Neemía 9:35 - Tupanaarü Ore

³⁵ Rü yema tochixü̃anearü ãẽ̱xgacügü ga tomaxã icua̱xgüxü̃ rü woo nüxna nax cunaxãxü̃ ga muxü̃ma ga norü yemaxü̃gü, rü woo naxme̱xwa cunayexmaxẽxẽ ga ñaa nachixü̃ane ga mea nanetü nawa yaexü̃, natürü taguma cuxü̃ nicua̱xüü̃gü, rü tama nüxü̃ narüxoechaü̃ ga nacüma ga chixexü̃gü.

Neemía 9:35 Referans Kwoze

Wenaxarü naxümatü ga Tupanaarü mugü 28:47

Erü tama taãẽãcüma rü quixaixcümaãcüma nüxü̃ quicua̱xüxü̃ ya Cori ya curü Tupana ga yexguma cuxü̃ nangü̃xẽẽgu rü muxü̃ma ga ngẽmaxü̃gü cuxna naxãxgu.

Yeremía 5:19

Rü ngẽxguma ngẽma íyaxügüxü̃ cuxna cagügu rü ñagügu: “¿Rü ta̱xacüca̱x nixĩ i guxü̃ma i ñaa tomaxã naxüxü̃ ya yimá tórü Cori ya Tupana?” ñagügu, rü cuma rü ñaãcü tá cunangãxü̃ rü ñacurügü tá: “Ngẽma nax Cori ya Tupanana pixĩgachixü̃ rü to i nachixü̃anecüã̱xgüarü tupananetachicüna̱xãgüxü̃ picua̱xüü̃güxü̃ i perü naanegüwatama, rü ngẽmaca̱x i pemax rü tá to i nachixü̃anecüã̱xgüaxü̃́ pepuracüe i norü naanewatama”, ñacugürü tá —ñanagürü ya Tupana.

Neemía 9:25

Rü yexgumarüxü̃ ta nanapuxü̃ ga guma ĩanegü ga ípoxegugüne rü yema mexü̃ ga naanegü rü ĩpatagü ga yemaxü̃gü ga imexü̃maxã ixããcugüne rü puchugü, rü úbanecügü, rü oribunecügü rü muxü̃ma ga togü ga ori̱xgünecügü. Rü meama nachibüe rü nangaxpütüwegü rü ningüe rü yemaacü nataãẽgü yerü poraãcü namaxã cumecüma.

Wenaxarü naxümatü ga Tupanaarü mugü 31:21

Natürü ngẽxguma naxca̱x tá ínanguxgu i naguxü̃raü̃xü̃ i ngúxü̃gü rü guxchaxü̃gü, rü ñaa wiyaewa tá nüxna nacua̱xãchie nax chixexü̃ naxügüxü̃. Erü ngẽma nataagü rü tá nüxna nacua̱xãchi i ñaa wiyae rü tá nagu nawiyaegü. Rü choma rü naxü̃pa nax nagu chanachocuxẽẽxü̃ i ngẽma Iraétanüxü̃ nawa i ngẽma naane ga namaxã chaxueguxü̃ rü marü nüxü̃ chacua̱x nax ta̱xacürü chixexü̃gu tá yixĩxü̃ ga naxĩnüexü̃ —ñanagürü ga Tupana.

Neemía 9:34

Rü woo tochixü̃anearü ãẽ̱xgacügü rü togü ga yatügü ga tomaxã icua̱xgüxü̃, rü chacherdótegü, rü woo ga torü o̱xigü rü taguma nayanguxẽẽgü ga curü mugü rü taguma naga naxĩnüe ga curü ucu̱xẽgü ga namaxã nüxü̃ quixuxü̃.

Ichaía 63:7

Pemaxã nüxü̃ chixuxchaü̃ i Tupanaarü ngechaü̃chiga rü chorü wiyaemaxã nüxü̃ chicua̱xüxü̃ naxca̱x i guxü̃ma i ngẽma mexü̃gü i taxca̱x naxüxü̃. Erü poraãcü Iraétanüxü̃maxã namecüma rü poraãcü tüxü̃ nangechaxü̃.

Wenaxarü naxümatü ga Tupanaarü mugü 28:48

Rü nüxü̃́ tá cupuracü i ngẽma curü uanügü i Cori ya Tupana tá cutanüwa mugüxü̃. Rü taiya tá cuxü̃́ nangu̱x, rü ta̱xawa tá quinge, rü tá cungexchiru, rü taxuxü̃táma cuxü̃́ nangẽxma. Rü nüma ya Cori ya Tupana rü ngúxü̃ tá cuxü̃ ningexẽxẽ, rü curü uanügüarü mugüruxü̃ tá cuxü̃ nixĩxẽxẽ ñu̱xmatáta ngẽmagu cuyu.

Echequié 5:6

Natürü yema norü duü̃xü̃gü ya yima ĩane ya Yerucharéü̃ rü chomaxã nanue rü tama naga naxĩnüechaü̃ i chorü mugü rü ucu̱xẽgü. Rü guxü̃nema ya yima togü i nachixü̃anegüarü ĩanegü ya nüxna ngaicamanearü duü̃xü̃güarü yexera chixexü̃gu namaxẽ i ngẽma Yerucharéü̃cüã̱x rü tama naga naxĩnüe i ngẽma chorü mugü rü chorü ucu̱xẽgü.