Ochéa 10:1 - Tupanaarü Ore

¹ Rü Ochéa rü ñanagürü: —Ngẽma Iraéanecüã̱xgü rü ñoma úba i muarü oṍxü̃rüxü̃ nixĩgü. Natürü yexguma Tupana yexera nüxü̃ rüngü̃xẽẽgu ga yema Iraéanecüã̱xgü, rü yexera norü tupananetagüca̱x ãmarearü guruxü̃ naxügü. Rü yexguma yexera namexgu ga nachixü̃ane rü yexera nanamexẽẽgü ga guma nutagü ga namaxã natupanaã̱xgücü.

Ochéa 10:1 Referans Kwoze

Ochéa 8:11

Rü ngẽmaãcü tá nüxü̃ nangupetü i ngẽma Iraéanecüã̱xgü nagagu i ngẽma muxü̃ i norü tupananetagüarü ãmarechicagü i nawa pecadu naxügüxü̃.

Ochéa 12:11

Rü Garaáxanewa nangẽxma i muxü̃ma i tupananetagümare, natürü ngẽmagü rü natüca̱xmamare nixĩgü. Rü Guirigáwa rü tupananetagüca̱x nanadai rü nayagu ga muxü̃ma ga woca i yatüxü̃. Natürü ngẽma norü ãmarearü guruü̃güarü nutagü rü naanegügu tá nixãũxchitachigümare —ñanagürü.

Filipenses 2:21

Erü guxü̃ma i togü rü naxca̱x nadaugü i noxrütama ngúchaü̃gü, rü tama aixcüma nagu narüxĩnüe i ngẽma Ngechuchu ya Cristuarü ngúchaü̃.

Yeremía 2:28

Pa Yudátanüxü̃x, ¿ngexü̃gü nixĩ i ngẽma tupananetachicüna̱xãgü ga pematama pexügüxü̃? Pema rü perü ĩanegüe̱xpü̱x nixĩ i ngẽma perü tupananetachicüna̱xãgü. ¡Ẽcü nua naxĩ i ngẽma naxchicüna̱xãgü nax nüxü̃ pedauxü̃ca̱x rü tá aixcüma pexü̃ yanangü̃xẽẽgü i ngẽxguma guxchaxü̃ pexca̱x ínguxgu!

Lebítanüxü̃arü puracüchiga 26:1

¡Taxũtáma ta̱xacü pegüca̱x pexüchicüna̱xãgü nax ngẽmaxü̃ picua̱xüü̃güxü̃ca̱x! ¡Rü taxũtáma pegüca̱x ípenatoxẽxẽxü̃ ya nutagü rüe̱xna penaxümatüxü̃ i nutagü nax nape̱xegu pecaxã́pü̱xügüxü̃ca̱x rü nüxü̃ picua̱xüü̃güxü̃ca̱x! Erü choma nixĩ ya perü Cori ya Tupana chixĩxü̃.

Nüxíraxü̃xü̃ ga popera ga ãẽ̱xgacügüchiga 14:23

Yerü nümagü ga duü̃xü̃gü rü wüxichigü ga ma̱xpǘnewa rü wüxichigü ga nai ga itaetaxü̃tüxü̃wa norü tupananetagüca̱x nanaxü ga norü cua̱xüxü̃chicagü. Rü yéma nanatogüxẽxẽ ga nutagü rü naixpǘtagü nax yemaxü̃ yacua̱xüü̃güxü̃ca̱x.

2 Corintios 5:16

Rü ngẽmaca̱x i toma rü tama ñoma i naanecüã̱x i duü̃xü̃gü nagu rüxĩnüexü̃ãcü nixĩ i nagu tarüxĩnüexü̃. Rü woo ga ü̃pa rü duü̃xü̃gü nagu rüxĩnüexü̃ãcü chixri Cristumaxã nagu tarüxĩnüe, natürü i ñu̱xma rü tama ngẽmaãcü namaxã nagu tarüxĩnüe.

Naúü̃ 2:2

Erü nüma ya Cori ya Tupana rü wena tá ínanadagüxẽxẽ i ngẽma Acóbutanüxü̃ nax noxrirüxü̃ naporaexü̃ca̱x. Yerü yexguma nadeãcugüagu ga Iraéane rü Yudáane rü ñoma úbane ga ngechacüxüxü̃rüxü̃ãcü yéma nanata̱xgü.

Ochéa 13:6

Rü pexna chanaxã ga õna rü meama pechibüe, natürü pema rü pegü picua̱xüü̃gü rü choxü̃ perüngümae.

Ochéa 13:2

Rü pema rü ñu̱xma rü ta pecadu nixüetanüama. Rü ngẽma duü̃xü̃gü i naxchicüna̱xãarü üxü̃ cua̱xgüxü̃ namugü nax diẽrumüwa naxügüãxü̃ca̱x i wocachicüna̱xãgü. Rü nümagü i ngẽma naxchicüna̱xãarü üwa puracüexü̃ rü nümagü nanaxwa̱xegüxü̃ãcü nanaxügü. Rü ngẽma tupananetagüca̱x buxe tüxü̃ nigugü rü nüxü̃ nachúxgü ga yema wocaxacüchicüna̱xãgü.

