Ochéa 11:4 - Tupanaarü Ore

⁴ Rü nüxü̃ changechaü̃ rü chaugüca̱x chayagagü nax chanameãẽxü̃ca̱x ñoma buxü̃gü i maiexü̃rüxü̃. Rü naxca̱x ichayarüma̱xãchi nax chanachibüexẽẽxü̃ca̱x.

Ochéa 11:4 Referans Kwoze

Ore i mexü̃ ga Cuáü̃ ümatüxü̃ 12:32

Rü ngẽxguma curuchawa chipotagu rü chaugüxü̃tawa tá chanagagü i guxü̃ma i duü̃xü̃gü —ñanagürü ga Ngechuchu.

Lebítanüxü̃arü puracüchiga 26:13

Rü choma nixĩ i perü Cori ya Tupana ga Equítuanewa pexü̃ íchagaxü̃xü̃ nax tama yexü̃cürü naxme̱xwa pengẽxmagüxü̃ca̱x. Rü choma nixĩ ga pexü̃ íchanguxü̃xẽẽxü̃ nawa ga yema taxü̃ ga guxchaxü̃ ga peétüwa yexmaxü̃. Rü ngẽmaca̱x i ñu̱xma rü taxúexü̃ma pemuü̃e.

2 Corintios 5:14

Rü Cristu ya poraãcü toxü̃ ngechaü̃cü nixĩ ya ñu̱xma tomaxã icuácü, erü tayaxõgü nax nüma rü guxãarü pecaduca̱x nayuxü̃ nax yexma nayuxü̃ca̱x ga nũxcümaxü̃xü̃ ga tacüma ga chixexü̃.

Ochéa 2:8

Natürü nümagü i ngẽma Iraétanüxü̃ rü ngẽma ngeruxü̃ nixĩgü nax tama nüxü̃ nacua̱xgüégaxü̃ nax choma yixĩxü̃ ga nüxna chanaxãxü̃ i trigu rü bínu rü chíxü̃ rü diẽru rü úiru. Natürü nümagü rü yema diẽrumaxã rü úirumaxã nanaxügü ga norü tupananetagü ga Baáchicüna̱xãgü.

Ichaía 63:9

Rü nüma ya Tupana rü tama togüxü̃ núma namuxü̃ nax norü duü̃xü̃güxü̃ ínanguxü̃ẽẽxü̃ca̱x. Rü nümatama ya Tupana nixĩ ga ínanguxü̃xẽẽãxü̃ nawa ga norü ĩ̱xãchiãxẽ yerü poraãcü nüxü̃ nangechaxü̃ rü nüxü̃́ nangechaü̃tümüxü̃gü. Rü yemaca̱x guxü̃guma norü uanügüme̱xẽwa ínananguxü̃xẽxẽ.

Charumóü̃arü wiyae 1:4

¡Rü paxãma cugüxü̃tawa choxü̃ naga! ¡Pa Ãẽ̱xgacüx, curü ucapuwa choxü̃ naga! Rü ngéma rü tá wüxigu tataãẽgü. Rü curü meãxẽ rü namaxã tataãẽgü bínuarü yexera. Rü ngẽmaca̱x nixĩ i ngexü̃gü i poraãcü nüxü̃́ cungúchaü̃güxü̃.

Wiyaegü 105:40

Rü yexguma namachica̱x ínacagügu, rü nüma ga Tupana rü ngugagü naxca̱x ínayachoõchixẽxẽ. Rü paũ ga dauxü̃wa nanachibüexẽxẽ. Rü yemaacü meama nüxü̃́ ningugü.

2 Chamué 7:14

Choma rü tá nanatü chixĩ rü nüma rü tá chaune nixĩ. Rü ngẽxguma nüma chixexü̃ naxü̱xgu, rü choma rü tá chanapoxcu rü tá nüxna chanacuaixca ngẽxgumarüxü̃ i guxü̃ma i papa rü nanena nacua̱i̱xcaxü̃rüxü̃.

Ínachoxü̃xü̃chiga 16:32

Rü yemawena ga Moiché rü ñanagürü: —Ñaa nixĩ i Cori ya Tupanaarü ore: “¡Taxre i litru naguxü̃ i maná penutaque̱xe rü ñu̱xũchi namaxã penguxü̃ nax ngẽmaãcü petaagü nüxü̃ daugüxü̃ca̱x ga yema õna ga chianexü̃wa pexna chaxãxü̃ ga yexguma Equítuanewa pexü̃ íchagaxü̃gu!” —ñanagürü.

Wenaxarü naxümatü ga Tupanaarü mugü 32:12

Rü nüma ga Cori ya Tupanaxicatama nixĩ ga pemaxã inacuáxü̃ rü taxuxü̃ma ga ta̱xacürü tupananeta nixĩ ga nüxü̃ rüngü̃xẽẽxü̃.

Wenaxarü naxümatü ga Tupanaarü mugü 32:14

Rü pexü̃́ nayexma ga perü wocagünenixü̃ rü ñu̱xũchi pexü̃́ nayexma ga perü wocagünenixü̃ ga marü itaigüne. Rü pema rü namaxã pexãwemü ga yema rümemaegüxü̃ ga carnérugü ga Bacháü̃anewa yexmagüxü̃ rü chíbugü ga iyatüxü̃, rü yema rümemaexü̃ ga trigu. Rü peyaxagü ga yema rümemaexü̃ ga úbatüxü̃ ga bínu.