Ochéa 11:8 - Tupanaarü Ore

⁸ Natürü taxucürüwa pexna chixũgachi, Pa Efraíü̃tanüxü̃x. Rü taxucürüwa pexü̃ íchawogü, Pa Iraéanecüã̱xgüx. Rü taxucürüwa pexü̃ chadai yexgumarüxü̃ ga yema Axmácüã̱xgüxü̃ chadaixgurüxü̃. Rü taxucürüwama pexü̃ charüxoxẽxẽ guma ĩane ga Cheboíü̃xü̃ charüxoxẽẽxü̃rüxü̃. Erü daa chorü maxü̃newa rü pexü̃ changechaü̃ rü íchamemare nax choxü̃́ pengechaü̃tümüxü̃güxü̃.

Ochéa 11:8 Referans Kwoze

Yeremía 31:20

Rü Cori ya Tupana rü ñanagürü: —Ngẽma Efraíü̃tanüxü̃gü̃ rü chaunegü i nüxü̃ changechaü̃güxü̃ nixĩgü. Rü ngẽma nixĩ i chaunegü i yexera nüxü̃ changechaü̃güxü̃. Rü woo yexguma chanapoxcuegu, rü taguma nüxü̃ charüchau nax nüxna chacua̱xãchixü̃. Rü chorü maxü̃newa rü naxca̱x changechaü̃ rü poraãcü choxü̃́ nangechaü̃tümüxü̃gü. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Ore i mexü̃ ga Matéu ümatüxü̃ 23:37

Rü ñanagürü ta ga Ngechuchu: —Pa Yerucharéü̃cüã̱x, pema penadai i Tupanaarü orearü uruü̃gü, rü nutamaxã ípenamuxũchigü i ngẽma orearü ngeruü̃gü ya Tupana pexü̃tawa mugüxü̃. Rü ñuxree̱xpü̱xcüna wüxigu chaugüxü̃tagu pexü̃ chanutaque̱xexẽẽchaü̃ ñoma wüxi i ota i naxacüxegü nügütüü̃gu tüxü̃ nutaque̱xexü̃rüxü̃. Natürü pema rü tama penaxwa̱xe.

Ochéa 6:4

Rü nüma ya Cori ya Tupana rü ñanagürü: —¿Ta̱xacü tá pemaxã chaxü Pa Efraíü̃tanüxü̃x? ¿Rü ta̱xacü tá pemaxã chaxü Pa Yudáanecüã̱xgüx? Rü ngẽma nax choxü̃ pengechaxü̃xü̃ rü ñoma caixanexü̃ i ẽxü̃wa paxaãchi ngóxü̃rüxü̃ nixĩ, rü yima cherena ya ngunetüxü̃ paxaãchi rüngucürüxü̃ nixĩ.

Wenaxarü naxümatü ga Tupanaarü mugü 32:36

Rü nüma ya Cori ya Tupana rü tá norü duü̃xü̃güxü̃ ínapoxü̃ i ngẽxguma nüxü̃ nada̱u̱xgu nax marü nangearü poraáxü̃. Rü tá nüxü̃ narüngü̃xẽxẽ i ngẽxguma nüxü̃ nada̱u̱xgu nax marü nataxuxü̃ma i norü duü̃xü̃gü i poraexü̃ i íyaxügüxü̃.

Wenaxarü naxümatü ga Tupanaarü mugü 29:23

Rü tá nüxü̃ pedau i ngẽma naane i nawa pengẽxmagüxü̃ rü achúfremaxã, rü yucüramaxã napaxü̃, rü ñu̱xũchi waixü̃müane ixaxü̃xicatama nax yixĩxü̃. Rü ngẽma naanegu rü taxucürüwama nagu tatoe, rü ngẽma nanetü i nagu petoxü̃ rü taxũtáma narüxügü, rü bai wüxi i maxẽ nawa rüxüxü̃. Rü guma ĩanegü ga Cori ya Tupana norü numaxã iguxü̃ne ga Chodóma, rü Gomóra, rü Axmá rü Cheboíü̃maxã üpetüxü̃rüxü̃ tá perü naanemaxã naxüpetü.

