Ochéa 11:1 - Tupanaarü Ore

¹ Rü Tupana rü ñanagürü ta: —Rü yexguma noxri nangóegu ga chorü duü̃xü̃gü ga Iraétanüxü̃, rü choma rü nüxü̃ changechaü̃ yerü chauxacügü nixĩgü. Rü yemaca̱x íchananguxü̃xẽxẽ ga Equítuanewa.

Ochéa 11:1 Referans Kwoze

Ore i mexü̃ ga Matéu ümatüxü̃ 2:15

Rü Equítuanewa nayexmagü ñu̱xmata nayu̱x ga ãẽ̱xgacü ga Eróde. Rü yemaacü nangupetü nax yanguxü̃ca̱x ga Tupanaarü ore ga nũxcümaü̃cü ga norü orearü uruxü̃ nüxü̃ ixuxü̃ ga ñaxü̃: “Naxca̱x changema ya Chaune nax Equítuanena nataeguxü̃ca̱x”, ñaxü̃ ga yema ore.

Ínachoxü̃xü̃chiga 4:22

Rü ñacurügü tá Faraóü̃xü̃: “Ñanagürü ya Cori ya Tupana: ‘Choma nixĩ ya Tupana chixĩxü̃ rü nüxü̃ changechaü̃ i Iraétanüxü̃ ñoma chaune ya nüxíraü̃cürüxü̃.

Ochéa 13:4

Rü Tupana rü ñanagürü: —Pa Iraétanüxü̃x, yexguma Equítuanewa peyexmagügucürüwa rü chomatama nixĩ i perü Tupana chixĩxü̃. Rü tama chanaxwa̱xe nax ta̱xacürü tomaxã petupanaã́xü̃, erü chaxicatama nixĩ i perü Tupana rü nataxuma i to i perü poxü̃ruxü̃ ixĩxü̃.

Ochéa 2:15

Rü choma rü wena táxarü nüxü̃ chanatáeguxẽxẽ i norü úbanecügü, rü ngẽma doxonexü̃ i Acóxarü metachinüanexü̃ ga noxri Guxchaxü̃chicagu ãégaxü̃ rü Taãẽchicaxü̃ tá chayanguxuchixẽxẽ. Rü ngẽma naanewa tá choxü̃ nangechaü̃gü i ngẽma Iraéanecüã̱xgü yexguma Equítuanewa ínachoxü̃gurüxü̃.

Yeremía 2:2

—¡Ngéma naxũ rü namaxã idexa i ngẽma Yerucharéü̃cüã̱x i duü̃xü̃gü! ¡Rü nataga nax mea nüxü̃ naxĩnüexü̃ca̱x i ñaa chorü ore i ñaxü̃! “Choma ya Tupana rü nüxna chacua̱xãchi rü yexguma noxri choxü̃ pecua̱xgügu rü mea chauga pexĩnüe. Rü yexguma noxri chorü duü̃xü̃gü pexü̃ chixĩxẽẽgu, rü choxü̃ pengechaü̃gü ñoma wüxi i nge i ngexwaca ãtecü rü ngĩtexü̃ ngechaü̃cürüxü̃. Rü yema choxü̃ nax pengechaü̃xü̃gagu rü chowe perüxĩ ga ínachianexü̃wa ga taxuxü̃ma i nanetü írüxüxü̃wa.

Maraquía 1:2

Rü nüma ya Cori ya Tupana rü ñanagürü: —Choma rü pexü̃ changechaü̃ —ñanagürü. Natürü i pemax rü penangãxü̃ rü ñapegürügü nüxü̃: —¿Ñuxãcü nüxü̃ tacua̱x nax toxü̃ cungechaxü̃xü̃? —ñapegürügü nüxü̃. Rü nüma ya Cori ya Tupana rü pexü̃ nangãxü̃ rü ñanagürü: —Choma rü guma nũxcümaü̃cü ga perü o̱xi ga Acóbuxü̃ changechaü̃ rü ngẽmawa pexü̃ chanawe̱x nax poraãcü pexü̃ changechaü̃xü̃. Rü woo nügüenexẽgü nax yixĩgüxü̃, natürü Acóbuxü̃ changechaü̃ rü Echaúxü̃ chaxo. Rü tama Echaúmaxã chataãxẽ rü yemaca̱x norü naane i máxpü̱xanexü̃ nax yixĩxü̃ rü chianexü̃xü̃ chananguxuchixẽxẽ, rü naeü̃gü i düraexü̃ nawa changexmagüxẽxẽ —ñanagürü.

