Neemía 9:27 - Tupanaarü Ore

²⁷ Rü yemaca̱x ga cuma rü norü uanügüme̱xẽgu cunayixẽxẽ. Rü nümagü rü ngúxü̃ nüxü̃ ningexẽẽgü. Rü yemawena ga yexguma marü tama namaxã naporaegu ga yema ngúxü̃ nax yangegüxü̃, rü ngü̃xẽẽca̱x cuxna nacagü. Rü cuma nax poraãcü nüxü̃ cungechaxü̃xü̃ rü yemaca̱x nüxü̃ cuxĩnü ga daxũguxü̃ ga naanewa. Rü yemaca̱x natanüwa nüxü̃ cuxuneta ga yatügü nax norü uanügüme̱xẽwa ínanguxü̃xẽẽãxü̃ca̱x.

Neemía 9:27 Referans Kwoze

Norü taxre ga popera ga ãẽ̱xgacügüchiga 14:27

Rü yemaca̱x ga nüma ga Cori ya Tupana rü Yoá nane ga Yeruboáü̃xü̃ namu nax Iraéanecüã̱xgüxü̃ nangü̃xẽẽxü̃ca̱x nax tama iyanaxoxüchixü̃ca̱x ga naéga ga Iraétanüxü̃ ga ñoma ga naanewa.

Norü taxre ga popera ga ãẽ̱xgacügüchiga 13:5

Rü nüma ga Tupana rü yéma nanamu ga wüxi ga ngü̃xẽẽruxü̃ nax Chíriaanearü ãẽ̱xgacüme̱xẽwa Iraéanecüã̱xgüxü̃ ínanguxü̃xẽẽxü̃ca̱x. Rü yemaacü ga Iraéanecüã̱xgü rü noxrirüxü̃ taãẽãcü namaxẽ ga napatagüwa.

Norü taxre ga to ga popera ga ãẽ̱xgacügüchiga ümatüxü̃ 36:17

Rü yemaca̱x nüma ga Cori ya Tupana rü Cadéugüarü ãẽ̱xgacüxü̃ namu nax nadaiaxü̃ca̱x ga yema Yudáanecüã̱xgüarü ngextü̱xüxü̃gü ga Tupanapata ga taxü̃newa yexmagüxü̃. Rü tama nüxü̃́ nangechaü̃tümüxü̃gü ga yema ngextü̱xüxü̃gü, rü paxü̃gü, rü yaxguã̱xgü, rü yema ichixeparaxü̃. Rü yemaacü ga nüma ga Cori ya Tupana rü guxü̃ma ga Yudáanecüã̱xgüxü̃ Cadéugüme̱xẽgu nayixẽxẽ.

Ãẽ̱xgacügü ga guxchaxü̃güarü mexẽxẽruü̃gü 2:18

Rü yexguma Cori ya Tupana yamucuchixü̃gu ga ãẽ̱xgacü ga namaxã icuáxü̃, rü nüma ga Tupana rü nüxü̃ narüngü̃xẽxẽ ga yema ãẽ̱xgacü, rü yema Iraétanüxü̃xü̃ ínanguxü̃xẽxẽ naxme̱xwa ga norü uanügü. Yerü nüma ga Tupana rü yexguma nüxü̃ naxĩnügu ga nax naxauxexü̃ ga yema duü̃xü̃gü nagagu ga yema guxchaxü̃gü ga yangegüxü̃, rü nüxü̃́ nangechaü̃tümüxü̃gü.

Abdía 1:21

Rü ngẽma Iraétanüxü̃ ga norü uanügüxü̃ rüporamaegüxü̃ rü tá naxca̱x nawoegu ya yima ma̱xpǘne ya Chióü̃ nax ngéma namaxã inacua̱xgüxü̃ca̱x i ngẽma máxpü̱xanexü̃ i Echaútanüxü̃arü ixĩxü̃. Rü nüma ya Cori ya Tupana tá nixĩ i guxü̃arü ãẽ̱xgacü yixĩxü̃.

Neemía 9:19

Rü cuma rü poraãcü nüxü̃ cungechaü̃ rü yemaca̱x tama chianexü̃wa cunawogü. Rü yemaca̱x ga yema caixanexü̃ rü tama nüxna nixũgachi ga ngunecü nax yemawa nüxü̃ nacua̱xgüxü̃ca̱x nax ngextá ta naxĩxü̃ ga namawa. Rü woo ga chütacü rü tama nüxna nixũgachi ga yema üxüema ga dauxü̃wa naxca̱x cungo̱xẽẽxü̃ nax yema nüxü̃ ibáixmaxü̃güxü̃ca̱x nax nüxü̃ nacua̱xgüxü̃ca̱x ga nama ga nagu naxĩxü̃.

Lebítanüxü̃arü puracüchiga 26:17

Rü choma rü tá pemaxã charüxuanü, rü perü uanügü rü tá pexü̃ narüporamae, rü tá pemaxã inacua̱x i ngẽma pexchi aiexü̃. Rü pema rü tá naxcha̱xwa pibuxmü woo taxuxü̃ma pewe ngẽgügu.

Norü taxre ga popera ga ãẽ̱xgacügüchiga 17:20

Rü yema naxügüxü̃gagu rü nüma ga Cori ya Tupana rü Iraétanüxü̃güxü̃ naxo, rü nanaxãneexẽxẽ. Rü ngĩ́ta̱xagüxü̃me̱xẽwa nanamugü. Rü yemaacü nüxna nixũgachi.

Norü taxre ga popera ga ãẽ̱xgacügüchiga 17:39

¡Rü cha̱u̱xca̱xica pengutaque̱xegü nax choxü̃ picua̱xüü̃güxü̃ca̱x! Erü choma nixĩ ya Cori ya perü Tupana chixĩxü̃, rü choma tá nixĩ i pexü̃ íchanguxü̃xẽẽxü̃ i perü uanügüme̱xẽwa —ñanagürü nüxü̃.

Wiyaegü 136:24

Rü nüma nixĩ i tüxü̃ ínapoxü̃xü̃ nüxna i tórü uanügü. Erü ngẽma norü ngechaü̃ i taxca̱x rü taguma inayagu̱x.