Biblia Todo Logo
Bib sou entènèt

- Piblisite -




Neemía 9:16 - Tupanaarü Ore

16 Natürü ga nümagü ga tórü o̱xigü rü nügü nicua̱xüü̃gümare rü taxúega naxĩnüechaü̃ rü tama naga naxĩnüechaü̃ ga yema curü mugü.

Gade chapit la Kopi




Neemía 9:16
33 Referans Kwoze  

Rü cuyaxucu̱xẽgü nax wena yanguxẽẽgüãxü̃ca̱x ga curü mugü. Natürü ga nümagü rü tama inaxĩnüechaxü̃, rü tama nanayauxgüchaxü̃ ga yema curü mugü. Rü yemaacü nüxü̃ naxoe ga curü mugü i maxü̃ tüxna ãxü̃ ya yíxema naga ĩnüxe. Rü naechitamare namaxẽ rü ínayataiãchiarü maxü̃ã̱xgü rü yemaca̱x tama naga naxĩnüe i curü mugü.


Rü ngẽmaca̱x i Tupanaarü ore i ümatüxü̃wa rü ñanagürü: “Rü ñu̱xma ega nüxü̃ pexĩnüegu i ngẽma Tupana pemaxã nüxü̃ ixuxü̃, rü tama name nax nüxü̃ pexoexü̃, yexgumarüxü̃ ga yema duü̃xü̃gü ga tama Tupanaga ĩnüexü̃”, ñanagürü.


Natürü cuma rü tama Tupanaxü̃ cucuáxchaü̃ rü tama nüxü̃ curüxoxchaü̃ i curü chixexü̃. Rü ngẽmaãcü cugüca̱xtama cunayexeraxẽxẽ i curü poxcu i tá cuyaxuxü̃ i ngẽma ngunexü̃ i nagu Tupana norü numaxã napoxcuexü̃ i ngẽma chixexü̃ ügüxü̃.


Rü cuma rü Faraóü̃pe̱xewa rü guxü̃ma ga norü ngü̃xẽẽruü̃güpe̱xewa, rü guxü̃ma ga yema nachixü̃anecüã̱xgü ga duü̃xü̃güpe̱xewa, rü cuyaxüchigüama ga taxü̃ ga mexü̃gü ga curü üünemaxã cuxüxü̃. Yerü nüxü̃ cudau ga ñuxãcü totanüxü̃maxã chixri inacua̱xgüxü̃, rü ngẽmaca̱x cutachiga i ñu̱xmax.


Erü choma rü marü nüxü̃ chacua̱x nax pema rü wüxi i duü̃xü̃gü i taierugüxe rü tama ĩnüwa̱xegüxe nax pixĩgüxü̃. Rü ñu̱xma nax petanüwa chamaxü̃xü̃ rü nüxü̃ chadauxü̃ nax tama Cori ya Tupanaga pexĩnüexü̃, ¿rü ngẽxguma chayuxguwena rü ta̱xacürü chixexü̃ tá yixĩxü̃ i pexügüxü̃?


Rü ngẽmaca̱x ñu̱xma nax pexü̃́ natauxchaxü̃, rü name nixĩ nax wüxichigü pegüaxü̃́ penangúchaü̃xẽẽxü̃ i guxü̃ i ngunexü̃gu nax taxúema i petanüwa Tupanaxü̃ taxoxü̃ca̱x nagagu i ngẽma pecadu i pexü̃ womüxẽẽchaü̃xü̃.


Rü ñanagürü ga Estébaü̃: —Dücax Pa Ãẽ̱xgacügüx, pema rü guxü̃guma nüxü̃ pexoe i Tupanaarü ore, rü tama iperüxĩnüechaü̃. Rü peãẽwa rü tama peyaxõgüchaü̃. Rü pema rü guxü̃guma Tupanaãxẽ ya Üünecümaxã penueecha. Rü ngẽmaãcü i pema rü yema nũxcümaü̃güxü̃ ga perü o̱xigürüü̃tama pixĩgü.


