Biblia Todo Logo
Bib sou entènèt

- Piblisite -




Ochéa 11:11 - Tupanaarü Ore

11 Rü ñoma werigürüxü̃ tá nidu̱xruãcü Equítuanewa ne naxĩ. Rü ñoma muxtucurüxü̃ Achíriaanewa tá ne naxĩ. Rü choma rü tá wena napatagüwa chanagagü nax wena nawa yamaxẽxü̃ca̱x. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.

Gade chapit la Kopi




Ochéa 11:11
17 Referans Kwoze  

Rü ngẽxguma yimá Dabítaxa ingucuchigu nax ãẽ̱xgacü yixĩxü̃ca̱x rü nüma ya Cori ya Tupana rü tá wena inanawe̱x i norü pora. Rü wena tá nanangutaque̱xexẽxẽ i norü duü̃xü̃gü i Achíriaanewa, rü Equítuanewa, rü Patróxanewa, rü Etiopíaanewa, rü Eráü̃anewa, rü Chináxanewa, rü Amáanewa rü nachixü̃anegü i márcutüwa ngẽxmagüxü̃wa. Rü tá wena Iraéaneca̱x nanawoeguxẽxẽ.


¿Rü ta̱xacügü nixĩgü i ngẽma paxa ngéma ne üxü̃ ñoma caixanexü̃ paxa i ñaxü̃rüxü̃ rü ñoma muxtucugü i paxa naxchiãü̃ca̱x ibuxmüxü̃rüxü̃? Rü yimágü nixĩ ya wapurugü ya wüxigu Tárchixarü wapurugümaxã yáxü̃wa ne ĩxü̃ne. Rü yimá nixĩ ya wapurugü i yáxü̃wa cuxacügü tüxü̃ ne gagüne namaxã i tümaarü úirugü rü diẽrugü naxca̱x ya Cori ya curü Tupana ya Üünecü ya pexü̃ poraxẽẽcü i pema i Iraétanüxü̃.


Rü choma rü tá Equítuanewa rü Achíriaanewa íchanagaxü̃. Rü Garaáxanewa rü Líbanuanewa tá chanagagü. Rü ngẽma nax namuxũchiamaxü̃ i nümagü rü nachica rü tá naxca̱x inayataxu.


Rü ngẽma Iraéanecüã̱xgü i Efraíü̃tanüxü̃ rü ñoma muxtucu i nu ne nañaxü̃ rü ngearü cuááxü̃rüxü̃ nixĩgü. Rü ngẽmaca̱x Equítuanecüã̱xgüna ngü̃xẽẽca̱x nacagü, rü ñu̱xũchi Achíriaanecüã̱xgüna ngü̃xẽẽca̱x nacagü.


Natürü Chióü̃arü ma̱xpǘne ya chopata nawa yexmane rü wüxi i nachica i üünexü̃ nixĩ. Rü ngéma tá naxĩ i duü̃xü̃gü nax ngẽma ãũcümaxü̃wa yabuxmüxü̃ca̱x. Rü ngẽma Acóbutanüxü̃ rü wena táxarü nanayauxgü i norü naanegü.


Natürü ngẽmawena i nüma i Iraéanecüã̱xgü rü nachixü̃aneca̱x tá nawoegu rü tá Cori ya Tupanaga naxĩnüe. Rü tá Dabítaaca̱x nadaugü nax norü ãẽ̱xgacü yixĩxü̃ca̱x. Rü ngẽma ngunexü̃gü i nawa iyacua̱xgüxü̃gu rü Cori ya Tupanaca̱x tá naxĩ, rü nüxü̃ tá nicua̱xüü̃gü naxca̱x i guxü̃ma i norü ngü̃xẽẽgü ya Tupana tá nüxna ãxü̃.


Rü nümagü rü nawa tá namaxẽ i ngẽma nachixü̃ane ga norü o̱xigü nawa maxẽxü̃ ga chorü duü̃ ga Acóbuna chaxãxü̃. Rü ngéma tá nixĩ i guxü̃gutáma nangẽxmagüxü̃ i nümagü, rü naxacügü, rü guxü̃ma i nataagü. Rü yimá chorü duü̃ ya Dabítaxa tá nixĩ ya guxü̃gutáma norü ãẽ̱xgacü ixĩcü.


Rü ngẽmawena rü duü̃xü̃gümaxã nüxü̃ ixu i chorü ore i ñaxü̃: ‘Choma rü tá íchanagaxü̃ i ngẽma Iraétanüxü̃ nawa i ngẽma nachixü̃anegü ga nawa nagagüãxü̃. Rü wüxiwa tá chanagagü i ngẽma Iraétanüxü̃ i ñu̱xma guxü̃ma i nachixü̃anegu woonemarexü̃. Rü choma rü tá norü naanewa chanagagü.


Rü nümagü rü tá Yerucharéü̃wa nangugü, rü Chióü̃arü ma̱xpǘnewa tá taãẽãcü nayawiyaegü. Rü mexü̃wa tá nangẽxmagü, erü Cori ya Tupana rü tá nüxna nanaxã i guxü̃ma i mexü̃gü i trigu rü bínu, rü chíxü̃, rü carnérugü rü wocagü. Rü tá mea nachibüe rü naporae. Rü ñoma wüxi i putüranecü i mea maixnecüxü̃rüxü̃ tá nixĩgü. Rü wüxi i nachixü̃ane i poraxü̃ tá nixĩ, rü taxũtáma wena ngúxü̃ ningegü.


Rü ngẽma nanetügü i naanewa rüxügüxü̃ rü tá nixo. Rü ngẽma naanegü i nanetügü nagu natogüxü̃ rü muxü̃ma i nanetügüarü o tá nawa nabuxgü. Rü ngẽxguma norü uanügüme̱xẽwa íchanguxü̃xẽẽgu i chorü duü̃xü̃gü, rü tá nüxü̃ nicua̱xãchitanü nax choma chixĩxü̃ i norü Tupana.


Rü taxuxü̃táma i togü i nachixü̃anegü chorü duü̃xü̃gümaxã inacua̱x. Rü woo ngẽma naeü̃gü i düraexü̃ rü taxũtáma wena nanangõ̱xcu i chorü duü̃xü̃gü. Rü taãẽãcüma tá namaxẽ rü taxuca̱xtama namuü̃e.


Rü choma rü tá íchananguxü̃xẽxẽ i chorü duü̃xü̃gü naxme̱xwa i ngẽma nachixü̃ane i éstewaama ngẽxmaxü̃ rü ngẽma nachixü̃ane i oéstewaama ngẽxmaxü̃.


Rü ngẽma chorü duü̃xü̃gü rü Yerucharéü̃wa tá chanagagü nax ngéma namaxẽxü̃ca̱x. Rü nümagü rü tá chorü duü̃xü̃gü nixĩgü, rü choma rü tá norü Tupana ya ixaixcümacü chixĩ rü mea namaxã tá ichacua̱x” —ñachagürü.


Swiv nou:

Piblisite


Piblisite