Ochéa 10:10 - Tupanaarü Ore

¹⁰ Rü choma rü ngẽma ngunexü̃ i chanaxwa̱xexü̃gu tá chanapoxcu i ngẽma Iraéanecüã̱xgü. Rü ngẽma ngunexü̃gu rü tá naxca̱x naxĩtaque̱xegü i ngẽma togü i nachixü̃anegü nax ínayauxü̃ãxü̃ca̱x. Rü ngẽmaãcü tá chanapoxcu i ngẽma Iraéanecüã̱xgü naxca̱x i norü chixexü̃gü.

Ochéa 10:10 Referans Kwoze

Echequié 5:13

Rü choma rü chorü numaxã tá chanapoxcue, rü ngẽxgumaxica tá nixĩ i charüngüxmüxü̃. Rü nawena nax chorü numaxã ngẽma duü̃xü̃güxü̃ chapoxcuxü̃, rü tá nüxü̃ nicua̱xãchitanü nax choma ya Cori ya Tupana chixĩxü̃ ga chorü numaxã namaxã chanaxueguxü̃ ga yema poxcu.

Ochéa 4:9

Rü ngẽmaca̱x i choma rü duü̃xü̃güxü̃ chapoxcuexü̃rüxü̃ tátama chanapoxcue i ngẽma chacherdótegü naxca̱x i nacüma i chixexü̃.

Yeremía 16:16

Natürü i ñu̱xma rü petanüwa tá chanamugü i muxü̃ma i perü uanügü nax ngẽmaãcü pexü̃ ínayauxü̃xü̃ca̱x ñoma choxni ínayauxü̃xü̃rüxü̃. Rü ngẽmawena rü petanüwa tá chanamugü i togü i perü uanügü i ñoma cueneetanüxü̃rüxü̃ pexca̱x daugüxü̃ i guxü̃nema ya ma̱xpǘnegügu rü ngüchitaeruxü̃gügu rü woo nutagüarü ãxmaxü̃gügu nax pexü̃ nada̱i̱xü̃ca̱x.

Ore i mexü̃ ga Matéu ümatüxü̃ 22:7

Rü yexguma ga gumá ãẽ̱xgacü rü poraãcü nanu. Rü norü churaragüxü̃ yéma namugü nax yadaiãxü̃ca̱x ga yema duü̃xü̃gü ga máetagüxü̃, rü nax yagugüãxü̃ca̱x ga gumá norü ĩane.

Ochéa 8:10

Natürü woo ngẽma Achíriaanecüã̱xgüaxṹ naxütanügüãxgu natürü choma rü ngẽma togü i nachixü̃anegügu tá chanawoone. Rü ñuxre ya taunecü rü taxũtáma nüxü̃́ nangẽxma i noxrütama ãẽ̱xgacügü.

Ochéa 8:1

Rü ñanagürü ta: —¡Pa Dauxü̃taeruxü̃x, nagu icue i curü cornéta! Erü ñoma wüxi i ĩyü i nawemü tüxü̃ iyaxuxü̃rüxü̃ ñomama nixĩ i ngẽma uanügü i chorü duü̃xü̃güarü daiwa ĩxü̃. Rü ngẽma guxchaxü̃ tá naxca̱x ínangu i chorü duü̃xü̃gü erü tama nayanguxẽẽgü i ngẽma uneta ga namaxã chaxüxü̃ rü tama naga naxĩnüe i chorü mugü.

Echequié 23:46

Rü Cori ya Tupana rü ñanagürü: —Rü tá naxĩtaque̱xe i muxü̃ma i duü̃xü̃gü nax ngĩxü̃ namuü̃ẽxẽgüxü̃ca̱x. Rü tá ngĩxna nanapuxü̃ i ngĩrü ngẽmaxü̃gü.

Echequié 23:9

Rü yemaca̱x ga choma rü naxme̱xgu ngĩxü̃ chamu ga yema Achíriaanecüã̱xgü ga namaxã naxããrüxã́xü̃ erü yemagü nixĩ ga ngĩxü̃́ ngúchaü̃güxü̃.

Echequié 16:42

Rü ngẽxguma tá nixĩ i cumaxã icharüngü̃xmüxü̃ nax cumaxã chanuxü̃ rü cuxü̃ chinuxuxü̃. Rü ngẽxguma tá nixĩ i choxü̃ nangupetüxü̃ nax cumaxã chanuxü̃.

