Neemía 9:13 - Tupanaarü Ore

¹³ Yemawena rü ma̱xpǘne ga Chinaígu ícurüxĩ, rü yéma daxũguxü̃ ga naanewa namaxã quidexa, rü yéma cunana ga mugü ga aixcüma mexü̃, rü ngu̱xẽẽtaegü ga aixcüma ixĩxü̃ rü ucu̱xẽgü ga mexü̃.

Neemía 9:13 Referans Kwoze

Wiyaegü 119:160

Rü guxü̃ma i curü ore rü aixcüma nixĩ. Rü curü mugü rü namexẽchi rü taguma inayarüxo. -21-

Ínachoxü̃xü̃chiga 20:1

Nüma ga Tupana rü nidexa rü nüxü̃ nixu ga guxü̃ma ga ñaa mugü rü ñanagürü:

Romanos 7:16

Natürü i ñu̱xma nax chanaxüxü̃ i ngẽma tama chanaxwa̱xechiréxü̃ nax chaxüxü̃, rü ngẽmawa nüxü̃ chicua̱xãchi nax namexü̃ i ngẽma mugü.

Abacú 3:3

Rü nüxü̃ chadau ya Cori ya Tupana i Temáü̃anewa ne naxũxü̃ nawa ya yima Paráü̃arü ma̱xpǘne. Rü dauxü̃guxü̃ i naane rü norü üünemaxã nanapá. Rü guxü̃ma i ñoma i naanewa ngẽxmagüxü̃ rü nüxü̃ nicua̱xüü̃gü.

Ichaía 64:3

Rü yexguma guma ma̱xpǘnegügu ícurüxĩ̱xgu rü Moichépe̱xewa cunaxüxgux ga yema ãũcümaxü̃ ga tama duü̃xü̃gü nagu irüxĩnüexü̃, rü guma ma̱xpǘnegü rü cupe̱xewa nixĩãxtanücüxü.

Ichaía 64:1

¡Ẽcü ínangegü i ngẽma caixanexü̃ i dauxü̃wa ngẽxmaxü̃, Pa Tupanax, rü ngéma írüxĩ! Rü yima ma̱xpǘnegü rü tá naxĩã̱xãchitanü i ngẽxguma cungo̱xgu.

Wiyaegü 119:137

Pa Corix, cuma rü quixaixcüma, rü ngẽma cuxueguxü̃ rü aixcüma nawe̱xgu.

Wenaxarü naxümatü ga Tupanaarü mugü 33:2

—Cori ya Tupana rü ma̱xpǘne i Chinaíwa ne naxũ. Rü yexguma máxpü̱xanexü̃ i Cheíwa tachopetügu rü tüxü̃ nibáixmaxü̃. Rü yema norü nangóonexü̃ rü máxpüxanexü̃ i Paráü̃wa nanguema, rü ñu̱xmata Meribá-cadéwa nangu. Rü norü tügüneme̱xẽgu nayange i norü mugü i ya̱u̱xracüüxü̃. Rü 10,000 i dauxü̃cüã̱x i norü duü̃xü̃gümaxã ngéma ne naxũ.

Wenaxarü naxümatü ga Tupanaarü mugü 5:4

Rü nüma ga Cori ya Tupana rü üxüemaarü ngãxü̃wa pepe̱xewa pemaxã nidexa ga guma ma̱xpǘnewa.

Wenaxarü naxümatü ga Tupanaarü mugü 4:33

¿Rü nangẽxmaxü̃ i to i duü̃xü̃gütücumü i pexrüxü̃ nüxü̃ ĩnüexü̃ i Tupanaga ga yexguma üxüemaarü ngãxü̃wa pemaxã yadexaxgu rü tama yuexü̃?

Wenaxarü naxümatü ga Tupanaarü mugü 4:8

¿Rü ta̱xacü i to i duü̃xü̃gütücumü nüxü̃́ nangẽxma i norü mugü i aixcüma mexü̃ naxrüxü̃ i guxü̃ma i ñaa mugü i ñu̱xma pexü̃ changúexẽxẽxü̃?

Ínachoxü̃xü̃chiga 20:22

Rü Cori ya Tupana rü Moichéxü̃ ñanagürü: —Iraétanüxü̃maxã nüxü̃ ixu i ñaa ore: “Pemax rü marü choxü̃ pedau nax daxũguxü̃ i naanewa nax pemaxã chidexaxü̃.

Ínachoxü̃xü̃chiga 16:23

Rü nüma ga Moiché rü namaxã nüxü̃ nixu rü ñanagürü: —Ngẽma nixĩ i Cori ya Tupana tamaxã nüxü̃ ixuxü̃. Erü moxü̃arü ngunexü̃ rü ngü̃chigaarü ngunexü̃ nixĩ rü ngẽmaca̱x tá Cori ya Tupanaca̱x itarüngügü. Rü ngẽmaca̱x name nixĩ i ñu̱xma penaxü i ngẽma pewemü i pexüxchaü̃xü̃ rü penamuxra i ngẽma perü õna i pemuxrachaü̃xü̃, rü namaxã penguxü̃gü i guxü̃ma i ngẽma pexü̃́ íyaxüxü̃ perü moxü̃ãcüruxü̃ —ñanagürü.

Wenaxarü naxümatü ga Tupanaarü mugü 4:36

Nüma rü daxũguxü̃ i naanewa pemaxã nidexa nax ngẽmaãcü pexü̃ yaxucu̱xẽgüxü̃ca̱x, rü ñoma i naanewa rü pexü̃ nanawe̱x ga taxü̃ ga norü üxüema, rü yema üxüemaarü ngãxü̃wa pemaxã nidexa.

Wiyaegü 119:4

Cumax, Pa Tupanax, toxna cunaxã i curü mugü nax aixcüma naga taxĩnüexü̃ca̱x.

Norü taxre ga popera ga ãẽ̱xgacügüchiga 17:37

¡Rü ngẽxgumarüxü̃ ta mea peyanguxẽẽ̱x i ngẽma mugü rü ucu̱xẽgü rü ngu̱xẽẽtaegü ga pexca̱x chaxümatüxü̃! Rü tama name i ta̱xacürü tupananetagüca̱x pengutaque̱xegü nax nüxü̃ picua̱xüü̃güxü̃ca̱x.

Édra 7:6

Rü nüma ga Édra rü wüxi ga ngu̱xẽẽtaeruxü̃ nixĩ, rü meama nüxü̃ nacua̱x ga Tupanaarü mugü ga Moiché ümatüxü̃. Rü wüxi ga ngunexü̃gu rü ãẽ̱xgacü ga Artayérena naca nax Yerucharéü̃ca̱x namueguaxü̃ca̱x. Rü nüma ga ãẽ̱xgacü rü naga naxĩnü, yerü Tupana rü poraãcü Édraxü̃ narüngü̃xẽxẽ. Rü yemaacü ga Édra rü Babiróniaanewa inaxũãchi rü Yerucharéü̃ca̱x nataegu.