Ochéa 10:13 - Tupanaarü Ore

¹³ Natürü i pema rü nagu pemaxẽ i chixexü̃, rü ngẽma ne naxũ nax chixri pegümaxã ipecuáxü̃ rü doragu nax pemaxẽxü̃. Rü pema rü pegü namaxã íperüpora i ngẽma muxü̃ i perü churaragü rü yimá peweü̃gü ya daiwa namaxã pexĩxü̃ne.

Ochéa 10:13 Referans Kwoze

Yox 4:8

Rü yema nüxü̃ chadauxü̃wa rü nüxü̃ chacua̱x nax yíxema máetaxe rü chixexü̃ üxe rü nagutátama tanguxü̃ ga yema ü̃paacü taxüxü̃ ga chixexü̃.

Ochéa 8:7

Rü ngẽma chixexü̃ i nagu naxĩxü̃ i ngẽma Iraéanecüã̱xgü rü natüca̱xmamare nixĩ rü ñoma buanecürüxü̃ nixĩ. Rü choma rü tá naxca̱x íchananguxẽxẽ i wüxi ya tacü ya buanecü ya íxã̱ũ̱xẽmacü. Rü ngẽma norü naanegüwa rü taxũtáma nixo i norü trigu rü taxũtáma nangẽxma i norü arína. Rü ngẽxguma ngürüãchi nüxü̃́ yaxo̱xgu, rü to i nachixü̃anecüã̱x tá namaxã naxãwemügü.

Ucu̱xẽgüchiga 22:8

Texé ya chixexü̃ ǘxe rü chixexü̃maxã tá tüxü̃́ naxãtanü. Rü yimá cua̱i̱xruxü̃ ya toguxena namaxã cunacua̱i̱xcane, rü yimamaxã tátama nixĩ ya Tupana i norü numaxã nüxna nacua̱i̱xcaãxü̃.

Ucu̱xẽgüchiga 1:31

Nagagu i ngẽma pecüma i chixexü̃gü rü tá ngúxü̃ pingegü, rü düxwa tá namaxã penaxĩ̱xãchiãẽgü i ngẽma perü ĩnügü i chixexü̃.

Wiyaegü 33:16

Rü taxucüma ya ãẽ̱xgacü ya woo muarü churaraã́cü rü tá nügü ínapoxü̃ ega tama Tupana nüxü̃ rüngü̃xẽẽgu. Rü bai ya wüxi ya yatü ya poraxüchicü rü tá norü poramaxã nügü ínapoxü̃ ega tama Tupana naxü̃tawa ngẽxmagu.

Ochéa 11:12

Rü ñanagürü ta: —Ngẽma Efraíü̃tanüxü̃x, rü guxü̃guma chope̱xewa nidorata̱xagü. Rü ngẽma Iraéanecüã̱xgü rü guxü̃guma choxü̃ nawomüxẽẽgü. Rü ngẽma Yudáanecüã̱xgü rü choxna nixĩgachi, rü ñu̱xma rü norü tupananetagüxü̃ nicua̱xüü̃gü —ñanagürü.

Wiyaegü 62:10

¡Rü taxṹ i máetagu perüxĩnüexü̃ rüe̱xna ngĩ̱xgu perüxĩnüexü̃ nax ngẽmaãcü pegü pediẽruã́xü̃ca̱x! Rü ngẽxguma chi pemuarü diẽruã̱xgu rü ¡taxṹ i ngẽma perü diẽrugu perüxĩnüexü̃ nax ngẽmamaxã petaãẽgüxü̃ca̱x!

Wiyaegü 52:7

—¡Dücax, nüxü̃ peda̱u̱x i ngẽma duü̃xü̃ i tama Tupanaga ĩnüchaü̃xü̃ rü ngẽma norü ngẽmaxü̃gügu yaxõxü̃ rü chixexü̃guama maxü̃xü̃! —ñanagürügü tá.

Ochéa 7:3

Rü nüma i duü̃xü̃gü rü norü diẽrumaxã rü womüxẽẽmaxã nanataãẽxẽxẽ i norü ãẽ̱xgacü rü norü ngü̃xẽẽruü̃gü.

Ngu̱xẽẽtaeruü̃arü ore 9:11

Rü to i ñoma i naanewa nüxü̃ chadauxü̃ nixĩ nax ngẽma ñaãchiwa poraexü̃ rü tama guxü̃guma nüxíra ínangugüxü̃. Rü ngẽma daiwa poraexü̃ rü tama guxü̃guma narüporamaegü. Rü ngẽma cua̱x nüxü̃́ ngẽxmagüxü̃ rü tama guxü̃guma nüxü̃́ nangẽxma i norü õna. Rü ngẽma naãẽxü̃ cuáxü̃ rü tama guxü̃guma nidiẽruã̱x. Rü ngẽma poperawa ngu̱x nüxü̃́ ngẽxmagüxü̃ i duü̃xü̃gü rü tama guxü̃guma namaxã nataãẽgü. Rü guxãca̱x ínangu i tümaarü taãxẽ rü tümaarü guxchaxü̃.

Ucu̱xẽgüchiga 19:5

Ngẽma chogüruü̃neta ixĩxü̃, rü taxũtáma niña nax napoxcuxü̃. Rü ngẽxgumarüxü̃ ta i ngẽma idorata̱xáxü̃, rü taxũtáma poxcuwa niña.

Ucu̱xẽgüchiga 12:19

Yíxema ore i aixcümaxü̃ ixuxe, rü ngẽma tümaarü ore rü taguma inarüxo. Natürü ngẽma doraxü̃ ixuxü̃, rü ngẽma norü ore, rü paxa tá inarüxo.

Ucu̱xẽgüchiga 13:2

Yíxema mexü̃maxã idexaxe, rü mexü̃ i õna tangõ̱x. Natürü ngẽma duü̃xü̃ i chixexü̃gu maxü̃xü̃, rü norü poxcuca̱x nadau.

Ichaía 17:11

Rü ngẽma ngunexü̃ i nagu penatoxü̃ i ngẽma penetügü rü mea nüxna pedau nax moxü̃ãcü naxüxü̃ca̱x. Natürü wüxi i ngunexü̃ tá naxca̱x ínangu i norü da̱xaweane i ngearü üxü̃ã́xü̃ rü pema rü tá ngúxü̃ pingegü i ngẽxguma pexü̃́ nayuegu.

Ochéa 4:2

Rü tamuxũchi ya natüca̱xma Tupanaégagu ixunetaxe rü nataxüchi i dora, rü máeta, rü ngĩ̱x, rü namu i nai i ngexü̃maxã ipegüxü̃, rü nügü daixü̃, rü máetagüechaxü̃.

Ochéa 4:8

Rü nüma i ngẽma chacherdótegü rü duü̃xü̃güarü pecadumaxã nataãẽgü erü ngẽxguma ngẽma duü̃xü̃gü norü pecadugüca̱x ngéma nagagügu ga naxü̃nagü nax chacherdóte nada̱i̱xü̃ca̱x rü ínaguxü̃ca̱x i ngẽma ãmaregü, rü ngẽxguma i nüma i chacherdótegü rü naxãwemügü rü mea nachibüe.

1 Chamué 24:14

¿Rü ñu̱xma rü texéwe nixĩ i nangexü̃ ya Iraéanearü ãẽ̱xgacü? ¿Rü texéwe nixĩ i yangẽchigüxü̃? Chowe nixĩ erü ñoma wüxi i airu i yuxü̃rüxü̃ chixĩ. Rü wüxi i naixchinawe i taxuwama mexü̃rüxü̃ chixĩ naxca̱x!