü taguma nanaxüchicüxü i norü ĩnü. Rü ngẽxguma ta̱xacüxü̃ yaxuxgu rü aixcümama nanaxü. Rü ngẽxguma ta̱xacüca̱x inaxunetagu rü aixcümama nayanguxẽxẽ.

Yeremía 30:11

Rü choma ya Cori ya Tupana rü ñachagürü: “Choma rü pemaxã changexma nax pexü̃ íchanguxü̃xẽxẽxü̃ca̱x naxme̱xwa i perü uanügü. Rü tá chayanaxoxẽxẽ i guxü̃ma i ngẽma nachixü̃anegü i nagu pexü̃ chawoonexü̃. Natürü i pema rü tagutáma pexü̃ ichayarüxoxẽxẽ. Natürü ngẽma pexna üxü̃ i poxcumaxã tá pexü̃ chapoxcue. Rü taxũtáma nüxü̃ chaxüpetümare nax pexü̃ chapoxcuexü̃” —ñanagürü.

Ichaía 12:6

¡Rü perü taãẽmaxã tagaãcü wáita pixüe, Pa Chióü̃cüã̱xgü! Erü Iraétanüxü̃arü Tupana rü nata rü naxüüne, rü petanüwa nangẽxma guxü̃ma i norü poramaxã —ñaperügügü tá.

Maraquía 3:6

Rü ñanagürü: —Choma nixĩ ya Cori ya Tupana chixĩxü̃. Rü taguma naxüchicüxü i chorü uneta. Rü ngẽmaca̱x i pemax, Pa Acóbutanüxü̃x, rü tama iperüxo.

Ochéa 14:4

Rü ñanagürü ya Cori ya Tupana: —Ngẽma duü̃xü̃gü i tama chauga ĩnüexü̃ rü tá chaugümaxã ichanangüxmüexẽxẽ. Rü tá nüxü̃ changechaü̃ama woo tamachire̱x ngẽma nixĩ i norü natanü. Erü marü choxü̃ nangupetü nax namaxã chanuxü̃.

2 Chamué 20:10

Natürü Amachá rü tama nüxü̃ nadau ga Yoáarü tara ga naxme̱xwa yexmaxü̃, rü yemaca̱x tama ínaxuãẽ. Rü Yoá rü ngürüãchimare Amacháxü̃ nacanapütüwe norü taramaxã rü guxü̃ma i naü̃nütachapa̱xa rü waixü̃müanegu ínayixü̃. Rü Yoá rü taxuca̱xma wena Amacháxü̃ nacana, yerü wüxixü̃cüxü nayu. Rü yemawena ga Yoá rü naenexẽ ga Abicháimaxã Chebá ga Biquirí nanewe nangẽgü.

Ichaía 48:9

Natürü i choma rü pemaxã yáxna chaxĩnü erü chaugünatama chadau. Rü ngẽxguma chanuxgu rü chaugünatama chachogü nax tama pexü̃ chadaixü̃ca̱x.

Wiyaegü 78:38

Natürü woo nax yemaacü nax yixĩgüxü̃, rü nüma ga Tupana rü nüxü̃́ nangechaxü̃tümüxü̃güama. Rü nüxü̃́ nüxü̃ inarüngüma ga norü chixexü̃gü rü tama guxü̃xü̃ nadai. Rü mue̱xpü̱xcüna ga yexguma namaxã nanuxgu rü yáxna namaxã naxĩnü rü tama naga naxĩnü ga norü nu.

1 Chamué 26:8

Rü yexguma ga Abichái rü Dabíxü̃ ñanagürü: —Ñu̱xma ya Tupana rü cuxü̃́ nanatauxchaxẽxẽ nax cuyamáxü̃ca̱x i curü uanü. Chayama̱xtaxa̱x nixĩ, rü norü wocaemaxã tátama mairaxü̃anewa chayapaitü, rü marü ngẽmamaxã tátama nayu —ñanagürü.