—Nüma ya Cori ya Guxãétüwa Ngẽxmacü ya Iraétanüxü̃arü Tupana ixĩcü rü ñanagürü: “Daa ĩaneca̱x rü guxü̃nema ya norü ngaicamagüne ya ĩanegüca̱x tá íchananguxẽxẽ i guxü̃ma i ngẽma poxcu i pemaxã nüxü̃ chixuxü̃, erü tama naga pexĩnüechaü̃ i chorü ore” —ñanagürü.


Rü pemax i ñomaü̃cüxü maxẽxü̃ i duü̃xü̃gü ¡ẽcü iperüxĩnüe i chorü ore! Pa Iraétanüxü̃x ¿pexca̱x rü ñoma wüxi i naane i paanexü̃rüxü̃ chixĩ? ¿Pexca̱x rü ñoma wüxi i naane i waanexü̃rüxü̃ chixĩ? Pa Chorü Duü̃xü̃güx ¿ta̱xacüca̱x ñaperügügü choxü̃: “Tomagü rü taxúeme̱xẽwa tangexmagü rü marü tagutáma cuxca̱x tawoegu”, ñaperügügü?


Natürü ga Iraétanüxü̃ rü tama Tupanaga naxĩnüe rü nananuxẽẽgü ga Naãxẽ ya Üünecü. Rü yemaca̱x ga nüma ga Tupana rü yema duü̃xü̃gümaxã narüxuanü rü namaxã nanaxunagü ga nax nadaiaxü̃.


¡Rü chierüx chauga pexĩnüegu! Rü yexguma chi naga pexĩnüegu ga chorü mugü rü ngẽma perü taãxẽ rü chi nixĩnagüchigü ñoma wüxi i natü irübaichigüxü̃rüxü̃, rü ngẽma perü taãxẽ rü ñoma már arü yuaperüxü̃ chi nata.


Rü choma rü nüxü̃ chacua̱x nax tama nüxü̃ pecua̱xégaxü̃ rü pitaieruxü̃ rü ñoma fieru rü bróũche i tama irüwe̱xãchixü̃rüxü̃ pixĩgü.


Texé ya tama nayaxúxe i ucu̱xẽ, rü paxa tá guxchaxü̃ tümaca̱x ínangu, rü taxúetama tümaétüwa tachogü.


Rü toma rü cupe̱xewa poraãcü chixexü̃ taxü torü o̱xigürüü̃tama. Rü nüxna ítachocu i curü mugü nax tóxrütama ngúchaü̃ i chixexü̃gu tamaxẽxü̃ca̱x.


Pa Chorü Duü̃xü̃güx ¡naga pexĩnüe i ñaa chorü ucu̱xẽ i pemaxã nüxü̃ chixuxü̃! ¡Chierüx chauga pexĩnüegux, Pa Iraétanüxü̃x!


Rü naétü tama nayanguxẽxẽ ga norü uneta ga Tupanaégagu Babiróniaanearü ãẽ̱xgacü ga Nabucudonochómaxã nüxü̃ yaxuxü̃ nax nüxü̃ tá nangü̃xẽẽxü̃. Rü nüma ga Chedequía rü poraãcü nügü nanuxẽxẽ nax tama Cori ya Iraétanüxü̃arü Tupanaga naxĩnüxü̃ca̱x.


¡Rü ngẽmaca̱x i ñu̱xma rü taxṹ i ngẽma perü o̱xigürüxü̃ Tupanaxü̃ pexoexü̃! ¡Rü Cori ya Tupanaca̱x pedaugü rü naga pexĩnüe nax ngẽmaãcü wena pexü̃ nangü̃xẽẽxü̃ca̱x ngẽma pemaxã inaxunetaxü̃rüxü̃! ¡Rü nua pexĩ nawa ya yima napata ya nüma tá guxü̃guma nawa nangẽxmane! Rü ngẽxguma i nüma rü tá pemaxã inarüngü̃xmü.


Natürü woo Tupana rü norü orearü uruü̃güwa nayaxucu̱xẽgü, natürü ga nüma ga Iraéanecüã̱xgü rü tama inaxĩnüechaü̃ naxrüxü̃ ga norü o̱xigü ga tama aixcüma Cori ya Tupanaaxü̃́ yaxõgüxü̃.