Popera ga Yúda ümatüxü̃ 1:7

Rü yexgumarüxü̃ ta nüxü̃ nangupetü ga gumá ĩanegü ga Chodóma rü Gomóra rü gumá ĩanegü ga norü ngaicamana yexmagü̃ne. Rü nüma ga yema duü̃xü̃gü rü nügü inaxãgü nax naxügüã̱xü̃ca̱x ga naguxü̃raü̃xü̃ ga naxü̃nearü ngúchaü̃gü. Rü yemaca̱x ga Tupana rü yema üxü i taguma gúxü̃maxã ínanagu. Rü inayanaxoxẽxẽ ga gumá ĩanegü nax wüxi ga cua̱xruxü̃ yixĩxü̃ca̱x.

Norü taxre ga popera ga Pedru ümatüxü̃ 2:6

Rü Tupana rü yexgumarüxü̃ ta inayanaxoxẽxẽ ga gumá ĩanegü ga Chodóma rü Gomóra ga poraãcü chixexü̃gü nawa naxügüne. Rü ínanagu ga gumá ĩanegü ñu̱xmata norü tanimacaxicatama íyaxü. Rü yemaacü nanaxü nax gumá ĩanegü rü wüxi ga cua̱xruxü̃ yixĩxü̃ca̱x nüxü̃́ ga yema duü̃xü̃gü ga chixexü̃ ga yemawena maxẽxü̃.

Amúx 4:11

Rü wüxi ga taxü̃ ga guxchaxü̃ pexca̱x íchanguxẽxẽ yema Chodómaca̱x rü Gomóraca̱x íchanguxẽẽxü̃rüxü̃. Rü pema rü ñoma nai i üxüwa ixaxü̃ rü nawa íyaxuchixü̃rüxü̃ pixĩgü. Natürü ga pema rü tama cha̱u̱xca̱x pewoegu —ñanagürü ya Cori ya Tupana.

Auxexü̃chiga 1:20

Rü dücax, Pa Corix, i ñuxãcü ngẽma guxchaxü̃gü rü poraãcü ngúxü̃ toxü̃ ningexẽẽgü rü ngẽmaca̱x poraãcü taxoegaãẽgü. Rü ngẽxguma nagu tarüxĩnüegu nax ñuxãcü tama cuga taxĩnüexü̃, rü poraãcü tanaxĩ̱xãchiãẽgü. Rü torü ĩanearü poxeguxü̃arü düxétüwa rü taramaxã tonegüxü̃ nadai. Rü nua ĩanearü aixepewa rü taiyamaxã rü da̱xaweanemaxã tayue.

Norü taxre ga popera ga ãẽ̱xgacügüchiga 13:23

Natürü nüma ga Cori ya Tupana rü nüxü̃́ nangechaü̃tümüü̃gü ga yema Iraéanecüã̱xgü yerü Abraáü̃maxã rü Ichaámaxã rü Acóbumaxã marü inaxuneta. Rü yemaca̱x poraãcü yema Iraétanüxü̃gu narüxĩnü rü tama nanaxwa̱xe nax nadaiaxü̃ rü nügüpe̱xewa ínawoxü̃ãxü̃. Rü ñu̱xma rü ta rü tama nüxü̃ naxo rü tama ínanawogü.

2 Chamué 24:16

Rü yexguma yema Tupanaarü orearü ngeruxü̃ ga daxũcüã̱x inaxügüchaü̃gu ga nax nadaiaxü̃ ga yema Yerucharéü̃cüã̱xgü ga duü̃xü̃gü, rü Cori ya Tupanaaxü̃́ nangu̱x ga yema chixexü̃. Rü nüxna nachogü ga yema norü orearü ngeruxü̃ ga daxũcüã̱x ga duü̃xü̃güxü̃ daixü̃, rü ñanagürü nüxü̃: —¡Marü ngẽxmatama yacua̱xẽxẽ, rü taxṹ i cuyadaxẽxẽxü̃! —ñanagürü. Rü yexguma ga yema Cori ya Tupanaarü orearü ngeruxü̃ ga daxũcüã̱x rü Aráuna ga Yebútanüxü̃ trigu íbuxuxü̃wa nayexma.

