Neemía 9:6 - Tupanaarü Ore

⁶ Rü ñu̱xũchi ga nüma ga Édra rü nayumüxẽ rü ñanagürü: —Pa Tupanax, cuma nixĩ i Cori quixĩxü̃ rü nataxuma i to. Rü cuma nixĩ ga cunaxüxü̃ ga daxũguxü̃ i naane, rü ngẽma daxũguxü̃ i naaneétüwa ngẽxmaxü̃ rü guxü̃ma i ẽxtagü. Rü cuma nixĩ ga cunaxüxü̃ ga ñoma i naane, rü taxtügü, rü guxü̃ma i ta̱xacü i nawa ngẽxmaxü̃. Rü cuma nixĩ i maxü̃ nüxna cuxãxü̃ i guxü̃ma i ngẽma maxẽxü̃. Rü ngẽmaca̱x nixĩ i cuxü̃ yacua̱xüü̃güxü̃ ya ẽxtagü ya dauxü̃wa ngẽxmagüxü̃.

Neemía 9:6 Referans Kwoze

Naanearü ügüchiga 1:1

Yema Tupana namaxã inaxügüxü̃ nixĩ nax naxüaxü̃ ga guxü̃ma i daxũwa ngẽxmaxü̃ rü ñoma i naane. Natürü ñaa naane ga noxri rü taxũta mea nango̱x yerü dexátüü̃wa nayexma rü naxẽanemare. Rü nüma ga Tupanaãxẽ rü naétügu ínachü̱xüxüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 4:11

Rü ñanagürügü: “Pa Torü Cori, Pa Torü Tupanax, cuxü̃ nixĩ i namexü̃ nax ticua̱xüü̃güxü̃ rü cuxü̃ tataxẽẽgüxü̃, yerü cuma nixĩ ga cunaxüxü̃ ga guxü̃ma, rü curü ngúchaü̃gagu nixĩ i ñu̱xma nangẽxmagüxü̃ i ngẽma cuxüxü̃”, ñanagürügü.

Wenaxarü naxümatü ga Tupanaarü mugü 10:14

¡Rü dücax, nagu perüxĩnüe nax Cori ya perü Tupana yixĩxü̃ i norü yora i ngẽma dauxü̃wa nüxü̃ idauxü̃ rü ngẽma yexerawa ngẽxmagüxü̃, rü ñu̱xũchi ñoma i naane rü guxü̃ma i nawa ngẽxmagüxü̃!

Wenaxarü naxümatü ga Tupanaarü mugü 6:4

¡Rü dücax, iperüxĩnüe, Pa Iraétanüxü̃x! Rü nüma ya Cori ya tórü Tupana rü nüxicatama nixĩ i Cori yixĩxü̃.

Ichaía 44:8

Natürü, ¡Taxṹ i perümaãchitanüxü̃, rü taxṹ i pemuü̃exü̃! Choma rü ü̃pacürüwa marü pemaxã nüxü̃ chixu i ngẽma tá ngupetüxü̃, rü pema rü meama nüxü̃ pecua̱x i ngẽma. Rü chaxicatama nixĩ ya Tupana chixĩxü̃, rü nataxuma i to i pexü̃ ípoxü̃xü̃. Rü tama toxü̃ chacua̱x”, ñanagürü.

Ichaía 44:6

Rü choma ya Cori ya Tupana rü perü ãẽ̱xgacü chixĩ rü perü ngü̃xẽẽruxü̃ chixĩ, Pa Iraétanüxü̃x. Rü choma ya guxü̃étüwa ngẽxmaxe rü ñachagürü: “Choma rü woetama changexmaecha rü taguma icharüxo. Rü nataxuma i to ya Tupana.

Norü taxre ga popera ga ãẽ̱xgacügüchiga 19:15

Rü ñaãcü yéma nayayumüxẽ rü ñanagürü: —Pa Corix, Pa Iraétanüxü̃arü Tupana i Nua Daa Cupataarü Aixepewa i Nachica i Üünexü̃wa Ngẽxmaxex, rü cuxicatama nixĩ ya Tupana i norü yora quixĩxü̃ i guxü̃ma i nachixü̃anegü i ñoma i naanewa ngẽxmagüxü̃. Rü cumatama cunaxü ga daxũguxü̃ ga naane rü ñoma ga naane.

