Neemía 9:17 - Tupanaarü Ore

¹⁷ Rü tama cuga naxĩnüechaü̃, rü bai ga nüxna nax nacua̱xãchiexü̃ ga yema taxü̃ ga mexü̃gü ga nape̱xewa cuxüxü̃. Rü poraãcü ínayataitüarü maxü̃neã̱xgü rü cumaxã nanue, rü yemaca̱x nagu narüxĩnüe nax norü ãẽ̱xgacüxü̃ naxunetagüxü̃ nax yemamaxã Equítuaneca̱x nawoeguxü̃ca̱x rü wenaxarü Equítutanüxü̃me̱xẽwa nayexmagüxü̃ca̱x. Natürü i cuma rü Tupana ya ngechaü̃wa̱xecü quixĩ, rü mecümacü quixĩ, rü ngüxmüwa̱xecü quixĩ rü yáxna ĩnücü quixĩ, rü tama paxa cunu rü yemaca̱x nixĩ ga tama yéma cunawogümarexü̃.

Neemía 9:17 Referans Kwoze

Wiyaegü 86:5

Erü cumax, Pa Corix, rü cumecüma rü nüxü̃ icurüngüma i torü chixexü̃gü. Rü aixcüma tüxü̃ cungechaü̃ ya yíxema curü ngü̃xẽẽca̱x cuxna caxe.

Joel 2:13

Rü ngẽmaca̱x i ñu̱xma rü name nixĩ i naxca̱x pewoegu ya Cori ya Tupana. Rü natüca̱xmamare nixĩ nax perü ngechaü̃maxã pegüchirugu pegáugüexü̃. Erü ngẽma nüma nanaxwa̱xexü̃ nixĩ nax aixcüma nüxü̃ perüxoexü̃ i perü chixexü̃. Erü nüma ya Cori ya Tupana rü namecüma rü nüxü̃́ pengechaü̃tümüxü̃, rü yáxna pemaxã naxĩnü, erü pexü̃ nangechaü̃. Rü nüma rü ínamemare nax íyachaxãchixẽẽãxü̃ i ngẽma poxcu i pemaxã naxueguxü̃.

Wiyaegü 86:15

Natürü i cumax, Pa Corix, rü Tupana ya mecümacü rü ngechaü̃wa̱xecü quixĩ. Rü cuma rü yáxna tomaxã cuxĩnü, rü poraãcü toxü̃ cungechaü̃, rü guxü̃guma tomaxã quixaixcüma.

Romanos 9:15

Yerü norü orewa rü Tupana rü Moichéxü̃ ñanagürü: “Ngẽxguma chi texémaxã chamecümachaü̃gu, rü tümamaxã tá chamecüma. Rü choxü̃́ tá tangechaü̃tümüxü̃ ya yíxema choxü̃́ ngechaü̃tümüü̃chaü̃xẽ”, ñanagürü.

Wiyaegü 78:38

Natürü woo nax yemaacü nax yixĩgüxü̃, rü nüma ga Tupana rü nüxü̃́ nangechaxü̃tümüxü̃güama. Rü nüxü̃́ nüxü̃ inarüngüma ga norü chixexü̃gü rü tama guxü̃xü̃ nadai. Rü mue̱xpü̱xcüna ga yexguma namaxã nanuxgu rü yáxna namaxã naxĩnü rü tama naga naxĩnü ga norü nu.

Wiyaegü 106:7

Rü nüma ga torü o̱xigü rü tama aixcüma nagu narüxĩnüe ga yema taxü̃gü ga mexü̃gü ga curü poramaxã cuxüxü̃. Rü nüxü̃ inayarüngümae nax cuma rü nüxü̃ cungechaü̃xü̃. Rü yema Már ga Dauchíüxü̃cutüwa rü cumaxã nayanue.

Wiyaegü 78:11

Rü nüxü̃ inarüngümae ga yema mexü̃gü ga taxü̃ ga Tupana norü poramaxã nape̱xewa üxü̃.

Nüxíraxü̃xü̃ ga popera ga ãẽ̱xgacügüchiga 8:57

Rü ñu̱xma ya Cori ya Tupana rü nataxü̃tagu ga yexguma tórü o̱xigütanüwa nayexmagurüxü̃. Rü taxũtáma tüxna nixũgachi rü taxũtáma tüxü̃ ínawogü.

Wiyaegü 106:13

Natürü paxãma nüxü̃ inayarüngümaexü̃ ga yema taxü̃ ga mexü̃gü ga Tupana naxca̱x üxü̃. Rü tama ínanangu̱xẽẽgü ga yema Tupana nagu rüxĩnüxü̃.