Ãẽ̱xgacügü ga guxchaxü̃güarü mexẽxẽruü̃gü 10:16

Rü nüma ga Iraétanüxü̃ rü nüxna nixĩgachi ga yema togü ga nachixü̃anegüarü tupananetagü rü wenaxarü Cori ga Tupanaxü̃ nicua̱xüü̃gü. Rü nüma ga Cori ya Tupana rü marü tama yáxna namaxã naxĩnü nax poraãcü ngúxü̃ yangegüxü̃ ga Iraétanüxü̃, rü wenaxarü nüxü̃ narüngü̃xẽxẽ.

Naanearü ügüchiga 14:8

Rü yexguma yema 5 ga ãẽ̱xgacügü ga Chodómaarü ãẽ̱xgacü, rü Gomóraarü ãẽ̱xgacü, rü Axmáxarü ãẽ̱xgacü, rü Cheboíü̃arü ãẽ̱xgacü, rü ñu̱xũchi Beláarü ãẽ̱xgacü rü Chidíü̃arü doxonewa naxĩ nax nügü nada̱i̱xü̃ca̱x namaxã ga yema 4 ga ãẽ̱xgacügü ga Queduraúme ga Eráü̃arü ãẽ̱xgacü, rü Tidáx ga Goíü̃arü ãẽ̱xgacü, rü Amrapé ga Chináxarü ãẽ̱xgacü, rü ñu̱xũchi Arióx ga Eracháxarü ãẽ̱xgacü.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:18

Rü ngẽxguma nüxü̃ nadaugügu i norü caxixü̃ nax yaxãxü̃ ya yima ĩane, rü tagaãcü tá ñanagürügü: “Nataxuma ya nai ya ĩane ya daa ĩane ya taxü̃nerüxü̃ ixĩxü̃ne”, ñanagürügü.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:8

Rü ngẽma naxü̃negü i ngẽma taxre rü tá yima ĩane ga tórü Cori nawa curuchawa ipotane ya Yerucharéü̃arü plazawa nawogü. Rü yima ĩane rü nachixe rü ngẽmaca̱x Chodómaarü ĩanemaxã rü Equítuanemaxã nanaxugü.

Amúx 7:6

Rü yexguma nüma ga Cori ya Tupana rü nüxü̃́ nangechaxü̃tümüxü̃ ga yema duü̃xü̃gü. Rü tama nayanguxẽxẽ ga yema nagu naxĩnüxü̃, rü ñanagürü: —¡Ngẽma rü ta rü taxũtáma nangupetü! —ñanagürü.

Amúx 7:3

Rü yexguma nüma ga Cori ya Tupana rü nüxü̃́ nangechaxü̃tümüxü̃ ga yema duü̃xü̃gü. Rü tama nayanguxẽxẽ ya yema nagu naxĩnüxü̃, rü ñanagürü: —¡Ngẽma rü taxũtáma nangupetü! —ñanagürü.

Auxexü̃chiga 3:33

Erü aixcüma tama norü me nixĩ nax duü̃xü̃güxü̃ yaxĩ̱xãchiãẽxẽẽxü̃ rü ngúxü̃ nüxü̃ yangexẽẽxü̃.

Yeremía 9:7

Rü ngẽmaca̱x i choma ya Cori ya Tupana rü ñachagürü: “¿Ta̱xacü chi i to i namaxã chaxüxü̃ i ngẽma chorü duü̃xü̃gü nax nüxü̃ naxoexü̃ca̱x i norü chixexü̃? Rü ñu̱xma rü tá taxü̃ i guxchaxü̃ naxca̱x íchanguxẽxẽ nax ngẽmaãcü nüxü̃ naxoexü̃ca̱x i ngẽma chixexü̃ i nagu namaxẽxü̃.