Naanearü ügüchiga 2:1

Rü yemaacü ningu i ngẽma daxũwa ngẽxmagüxü̃ rü ñoma i naane rü guxü̃ma i nawa ngẽxmagüxü̃.

Ichaía 43:10

Rü ñanagürü ta ga Tupana: —Pemax, Pa Iraétanüxü̃x, rü chorü duü̃xü̃gü pixĩgü rü nüxü̃ pedau ga yema choma chaxüxü̃. Rü choma rü pexü̃ chidexechi nax choxü̃ pecuáxü̃ca̱x rü choxü̃́ peyaxõgüxü̃ca̱x rü nüxü̃ pecuáxü̃ca̱x nax chaxicatama Tupana chixĩxü̃. Rü chauxü̃pa rü nataxuma ga to ga nüxíra Tupana ixĩxü̃ rü chauwena rü tagutáma nangẽxma i to.

Yema Cuáü̃ nüxü̃ dauxü̃ i yixcüra tá ngupetüxü̃chiga 14:7

Rü tagaãcü ñanagürü: “¡Nüxü̃ pemuü̃e ya Tupana rü nüxü̃ picua̱xüü̃gü! Erü marü nawa nangu nax guxü̃ma i duü̃xü̃güna naca̱xaxü̃. ¡Rü nüxü̃ picua̱xüü̃gü ya yimá naxücü i daxũguxü̃ i naane, rü ñoma i naane, rü ngẽma már, rü guxü̃ma i natüxacügü!” ñanagürü.

Wiyaegü 36:6

Rü ngẽma nax mea guxü̃maxã icucuáxü̃ rü guxü̃guma name, ñoma ma̱xpǘnegü ya taxü̃negürüxü̃. Rü ngẽma curü mugü rü guxü̃guca̱x nixĩ ñoma már i taxü̃rüxü̃. Rü cumax, Pa Cori Pa Tupanax, rü mea nüxna cudau i duü̃xü̃gü rü naeü̃gü.

Nüxíraxü̃xü̃ ga popera ga ãẽ̱xgacügüchiga 8:27

Natürü i cumax, rü ¿ñuxũcürüwa yanguxü̃ i ñoma i naanewa nax nawa cungexmaxü̃? Rü ngẽxguma chi guxü̃ma i ngẽma daxũguxü̃ i naane i taxüchixü̃ rü tama yanguxgu nax nawa cungexmaxü̃ ¿rü ñuxãcü tá yanguxü̃ ya daa ĩpata ya taxü̃ne ya cuxca̱x chaxüxü̃ne nax nawa cungexmaxü̃?

Popera ga Yudíugü ga yaxõgüxü̃ca̱x ümatüxü̃ 1:3

Rü Nanewa nixĩ i nüxü̃ idauxü̃ nax ñuxãcü naxüünexü̃ i nüma ya Tupana. Rü nüma ya Nane, rü Nanatü ya Tupanarüü̃tama nixĩ. Rü ñu̱xma nax guxü̃arü ãẽ̱xgacü yixĩxü̃ ya Nane, rü nüma rü norü orearü poramaxã guxü̃maama inacua̱x. Rü nüma ya Nane nixĩ ga taxca̱x nayuxü̃ nax nüxü̃ rüxoexü̃ca̱x ga tórü pecadugü. Rü yemawena rü Nanatüxü̃tawa naxũ rü yéma Nanatüarü tügünecüwawa nayarüto.

Popera ga Yudíugü ga yaxõgüxü̃ca̱x ümatüxü̃ 1:6

Natürü yexguma ñoma ga naanewa namuãgu ga Nane ya nüxíraü̃cü, rü ñanagürü ga Tupana: “Chanaxwa̱xe i guxü̃ma i chorü orearü ngeruü̃gü i daxũcüã̱x rü nüxü̃ nicua̱xüü̃gü ya Chaune”, ñanagürü.