Wiyaegü 130:4

Natürü i cumax rü toxü̃́ nüxü̃ icurüngüma i ngẽma torü chixexü̃gü i cupe̱xewa taxüxü̃ nax ngẽmaãcü cuxü̃ ticua̱xüü̃güxü̃ca̱x.

Popera ga Yudíugü ga yaxõgüxü̃ca̱x ümatüxü̃ 12:25

Rü ngẽmaca̱x name nixĩ i pexuãẽgü nax tama nüxü̃ pexoexü̃ca̱x ya yimá Tupana ya ñu̱xma tamaxã idexacü. Rü yema nũxcümaü̃güxü̃ ga duü̃xü̃gü ga Moichéwe rüxĩxü̃ rü taxucürüwa Tupanacha̱xwa nibuxmü nax tama napoxcueãxü̃ca̱x ga yexguma Tupanaxü̃ naxoegu. Rü ñu̱xma ega nüxü̃ ixoegu ya Cristu i daxũguxü̃ i naanewa tüxü̃ ucu̱xẽcü, rü yexeraãcü tüxü̃́ naguxcha nax Tupanaarü poxcucha̱xwa ibuxmüxü̃ nax tama tüxü̃ napoxcuexü̃ca̱x.

Ngechuchuarü ngúexü̃gü ga yamugüxü̃arü puracüchiga 7:39

Natürü ga tórü o̱xigü rü tama naga naxĩnüechaü̃ ga gumá Moiché. Rü nüxü̃ naxoo̱xgüama, rü Equítuaneca̱x nawoeguchaü̃.

Ucu̱xẽgüchiga 1:24

Choma rü pexca̱x chaca rü pexna chaxu nax cha̱u̱xca̱x pexĩxü̃ca̱x, natürü i pemax rü tama chauga pexĩnüechaü̃.

Iraétanüxü̃arü muxchiga 16:14

Rü tama aixcüma nixĩ i nawa toxü̃ cugagüxü̃ i ngẽma naane i mexü̃ i õna taguma ítaxuxü̃wa, rü tama toxna cuyaxãchigü i torü naane rü úbanecügü. ¿Rü cuma nagu curüxĩnügu rü ñaa duü̃xü̃gü rü ningexetü nax cuma ícunaxwa̱xexü̃wa cunagagüxü̃ca̱x? Rü taxũtáma cuxü̃tawa taxĩ —ñanagürügü.

Iraétanüxü̃arü muxchiga 14:41

Natürü ga Moiché rü ñanagürü nüxü̃: —¿Tü̱xcüü̃ tama naga pexĩnüe i Cori ya Tupanaarü mu? Rü ngẽma nagu perüxĩnüexü̃ rü taxũtáma mea pexü̃ ínanguxuchi.

Iraétanüxü̃arü muxchiga 14:11

Rü yexguma ga nüma ga Cori ya Tupana rü Moichéxü̃ ñanagürü: —¿Ñuxguratáta nixĩ i choxü̃́ inaxĩnüexü̃ i ñaa duü̃xü̃gü? ¿Rü ñuxguratáta nixĩ i nüxü̃ naxoexü̃ nax tama choxü̃́ yaxõgüãxü̃ rü woo nüxü̃ nax nadaugüxü̃ ga yema mexü̃gü ga chorü poramaxã nape̱xewa chaxüxü̃?

Neemía 9:31

Natürü yema nax cuxü̃́ nangechaü̃tümüxü̃güxü̃ca̱x rü tama noxtacüma cunadaixüchi rü tama nüxna quixũ. Erü cuma rü Tupana ya mecümaxü̃chicü rü ngechaü̃wa̱xecü quixĩ.

Yeremía 19:15

—Nüma ya Cori ya Guxãétüwa Ngẽxmacü ya Iraétanüxü̃arü Tupana ixĩcü rü ñanagürü: “Daa ĩaneca̱x rü guxü̃nema ya norü ngaicamagüne ya ĩanegüca̱x tá íchananguxẽxẽ i guxü̃ma i ngẽma poxcu i pemaxã nüxü̃ chixuxü̃, erü tama naga pexĩnüechaü̃ i chorü ore” —ñanagürü.

Echequié 5:6

Natürü yema norü duü̃xü̃gü ya yima ĩane ya Yerucharéü̃ rü chomaxã nanue rü tama naga naxĩnüechaü̃ i chorü mugü rü ucu̱xẽgü. Rü guxü̃nema ya yima togü i nachixü̃anegüarü ĩanegü ya nüxna ngaicamanearü duü̃xü̃güarü yexera chixexü̃gu namaxẽ i ngẽma Yerucharéü̃cüã̱x rü tama naga naxĩnüe i ngẽma chorü mugü rü chorü ucu̱xẽgü.

