Neemía 9:30 - Tupanaarü Ore

³⁰ Rü mucüma ga taunecü rü yáxna namaxã cuxĩnü ga yema torü o̱xigü. Rü Cuãxẽ ya Üünecüwa rü curü orearü uruü̃güwa cuyaxucu̱xẽgüchire̱x, natürü ga nümagü rü tama cuga naxĩnüechaü̃. Rü yemaca̱x nixĩ ga ñoma ga naanewa yexmagüxü̃ ga nachixü̃anegüme̱xẽwa cunayexmagüxẽẽxü̃.

Neemía 9:30 Referans Kwoze

Romanos 2:4

¿Rü tü̱xcüü̃ nüxü̃ cuxo i ngẽma mexü̃ ya Tupana cuxca̱x üxü̃? Nüma rü poraãcüxüchi cumaxã namecüma rü yáxna cumaxã naxĩnü rü tama paxa curü chixexü̃ca̱x cuxü̃ napoxcuchaü̃. ¿Rü tü̱xcüü̃ tama nagu curüxĩnü nax Tupana ngẽmaãcü cumaxã mecümaxü̃ nax nüxü̃ curüxoxü̃ca̱x i curü chixexü̃ rü naxca̱x nax cumaxü̃xü̃ca̱x?

Ngechuchuarü ngúexü̃gü ga yamugüxü̃arü puracüchiga 7:51

Rü ñanagürü ga Estébaü̃: —Dücax Pa Ãẽ̱xgacügüx, pema rü guxü̃guma nüxü̃ pexoe i Tupanaarü ore, rü tama iperüxĩnüechaü̃. Rü peãẽwa rü tama peyaxõgüchaü̃. Rü pema rü guxü̃guma Tupanaãxẽ ya Üünecümaxã penueecha. Rü ngẽmaãcü i pema rü yema nũxcümaü̃güxü̃ ga perü o̱xigürüü̃tama pixĩgü.

Ichaía 42:24

¿Rü texé tixĩ ya guxema tauxcha nüxna ãxẽ ga yema Acóbutanüxü̃arü uanügü nax Iraégüxü̃ naporamaegüxü̃ rü ínayauxü̃ãxü̃? ¿Tama ẽ̱xna Cori ya Tupana yixĩxü̃? Yerü yema Iraétanüxü̃ rü Tupanape̱xewa chixexü̃ naxügü, rü tama Tupana naxwa̱xexü̃ãcü namaxẽ, rü tama naga naxĩnüechaü̃ ga yema norü ngu̱xẽẽtaegü.

Norü taxre ga popera ga Pedru ümatüxü̃ 1:21

Yerü taxuxü̃ma ga yema Tupanaarü orearü uruxü̃ rü nüechamatama nügüãẽwa nanayaxu ga yema ore ga nüxü̃ yaxugüexü̃. Natürü yexguma yema orexü̃ yaxugüegu, rü Naãxẽ ya Üünexü̃ nixĩ ga yadexagüxẽẽxü̃.

Nüxíraxü̃xü̃ ga popera ga Pedru ümatüxü̃ 1:11

Rü nümagü ga yema orearü uruü̃gü rü Tupanaarü poperawa nangúe nax nüxü̃ nacua̱xgüxü̃ca̱x nax ñuxãcü tá nax yixĩxü̃ rü ñuxguacü tá nax nangóxü̃ ga gumá maxẽxẽẽruxü̃ ga Cristu. Rü Cristuãxẽ i Üünexü̃ ga yema orearü uruü̃güwa yexmaxü̃, rü nüxü̃ nüxü̃ nacua̱xẽxẽ nax Cristu rü tá ngúxü̃ yangexü̃ rü tá nayuxü̃ rü yemawena rü wena tá namaxü̃xü̃ rü daxũguxü̃ i naanewa tá nax naxũxü̃.

Chacaría 7:13

Rü ñanagürü: —Ñu̱xma nax tama chauga naxĩnüechaü̃xü̃ i ngẽxguma namaxã chidexagu, rü choma rü taxũtáma nüxü̃ chaxĩnü ega ta̱xacüca̱x choxna nacagüegu. Rü yemaca̱x ñoma buanecü ga íxã̱ũ̱xẽmacürüxü̃ düxwa yema togü ga nachixü̃anegü ga tama nüxü̃ nacua̱xgüxü̃gu chanawoone. Rü nawena ga yema norü naane rü chianexü̃xü̃ nayanguxuchi. Rü yema norü naane ga noxri namexẽchi rü nümagütama chianexü̃xü̃ nayangucuchixẽxẽ —ñanagürü ga Cori ya Tupana ya Guxãétüwa Ngẽxmacü.

Auxexü̃chiga 2:17

Rü nüma ga Cori ya Tupana rü marü nayanguxẽxẽ ga yema nagu naxĩnüxü̃. Rü marü nayanguxẽxẽ ga yema norü ore ga nüxü̃ yaxuxü̃. Rü marü tama nüxü̃́ nangechaü̃tümüxü̃ãcüma nagu napogü ga guma ĩane ga Yerucharéü̃. Rü nüma rü curü uanügüaxü̃́ nanatauxchaxẽxẽ nax cuxü̃ nacugüexü̃. Rü nanaporaexẽxẽ nax cumaxã inacuáxü̃ca̱x.