Ichaía 37:20

Rü ñu̱xmax, Pa Corix, Pa Torü Tupanax ¡rü toxü̃ ínanguxü̃xẽxẽ naxme̱xwa i ngẽma Achíriaanearü ãẽ̱xgacü nax ngẽmaãcü guxü̃ i nachixü̃anegü i ñoma i naanewa ngẽxmagüxü̃ nüxü̃ cua̱xgüxü̃ca̱x nax cuxicatama yixĩxü̃ nax Tupana quixĩxü̃! —ñanagürü ga norü yumüxẽwa.

Wiyaegü 86:10

Erü cuxicatama nixĩ nax Tupana quixĩxü̃. Rü cuma nixĩ i nüxü̃ cucua̱xüchixü̃ rü cunaxüxü̃ i ngẽma taxü̃ i mexü̃gü i curü poramaxã cuxüxü̃.

Norü taxre ga popera ga ãẽ̱xgacügüchiga 19:19

Rü ñu̱xmax, Pa Corix, Pa Torü Tupanax, ¡rü ngẽma Achíriaanearü ãẽ̱xgacüme̱xẽwa toxü̃ ínanguxü̃xẽxẽ nax ngẽmaãcü guxü̃ i nachixü̃anegü i ñoma i naanewa ngẽxmagüxü̃ nüxü̃ cua̱xgüxü̃ca̱x nax cuxicatama yixĩxü̃ nax Tupana quixĩxü̃! —ñanagürü ga norü yumüxẽwa.

Echequié 20:11

Rü yéma nüxna chanaxã ga chorü mugü i maxü̃ tüxna ãxü̃ ya yíxema naga ĩnüexe.

Wiyaegü 146:6

Rü nüma ya Cori ya Tupana nixĩ i naxüaxü̃ i daxũguxü̃ i naane rü ñoma i naane, rü ngẽma már, rü guxü̃ma i ta̱xacü i nawa ingẽxmachigüxü̃. Rü nüma rü guxü̃guma nayanguxẽxẽ i ngẽma nüxü̃ yaxuxü̃.

Wiyaegü 103:21

Rü guxãma i pemax, Pa Daxũcüã̱x ya Coriaxü̃́ Puracüexe rü Norü Ngúchaü̃ Ügüxex ¡rü mexü̃ Corimaxã pexuegugü!

Wiyaegü 33:6

Rü nüma ga Cori ya Tupana rü norü dexamaxã nanaxü ga daxũguxü̃ i naane rü norü cue ñaxü̃maxã nanaxü ga guxü̃ma i ẽxtagü i ngéma ngẽxmagüxü̃.

Nüxíraxü̃xü̃ ga popera ga ãẽ̱xgacügüchiga 22:19

Rü nüma ga Micaía rü nanangãxü̃ rü ñanagürü: —Chanaxwa̱xe i icurüxĩnü i ñaa to i norü ore ya Tupana. Rü nüxü̃ chadau ga Tupana ya norü tochicaxü̃wa rütocü, rü guxü̃ma i daxũcüã̱x i orearü ngeruxü̃ i naxü̃tagu chigüxü̃ ga norü tügünecüwawa rü norü to̱xwecüwawa.

Ore i mexü̃ ga Cuáü̃ ümatüxü̃ 10:30

Chaunatü rü choma rü wüxitama tixĩgü —ñanagürü.

Naanearü ügüchiga 32:2

Rü yexguma Acóbu nüxü̃ da̱u̱xgu rü ñanagürü: —Ñaagü rü Tupanaarü churaragü nixĩ —ñanagürü. Rü yemaca̱x Maanaíü̃gu nanaxüéga ga yema nachica.

Ngechuchuarü ngúexü̃gü ga yamugüxü̃arü puracüchiga 4:24

Rü yexguma Pedruxü̃ rü Cuáü̃xü̃ naxĩnüegu ga namücügü, rü guxü̃ma wüxigu nayumüxẽgü rü Tupanamaxã nidexagü rü ñanagürügü: —Pa Corix, cuma cunaxü ga daxũguxü̃ ga naane rü ñoma ga naane, rü már, rü guxü̃ma i ta̱xacü i nawa ngẽxmaxü̃.

