Neemía 9:10 - Tupanaarü Ore

¹⁰ Rü cuma rü Faraóü̃pe̱xewa rü guxü̃ma ga norü ngü̃xẽẽruü̃güpe̱xewa, rü guxü̃ma ga yema nachixü̃anecüã̱xgü ga duü̃xü̃güpe̱xewa, rü cuyaxüchigüama ga taxü̃ ga mexü̃gü ga curü üünemaxã cuxüxü̃. Yerü nüxü̃ cudau ga ñuxãcü totanüxü̃maxã chixri inacua̱xgüxü̃, rü ngẽmaca̱x cutachiga i ñu̱xmax.

Neemía 9:10 Referans Kwoze

Danié 9:15

Natürü ga cumax, Pa Cori Pa Torü Tupanax, rü nũxcüma icunawe̱x ga yema taxü̃ ga curü pora ga yexguma Equítuanewa ícunguxü̃xẽẽgu ga curü duü̃xü̃gü. Rü yemaacü cugü cutachigaxẽxẽ ñu̱xmata ñoma i ngunexü̃wa nangu. Natürü ga toma rü poraãcü cupe̱xewa chixexü̃ taxü.

Yeremía 32:20

Cuma rü cunaxü ga taxü̃ ga mexü̃gü rü cua̱xruü̃gü ga Equítuanewa. Rü woo ñu̱xma rü ta rü cunaxü i ngẽma taxü̃ i mexü̃gü rü cua̱xruü̃gü i Iraétanüxü̃tanüwa rü guxü̃ma i ngẽma togü i duü̃xü̃gütanüwa nax ngẽmaãcü cutachigaxü̃ca̱x.

Ichaía 63:14

¿Rü ngexcü nixĩ ya yimá Tupanaãxẽ ga mea norü duü̃xü̃güxü̃ rüngü̃xẽẽcü ñoma wocagü i metachinüxü̃gu rüngü̃ẽxü̃rüxü̃? —ñanagürügü. Rü Tupanaãẽ rü mea namaxã inacua̱x rü yemaacü Tupana nüxna nadau ga norü duü̃xü̃gü nax natachigaxü̃ca̱x i naéga i üünexü̃.

Ichaía 63:12

¿Rü ngexcü nixĩ i ñu̱xma ya yima Tupana ga norü poramaxã Moichéxü̃ ümücücü? ¿Rü ngexcü nixĩ ya yimá Tupana ga tachigacü ga yexguma már yapachitamaxẽẽgu nax yachoü̃xü̃ca̱x ga norü duü̃xü̃gü ñoma wüxi i cowaru i paanexü̃wa ixüexü̃ i tama iwĩxĩchixü̃rüxü̃?

Wenaxarü naxümatü ga Tupanaarü mugü 4:34

¿Rü nangẽxmaxü̃ i ta̱xacürü tupana i guxü̃ i nachixü̃anegütanüwa ínanguxü̃xẽxẽxü̃ i wüxitücumü i duü̃xü̃gü nax norü duü̃xü̃gü yaxĩgüxü̃ca̱x? Natürü nüma ga Cori ya perü Tupana rü Equítuanewa pexü̃ ínagaxü̃ naétüwa ga muxü̃ma ga guxchaxü̃gü. Rü inanawe̱x ga norü pora ga yexguma inawéãgu ga cua̱xruü̃gü rü taxü̃ ga mexü̃gü rü ãũcümaxü̃gü rü daigü ga pepe̱xewa Equítuanewa pexca̱x naxüxü̃.

Ínachoxü̃xü̃chiga 18:11

Rü ñu̱xmax rü nüxü̃ chacua̱x nax nüma ya Cori ya Tupana rü guxü̃ma i tupananetagüétüwa nangẽxmaxü̃, yerü nüma ya Tupana rü Iraétanüxü̃xü̃ ínanguxü̃xẽxẽ naxme̱xwa ga yema duü̃xü̃gü ga nagu idaucüraxü̃güxü̃ —ñanagürü.

Ínachoxü̃xü̃chiga 5:2

Natürü ga nüma ga Faraóü̃ rü nanangãxü̃, rü ñanagürü: —¿Texé tixĩ ya yíxema “Cori”, ixĩxẽ, rü ta̱xacüca̱x tá naga chaxĩnü rü chayange̱xgü i ngẽma Iraétanüxü̃ i duü̃xü̃gü? Choma rü tama nüxü̃ chacua̱x i ngẽma Tupana i nachiga pidexagüxü̃ rü taxũtáma chayange̱xgü i ngẽma Iraétanüxü̃ —ñanagürü.

