Ochéa 10:15 - Tupanaarü Ore

¹⁵ Rü pemax, Pa Betécüã̱xgü, rü ngẽxgumarüxü̃ tátama pexü̃ nangupetü erü ngẽma perü chixexü̃gü rü nataxüchi. Rü ngẽma Iraéanearü ãẽ̱xgacü rü marü yangunechaü̃gu tá nayu —ñanagürü.

Ochéa 10:15 Referans Kwoze

Ochéa 10:5

Rü ñu̱xma i ngẽma Chamáriaanecüã̱x i duü̃xü̃gü rü nidu̱xrue, rü naxauxe naxca̱x i ngẽma wocaxacüchicüna̱xã i Bex-abéü̃wa rütaxuxü̃. Rü naxca̱x nangechaü̃gü i duü̃xü̃gü rü ngẽma chacherdótegü erü marü narütaxu ga yema namaxã nataãẽgüxü̃.

Ochéa 10:7

Rü ngẽma Chamáriaanearü ãẽ̱xgacü rü tá narütaxu ñoma wüxi i naixtüchi i dexá ichaxẽẽxü̃rüxü̃.

Romanos 7:13

¿Natürü ñuxãcü nixĩ i ngẽma i ñu̱xmax? ¿Ẽ̱xna yema mugü yixĩxü̃ ga yuwa choxü̃ gaxü̃? Dücax, tama ngẽmaãcü nixĩ. Rü ngẽma pecadu nixĩ i Tupanaarü mugü i mexü̃maxã yoxniẽxü̃ nax yuwa choxü̃ nagaxü̃ca̱x. Rü yemaacü ga yema mugü i mexü̃ choxü̃ nüxü̃ nacua̱xẽxẽ nax poraãcü nachixexü̃ ga yema pecadu.

Ochéa 10:3

Natürü nüma i ngẽma duü̃xü̃gü rü ñanagürügü tá: “Nataxuma ya tórü ãẽ̱xgacü nagagu nax tama Cori ya Tupanaxü̃ ingechaü̃güxü̃. ¿Natürü ta̱xacüwa chi tüxü̃́ namexü̃ i wüxi ya ãẽ̱xgacü?

Ichaía 16:14

Rü ñu̱xma ya Cori ya Tupana rü ñanagürü: —Wüxi i puracütanüxü̃ rü tomaepü̱x ya taunecü inaxuneta nax napuracüxü̃. Rü ngẽxgumarüxü̃ tá ta tomaepü̱x ya taunecü rü Moáanearü pora rü tá inayacua̱x, rü ngẽma muxü̃ i norü duü̃xü̃gü rü tá nayue. Rü noxre tátama i duü̃xü̃gü ínayaxügü natürü tá nangearü poraã̱x —ñanagürü ya Cori ya Tupana.

Ochéa 10:14

Rü ñu̱xmax rü tá inaxügü i ngẽma dai rü ngẽmaca̱x nanaxĩ̱xãchiãẽgü i duü̃xü̃gü. Rü guxü̃ma ya yima ĩanearü poxeguxü̃tápü̱xgü rü tá niwa̱xgü. Rü yema ĩane ga Bex-abéwa ngupetüxü̃ ga yexguma ãẽ̱xgacü ga Charmáü̃ nadaixgurüxü̃ tá nixĩgü. Rü yexguma ga guxema mamagü rü tümanegümaxã tayue.

Ochéa 11:1

Rü Tupana rü ñanagürü ta: —Rü yexguma noxri nangóegu ga chorü duü̃xü̃gü ga Iraétanüxü̃, rü choma rü nüxü̃ changechaü̃ yerü chauxacügü nixĩgü. Rü yemaca̱x íchananguxü̃xẽxẽ ga Equítuanewa.