Yeremía 25:4

Rü nüma ya Cori ya Tupana rü muẽ̱xpü̱xcüna petanüwa nanamugü i norü orearü uruü̃gü, natürü i pema rü tama naga pexĩnüechaü̃, rü bai nax nüxü̃́ iperüxĩnüechaü̃xü̃ rü ípeyachaxãchitanüxü̃ nax chixexü̃ pexüxü̃.

Ichaía 63:10

Natürü ga Iraétanüxü̃ rü tama Tupanaga naxĩnüe rü nananuxẽẽgü ga Naãxẽ ya Üünecü. Rü yemaca̱x ga nüma ga Tupana rü yema duü̃xü̃gümaxã narüxuanü rü namaxã nanaxunagü ga nax nadaiaxü̃.

Neemía 9:29

Rü cuyaxucu̱xẽgü nax wena yanguxẽẽgüãxü̃ca̱x ga curü mugü. Natürü ga nümagü rü tama inaxĩnüechaxü̃, rü tama nanayauxgüchaxü̃ ga yema curü mugü. Rü yemaacü nüxü̃ naxoe ga curü mugü i maxü̃ tüxna ãxü̃ ya yíxema naga ĩnüxe. Rü naechitamare namaxẽ rü ínayataiãchiarü maxü̃ã̱xgü rü yemaca̱x tama naga naxĩnüe i curü mugü.

Neemía 9:26

Natürü naétüwa ga guxü̃ma ga yema naxca̱x cuxüxü̃ rü tama cuga naxĩnüechaü̃, rü cumaxã nanueama, rü tama naga naxĩnüe ga curü mugü. Rü nanadai ga yema curü orearü ngeruü̃gü ga naxucu̱xẽgüxü̃ nax cuxca̱x nawoeguxü̃ca̱x. Rü yemaacü poraãcü chixexü̃ cupe̱xewa naxügü.

Ngechuchuarü ngúexü̃gü ga yamugüxü̃arü puracüchiga 28:25

Rü yexguma tama wüxigu naxĩnüegu ga yema duü̃xü̃gü, rü inanaxügü nax íyaxĩxü̃. Rü yemaca̱x ga Pauru rü ñanagürü nüxü̃: —Mea perü o̱xigümaxã nidexa ga Tupanaãxẽ ya Üünecü ga yexguma Ichaíaxü̃ yadexaxẽẽgu rü ñaxgu:

Ngechuchuarü ngúexü̃gü ga yamugüxü̃arü puracüchiga 13:18

Rü chianexü̃wa tüxü̃ nagagü. Rü yéma 40 ga taunecü Tupana yáxna namaxã naxĩnü ga tümacüma ga chixexü̃ ga guxema tórü o̱xigü.

Yeremía 44:22

Natürü nüma ga Cori rü marü tama yáxna namaxã naxĩnü ga yema chixexü̃ ga pexügüxü̃ ga nüma poraãcü naxchi naxaixü̃. Rü yemaca̱x ga pechixü̃ane rü ñu̱xma rü nachitaxü̃xicatama ínayaxü, rü taxúema nawa tamaxẽ. Rü ngẽmaãcü i ñu̱xma rü pechixü̃ane rü chixexü̃arü cua̱xruxü̃ nixĩ rü duü̃xü̃gü rü poraãcü namuü̃e i ngẽxguma nüxü̃ nadaugügu ga yema pechixü̃anemaxã ngupetüxü̃.

Yeremía 7:25

Rü yexguma Equítuanewa íchanagaxü̃gucürüwa ñu̱xmata ñoma i ngunexü̃wa nangu rü pexca̱x ngéma chanamugüecha i muxü̃ma i chorü duü̃xü̃gü i orearü uruü̃gü.

Wiyaegü 86:15

Natürü i cumax, Pa Corix, rü Tupana ya mecümacü rü ngechaü̃wa̱xecü quixĩ. Rü cuma rü yáxna tomaxã cuxĩnü, rü poraãcü toxü̃ cungechaü̃, rü guxü̃guma tomaxã quixaixcüma.

Neemía 9:20

Rü ñu̱xũchi naxca̱x yéma cunamu ga Cuãxẽ ya Üünecü nax yaxucu̱xẽgüãxü̃ca̱x. Rü taguma nüxü̃́ nataxu ga yema paũ ga maná ga naxca̱x yéma cumugüxü̃, rü ñu̱xũchi taguma nüxü̃́ nataxu ga yema dexá ga nüxna cuxãxü̃ nax yemaacü tama yata̱xawaexü̃ca̱x.

Norü taxre ga popera ga Pedru ümatüxü̃ 3:9

Rü ñuxre i duü̃xü̃gü rü nagu narüxĩnüe nax tórü Cori tama paxa yangu̱xẽẽãxü̃ i norü uneta. Natürü ngẽmaãcü nixĩ erü yáxna pemaxã naxĩnü. Rü nüma rü tama nanaxwa̱xe nax texé iyarütaxuxü̃, natürü nanaxwa̱xe nax guxãma nüxü̃ rüxoexü̃ i tümacüma i chixexü̃ rü nüxü̃́ tayaxõgüxü̃.

