Neemía 9:12 - Tupanaarü Ore

¹² Rü ñu̱xũchi wüxi ga caixanexü̃maxã nüxü̃ nüxü̃ cucua̱xẽxẽ nax nüxü̃ nacua̱xgüxü̃ca̱x ga nama ga nagu naxĩxü̃ ga ngunecü. Rü chütacü rü dauxü̃wa wüxi ga üxüema naxca̱x cungo̱xẽxẽ nax yemamaxã cuyabáixmaxü̃xü̃ca̱x nax nüxü̃ nacua̱xgüxü̃ca̱x ga nama ga nagu naxĩxü̃.

Neemía 9:12 Referans Kwoze

Neemía 9:19

Rü cuma rü poraãcü nüxü̃ cungechaü̃ rü yemaca̱x tama chianexü̃wa cunawogü. Rü yemaca̱x ga yema caixanexü̃ rü tama nüxna nixũgachi ga ngunecü nax yemawa nüxü̃ nacua̱xgüxü̃ca̱x nax ngextá ta naxĩxü̃ ga namawa. Rü woo ga chütacü rü tama nüxna nixũgachi ga yema üxüema ga dauxü̃wa naxca̱x cungo̱xẽẽxü̃ nax yema nüxü̃ ibáixmaxü̃güxü̃ca̱x nax nüxü̃ nacua̱xgüxü̃ca̱x ga nama ga nagu naxĩxü̃.

Wiyaegü 143:8

¡Rü pa̱xmama choxü̃ nawe̱x nax poraãcü choxü̃ cungechaxü̃xü̃! Erü cuxü̃́ nixĩ i chayaxõxü̃. ¡Rü choxü̃ nüxü̃ nacua̱xẽxẽ nax ñuxãcü cunaxwa̱xexü̃ nax cupe̱xewa chamaxü̃xü̃! Erü cumaxã nixĩ i nüxü̃ chixuxü̃ i ngẽma chorü ngúchaü̃.

Wiyaegü 107:7

Rü yemawena rü mexü̃ ga namagu nayamugü nax nawa nangugüxü̃ca̱x ga guma ĩane ga nagu tá naxãchiü̃güne.

Wiyaegü 105:39

Rü Tupana rü naétüwa nanayexmaxẽxẽ ga wüxi ga caixanexü̃ nax yema yadüxétüxü̃ca̱x naxcha̱xwa ya üa̱xcüema. Rü chütacü rü wüxi ga üxüemamaxã nanangóonetanüxẽxẽ.

Wiyaegü 78:14

Rü ngunecü rü wüxi ga caixanexü̃ nixĩ ga norü cua̱xruxü̃ ga nape̱xegu ixũxü̃. Rü chütacü rü wüxi ga üxüema nixĩ ga norü cua̱xruxü̃.

Ínachoxü̃xü̃chiga 15:13

Rü ngẽma toxü̃ nax cungechaü̃xü̃gagu mea tomaxã icucua̱x rü Equítuanecüã̱xgüme̱xẽwa toxü̃ ícunguxü̃xẽxẽ. Rü curü poramaxã tá toxü̃ quigagü nawa i ngẽma naane i mexü̃ i tomaxã icuxunetaxü̃.

Iraétanüxü̃arü muxchiga 9:16

Rü guxü̃guma yemaacü nixĩ. Rü yexguma nangunegu rü yema caixanexü̃ rü naétügu írüxĩxü̃ ga guma Tupanapata. Rü chütacü rü naétüwa nango̱xoxü̃ ga ñoma üxüemarüxü̃ ixĩxü̃.

Wenaxarü naxümatü ga Tupanaarü mugü 1:33

Rü nüma nixĩ ga pemaxã inacuáxü̃ rü pepe̱xegu yaxũxü̃ nax pexü̃ nüxü̃ nacua̱xẽẽxü̃ca̱x ga nachica ga nagu tá pipegüetanüxü̃. Rü yexguma chütacü ipexĩxgu rü üxüemamaxã pexü̃ nüxü̃ nacua̱xẽxẽ ga nama ga nagu tá pexĩxü̃, rü ngunecü rü wüxi ga caixanexü̃maxã pexü̃ nüxü̃ nacua̱xẽxẽ.

Iraétanüxü̃arü muxchiga 9:21

Rü ñuxguacü ga yema caixanexü̃ rü chütacüxicatama ínayachaxãchi rü pa̱xmama rü nayachü̱xüxãchi. Rü yexguma ga nüma ga Iraétanüxü̃ rü nawe nixĩxü̃tanü. Rü woo chütacü rüe̱xna ngunecü yaxũxgu ga yema caixanexü̃, rü nüma ga Iraétanüxü̃ rü inaxĩãchi.

Echequié 20:6

Rü yematama ngunexü̃gu rü namaxã nüxü̃ chixu nax Equítuanewa tá íchanagaxü̃xü̃ rü ngẽma naane ga chomatama nüxü̃ chaxunetaxü̃wa tá chanagagü. Rü ngẽma nachixü̃anearü naane rü guxü̃ma i ngẽma togü i nachianexü̃ narümemae. Rü ngéma rü yima lechi rü berure rü ñoma dexárüxü̃ taguma nataxu.