Neemía 9:21 - Tupanaarü Ore

²¹ Rü 40 ga taunecü õna nüxna cuxã ga yema chianexü̃wa. Rü taguma ta̱xacü nüxü̃́ nataxu, rü bai ga nax yangauxchiruxü̃ rü bai ga nax nachaecutüxü̃.

Neemía 9:21 Referans Kwoze

Wenaxarü naxümatü ga Tupanaarü mugü 2:7

Rü yimá Cori ya perü Tupana rü pexü̃ narüngü̃xẽxẽ nawa ga guxü̃ma ga yema pexüxü̃. Rü gumá 40 ga taunecü rü pemaxã nayexma rü pexna nadau ga yexguma yema taxüchixü̃ ga chianexü̃gu pexĩxgu. Rü taxuxü̃ma pexü̃́ nataxu ga yexguma.

Wenaxarü naxümatü ga Tupanaarü mugü 8:4

Rü guxcüma ga gumá 40 ga taunecügu rü tama pengauechiru rü bai ga nax perüchaecutüxü̃.

Wiyaegü 34:10

Rü ngẽma leóü̃xacügü rü naturae rü taiya nüxü̃́ nangu̱x. Natürü yíxema Cori ya Tupanaarü ngü̃xẽẽca̱x daugüxe rü taxũtáma ta̱xacü tüxü̃́ nataxu.

Ngechuchuarü ngúexü̃gü ga yamugüxü̃arü puracüchiga 13:18

Rü chianexü̃wa tüxü̃ nagagü. Rü yéma 40 ga taunecü Tupana yáxna namaxã naxĩnü ga tümacüma ga chixexü̃ ga guxema tórü o̱xigü.

Amúx 5:25

Rü dücax, Pa Iraétanüxü̃, rü yexguma 40 ga taunecü ínachianexü̃wa peyexmagügu, rü tama cha̱u̱xca̱xicatama penadai rü ípenagu ga naxü̃nagü. Rü tama choxnaxicatama ãmare pexãgü.

Wenaxarü naxümatü ga Tupanaarü mugü 29:5

Rü 40 ga taunecü yema chianexü̃gu pemaxã chixũ. Rü guxcüma ga gumá taunecügu rü taxuxü̃ma ga pexchiru rü perü chapatu pexü̃́ nangau.

Wenaxarü naxümatü ga Tupanaarü mugü 8:2

¡Rü nüxna pecua̱xãchie ga ñuxãcü Cori ya Tupana rü 40 ga taunecü yema chianexü̃gu pexü̃ nimugü! Rü pexü̃ naxãneexẽxẽ rü pexü̃ naxü nax nüxü̃ nacuáxü̃ca̱x rü aixcüma naga tá pexĩnüe rü tá peyangu̱xẽxẽ i norü mugü rüe̱xna tama.

Ínachoxü̃xü̃chiga 16:35

Rü 40 ga taunecü nixĩ ga Iraétanüxü̃ ga manámaxã naxãwemügüxü̃ ñu̱xmata yema naane ga togü ga duü̃xü̃gü nawa yexmagüxü̃wa nangugü. Rü yemaacü manámaxã naxãwemügüxü̃ ñu̱xmata yema Canaáü̃anearü üyewa nangugü.