Neemía 9:36 - Tupanaarü Ore

³⁶ Rü dücax, rü ñaa naane ga torü o̱xigüna cuxãxü̃ nax nangõ̱xgüãxü̃ca̱x ga nabü rü norü yemaxü̃gü ga nawa rüxügüxü̃, natürü i ñu̱xma rü ñaatama naanewa rü to i nachixü̃anecüarü mugüruxü̃ tixĩgü.

Neemía 9:36 Referans Kwoze

Édra 9:9

Rü woo to ga ãẽ̱xgacüme̱xẽwa nax tayexmagüxü̃ natürü i cumax rü tama toxü̃ ícuwogü. Rü ngẽma Pérchiaanearü ãẽ̱xgacügüãẽwa ícunanguxẽxẽ nax tomaxã namecümagüxü̃ca̱x. Rü toxna cudau nax ñu̱xma rü ta tamaxẽxü̃ca̱x, rü ngẽmaãcü tawoeguxü̃ca̱x, rü wena noxrirüxü̃ ga nachicagutama tanaxüxü̃ca̱x ya yima cupata ya taxü̃ne. Rü cumax, Pa Tupanax, rü toxna cudau i guxü̃ma i ñaa naane i Yudáanewa rü daa ĩane ya Yerucharéü̃wa.

Wenaxarü naxümatü ga Tupanaarü mugü 28:48

Rü nüxü̃́ tá cupuracü i ngẽma curü uanügü i Cori ya Tupana tá cutanüwa mugüxü̃. Rü taiya tá cuxü̃́ nangu̱x, rü ta̱xawa tá quinge, rü tá cungexchiru, rü taxuxü̃táma cuxü̃́ nangẽxma. Rü nüma ya Cori ya Tupana rü ngúxü̃ tá cuxü̃ ningexẽxẽ, rü curü uanügüarü mugüruxü̃ tá cuxü̃ nixĩxẽxẽ ñu̱xmatáta ngẽmagu cuyu.

Norü taxre ga to ga popera ga ãẽ̱xgacügüchiga ümatüxü̃ 12:8

Natürü Chíchame̱xẽwa tá pexü̃ changexmagüxẽxẽ nax ngẽmaãcü nüxü̃ pecuáxü̃ca̱x rü ngẽxguma to i nachixü̃anearü ãẽ̱xgacüme̱xẽwa pengẽxmagügu rü tama cho̱xme̱xwa pengexmagügurüxü̃ nixĩ —ñanagürü ga Tupana.

Auxexü̃chiga 5:5

Rü torü uanügü rü poraãcü toxü̃ napuracüexẽxẽ. Rü tipaexüchi erü taguma toxü̃ ínarüngü̃exẽxẽ.

Auxexü̃chiga 5:4

Rü ñu̱xma yema dexá ga toxrüchire̱x ixĩxü̃ rü ñu̱xma rü naxca̱x tataxegü. Rü yema toxrüchire̱x ixĩgüxü̃ ga nai rü ñu̱xma naxca̱x tataxegü nax torü üxü yixĩxü̃ca̱x.