Wenaxarü naxümatü ga Tupanaarü mugü 13:17

¡Rü taxũtáma ta̱xacü pegüxü̃́ peyaxu i ngẽma Cori ya Tupana ueguxü̃ nax peyaguxü̃! Rü ngẽxguma aixcüma peyanguxẽẽgu i guxü̃ma i ngẽma rü nüma ya Cori rü tagutáma pemaxã nanu. Rü tá nüxü̃́ pengechaxü̃tümüxü̃gü rü tá pexü̃ nimuxẽxẽ yema perü o̱xigümaxã naxueguxü̃rüxü̃.

Wiyaegü 46:5

Rü nüma ya Tupana rü yima ĩanearü ngãxü̃gu naxãchiü̃ rü ngẽmaca̱x ya yima ĩane rü taxúetama tanachixexẽxẽ. Rü nüma rü guxü̃ma i ngunexü̃ i noxri yangunegu rü yima ĩanexü̃ narüngü̃xẽxẽ.

Ichaía 5:24

Rü ngẽmaca̱x i pema rü ñoma maxẽ i paxü̃ i üxüemawa ixaxü̃rüxü̃ tá iperüxo. Rü ñoma nai i yixchúma̱xaxü̃rüxü̃ rü ñoma nachacu i waixü̃müchicute̱xe yanguxuchixü̃rüxü̃ tá pixĩgü. Erü nüxü̃ pexo i norü ngu̱xẽẽtaegü rü norü mugü ya Cori ya Iraéarü Tupana ya Üünecü ya Guxãétüwa Ngẽxmacü.

Ichaía 31:1

Wüxi i taxü̃ i ngechaü̃ nixĩ naxca̱x i ngẽma Iraétanüxü̃ i Equítuanegu ngü̃xẽẽca̱x yadaugüxü̃. Nümagü rü nagu nayaxõgü ya yima muxũchine ya Equítuanearü carugü rü muxũchixü̃ i churaragü i cowaruétügu ĩxü̃. Natürü tama naga naxĩnüechaü̃ ya yimá norü Tupana ya üünecü, rü tama norü ucu̱xẽca̱x nadaugü.

Ichaía 41:14

Rü choma ya Cori ya Tupana rü aixcüma pemaxã nüxü̃ chixu rü ñachagürü: —Pa Iraétanüxü̃x Pa Acóbutanüxü̃, rü woo nax penoxrexü̃ rü perü uanügüpe̱xewa peturaexü̃, natürü ¡taxṹ i pemuü̃exü̃! Erü choma rü tá pexü̃ charüngü̃xẽxẽxü̃. Rü choma ya perü Tupana ya üünecü nax chixĩxü̃ rü perü nguxü̃xẽẽruxü̃ chixĩ.

Ichaía 41:16

Rü ñoma trigu ípecuexechite̱xe rü buanecü naxchire yanaxü̃rüxü̃ tá peyabuxmüxẽxẽ i perü uanügü. Rü ngẽxguma i pemax, Pa Iraétanüxü̃x, rü tá chomaxã petaãẽgü rü tá choxü̃ picua̱xüü̃gü i choma nax perü Tupana ya üünecü chixĩxü̃.

Yeremía 26:3

Rü ngürüãchi tá cuga naxĩnüe rü nüxü̃ narüxoe i ngẽma chixexü̃ i nacümagü nax ngẽmaãcü i choma rü tama chapoxcuexü̃ca̱x naxca̱x i ngẽma chixexü̃ i naxügüxü̃, ngẽma noxri nagu charüxĩnüxü̃rüxü̃.

Wiyaegü 85:4

Pa Tupana ya Torü Maxẽxẽxẽruxü̃, rü ñu̱xma rü tanaxwa̱xe i wenaxarü toétüwa cuchogü. Rü tama name i tomaxã cunuecha.

Ochéa 12:1

Ngẽma Iraéanecüã̱xgü rü natüca̱xma guxü̃ i ngunexü̃gu ngẽma nachixü̃anegü i éstewa ngẽxmagüxü̃arü ngü̃xẽẽca̱x nadau. Rü yexera nidorata̱xagü rü nimáetagü. Rü Achíriaanecüã̱xgümaxã nanaxü i unetagü, rü Equítuanewa nanamugü i ãmare i chíxü̃ nax ngẽmaãcü Equítuanecüã̱xgü nüxü̃ rüngü̃xẽẽgüxü̃ca̱x.