Neemía 9:14 - Tupanaarü Ore

¹⁴ Rü ñu̱xũchi namaxã nüxü̃ quixu nax naxauregüãxü̃ca̱x ga ngü̃xchigaarü ngunexü̃. Rü curü duü̃ ga Moichéwa namaxã nüxü̃ quixu ga mugü rü ngu̱xẽẽtaegü rü ucu̱xẽgü ga aixcüma mexü̃.

Neemía 9:14 Referans Kwoze

Echequié 20:12

Rü yexgumarüxü̃ ta nüxü̃ nüxü̃ chacua̱xẽxẽ ga chorü ngü̃chigaarü ngunexü̃ nax nagu choxü̃ yacua̱xüü̃güxü̃ca̱x rü nüxna nacua̱xãchigüxü̃ca̱x nax choma ya Cori ya Tupana yixĩxü̃ ga chaugüca̱x nüxü̃ chaxunetaxü̃ ga yema duü̃xü̃gü.

Naanearü ügüchiga 2:3

Rü yexguma ga Tupana rü mexü̃ namaxã naxuegu ga yema norü 7 ga ngunexü̃. Rü nüxü̃ nixu nax noxrü yixĩxü̃ ga yema ngunexü̃ yerü nagu inarüngü̃ nawa ga guxü̃ma ga yema puracü ga naxüxü̃.

Echequié 20:20

Rü ngẽxguma chorü ngü̃chigaarü ngunexü̃güwa nanguxgu rü chanaxwa̱xe nax penaxaurexü̃. Rü ngẽma rü wüxi i chorü uneta nixĩ i pemaxã chaxüxü̃. Rü ngẽmaãcü tá nüxü̃ pecua̱x nax choma ya Cori rü perü Tupana chixĩxü̃ —ñachagürü.

Ínachoxü̃xü̃chiga 16:29

Dücax, choma i Cori ya Tupana rü marü pexca̱x nüxü̃ chaxuneta i wüxi i ngunexü̃ nax nagu perüngü̃ẽxü̃ca̱x. Rü ngẽmaca̱x nixĩ i ngẽxguma norü 6 i ngunexü̃wa nanguxgu rü taxre i ngunexü̃ nagúxü̃ i õna pexna chaxãxü̃. Rü ngẽxguma norü 7 i ngunexü̃wa nanguxgu rü wüxíechigü tá tümapatawatama tangexma rü taxuwama taxũ —ñanagürü.

Ínachoxü̃xü̃chiga 16:23

Rü nüma ga Moiché rü namaxã nüxü̃ nixu rü ñanagürü: —Ngẽma nixĩ i Cori ya Tupana tamaxã nüxü̃ ixuxü̃. Erü moxü̃arü ngunexü̃ rü ngü̃chigaarü ngunexü̃ nixĩ rü ngẽmaca̱x tá Cori ya Tupanaca̱x itarüngügü. Rü ngẽmaca̱x name nixĩ i ñu̱xma penaxü i ngẽma pewemü i pexüxchaü̃xü̃ rü penamuxra i ngẽma perü õna i pemuxrachaü̃xü̃, rü namaxã penguxü̃gü i guxü̃ma i ngẽma pexü̃́ íyaxüxü̃ perü moxü̃ãcüruxü̃ —ñanagürü.

Ore i mexü̃ ga Cuáü̃ ümatüxü̃ 1:17

Rü Moichéxü̃ nixĩ ga namuxü̃ ga Tupana nax tüxü̃ nangúexẽẽxü̃ca̱x ga norü mugü. Natürü Ngechuchu ya Cristuxü̃ nixĩ ga namuxü̃ nax tüxü̃ nangúexẽẽxü̃ca̱x nax yigü ingechaü̃güxü̃ rü nagu imaxẽxü̃ca̱x i norü ore i aixcüma ixĩxü̃.