Natürü pema ga Iraétanüxü̃ ga guxü̃ma ga yema õnamaxã pingüe rü nüxna pixĩgachi ga Cori ya Tupana ya pexü̃ ngo̱xẽẽcü. Rü nüxü̃ pexo ya yimá perü dauruxü̃ rü perü poxü̃ruxü̃ ixĩcü.


¡Rü nüxna nacua̱xãchi ya yimá curü duü̃ ga Abraáü̃, rü Ichaá, rü Acóbu! ¡Rü taxṹ i nagu curüxĩnüxü̃ i norü chixexü̃gü rü guxchagü i cupe̱xewa naxügüxü̃ i ñaa duü̃xü̃gü i tama cuga ĩnüechaü̃xü̃! ¡Rü nüxü̃́ nüxü̃ irüngüma i norü chixexü̃ i cupe̱xewa naxügüxü̃!


Rü nüma ya Cori ya Tupana rü ñanagürü ta choxü̃: “Marü nüxü̃ chadau i ñaa duü̃xü̃gü nax duü̃xü̃gü i tama ixĩnüechaxü̃xü̃ nax yaxĩgüxü̃.


Rü penaxwa̱xe nax nüxü̃ pecuáxü̃ nax Cori ya Tupana rü tama perü mexü̃gagu yixĩxü̃ i pexna naxããxü̃ i ngẽma naane i mexü̃, erü pema rü duü̃xü̃gü i tama ixĩnüechaxü̃xü̃ pixĩxgü —ñanagürü ga Moiché.


¡Rü chierüx guxü̃guma aixcüma ngẽmaguxicatama naxĩnüeechagu, rü choxü̃ nangechaü̃gügu rü guxü̃ i ngunexü̃gügu yanguxẽẽgüãgu i chorü mugü i nümagü rü naxacügü nax ngẽmaãcü guxü̃guma nataãẽgüxü̃ca̱x!


Rü ñanagürü ta ga Cori ya Tupana Moichéxü̃: —Rü meama chanangugü i ñaa duü̃xü̃gü rü nüxü̃ chicua̱xãchi nax tama inaxĩnüechaü̃xü̃.


Rü Tupana rü ñanagürü nüxü̃: —Ngẽxguma chi ipexĩnüegu i ngẽma pemaxã nüxü̃ chixuxü̃, rü penaxü̱xgu i ngẽma namaxã chataãẽxü̃, rü naga pexĩnüegu i ngẽma chorü ucu̱xẽgü, rü peyanguxẽẽ̱xgu i ngẽma mugü, rü taxuxü̃táma núma pexca̱x chanamu i ngẽma da̱xaweanegü ga Equítuanecüã̱xgüca̱x yéma chamuxü̃. Erü choma nixĩ i perü Cori ya Tupana i pexü̃ charümeexẽẽxü̃ chixĩxü̃ —ñanagürü.


Natürü ga pemax rü tama chauga pexĩnüexü̃ rü tama choxü̃́ ipexĩnüechaü̃, rü yema nũxcümaü̃güxü̃ ga petanüxü̃arü yexera chomaxã penue rü chixri pemaxẽ —ñanagürü.


Natürü yema norü duü̃xü̃gü ya yima ĩane ya Yerucharéü̃ rü chomaxã nanue rü tama naga naxĩnüechaü̃ i chorü mugü rü ucu̱xẽgü. Rü guxü̃nema ya yima togü i nachixü̃anegüarü ĩanegü ya nüxna ngaicamanearü duü̃xü̃güarü yexera chixexü̃gu namaxẽ i ngẽma Yerucharéü̃cüã̱x rü tama naga naxĩnüe i ngẽma chorü mugü rü chorü ucu̱xẽgü.


Rü yema tanatügü rü nüxü̃ narüxoe nax Tupanaga naxĩnüexü̃. Rü yema naxügüxü̃ rü tama Tupanape̱xewa name yerü nüxna nixĩgachi. Rü ínanata̱xgü ga guma Cori ya Tupanapata.


Swiv nou:

Piblisite


Piblisite