Yeremía 3:12

¡Rü nórtewa naxũ, rü ngéma nüxü̃ yarüxu i ñaa ore!: “Cori ya Tupana rü ñanagürü pexü̃, ‘¡Cha̱u̱xca̱x pewoegu, Pa Iraéanecüã̱xgü i Tama Ixĩnüechaü̃xü̃! Rü taxũtáma nuãcü pexü̃ chayaxu, rü taxũtáma guxü̃gu pemaxã chanuecha, erü choma rü ngechaü̃wa̱xecü chixĩ. Rü ngẽma nixĩ i chorü ore i choma ya Cori ya Tupana.

Ichaía 63:15

Dücax, Pa Cori Pa Tupanax, cuma nax daxũguxü̃ i naanewa i üünexü̃ i nachicawa nax cumaxü̃xü̃ rü ¿ngexü̃ nixĩ nax aixcüma toxü̃ cungechaxü̃xü̃? ¿Rü ngexü̃ nixĩ i curü pora? ¿Rü ngexü̃ nixĩ nax yáxna tomaxã cuxĩnüxü̃? ¿Ẽ̱xna marü cuxü̃́ inayagu̱x nax cuxü̃́ tangechaxü̃tümüxü̃güxü̃?

Nüxíraxü̃xü̃ ga popera ga ãẽ̱xgacügüchiga 3:26

Natürü ga yema nge ga tümaé ixĩcü ga guxema buxe yamaxü̃́xe rü poraãcü ingechaü̃xü̃chi tümaca̱x ga guxema ngĩxacüxe, rü ãẽ̱xgacüxü̃ ica̱a̱xü̃ rü ngĩgürügü: —Pa Chorü Ãẽ̱xgacüx ¡taxṹ i tüxü̃ quimáxü̃ ya yíxema buxe! Rü narümemae nixĩ i ngĩxna tüxü̃ cumu i ngẽma nai i nge —ngĩgürügü. Natürü ga yema nai ga nge rü ngĩgürügüama: —Marü name i cunadate i ngẽma buxü̃ nax taxuearüma nax yixĩxü̃ca̱x —ngĩgürügü.

Ichaía 16:11

Rü ngẽmaca̱x Moátanüxü̃ca̱x rü ñu̱xũchi ĩane ya Quíru-erécheca̱x chidu̱xruxarü maxü̃neã̱x, ñoma wüxi i árpacunü idu̱xruxü̃rüxü̃.

Yeremía 18:8

Natürü ngẽxguma chi ngẽma nachixü̃ane rü nüxna yaxũgachigu i ngẽma chixexü̃ i nagu namaxü̃xü̃, rü marü taxũchima naxca̱x ngéma chanamu i ngẽma poxcu i naxca̱x íchamexẽẽxü̃.

Yeremía 42:10

“Ngẽxguma chi penaxwa̱xegu nax ñaa naanewa pengẽxmagüxü̃ rü tá pexü̃ charüngü̃xẽxẽxü̃ nax mea pexü̃ nangupetüxü̃ca̱x. Rü taxũtáma pexü̃ chadai. Rü ñaa naanewa tá mea pexü̃ changexmagüxẽxẽ rü taxũtáma nawa pexü̃ íchawoxü̃, erü poraãcü choxü̃́ nangu̱x nax pexca̱x íchananguxẽxẽxü̃ i ngẽma poxcu i ñu̱xma nawa pengẽxmagüxü̃.

Auxexü̃chiga 3:32

Rü nüma rü woo ngúxü̃ tüxü̃ ningexẽxẽ, natürü ngẽxgumarüxü̃ ta tamaxã nixauxãchi, erü norü ngechaü̃ rü nataxüchi.