Neemía 1:8

¡Rü nüxna nacua̱xãchi i curü ore i Moichémaxã nüxü̃ quixuxü̃! Erü cuma rü nüxü̃ quixu rü ngẽxguma toma chixexü̃ cupe̱xewa taxü̱xgu rü tá togü i nachixü̃anegügu toxü̃ cuwoonemare, natürü ngẽxguma chi wena cuxca̱x tawoeguxgu rü aixcüma nagu tamaxẽgu i curü mugü, rü woo ñoma i naane íyacuáxü̃gu tawoonegu, rü cuma rü chi tochixü̃aneca̱x toxü̃ cuyagagü, rü ngẽma nachica i üünexü̃ i cumatama nüxü̃ cuxunetaxü̃ nax nawa cungexmaxü̃wa wenaxarü toxü̃ cugagüxü̃ca̱x.

Wenaxarü naxümatü ga Tupanaarü mugü 5:31

¡Natürü i cuma rü nuxã chauxü̃tagu rüxã̱ũ̱x! Erü cumaxã tá nüxü̃ chixu i guxü̃ma i ngẽma mugü rü ucu̱xẽgü i tá cunangúexẽxẽxü̃ i ngẽma duü̃xü̃gü nax ngẽmaãcü aixcüma yanguxẽxẽgüãxü̃ca̱x nawa i ngẽma naane i nüxna tá chaxãxü̃”, ñanagürü.

Wenaxarü naxümatü ga Tupanaarü mugü 4:45

Rü nawena ga Equítuanewa ínachoxü̃xü̃, rü ñaa nixĩ ga yema Tupanaarü mugü rü ucu̱xẽgü ga Moiché Iraétanüxü̃maxã nüxü̃ ixuxü̃ ga yexguma Yudáü̃arü éstewa nayexmagügu nawa ga yema metachinüanexü̃ ga Bex-peúarü to̱xma̱xtawa yexmaxü̃. Rü yema naane rü Amoréutanüxü̃arü ãẽ̱xgacü ga Chióü̃arü naane nixĩ, rü nüma rü Ebóü̃wa namaxü̃. Natürü nawena nax Equítuanewa ínachoxü̃xü̃ ga Moiché rü Iraétanüxü̃ rü Chióü̃maxã nügü nadai, rü nüxü̃ narüporamaegü. Rü nayama̱xgü ga yexguma Equítuanewa ínachoxü̃gu.

Wenaxarü naxümatü ga Tupanaarü mugü 4:5

Choma rü marü pexü̃ changúexẽxẽ ga guxü̃ma ga yema mugü ga Cori ya chorü Tupana chomaxã nüxü̃ ixuxü̃ nax ngẽmaãcü aixcüma nagu pemaxẽxü̃ca̱x nawa i ngẽma naane i nagu tá pechocuxü̃.

Lebítanüxü̃arü puracüchiga 27:34

Rü yema nixĩ ga mugü ga Tupana Iraétanüxü̃ca̱x Moichémaxã nüxü̃ ixuxü̃ ga ma̱xpǘne ga Chinaíwa.

Ínachoxü̃xü̃chiga 24:12

Cori ya Tupana rü Moichéxü̃ ñanagürü: —Ẽcü nagu naxĩnagü ya daa ma̱xpǘne ya nawa changexmane rü ngéma choxü̃ nanguxẽxẽ! Erü tá cuxna chanaxã i nutatachinügü i chorü mugü rü ucu̱xẽgü nagu chaxümatüxü̃ nax Iraétanüxü̃xü̃ nawa cungúexẽẽxü̃ca̱x —ñanagürü.

Lebítanüxü̃arü puracüchiga 19:3

Rü wüxíechigü i pema rü name i penatüxü̃ rü peéxü̃ pengechaü̃. Rü ñu̱xũchi name i mea penaxaure i chorü ngü̃chigaarü ngunexü̃. Erü choma nixĩ i perü Cori ya Tupana chixĩxü̃.

Neemía 10:32

Rü togümaxã nüxü̃ tixu rü wüxichigü ya taunecügu nax itanaxãgüxü̃ i ãgümücü i gramu i diẽrumü nax ngẽmamaxã tanaxütanüxü̃ca̱x i guxü̃ma i Tupanapata ya taxü̃nearü puracü.

Echequié 20:11

Rü yéma nüxna chanaxã ga chorü mugü i maxü̃ tüxna ãxü̃ ya yíxema naga ĩnüexe.