Danié 9:9

Natürü i cumax, Pa Torü Tupanax, rü woetama cucüma nixĩ nax cumecümaxü̃ rü toxü̃́ nüxü̃ curüngü̃maxü̃ i torü chixexü̃. Rü ngẽmaca̱x cupe̱xewa tangugü erü toma rü poraãcü chixexü̃ taxü.

Naúü̃ 1:3

Rü nüma ya Cori ya Tupana rü woo nax naporaxü̃ natürü yáxna duü̃xü̃gümaxã naxĩnü. Natürü yíxema chixexü̃ ǘxe rü tama nüxü̃ narüngüma nax tüxü̃ napoxcuxü̃. Rü nüma rü yimá poracü ya buanecügu nixũ. Rü ngẽma caixanexü̃gü rü nacutügüarü caixanexü̃ nixĩgü.

Ínachoxü̃xü̃chiga 32:9

Rü ñanagürü ta ga Cori ya Tupana Moichéxü̃: —Rü meama chanangugü i ñaa duü̃xü̃gü rü nüxü̃ chicua̱xãchi nax tama inaxĩnüechaü̃xü̃.

Lebítanüxü̃arü puracüchiga 26:44

Natürü woo ngẽma perü guxchaxü̃gügagu perü uanügüchixü̃anewa nax pengẽxmagüxü̃, rü choma rü tama choxü̃́ pewa̱xtümüü̃ rü tama pexü̃ chaxo. Rü ngẽmaca̱x taxũtáma pexü̃ chadai rü taxũtáma íchayanaxoxẽxẽ ga yema uneta ga perü o̱xigümaxã chaxüxü̃, erü choma nixĩ i perü Cori ya perü Tupana chixĩxü̃.

1 Chamué 12:22

Rü nümatama ya Cori ya Tupana rü marü pexü̃ nade yerü nanaxwa̱xe nax norü duü̃xü̃gü pixĩgüxü̃. Rü ngẽmaca̱x tagutáma pexü̃ ínawogü erü tama nanaxwa̱xe i texé nüxü̃ tixu nax tama yangu̱xẽẽãxü̃ i norü ore.

Norü taxre ga to ga popera ga ãẽ̱xgacügüchiga ümatüxü̃ 36:13

Rü naétü tama nayanguxẽxẽ ga norü uneta ga Tupanaégagu Babiróniaanearü ãẽ̱xgacü ga Nabucudonochómaxã nüxü̃ yaxuxü̃ nax nüxü̃ tá nangü̃xẽẽxü̃. Rü nüma ga Chedequía rü poraãcü nügü nanuxẽxẽ nax tama Cori ya Iraétanüxü̃arü Tupanaga naxĩnüxü̃ca̱x.

Édra 9:9

Rü woo to ga ãẽ̱xgacüme̱xẽwa nax tayexmagüxü̃ natürü i cumax rü tama toxü̃ ícuwogü. Rü ngẽma Pérchiaanearü ãẽ̱xgacügüãẽwa ícunanguxẽxẽ nax tomaxã namecümagüxü̃ca̱x. Rü toxna cudau nax ñu̱xma rü ta tamaxẽxü̃ca̱x, rü ngẽmaãcü tawoeguxü̃ca̱x, rü wena noxrirüxü̃ ga nachicagutama tanaxüxü̃ca̱x ya yima cupata ya taxü̃ne. Rü cumax, Pa Tupanax, rü toxna cudau i guxü̃ma i ñaa naane i Yudáanewa rü daa ĩane ya Yerucharéü̃wa.

Wiyaegü 78:10

Rü tama nayanguxẽẽgü ga yema norü uneta ga Tupanamaxã nüxü̃ yaxugüxü̃. Rü yema Tupanaarü mugü rü tama naga naxĩnüechaü̃.

Yeremía 7:26

Natürü ga pemax rü tama chauga pexĩnüexü̃ rü tama choxü̃́ ipexĩnüechaü̃, rü yema nũxcümaü̃güxü̃ ga petanüxü̃arü yexera chomaxã penue rü chixri pemaxẽ —ñanagürü.

Yeremía 18:15

Natürü ngẽma chorü duü̃xü̃gü rü ínayachaxãchigü nax chowe naxĩxü̃. Rü ngẽmaãcü choxü̃ inayarüngümae. Erü tupananetagüca̱x pumara nigute̱xegü. Rü nüxna ínachocu ga yema mugü ga nũcüma nüxna chaxãxü̃. Rü nagu naxĩ i nacümagü i chixexü̃ ga ü̃pa taguma nüxü̃ nacua̱xgüxü̃.