Neemía 9:5

Rü ñu̱xũchi yema Lebítanüxü̃ ga Yochué, rü Caxmié, rü Baní, rü Achaxnía, rü Cherebía, rü Odía, rü Chebanía rü Petaía rü duü̃xü̃güxü̃ ñanagürügü: —¡Ẽcü, ipechigü rü ñu̱xma rü guxü̃guma nüxü̃ picua̱xüü̃gü ya Cori ya Tupana! Rü naéga rü naxüüne rü guxü̃étüwa nangẽxma. Rü ngẽmaca̱x name nixĩ i nüxü̃ ticua̱xüü̃gü —ñanagürügü.

Wiyaegü 24:10

¿Rü texé nixĩ ya yimá Ãẽ̱xgacü ya üünecü? Rü nüma nixĩ ya Cori ya Tupana ya Guxãétüwa ücü. Rü nümatama nixĩ ya Ãẽ̱xgacü ya üünecü.

Wiyaegü 102:25

Rü noxriarü ügügu rü cuma cunaxü ga ñoma i naane. Rü cumatama nixĩ ga cunaxüxü̃ ga guxü̃ma i ngẽma dauxü̃wa nüxü̃ idauxü̃.

Wiyaegü 115:15

Rü nüma ya Cori ya Tupana i daxũguxü̃ i naane rü ñoma i naanearü üruxü̃ rü aixcüma tá pexna nanaxã i norü ngü̃xẽxẽ.

Ichaía 45:12

Rü choma nixĩ ga chaxüxü̃ ga ñoma i naane rü ngẽma nawa maxẽxü̃. Rü choma nixĩ ga cho̱xme̱xmaxã chanaxüxü̃ ga daxũguxü̃ ga naane, rü chanangóexẽẽxü̃ ga ẽxtagü.

Yoná 1:9

Rü nüma ga Yoná rü nanangãxü̃ rü ñanagürü: —Choma rü Iraétanüxü̃ chixĩ. Rü Cori ya Tupana i daxũguxü̃ i naanearü üruxü̃ rü már arü üruxü̃ rü ñoma i naanearü üruü̃axü̃́ nixĩ i chayaxõxü̃ rü nüxü̃ chicua̱xüxü̃ —ñanagürü.

Naanearü ügüchiga 1:9

Rü yexguma ga Tupana rü ñanagürü: —¡Ñaa dexá i waixü̃müétüwa ngẽxmaxü̃ rü wüxiwa naxũ nax ngẽmaãcü nangóxü̃ca̱x i paanexü̃! —ñanagürü. Rü yemaacü nixĩ.

Wenaxarü naxümatü ga Tupanaarü mugü 32:39

Rü chaxicatama nixĩ ya Tupana chixĩxü̃, rü nataxuma i to i tupanagü i chauétüwa ngẽxmaxü̃. Rü choma nixĩ i pexna chanaxãxü̃ i maxü̃ rü ñu̱xũchi pexna chanayaxuxü̃. Rü choma nixĩ i ngúxü̃ pexca̱x íchanguxẽẽxü̃, rü ñu̱xũchi pexca̱x chayataanexẽẽxü̃. Rü tataxuma ya texé ya tama chorü poratüxü̃wa ngẽxmagüxe.

Wiyaegü 124:8

Rü yimá Tupana ya daxũguxü̃ i naanearü üruxü̃ rü ñoma i naanearü üruxü̃, rü yimá nixĩ ya tüxü̃ rüngü̃xẽẽcü.

Yeremía 32:17

—Cumax, Pa Corix, nixĩ ga curü pora ga taxü̃maxã cunango̱xẽẽxü̃ ga dauxü̃guxü̃ ga naane rü ñoma ga naane. Rü nataxuma i ta̱xacü i cuxü̃́ guxchaxü̃ nax cunaxüxü̃.