Ochéa 12:13

Rü Tupana rü wüxi ga norü orearü uruü̃maxã Equítuanewa ínananguxü̃xẽxẽ ga norü duü̃xü̃gü. Rü Tupana rü yema orearü uruü̃maxã nüxna nadau ga yema Iraétanüxü̃.

Echequié 16:6

Natürü ga chomax rü cuxü̃tawa chaxüpetü rü cuxü̃ chadau ga cugüétü nax cuxüxü̃, rü yemaca̱x choxü̃́ cungechaü̃tümüxü̃ rü cuxü̃ chamaxẽxẽ.

Wenaxarü naxümatü ga Tupanaarü mugü 7:7

Rü tama nixĩ nax guxü̃ma i duü̃xü̃gütücumüxü̃ perümumaexü̃ca̱x yixĩxü̃ nax Cori ya Tupana pexü̃ ngechaü̃xü̃ rü pexü̃ dexü̃. Rü pema rü aixcüma guxü̃ma i duü̃xü̃gütücumüxü̃ perünoxremae.

Ochéa 12:9

Rü yexguma Equítuanewa peyexmagügucürüwatama nixĩ nax choma rü perü Tupana chixĩxü̃. Rü choma rü wena tá chianexü̃gu düxenügügu pexü̃ chapegüxẽxẽ, yexguma chianexü̃gu pexü̃ chigagügurüxü̃.

Ínachoxü̃xü̃chiga 4:23

Rü choma rü marü cumaxã nüxü̃ chixu nax ícunamuxũxü̃ca̱x i Iraétanüxü̃ nax choxü̃ yacua̱xüü̃güxü̃ca̱x. Natürü ngẽma nax tama cunaxwa̱xexü̃ nax ínachoxü̃xü̃ rü ngẽmaca̱x tá chayama̱x ya yimá cune ya nüxíra bucü’ ”, ñacurügü tá nüxü̃ i Faraóü̃ —ñanagürü ga Tupana.

Wiyaegü 129:1

Rü ñu̱xma i Iraéane rü ñanagürü: —Choma rü muxü̃ma ga ngúxü̃wa chaxüpetü noxritama changextü̱xügu.

Yeremía 12:7

Cori ya Tupana rü ñanagürü: —Marü nüxna chixũgachi i chorü duü̃xü̃gü, rü nüxü̃ chaxo ga yema choxrügüchire̱x ixĩgüxü̃. Rü norü uanügüme̱xẽwa chanangexmagüxẽxẽ i ngẽma duü̃xü̃gü ga noxri nüxü̃ changechaü̃xü̃chixü̃.

Ochéa 10:15

Rü pemax, Pa Betécüã̱xgü, rü ngẽxgumarüxü̃ tátama pexü̃ nangupetü erü ngẽma perü chixexü̃gü rü nataxüchi. Rü ngẽma Iraéanearü ãẽ̱xgacü rü marü yangunechaü̃gu tá nayu —ñanagürü.

Ínachoxü̃xü̃chiga 19:4

“Rü pema rü marü nüxü̃ pedau ga yema Equítuanecüã̱xgümaxã chaxüxü̃ rü ñuxãcü i choma rü nua íchangexmaxü̃wa pexü̃ chagagüxü̃ ñoma wüxi i ĩyüpe̱xatügu pexü̃ igaxü̃rüxü̃.

Wenaxarü naxümatü ga Tupanaarü mugü 33:3

Rü nüma ya Cori ya Tupana rü norü duü̃xü̃güxü̃ nangechaxü̃, rü nüxna nadau i ngẽma naga ĩnüexü̃. Rü nümagü rü nape̱xegu nacaxã́pü̱xügü rü ínanangu̱xuxẽẽgü i norü ucu̱xẽgü.

Ichaía 43:4

Rü yemaacü pexü̃ íchapoxü̃ yerü poraãcü choxü̃́ pengúchaü̃ rü choxü̃́ peme rü pexü̃ changechaü̃. Rü yemaacü norü uanügüme̱xẽgu chanayixẽxẽ ga yema perü uanügü nax pexü̃ íchapoxü̃xü̃ca̱x rü choxrü duü̃xü̃gü pixĩgüxü̃ca̱x i pemax.

Echequié 16:22

Rü yema curü maxü̃ ga chixexü̃ ga namaxã cuxunearü ngúchaü̃gu cumaxü̃xü̃gagu nüxü̃ icurüngüma ga yexguma cuxíragu rü nax cungexchiruxü̃ rü cugüétüwa nax quicuaixnacüüxü̃.