Ochéa 10:6 - Tupanaarü Ore

⁶ Rü ngẽma wocaxacüchicüna̱xã i Iraéanecüã̱xgü nüxü̃ icua̱xüü̃güxü̃ rü Achíriaanearü churaragü rü nachixü̃anewa tá nanangegü nax norü ãẽ̱xgacüna naxãgüãxü̃ca̱x. Rü tá naxãnee i ngẽma Efraíü̃tanüxü̃, yerü marü nataxuma ga norü naxchicüna̱xã ga nüxü̃́ yacua̱xüü̃güxü̃. Rü ngẽxgumarüxü̃ ta i guxü̃ma i ngẽma Iraéanecüã̱xgü rü ãne tá ningegü.

Ochéa 10:6 Referans Kwoze

Ochéa 5:13

Rü ngẽxguma Efraíü̃tanüxü̃ rü Yudáanecüã̱xgü nüxü̃ daugügu nax taxü̃ i guxchawa nangẽxmagüxü̃, rü Efraíü̃tanüxü̃ rü tá Achíriaanearü ãẽ̱xgacüna ngü̃xẽẽca̱x nayacagü. Natürü nüma i Achíriaanearü ãẽ̱xgacü rü taxũtáma nüxü̃ narüngü̃xẽxẽ.

Ichaía 30:3

Natürü nüma i Faraóü̃ rü taxũtáma ínanapoxü̃. Rü ngẽma nax Equítuaneaxü̃́ yaxõgüãxü̃ rü tá düxwa ngechaü̃ naxca̱x ínanguxẽẽgümare.

Danié 11:8

Rü ñu̱xũchi Equítuanewa tá nanana i ngẽma nórtecüã̱xarü tupanachicüna̱xãgü i bróũchenaxca̱x wüxigu namaxã i norü ngẽmaxü̃gü i úirunaxca̱x rü diẽrumünaxca̱x. Rü ñuxre ya taunecü rü taxũtáma nügü nadai i ngẽma taxre i ãẽ̱xgacügü.

Yeremía 7:24

Natürü ga nümagü rü tama chauga naxĩnüe, rü bai nax choxü̃́ inaxĩnüexü̃, natürü nanueama rü norü ngúchaü̃gü i chixexü̃güweama narüxĩ. Rü tama cha̱u̱xca̱x nawoegu. Rü choxna naxãgüca̱xweama.

Miquéa 6:16

Erü nagu pexĩ ga yema mugü rü nacümagü ga chixexü̃ ga nagu naxĩxü̃ ga ãẽ̱xgacügü ga Omrí rü Acáxtanüxü̃. Rü pema rü yema nümagü namaxẽxü̃ãcütama pemaxẽ. Rü ngẽmaca̱x, Pa Yerucharéü̃x, rü choma rü tá curü uanügüna cuxü̃ chaxã nax cugu napogüexü̃ca̱x. Rü ngẽma curü duü̃xü̃gü rü togü tá nüxü̃ nacugüe rü ãne tá ningegü —ñanagürü.

Ochéa 8:6

¡Pa Iraéanecüã̱xgüx, ngẽma wocaxacüchicüna̱xã i Chamáriawa ngẽxmaxü̃ rü tama aixcüma Tupana nixĩ. Rü wüxi i yatü i ngẽmaxü̃arü üruü̃xü̃ cuáxü̃ nanaxümare. Natürü i choma rü tá íraxü̃gu chanapuxãchixẽxẽ.

Ochéa 4:19

Rü wüxi ya buanecü ya tacü tá nayagagü. Rü ngẽma nax ngẽma tupananetachicüna̱xãgüxü̃mare yacua̱xüü̃güxü̃gagu rü tá naxãnee —ñanagürü ya Tupana.

Ochéa 4:7

Rü ngẽxguma yexera yamuxgu i ngẽma chacherdótegü, rü yexera chixexü̃ chope̱xewa naxügü. Nümagü rü choxna nixĩgachi rü tama chauga naxĩnüe. Rü ngẽmaca̱x i choma rü taxũtáma namaxã chataãxẽ rü tá chanaxãneexẽxẽ.

Echequié 36:31

Rü ngẽxguma tá nüxna pecua̱xãchiegu ga yema pecüma ga chixexü̃ rü yema chixexü̃gü ga pexügüxü̃, rü pema rü tá pegücha̱xwa pexãnee naxca̱x ga yema pecadugü rü chixexü̃gü ga pexügüxü̃.

Yeremía 48:13

Rü ñu̱xũchi i Moá rü tá naxãnee nagagu i norü tupananeta i Quemó, yexgumarüxü̃ ga Iraétanüxü̃ nax naxãneexü̃ nagagu ga yema norü tupananeta ga Betéwa yexmaxü̃ ga nüxü̃́ yaxõgüãxü̃.

Ichaía 45:16

Rü guxü̃ma i ngẽma naxchicüna̱xãgü ügüxü̃ nax namaxã natupanaã̱xgüxü̃ca̱x rü tá naxãnee rü duü̃xü̃gü tá nüxü̃ nacugüe rü tá narümaachitanü.

Ichaía 1:29

Rü pema rü tá na̱xcha̱xwa pexãnee i ngẽma naigü i taxü̃ rü putüraanecügü i perü me ixĩxü̃ i nawa nüxü̃ picua̱xüü̃güxü̃ i ngẽma tupananetachicüna̱xãgü.

Yox 18:7

Rü ngẽma norü pora rü tá niturachigü. Rü ngẽma chixexü̃ i nagu naxĩnüxü̃, rü nümatátama nagu nangu.

Norü taxre ga popera ga ãẽ̱xgacügüchiga 17:3

Rü nüma ga Achíriaanearü ãẽ̱xgacü ga Chamanachá, rü norü churaragümaxã Iraéanecüã̱xarü ãẽ̱xgacü ga Ochéaca̱x ínayagoõchi rü nüxü̃ narüporamae. Rü nüma ga Chamanachá rü nügüme̱xwa nanayexmaxẽxẽ ga Ochéa rü naxü̃tawa tacü ga diẽruca̱x ínacaüüxü̃ ga guxcüma ga taunecügügu.

Echequié 16:28

Natürü tama cuxü̃́ ningu ga yema chixexü̃ ga cuxüxü̃, rü yemaca̱x namaxã cungeãxẽ ga yema Achíriaanecüã̱xgü. Rü woo nax yema cuxüxü̃ rü tama cutaãxẽ.