Iraétanüxü̃arü muxchiga 11:26

Rü yema 70 ga yaxguã̱xgü ga nüxü̃ naxunetagüxü̃tanüwa rü taxre rü tama yéma Moichéxü̃tawa naxĩ rü duü̃xü̃gütanügu narücho. Rü wüxi rü Edáx nixĩ ga naéga, rü yema to rü Medáx nixĩ ga naéga. Natürü yema taxre rü ta nüxna nangu ga yema Naãxẽ ya Üünexü̃. Rü yéma duü̃xü̃gütanüwa inanaxügüe nax yadexagüxü̃ ñoma Tupanaarü orearü uruü̃gürüxü̃.

Wiyaegü 95:10

Rü 40 ga taunecü namaxã chanu ga yema duü̃xü̃gü rü ñachagürü: “Ñaa duü̃xü̃gü rü tama choxü̃́ inaxĩnüechaü̃ i chorü ucu̱xẽgü, rü ngẽma nümatama nagu naxĩnüexü̃gu naxĩ”, ñachagürü.

Ichaía 48:9

Natürü i choma rü pemaxã yáxna chaxĩnü erü chaugünatama chadau. Rü ngẽxguma chanuxgu rü chaugünatama chachogü nax tama pexü̃ chadaixü̃ca̱x.

Chacaría 7:12

Rü ñoma nuta i diamánterüxü̃ nügü nataiarü maxü̃neã̱xgü nax tama naga naxĩnüexü̃ca̱x ga yema Tupanaarü ucu̱xẽ rü norü mugü ga Tupana ya Guxãétüwa Ngẽxmacü Naãxẽ ya Üünecüwa rü nũxcümaü̃güxü̃ ga norü orearü uruü̃gümaxã nüxü̃ ixuxü̃. Rü yemaca̱x ga Cori ya Tupana rü düxwa poraãcü namaxã nanu.

Norü taxre ga popera ga ãẽ̱xgacügüchiga 18:11

Rü yemawena ga Achíriaanearü ãẽ̱xgacü rü Achíriaanewa nanagagü ga Iraéanecüã̱xgü. Rü ĩane ga Arágu nanamugü, rü ñu̱xũchi Gocháü̃ane ga natü ga Abópechinüwa yexmaxü̃wa nanamugü. Rü yema togü rü Médiacüã̱xgüarü ĩanegügu nanamugü.

Norü taxre ga popera ga ãẽ̱xgacügüchiga 21:10

Rü yemaca̱x ga Cori ya Tupana rü norü duü̃xü̃gü ga orearü uruü̃güwa nidexa rü ñanagürü: —Nüma ga Manaché rü poraãcü chixexü̃ naxü yema Amoréutanüxü̃ ga nüxíra yéma yexmagüxü̃arü yexera. Yerü nüma ga Manaché rü Yudáanecüã̱xgüxü̃ tupananetachicüna̱xãgüxü̃ nicua̱xüü̃güxẽxẽ.

Norü taxre ga to ga popera ga ãẽ̱xgacügüchiga ümatüxü̃ 24:19

Natürü woo yema chixexü̃gu nax namaxẽxü̃ ga duü̃xü̃gü, rü nüma ga Cori ya Tupana rü natanüwa nanamugüama ga norü orearü uruü̃gü nax naxca̱x nawoeguxü̃ca̱x. Natürü nüma ga duü̃xü̃gü rü tama yema Tupanaarü orearü uruü̃güga naxĩnüe.

Édra 9:10

Natürü i ñu̱xmax, Pa Tupanax ¿rü ta̱xacüxü̃ tá cumaxã tixu nawena i guxü̃ma i ngẽma chixexü̃ i taxüxü̃? Erü aixcüma nixĩ nax tama naga taxĩnüexü̃ i curü mugü.

Yeremía 44:4

Rü muẽ̱xpü̱xcüna petanüwa chanamu ga chorü orearü uruü̃gü nax pemaxã nüxü̃ yaxugüexü̃ca̱x nax tama penaxügüxü̃ca̱x ga yema chixexü̃gü i ãũãchixü̃gü i poraãcü naxchi chaxaixü̃.

Yeremía 44:5

Natürü ga pema rü tama chauga pexĩnüe rü tama penaxü ga yema pemaxã nüxü̃ chixuxü̃. Rü tama nüxü̃ perüxoe ga yema pecüma ga chixexü̃. Rü pumarate̱xe naxca̱x piguama ga yema tupananetagü.

Danié 9:6

Rü guma curü orearü uruü̃gü ga nawa quidexacü namaxã ga torü ãẽ̱xgacügü rü torü o̱xigü, rü guxü̃ma i tomax i Iraétanüxü̃, rü toma rü tama naga taxĩnüechaü̃ ga yexguma tomaxã nüxü̃ yaxugüegu ga curü ore.