Nüxíraxü̃xü̃ ga popera ga Pedru ümatüxü̃ 5:5

Rü ngẽxgumarüxü̃ ta i pemax, Pa Ngextü̱xücügüx, rü name nixĩ i naga pexĩnüe i ngẽma perü ãẽ̱xgacügü i Tupanaarü puracümaxã icua̱xgüxü̃. Rü guxãma i pema i yaxõgüxü̃, rü name nixĩ i wüxichigü mea pegüga pexĩnüe rü tama pegügu perüxĩnüe nax pemücügüarü yexera pixĩgüxü̃. Erü Tupanaarü ore i ümatüxü̃wa rü ñanagürü: “Tupana rü tama norü me nixĩ i ngẽma duü̃xü̃gü i nügü icua̱xüxü̃güxü̃. Natürü nüxü̃ narüngü̃xẽxẽ rü namaxã namecüma i ngẽma duü̃xü̃gü i tama nügü icua̱xüxü̃güxü̃”, ñanagürü i ngẽma ore.

Romanos 9:17

Rü yexgumarüxü̃ ta ga Tupana rü norü ore i ümatüxü̃wa rü ñanagürü nüxü̃ ga Equítuanearü ãẽ̱xgacü: “Choma rü ãẽ̱xgacüxü̃ cuxü̃ chingucuchixẽxẽ nax cuwa duü̃xü̃güxü̃ nüxü̃ chadauxẽẽxü̃ca̱x i chorü pora. Rü ngẽmaãcü chanaxü nax guxü̃ i duü̃xü̃gü i guxü̃ i naanewa ngẽxmagüxü̃, nüxü̃ cuáxü̃ca̱x i chauchiga”, ñanagürü.

Ngechuchuarü ngúexü̃gü ga yamugüxü̃arü puracüchiga 7:36

Rü nümatama ga Moiché nixĩ ga Equítuarü naanewa ínagaxü̃xü̃ ga nũxcümaü̃güxü̃ ga tórü o̱xigü. Rü Equítuanewa, rü Dauchíüxü̃ ga Márwa, rü chianexü̃wa inanawe̱x ga cua̱xruü̃gü, rü nanaxü ga mexü̃ ga taxü̃gü ga Tupanaarü poramaxã naxüxü̃. Rü nüma ga Moiché rü yemaacü 40 ga taunecü nüxü̃ narüngü̃xẽxẽ ga yema duü̃xü̃gü.

Danié 5:23

Dücax, Pa Ãẽ̱xgacüx, cuma rü Cori ya Tupana ya dauxü̃wa ngẽxmacügu quidauxcüraxü̃. Erü curü duü̃xü̃güxü̃ cuyanuxü̃xẽxẽ i ngẽma naxpáü̃gü ga Tupanapata ya taxü̃nearü ixĩxü̃. Rü ngẽma nüxna cuxuxü̃maxã wüxigu ngẽma naxpáü̃güwa peyaxaxü ga bínu, rü nüxü̃ picua̱xüü̃gü i ngẽma perü tupanachicüna̱xãgü i úirunaxca̱x, rü diẽrumünaxca̱x, rü bróũchenaxca̱x, rü fierunaxca̱x, rü nainaxca̱x rü nutanaxca̱x i ngearü maxü̃ã́xü̃, rü tama tüxü̃ dauxü̃, rü tama tüxü̃ ĩnüxü̃ rü taxuxü̃ma cuáxü̃. Natürü tama nüxü̃ quicua̱xüxü̃ ya yimá Tupana ya naxme̱xwa nangẽxmacü i curü maxü̃ rü namaxã icuácü i guxü̃ma i ta̱xacü icuxüxü̃.

Danié 4:37

Rü ngẽmaca̱x i ñu̱xmax i chomax i Nabucudonochó rü nüxü̃ chicua̱xüxü̃ rü chanataxẽxẽ ya yimá Tupana i dauxü̃guxü̃ i naanewa ãẽ̱xgacü ixĩcü. Erü guxü̃ma i ngẽma naxüxü̃ rü aixcüma name, rü nüxü̃́ natauxcha nax tüxü̃ naxãnexẽẽxü̃ ya yíxema tügü írütagüxe” —ñachagürü.