Echequié 16:37

Rü ngẽmaca̱x i choma rü wüxigu tá chanangutaque̱xexẽxẽ ga guxü̃ma ga yema namaxã cungeãẽxü̃. Rü yema nixĩ ga guxü̃ma ga yema nüxü̃ cungechaxü̃güxü̃, rü ñu̱xũchi guxü̃ma ga yema naxchi cuxaixü̃. Rü guxü̃ma i ngẽmagü rü cuxü̃tagu tá chanangutaque̱xexẽxẽ. Rü guxü̃táma i ngẽmagüpe̱xewa tá nixĩ i cuxü̃ íchacuxuchixü̃ nax ngẽmaãcü báitücuãcüma cüxü̃ nadaugüxü̃ca̱x.

Yeremía 21:4

—Chedequíamaxã nüxü̃ pixu rü Cori ya Iraétanüxü̃arü Tupana rü ñanagürü: “Choma rü tá ĩanegu chanaxücuxẽxẽ i ngẽma curü churaragü i ĩanearü düxétügu Babiróniaanearü ãẽ̱xgacüarü churaragümaxã nügü daixü̃. Rü ñu̱xũchi ngẽma Babiróniacüã̱x i Cadéutanüxü̃ i poxeguxü̃arü düxétüwaama pexü̃ íchomaeguxü̃ rü daa ĩanearü ngãxü̃gu tá chanangutaque̱xexẽxẽ.

Yeremía 15:6

Rü pemax, Pa Yerucharéü̃cüã̱xgüx, rü choxü̃ ípeta̱x rü choxna pexãgüca̱xwegümare. Rü choma ya Cori ya Tupana nixĩ i nüxü̃ chixuxü̃ i ngẽma. Rü ngẽma perü chixexü̃gagu rü choma rü marü düxwa chipa nax pemaxã yáxna chaxĩnüxü̃, rü ngẽmaca̱x i ñu̱xma rü tá pexü̃ chapoxcue nax peyarüxoxü̃ca̱x.

Ichaía 1:24

Rü ngẽmaca̱x ya Cori ya Tupana ya Guxãétüwa Ngẽxmacü ya Iraétanüxü̃arü Tupana ya poraxüchicü, rü ñanagürü: —Ñu̱xma i choma rü tá nüxü̃́ chaxütanü i chorü uanügü naxca̱x i ngẽma chixexü̃ i naxügüxü̃. Rü tá chanapoxcue.

Wenaxarü naxümatü ga Tupanaarü mugü 28:63

Rü yexgumarüxü̃ nax Cori ya Tupana cutanüxü̃maxã taãẽxü̃ ga noxri rü mexü̃ naxca̱x naxüxü̃ rü yamuxẽẽãxü̃, rü ngẽxgumarüxü̃ ta norü taãxẽ tá nixĩ nax iyanaxoxẽẽãxü̃. Rü tá nawa ínanawoxü̃ i ngẽma naane i nawa tá nangẽxmagüxü̃.

Ochéa 10:9

Rü Tupana rü ñanagürü: —Pa Iraétanüxü̃x, pema rü tama nüxü̃ perüxoe nax chixexü̃ pexügüxü̃. Rü yexguma Guibeáwa penaxügügumama nixĩ nax pecadu pexügüechaxü̃, rü ñu̱xma rü ta rü tama nüxü̃ perüxoeéga. Rü ngẽmagagu rü Guibeágu tá daigu nayue i ngẽma chixexü̃gu maxẽxü̃.

Nüxíraxü̃xü̃ ga popera ga ãẽ̱xgacügüchiga 12:28

Rü norü ucu̱xẽruü̃güna naca ga yemachiga. Rü yemawena ga nüma ga ãẽ̱xgacü ga Yeruboáü̃ rü taxre ga wocaxacü ga úirunaxca̱x naxüxẽxẽ rü duü̃xü̃güxü̃ ñanagürü: —Pemax, Pa Iraéanecüã̱xgüx, rü wüxi i taxü̃ i guxchaxü̃ nixĩ nax Yerucharéü̃wa pexĩĩxü̃ nax ngéma Tupanapata ya taxü̃newa nüxü̃ peyarücua̱xüü̃güxü̃ca̱x. Rü dücax, ñaa wocaxacüchicüna̱xãgü nixĩ i perü tupanagü ga Equítuanewa pexü̃ ígaxü̃xü̃ —ñanagürü.

Yox 39:10

¿Rü cuma nüxü̃ cucua̱xgu rü tá cuxü̃́ natauxchaxü̃ nax cunaxütü̱xüxü̃ nax cuxü̃́ naxaimüaneaxü̃ca̱x? ¿Rü nagu curüxĩnügu rü tá cuwe naxũxü̃ nax waixü̃müarü mexẽxẽwa napuracüxü̃ca̱x?

Ochéa 4:19

Rü wüxi ya buanecü ya tacü tá nayagagü. Rü ngẽma nax ngẽma tupananetachicüna̱xãgüxü̃mare yacua̱xüü̃güxü̃gagu rü tá naxãnee —ñanagürü ya Tupana.