Echequié 6:9

Rü ngẽma maxẽxü̃ i íyaxügüxü̃ rü ngẽma nachixü̃anegüwa tá choxna nacua̱xãchie. Rü tá nüxna nacua̱xãchie nax ñuxãcü ngúxü̃ nüxü̃ chingexẽxẽgüxü̃ nagagu nax choxna yaxĩgachixü̃ nax norü tupananetachicüna̱xãgüxü̃ yacua̱xüü̃güxü̃ca̱x. Nümagü rü nügütátama naxãnẽẽxẽẽgü nagagu ga yema chixexü̃ ga naxügüxü̃ rü yema nacümagü ga nagu namaxẽxü̃.

Echequié 33:11

Natürü choma ya Cori ya Tupana rü chauégagu nüxü̃ chixu nax tama chanaxwa̱xexü̃ nax texe tümaarü pecadugu yuxü̃. Natürü ngẽma chanaxwa̱xexü̃ nixĩ nax nüxü̃ tarüxoxü̃ i tümacüma i chixexü̃ nax ngẽmaãcü tüxü̃́ nangẽxmaxü̃ca̱x i maxü̃. Pa Iraétanüxü̃x, ¡nüxna pixĩgachitanü i ngẽma chixexü̃ i nacüma i nagu pemaxẽxü̃! ¿Rü ta̱xacüca̱x yuwa pegü pexĩxẽxẽ?

Ochéa 7:1

Rü Tupana rü ñanagürü: —Chomax, rü yexguma chanamexẽẽgu ga chorü duü̃xü̃gü ga Iraéanecüã̱xgü rü mea nango̱x ga Efraíü̃tanüxü̃arü chixexü̃ rü Chamáriaarü duü̃xü̃güarü pecadugü. Erü guxü̃ma i nümagü rü nidorae rü duü̃xü̃güxü̃ nawomüxẽxẽ. Rü ñoma ngĩ́ta̱xagüxü̃rüxü̃ ĩpatagügu nachocu nax nangĩ̱xgüxü̃ca̱x. Rü ĩanearü namagüwa duü̃xẽgüna nanapuxü̃ i tümaarü ngẽmaxü̃gü.

Miquéa 5:3

Rü ñu̱xma ya Cori ya Tupana rü norü duü̃xü̃güna nixũgachi nax norü uanügü namaxã icuáxü̃ca̱x ñu̱xmatáta naxíxraxacü i ngẽma nge i wüxi ya ngĩne tá ngĩxü̃́ ngẽxmacü. Rü ngẽxguma tá nixĩ i ngẽma Iraétanüxü̃ i to i nachixü̃anegügu woonexü̃ rü tá nachixü̃aneca̱x nawoeguxü̃ nax wüxiwa nangẽxmagüxü̃ca̱x namaxã i natanüxü̃ ga nachixü̃anewatama yaxǘgüxü̃.

Wenaxarü naxümatü ga Tupanaarü mugü 29:22

Rü ngẽma penegü rü petaagü i yixcüra tá ngóexü̃, rü ñu̱xũchi ngẽma duü̃xü̃gü i yáxü̃guxü̃ i nachixü̃anewa ne ĩxü̃ rü tá nüxü̃ nadaugü i ngẽma guxchaxü̃gü rü da̱xaweanegü i Cori ya Tupana ñoma i naanewa tá ngu̱xẽẽxü̃.

Norü taxre ga to ga popera ga ãẽ̱xgacügüchiga ümatüxü̃ 36:15

Rü nüma ga Cori ya Iraétanüxü̃arü o̱xigüarü Tupana rü guxü̃guma yéma nanamugü ga norü orearü uruü̃gü nax yaxucu̱xẽgüãxü̃ca̱x, yerü nüma ga Tupana rü nüxü̃́ nangechaü̃tümüxü̃gü ga norü duü̃xü̃gü rü nüxü̃ nangechaü̃ ga guma napata ga nawa nayexmane.

Yeremía 9:6

Rü Cori ya Tupana rü ñanagürü —Cumax, Pa Yeremíax, rü duü̃xü̃gü i womüxẽẽgüwa̱xexü̃tanüwa cungexma. Rü ngẽma doragu nax namaxẽxü̃gagu tama choxü̃ nacua̱xgüchaü̃.