Neemía 9:7 - Tupanaarü Ore

⁷ Pa Corix, cuma nixĩ ya Tupana ga Abráü̃xü̃ cuxunetaxü̃. Rü cuma nixĩ ga Úr ga Cadéugüarü ĩanewa ícunagaxüchixü̃, rü ñu̱xũchi Abraáü̃gu cunaxüégaxü̃.

Neemía 9:7 Referans Kwoze

Naanearü ügüchiga 17:5

Rü marü taxũtáma Abráü̃ nixĩ i cuéga. Rü ñu̱xmacürüwa rü tá Abraáü̃ nixĩ i cuéga erü muxü̃tama i nachixü̃anecüã̱x i duü̃xü̃güarü o̱xi tá cuxü̃ chixĩxẽxẽ.

Naanearü ügüchiga 11:31

Rü Téra rü ĩane ga Úrwa ínaxũxũ ga Cadéuanewa nax Canaáü̃anewa naxũxü̃ca̱x. Rü yéma nanaga ga nane ga Abráü̃ rü nataxa ga Lox rü naneã̱x ga Charái. Natürü yexguma guma ĩane ga Aráü̃wa nangugügu rü yexma naxãchiü̃gü.

Ichaía 51:2

Rü dücax, penatü ga Abraáü̃ rü peé ga Chára nixĩ ga maxü̃ pexna ãcü. Rü yexguma Abraáü̃ca̱x chacaxgu rü nüma rü nüxicatama wüximare nixĩ, natürü i choma rü nüxü̃ charüngü̃xẽẽxü̃ rü nüxna chanamugü i muxü̃ma i nataagü.

Wenaxarü naxümatü ga Tupanaarü mugü 10:15

Natürü natanüwa ga guxü̃ma ga yema togü ga duü̃xü̃gü rü nüma ga Cori ya Tupana rü yexera namaxã nataãxẽ ga yema nũxcümaü̃güxü̃ ga perü o̱xigü rü nüxü̃ nangechaxü̃. Rü yemaca̱x pema nax nataagü pixĩgüxü̃, rü pexü̃ naxuneta. Rü ñu̱xma rü ta rü meama nango̱x nax pexü̃ naxunetaxü̃ nax norü duü̃xü̃gü pixĩgüxü̃.

Naanearü ügüchiga 15:7

Rü Tupana rü ñanagürü nüxü̃: —Choma nixĩ i Cori ya Tupana chixĩxü̃. Rü choma nixĩ ga cuxü̃ íchamuxũchixü̃ ga Úrwa ga Cadéutanüxü̃güarü ĩanewa nax cuxna chanaxãxü̃ca̱x i ñaa naane nax guxü̃gutáma cuxrü yixĩxü̃ca̱x —ñanagürü.

Naanearü ügüchiga 18:19

Rü chomatama marü chanayaxu nax nanegümaxã rü nataagümaxã nüxü̃ yaxuxü̃ca̱x i ngẽma chorü mugü nax nümagü i nataagü naga naxĩnüexü̃ca̱x, rü mexü̃ naxügüxü̃ca̱x nax ngẽmaãcü choma chayanguxẽẽxü̃ca̱x i guxü̃ma ga yema namaxã nüxü̃ chixuxü̃”, ñaxü̃gu narüxĩnü ga Tupana.