Echequié 20:9

Natürü chaugünatama chachogü nax tama chanachixexẽẽxü̃ca̱x i chauéga rü ñu̱xũchi tama chixri chauchiga yadexagüxü̃ca̱x ga yema nachixü̃anegü ga Iraétanüxü̃ natanüwa maxẽxü̃. Erü nape̱xewa ga yema nachixü̃anegü rü Iraétanüxü̃maxã chaugü chixu rü chanaxuegu nax Equítuanewa tá íchanagaxü̃xü̃.

Wiyaegü 83:18

Rü ngẽmaãcü tá nüxü̃ nacua̱xgü nax cuxicatama yixĩxü̃ i Cori ya Tupana quixĩxü̃, rü cuxicatama yixĩxü̃ i Guxãétüwa Cungexmaxü̃ i ñoma i naanewa.

Ínachoxü̃xü̃chiga 7:1

Rü yexguma ga Cori ya Tupana rü Moichéxü̃ ñanagürü: —Dücax, choma chanaxwa̱xe nax cuma chauxchicüü Faraóü̃xü̃tawa cuxũxü̃, natürü cuenexẽ ya Aróü̃ tá nixĩ ya yimá cuchicüxü Faraóü̃maxã idexacü.

Ínachoxü̃xü̃chiga 3:20

Rü ngẽmaca̱x tá ichanawe̱x i chorü pora nüxü̃ i Equítuanecüã̱xgü. Rü tá naxca̱x íchananguxẽxẽ i naguxü̃raü̃xü̃ i guxchaxü̃gü i taxü̃ i taguma nüxü̃ idauxü̃. Rü ngẽmawena tá nixĩ i pexü̃ ínamuxü̃xü̃ i Equítuanearü ãẽ̱xgacü.

Ínachoxü̃xü̃chiga 9:16

Rü ñu̱xmarüta cuxü̃ chamaxẽxẽ rü tama cuxü̃ chiima̱x, erü cuxü̃ nüxü̃ chadauxẽẽchaü̃ nax ñuxãcü chaporaxüchixü̃. Erü chaugü nüxü̃ chacua̱xẽẽchaü̃ i guxü̃ma i duü̃xü̃gü i ñaa naanewa maxẽxü̃.

Neemía 9:16

Natürü ga nümagü ga tórü o̱xigü rü nügü nicua̱xüü̃gümare rü taxúega naxĩnüechaü̃ rü tama naga naxĩnüechaü̃ ga yema curü mugü.

Neemía 9:29

Rü cuyaxucu̱xẽgü nax wena yanguxẽẽgüãxü̃ca̱x ga curü mugü. Natürü ga nümagü rü tama inaxĩnüechaxü̃, rü tama nanayauxgüchaxü̃ ga yema curü mugü. Rü yemaacü nüxü̃ naxoe ga curü mugü i maxü̃ tüxna ãxü̃ ya yíxema naga ĩnüxe. Rü naechitamare namaxẽ rü ínayataiãchiarü maxü̃ã̱xgü rü yemaca̱x tama naga naxĩnüe i curü mugü.

Wenaxarü naxümatü ga Tupanaarü mugü 7:19

¡Rü nüxna pecua̱xãchi ga yema taxü̃ ga guxchaxü̃gü rü cua̱xruxü̃gü ga Equítuanewa nüxü̃ pedaugüxü̃, rü yema pora ga Cori ya Tupana pexü̃ wéxü̃ ga yexguma Equítuanewa pexü̃ ínagaxü̃gu! Rü nüma ya perü Cori ya Tupana rü ngẽmatátama namaxã naxü i guxü̃ma i ngẽma duü̃xü̃gü i ñu̱xma pema nüxü̃ pemuü̃exü̃.

Ichaía 42:20

Rü woo nüxü̃ nadaugügu i cua̱xruü̃gü ya Tupana naxca̱x üxü̃, natürü nüxü̃́ nanataxuraü̃gümare. Rü woo Tupanaarü orexü̃ naxĩnüegu, natürü ñoma taxuxü̃ma naxĩnüexü̃rüü̃mare nixĩgü.