Ochéa 12:8

Rü nagu perüxĩnüe nax ngẽmaãcü pimuarü diẽruã̱xü̃chi, rü taxúetama pexü̃ cuáxü̃ nax naxca̱x pengĩ́ãcüma pexü̃́ nangẽxmaxü̃ i perü ngẽmaxü̃gü.

Ochéa 8:4

Rü ngẽma duü̃xü̃gü rü ngẽxguma nachixü̃anearü ãẽ̱xgacügüxü̃ naxunetagügu rü tama choxna nacagü. Rü ngẽxguma nüxü̃ naxunetagügu i ngẽma tá namaxã icua̱xgüxü̃, rü tama chorü ucu̱xẽca̱x ínacagü. Rü nügüca̱x nanaxügü i naxchicüna̱xãgü i úirunaxca̱x rü diẽrumünaxca̱x. Rü ngẽmamaxã nügütama nachixexẽẽgü.

Ochéa 2:8

Natürü nümagü i ngẽma Iraétanüxü̃ rü ngẽma ngeruxü̃ nixĩgü nax tama nüxü̃ nacua̱xgüégaxü̃ nax choma yixĩxü̃ ga nüxna chanaxãxü̃ i trigu rü bínu rü chíxü̃ rü diẽru rü úiru. Natürü nümagü rü yema diẽrumaxã rü úirumaxã nanaxügü ga norü tupananetagü ga Baáchicüna̱xãgü.

Ochéa 3:4

Rü yemaacü ga Tupana rü yema Iraéanecüã̱xgüxü̃ nüxü̃ nacua̱xẽxẽ i ta̱xacü tá namaxã ngupetüxü̃. Rü mucü ya taunecü rü to i nachixü̃anegügu tá nawoone rü to i nachixü̃anearü ãẽ̱xgacü rü tá namaxã inacua̱x. Rü ngẽmaca̱x i ngẽma Iraéanecüã̱xgü rü tá nüxü̃́ nataxuma i noxrütama ãẽ̱xgacü, rü bai i ãẽ̱xgacü nane, rü bai i norü chacherdótegü, rü bai i norü chacherdótegüchiru, rü bai i norü ãmarearü guruügü, rü bai i norü tupanachicüna̱xãgü.

Ochéa 4:7

Rü ngẽxguma yexera yamuxgu i ngẽma chacherdótegü, rü yexera chixexü̃ chope̱xewa naxügü. Nümagü rü choxna nixĩgachi rü tama chauga naxĩnüe. Rü ngẽmaca̱x i choma rü taxũtáma namaxã chataãxẽ rü tá chanaxãneexẽxẽ.

Ochéa 13:15

Rü woo ñoma maxẽ i baxcaxü̃rüxü̃ mea nüxü̃ naxüpetügu i ngẽma Iraéanecüã̱xgü i ñu̱xmax, natürü tá naxca̱x ínangu i wüxi i buanecü i éstewaama ne ũcü. Rü yimá buanecü ya poracü ya chianexü̃wa ne ũcü, rü tá nayachegüxẽxẽ i natüacügü rü bairawegü. Rü ngẽxguma i ngẽma Iraéanecüã̱xgüarü uanügü rü tá nanade i guxü̃ma i norü meruü̃gü.

Yeremía 11:13

Rü cumax, Pa Yudáanex, rü curü ĩanegürüxü̃ namu i curü tupananetachicüna̱xãgü. Rü ngẽma Yerucharéü̃arü namagü i muxü̃rüxü̃ namu i ngẽma ãmarearü guruü̃gü i nawa Baáca̱x pumarate̱xe yagugüxü̃.

Yeremía 11:17

Rü choma ya Cori ya Tupana ya Guxãétüwa Ngẽxmacü nixĩ ga noxri ñaa naanewa pexü̃ chayexmagüxẽẽxü̃. Natürü yema chixexü̃ ga pexügüxü̃gagu, Pa Iraéanecüã̱xgüx rü Pa Yudáanecüã̱xgüx, rü pexca̱x íchananguxẽxẽ i guxchaxü̃ i ñu̱xma. Yerü chope̱xewa rü taxü̃ ga chixexü̃ pexü yexguma Baáca̱x pumarate̱xe pigugügu —ñanagürü ga Cori ya Tupana.

Ochéa 2:10

Rü ngẽma norü tupananetagüpe̱xewa tá chanapuxü̃ i guxü̃táma i ngẽma nüxna chaxãxü̃. Rü ngẽmaãcü tá chanaxãneexẽxẽ i ngẽma duü̃xü̃gü, rü taxúetama choxna tanachu̱xu.